Rɔmënyüü 5:5 - Kuö Dëdrä Jenɛɛsë Rutë

⁵ ‑Bɛ plɛgälɩpiepiekʋ 'nyɩ ‑trɔɔrɔ nyɔɔ ‑a, 'be Nyɔsʋa ‑srörö 'Nyüna ‑Susulu 'ɔ ‑nyɩa' amɩ kälɩ 'ɔnya 'fɛrɛ ana polu ‑gälɩ 'ɔa ‑wawakʋ 'kä.

Rɔmënyüü 5:5 Referans Kwoze

Galaatënyüü 4:6

'Be 'anya 'a 'ɔa 'jü bä, 'ia ‑gʋ Nyɔsʋa ja 'ana plɛ ‑gälɩ 'ɔa 'Jʋa ‑Susu. 'A ‑susulu bä 'amɩ 'lɩ 'ia ‑gʋ 'a nö: «Aba, 'na Tʋ».

Filipënyüü 1:20

Dɛɛlɛ 'n ‑glaaa' ‑bɛ 'n 'piea' plɛgälɩ nɩ, 'iibä dɛɛa 'nyüsü ‑nëmä 'mɩ ‑a 'bla. Dɛɛlɛ 'n 'bataa' 'saarɩ nyra 'plɔʋplɔʋ nɩ, 'iibä ‑a srara 'Kriisëa 'bʋabʋakʋ 'na fugbaa 'mlɩ 'taɩn 'lɩ 'n ‑ka fioa' nyra 'na jäjäkʋ 'lɩ.

2 Timotee 1:12

'A 'ia ‑gʋ 'n 'jää 'ia ‑sʋɩ. ‑Maa 'inyɩ 'mɩ 'nyüsü 'wʋ ‑a kä, 'be 'n jre nyɔɔlɔ 'n toroa' plɛ, 'nyaa jre 'iin 'sɩrɩ 'ɔ 'mrɛɛa' 'ɔmäa' diili 'n tɩa' 'ɔɔn ‑gba ‑wälɩ ‑tʋ ‑tʋ ‑a ‑tɔɔ ‑gätʋtaɩn ‑gälɩ.

2 Korɛɛntënyüü 1:22

'Ɔnya ‑tʋ amɩ 'ɔa tie ‑gälɩ. 'Ɔnya ‑tʋ ana plɛklɩ 'ɔa ‑Susu, ‑Susulu nya bä diili 'ɔ nëmäa' amɩ ‑nyɩ, 'ia 'mlɩa 'klɩsadɛɛ.

1 Jaan 4:19

Amɔlɔ nɩ, a ‑wa 'ɔɔn, 'be 'ɔɔ ‑kätɩ ‑wa amɩ.

Ɛfɛsënyüü 1:13

'Ana 'mʋgbɛ 'a toro 'Kriisë plɛ. 'A 'nua' 'cɩcasalä bäa' 'Mʋfagogolä 'baaa' 'lɩ 'amɩ mlɩ nɩ, 'a toro 'Kriisë plɛ, Nyɔsʋa nya ‑tʋ 'amɩ tie nyüü 'mä 'saa jre 'sɩrɩ 'a bäa' 'ɔa nü. Tielɛ nɩ, 'ɛɛ bä 'Nyüna ‑Susulu 'ɔ 'daa käa' 'ɔmäa' amɩ ‑nyɩ.

Akëtë 2:33

Nyɔsʋa nya 'bʋala 'ɔɔn 'ɔnya ‑tʋ 'ɔɔn 'ɔa 'dupa 'lɩ, Tʋ nya ‑nyɩ Jesu 'Nyüna ‑Susu 'sɩrɩ 'ɔ ‑gba käa'. 'Ɔnya ‑gblɔɔ amɩ 'uun ‑gälɩ 'kä, 'a 'ii 'a 'jää ‑plɩɩ 'wʋ ‑bɛ 'a 'nööwli.

Ɛfɛsënyüü 4:30

'Anyɩ pala 'Nyüna ‑Susu sɩɔ. 'Uu Nyɔsʋa nʋ 'ɔnya ‑tʋ 'amɩ 'ɔa tie ‑bɛ 'ɔmä 'amɩ 'ana ‑balʋ mlɩba 'ia ‑srɩ 'lɩ.

Galaatënyüü 5:22

‑Maa wiili ‑Susu 'ciea' amɩ 'lɩ nɩ, 'iibä: ‑wawlakʋ, dɔrʋ, plɛgälɩflɛrɛkʋ, plɛpɩpɛa käkäkʋ, 'cɩcagbia nʋnʋkʋ, ‑gbajijikʋ, plɛtoronyɔɔa bäbäkʋ, ‑gbinanakʋ nyra jre ‑na 'mʋgbɛa 'kpakplakʋ;

Akëtë 2:17

Nyɔsʋa nɩnɩa: ‑jää wiili nëmäa' 'lɩjrä 'täpajrüüa 'mlɩ, 'nyaa 'na ‑Susu nyüüa 'fɩɔ ‑gälɩ 'cerea; 'ana nyɩbɛjü nyra 'ana 'ŋlëkayörü nya 'na mlɩpalanyüü bäa; 'ana ‑sëgbë nya dii dɛrɩjäräa; 'kä 'nyaa 'ana tagbü sanyü ‑gälɩ ja.

2 Tɛsalonikënyüü 2:16

Abɩa ana 'Pläkänyɔɔ Jesu 'Kriisëa 'mʋgbɛ nyra ana Tʋ Nyɔsʋalɔ ‑waa' amɩ ‑bɛ ɔ ‑nyɩa' amɩ 'flɛɛlɩ 'klülü 'nyɩ bɩaraa' nyra 'cɩca plɛpiepiegälɩkʋ,

2 Korɛɛntënyüü 4:6

'Be Nyɔsʋalɔ 'daaa' ‑maa: «Abɩa 'napɛ ŋʋala 'jöjrüükpü 'lɩ!» 'A 'ɔa 'doolɔ 'ɔɔ ŋʋala 'ɔa 'napɛ ana polua 'mlɩ, 'kä 'ɔmä amɩ 'ɔa 'bʋalakʋlʋ ŋʋalaa' Jesu 'Kriisëa 'klʋɩ srara amä 'uun jre.

Rɔmënyüü 8:28

‑Bɛ a jre 'iin 'sɩrɩ wiili kä 'fɩɔ jräa' nyüülü ‑waa' Nyɔsʋa ‑bɛ ü werea' 'sɩrɩ 'ɔ ‑waa' ‑gälɩ nɩ, Nyɔsʋa ‑nyɩgla 'iin 'kä 'imä 'na 'üa ‑gʋ.

1 Korɛɛntënyüü 8:3

‑Maa nyɔɔ ma ‑wa Nyɔsʋa, 'a nyɔɔlɔ Nyɔsʋa jrea'.

2 Korɛɛntënyüü 3:18

Ana 'fɩɔa 'kʋɩa 'nyɩ ‑sisie ‑a ‑sisie, ‑bɛ a 'jäjrä 'Pläkänyɔɔa 'wliklɩbʋabʋakʋ ‑beere ‑titre 'lɩ. 'Cicri a 'cicri 'plɔʋplɔʋ, amä 'Pläkänyɔɔa 'sa bä; a sɔ 'wliklɩbʋalakʋ 'lɩ ‑bɛ a 'jrara 'wliklɩbʋabʋakʋ 'lɩ. 'Pläkänyɔɔlɔ bäa' ‑Susu, 'ɔa 'jrʋpa bäsaa.

Akëtë 10:45

Juifënyüülü toroa' Jesu plɛ ‑bɛ ü falaa' Piɛɛrë nɩ, 'üa plɛklɩkala ‑gböösa dɛɛlɛ kä ‑gʋ Nyɔsʋa 'cerea' 'Nyüna ‑Susu nyüülü 'nyɩa' juifë bä ‑gälɩ.

Rɔmënyüü 1:7

'N ‑jɩjra 'ana 'fɩɔlü bäa' Rɔmë 'wʋ, Nyɔsʋaa ‑wawanyüü 'amɩ, 'amɔ bäa' 'ɔa 'nyünanyüü. 'N 'trɛɛ 'amɩ; abɩa Nyɔsʋalɔ bäa' ana Tʋ nyra 'Pläkänyɔɔ Jesu 'Kriisëa ‑gbinanakʋ nyra plɛgälɩflɛrɛkʋ bä 'amɩ ‑gälɩ!

Rɔmënyüü 9:33

'sɩrɩ 'i ‑jɩjraa': ‑A ‑gbala 'amɩ, 'n ‑tʋ Siɔɔnbätäa 'mlɩ 'täkälä 'kpaaa' nyüü 'kä, 'täkä ‑susugbee 'kpaaa' nyüü 'kä; nyɔɔ o nyɔɔ toroa' 'ɔɔn plɛ nɩ, 'nyüsü ‑nëmä 'ɔmɩ ‑a 'bla.

1 Tɛsalonikënyüü 4:8

'A 'ia ‑gʋ nyɔɔlɔ 'nyɩ ‑trääräa' 'lɩ 'ia 'kpɩkpɩawiili nɩ, ‑mää nyɔɔa wii 'ɔnyɩ 'balɩ ‑maa Nyɔsʋalɔ ‑nyɛɛa' amɩ 'Nyüna ‑Susu, 'ɔa wii 'ɔ 'baalɩ.