Rɔmënyüü 5:21 - Kuö Dëdrä Jenɛɛsë Rutë

²¹ ‑Kätɩsa ‑balʋ ma kälä nyüü 'klü ‑gälɩ 'u ja jäjä, 'asɩ Nyɔsʋaa ‑gbinanakʋ nëmä nyüü 'klügälɩ kälä 'umä 'üün 'klɩgä, 'ümä ana 'Pläkänyɔɔ Jesu 'Kriisë kälɩ ‑srörö 'ümä 'klälä 'nyɩa' blöröfa kä 'jä.

Rɔmënyüü 5:21 Referans Kwoze

Titë 2:11

'Be Nyɔsʋaa ‑gbinanakʋlʋ 'baaa' 'lɩ nyɔɔ mlɩ nɩ, 'uu srara 'ua nyufa nyüüa 'fɩɔ 'klɩ.

Rɔmënyüü 5:14

‑Maa sɔrɔ Adaan a 'taɩn 'lɩ ‑a ji Moisëa 'taɩn 'lɩ nɩ, jäjä kälä kä nyüü 'klü ‑gälɩ, 'palɩ nyüülü 'nyɩa' Adaan a 'sa ‑balʋ nʋ.

Rɔmënyüü 8:10

‑Bɛ 'Kriisë ma bä 'amɩ 'lɩ, ‑bakää 'ana fugba jä ‑balʋa ‑gʋ nɩ, Nyɔsʋaa ‑Susu bä 'ana 'klä 'klɩgägäkʋlʋ Nyɔsʋa ‑nyɩa' 'amɩ 'ia ‑gʋ.

Rɔmënyüü 6:23

‑Balʋa 'pɛpɛɛdɛɛ bä jäjäkʋ; ‑maa dɛɛlɛ Nyɔsʋa ‑nyɛɛɛa' amɩ 'flɛɛlɩ ana 'Pläkänyɔɔ Jesu 'Kriisë 'lɩ nɩ, 'ɛɛ bä 'klälä 'nyɩa' blöröfa kä.

Rɔmënyüü 6:14

'be ‑balʋ ‑ka ‑nëmä 'amɩ 'klü ‑gälɩ ‑a kälä. ‑Dɔ ‑kanyɩ 'kama 'amɩ ‑a, ‑maa Nyɔsʋaa ‑gbinanakʋ 'uu 'kama 'amɩ.

Rɔmënyüü 5:12

'Ii känyrɩ, nyɔɔ 'doo ‑balʋ ‑srörö kälɩ 'unya pa 'pläa 'mlɩ, ‑balʋ nya ja jäjä. Jäjä nya jrä nyüüa 'fɩɔ ‑gälɩ, 'be 'nyüüa 'fɩɔ nʋ ‑balʋ …

Rɔmënyüü 5:17

Jäjä ma kälä nyüü 'klü ‑gälɩ nyɔɔ 'dooa ‑balʋa ‑gʋ nɩ, nyɔɔ 'doo Nyɔsʋa ‑srörö kälɩ 'ɔnya ‑nyɩ nyüü i ‑sia' 'wʋ: nyüülü 'ɔ ‑nyɛɛa' 'ɔa ‑gbinanakʋlʋ 'ɔnyɩ 'mɩsɩa' nyra 'klɩgägäkʋ, 'ünya 'klä 'jäa Jesu 'Kriisëa 'dooa 'nyrɩklɩ 'kä 'ü nyra 'ɔɔn nya 'kama.

1 Piɛɛrë 5:10

‑Maa 'ana ‑sʋɩ ‑nëmä 'lɩ ‑a ‑wlɛ, Nyɔsʋalɔ käa' ‑gbinanakʋa 'fɩɔ, ɔ werea' 'amɩ 'ɔa 'wliklɩbʋabʋakʋlʋ 'nyɩ bɩaraa' Jesu 'Kriisë 'lɩ nɩ, 'ɔnya 'amɩ 'naraa. 'Ɔnya 'amɩ nyɔnyrɔa, 'ɔnya 'amɩ 'wʋsɔɔrɔa, 'kä 'ɔnya 'amɩ 'wʋsɔɔrɔa nyɔɔ ‑pɩɔ 'amɩ käkpa.

Rɔmënyüü 6:16

'Anyɩ 'saa ‑a jre 'ama ‑nyɩ 'ana nyüfë nyɔɔ kälɩ 'amä 'ɔa ‑goou bä nɩ, 'a kä 'amä 'lɩ 'ɔɔn ‑träärä? 'Ama ‑wa 'ba ‑träärälɩ ‑balʋlʋ faa' 'amɩ jäjä mlɩ, 'aiɛ 'ba ‑träärälɩ Nyɔsʋalɔ faa' 'amɩ 'klɩgägäkʋ 'lɩ.

1 Jaan 2:25

‑Bɛ dɛɛlɛ 'ɔ 'daaa' 'ɔmäa' amɩ ‑nyɩ nɩ, 'ɛɛ bä 'klälä 'nyɩa' blöröfa kä.

2 Piɛɛrë 1:1

'Mɔɔ Simɔɔ Piɛɛrë, Jesu 'Kriisëa ‑geei nyra 'ɔa apotrë, 'mɔɔ ‑jɩjra ü kä nyɔsʋaplɛ 'bʋaa' ‑beere ana nɛ 'wʋ. Ana Nyɔsʋa nyra 'Lɩmlɩbanyɔɔ Jesu 'Kriisë 'klɩgägäkʋa 'nyrɩklɩa ‑gʋ a 'klaa 'ia nyɔsʋaplɛlɛ.

Ebröönyüü 4:16

'Ii känyrɩ, ŋalɛ 'nyɩ 'bla amɩ, a jijrö ana ‑gbina Nyɔsʋa 'kɩɩkpata ‑gba, 'ɔmä amɩ nyatɛplɛ nyra ‑gbinanakʋ ‑nyɩ. 'Ɔnya amɩ ‑gbajia 'ia ‑srɩ 'lɩ.

Rɔmënyüü 4:13

Nyɔsʋa ‑gbala Abraamë nyra 'ɔa 'jü ‑maa 'ɔnya 'üün 'blɩa 'fɩɔ ‑nyɩa, 'a 'üa ‑jaaa. ‑Mää dɛɛlɛ kä ‑gʋ Abraamë ‑trääräa' 'lɩ ‑dɔ nɩ, ‑mää 'ia ‑gʋ 'ɔnyɩ 'iin pa, ‑maa 'ɔa nyɔsʋaplɛtorokʋa ‑gʋ Nyɔsʋa 'dara 'ɔɔn 'klɩgänyɔɔ.

Jaan 10:28

'N ‑nyɛɛ 'üün 'klälä 'nyɩa' blöröfa kä; 'ü ‑nëmä jä ‑a jä 'plɔʋ. Nyɔɔ ‑nëmä bɩa 'mɩ 'üün kälɩ ‑a 'ba.

Rɔmënyüü 6:12

'Anyɩ 'cɛrɛ ‑balʋ ‑wälɩ 'unyɩ kälä 'ana fugbalä 'mäa' ‑srɩɩ jä 'klü ‑gälɩ, ‑bɛ 'anyɩ 'dara 'äa dɛɛnyükäkäkʋ wii.

Matiö 25:46

'Üülü nɩ, 'ümä 'pɔnɩkʋ 'jä 'plɔʋplɔʋa ‑gʋ, 'kä 'klɩgänyüü nya 'klälä 'nyɩa' blöröfa kä 'jä.»

Jaan 1:14

Nyɔsʋaa 'Papawiili nya srörö nyɔɔ 'lɩ, 'ɔnya kʋ ana ‑tɔrʋpɩɔ. Anya 'jä 'ɔa 'wliklɩ 'bʋabʋakʋ; 'wliklɩ 'bʋabʋakʋlʋ Tʋ ‑nyɩa' 'ɔa 'Jʋ 'doo 'doo. ‑Gbinanakʋ ‑bɛ 'cɩcasa 'si 'ɔɔn 'lɩ.