Rɔmënyüü 5:17 - Kuö Dëdrä Jenɛɛsë Rutë

¹⁷ Jäjä ma kälä nyüü 'klü ‑gälɩ nyɔɔ 'dooa ‑balʋa ‑gʋ nɩ, nyɔɔ 'doo Nyɔsʋa ‑srörö kälɩ 'ɔnya ‑nyɩ nyüü i ‑sia' 'wʋ: nyüülü 'ɔ ‑nyɛɛa' 'ɔa ‑gbinanakʋlʋ 'ɔnyɩ 'mɩsɩa' nyra 'klɩgägäkʋ, 'ünya 'klä 'jäa Jesu 'Kriisëa 'dooa 'nyrɩklɩ 'kä 'ü nyra 'ɔɔn nya 'kama.

Rɔmënyüü 5:17 Referans Kwoze

Rɔmënyüü 5:12

'Ii känyrɩ, nyɔɔ 'doo ‑balʋ ‑srörö kälɩ 'unya pa 'pläa 'mlɩ, ‑balʋ nya ja jäjä. Jäjä nya jrä nyüüa 'fɩɔ ‑gälɩ, 'be 'nyüüa 'fɩɔ nʋ ‑balʋ …

1 Korɛɛntënyüü 15:49

‑Bɛ a ‑beerea' ‑mɔlɔ 'ü nʋa' ‑tʋtʋ 'ü nʋa' nɩ, 'asɩ amä ‑beere nyɔɔlɔ sɔa' cɛa 'mlɩ.

Jaan 10:10

'Jejienyɔɔ jö 'ɔmä 'jie, 'ɔmä ‑plɛlɩbö, 'ɔmä dii bʋblɔ. 'Mɔɔlɔ nɩ, 'n ji ‑bablëë 'mä 'klä 'jä, 'klälä kä ‑srɩ 'nyɩa' ‑pɛ.

2 Timotee 2:12

‑Bɛ ama ‑sɔɔrɔwʋ ‑sʋɩa 'mlɩ nɩ, a nyra 'ɔɔn nya 'kɩɩa 'kamakʋ 'lɩ 'nyɛrɛa. ‑Maa ama sɔ 'ɔɔn dɛrɩ nɩ, 'ɔa 'mʋgbɛ nya amɩ dɛrɩ sɔa.

'Nyügälɩjawii 22:5

‑Gbia ‑ka ‑nëmä 'lɩ ‑a bä, 'üa ‑gbʋʋ ‑ka ‑nëmä 'napɛ nyra 'jrʋa 'batakʋ ‑gba ‑a bä, 'be 'Pläkänyɔɔ Nyɔsʋa nëmä 'üün ‑gälɩ ŋʋala, 'kä 'ünya 'kama 'plɔʋplɔʋa ‑gʋ.

Jenɛɛsë 3:6

'Ŋlʋʋ 'jäa' 'sɩrɩ tuulua 'bö 'naa jijikʋa ‑gʋ, ‑bɛ 'u 'naraa' 'nyü ‑gälɩ, ‑bɛ 'u 'naa' wiijejrekʋa ‑nyɩnyɩkʋa ‑gʋ nɩ, 'ɔnya dɔrɔ 'ua 'bö 'wʋ 'ɔnya jidɛɛ, 'ɔnya ‑nyɩ bɩa 'ään 'ɔa dʋɔlɔ bäɩa' 'ɔa ‑gba, 'ɔnya ji 'ään.

'Nyügälɩjawii 20:6

Abɩa dɔrʋ 'bla nyüülü bäa' ü ‑kätɩ sɔa' 'kuaabre, 'üa ‑tɔrʋpɩɔ! 'Üü bä Nyɔsʋaa 'nyünanyüü. 'Sɔɔa në jäjä 'nyɩ 'üün 'klü ‑gälɩ ‑a kälä; 'ünya Nyɔsʋa nyra 'Kriisëa ‑gbɔsapɛrɩnyüü bäa, 'kä 'ü nyra 'ɔɔn nya 'kama ‑sɩa ‑diisɔɔ ‑glʋɩpʋ (1 000).

'Nyügälɩjawii 20:4

'Pɩrɩgälɩ nɩ, 'nyaa 'jä 'kɩɩkpatë; Nyɔsʋa ‑nyɩ nyüülü kʋa' 'lɩ ‑gälɩ 'klü 'ümä nyüüa ‑gä ‑tʋ. 'Nyaa 'jä nyüülü kä 'wia 'ü 'bö böa' 'lɩ, 'üa ‑sisi. Jesua 'cɩcasa nyra nyɔsʋaawiili 'ü 'paaa', 'ia ‑gʋ 'ü 'bla 'üün. 'Ünyɩ mrɛɛlɛ nyra 'ɛa ‑papaa nɛ ‑a ‑pʋpʋa. 'Üa 'dari ‑gba nyra 'üa 'kʋtapra ‑gälɩ 'nyɩ 'ɛa tie ‑a bä. 'Ünya sɔ jäjäa 'mlɩ 'üü ‑bɛ 'Kriisë 'mä 'kama 'kamaa ‑sɩa ‑diisɔɔ ‑glʋɩpʋ (1 000).

'Nyügälɩjawii 3:21

Nyɔɔlɔ nëmäa' 'wʋsi nɩ, 'nyraa 'ɔɔn nya 'na 'kɩɩkpata ‑gälɩ kʋa, 'sɩrɩ 'na 'mʋgbɛ ‑sia' 'wʋ ‑bɛ 'n mia' ‑bɛ 'mɔɔ ‑bɛ 'na Tʋ kʋa' 'ɔa 'kɩɩkpata ‑gälɩ.

1 Piɛɛrë 2:9

‑Maa 'amɔlɔ nɩ, Nyɔsʋaa 'lɩba ‑glügbö 'a bä. 'Kɩɩa 'pɛrɩnyüü 'a bä, ‑tʋtʋ ‑gälɩa ‑glügbölä kä 'nyü 'naa', nyüülü bäa' Nyɔsʋaa nyüü. 'Ɔ 'balɩ 'amɩ 'mʋfa diili 'ɔ nʋa' nɩ, 'amä 'ia ‑gogo 'sa. 'Ɔɔ 'ba 'amɩ 'jöjrüükpü 'lɩ 'ɔnya were 'amɩ 'ɔa 'cɩca 'napɛ 'lɩ.

Filipënyüü 3:9

‑bɛ 'nyaa 'ɔɔn 'mä 'doo bä. Ima bäsaa nɩ, 'Kriisëa plɛtorokʋ 'lɩ 'n ‑gääläklɩ, ‑maa ‑mää ‑dɔa 'lɩträäräkʋ 'lɩ ‑a. Nyɔsʋaaplɛtorokʋ Nyɔsʋa 'jää 'kä 'ɔ ‑nyɛɛ 'klɩgägäkʋ.

1 Timotee 1:14

Ana 'Pläkänyɔɔa ‑gbinanakʋ nya 'si 'mɩ 'klɩ, 'ɔ ‑nyɩ 'mɩ nyɔsʋaplɛtorokʋ nyra ‑wawakʋlʋ bäa' 'Kriisë Jesu 'lɩ.

Jaakë 2:5

'Ba ponyakli 'na plɛ ‑gälɩa ‑wlajü 'amɩ: ‑mää nyüülü 'plä 'daraa' 'pʋablanyüü nɩ, ‑mää 'üün Nyɔsʋa 'nyɩ 'lɩba 'kä 'üa 'bɩɔ 'mä nyɔsʋaplɛtorokʋ bä, ‑bɛ 'ɔa 'plälä 'ɔ tɛrɛa' nyüülü ‑waa' 'ɔɔn, 'ümä 'äa ‑jaaa ji?

'Nyügälɩjawii 1:6

'Ɔ nrörö amɩ 'kamaplä 'lɩ 'ɔnya nrörö amɩ ‑gbɔsapɛrɩnyüü 'lɩ amä 'ɔa Tʋ Nyɔsʋaa 'jrʋpafɛ. Abɩa 'wliklɩbʋbʋakʋ nyra 'klü bä Jesu 'lɩ 'plɔʋplɔʋa ‑gʋ! 'Asɩ i bä.

1 Korɛɛntënyüü 4:8

'Anya 'a dö! 'Anya 'a 'bɩɔ ji! Anyɩ 'amɩ ‑gba ‑a ji 'anya nʋ 'kɩɩ! 'N 'bata 'ba bä 'kasa 'kɩɩ, ‑bɛ ana 'fɩɔ 'mä 'kɩɩ bä, a nyra 'amɩ kɔsɔ!

Rɔmënyüü 6:23

‑Balʋa 'pɛpɛɛdɛɛ bä jäjäkʋ; ‑maa dɛɛlɛ Nyɔsʋa ‑nyɛɛɛa' amɩ 'flɛɛlɩ ana 'Pläkänyɔɔ Jesu 'Kriisë 'lɩ nɩ, 'ɛɛ bä 'klälä 'nyɩa' blöröfa kä.

Rɔmënyüü 5:20

‑Dɔlɔ nɩ, 'u ji bʋbɔgbi 'mä ‑sümlö ‑gböösa. ‑Maa ‑plɩɩlɩ ‑balʋ ‑sümlöa' nɩ, Nyɔsʋaa ‑gbinanakʋ 'papla 'sɔɔwʋ ‑gälɩ.

Matiö 25:34

'Kä 'kɩɩ nya nyüülü bäa' 'ɔa 'dupa 'pɛlɩ ‑gbala: ‹'Ba ji, 'amɔ 'na Tʋ 'paa' 'nɩ; 'ba ji 'amä ‑jaalä 'na Tʋ ‑nyɩa' 'amɩ fa, ä bäa' 'kɩɩplälä 'ɔ tɛrɛa' 'amɩ 'pläa 'käkolofa 'wʋ.

Jenɛɛsë 3:19

‑Na 'klɩa nyasu ‑nëmä kpla, 'kä ‑nya dɛɛ ji, 'asɩ ‑nya nʋ nʋ 'kä ‑nya ‑tʋtʋ 'lɩ dɛrɩ 'blöö. 'Be 'uu 'n nʋ 'nyaa nʋ ‑mɩ. 'Mlʋ ‑bä, ‑nya 'mlʋ 'lɩ dɛrɩ 'blööa.»

Rɔmënyüü 8:39

'aiɛ dɛɛlɛ bäa' cɛ 'lɩ, 'aiɛ ɛ bäa' ‑tʋtʋ 'wʋ, 'aiɛ ‑fälɩa dɛɛ ‑mɩdee 'nyɩ 'lɩ ‑a bɩa i 'ba amɩ Nyɔsʋaa ‑wawakʋlʋ 'ɔ sraraa' amɩ ana 'Pläkänyɔɔ Jesu 'Kriisë 'lɩ kälɩ.

Jenɛɛsë 2:17

‑maa tuulu ‑nyɛɛa' 'cɩcagbia jejrekʋ nyra ‑balʋa jejrekʋ nɩ, ‑nyɩ ji 'ua 'bö! ‑Maa ‑srɩlɩ ‑nëmäa' 'ua 'bö ji 'tasɩrɩ ‑nya jäa.»

Rɔmënyüü 5:15

‑Maa wiili Adaan nʋa' nyra Nyɔsʋaa 'flɛɛlɩa wiiwälɩcɛrɛkʋ 'nyɩ dɛɛ 'dee ‑a bä. Nyɔɔ 'dooa ‑balʋa ‑gʋ nyüü 'kɔkɔmlɛ ma jä nɩ, Nyɔsʋaa ‑gbinanakʋ ‑siwʋ ‑gböösa: nyɔɔ 'doo Nyɔsʋa ‑srörö kälɩ, Jesu 'Kriisëa ‑gbinanakʋ kälɩ 'ɔ ‑srörö 'ɔnya ‑gbäträ 'ɔa ‑gbinanakʋ nyüü 'kɔkɔmlɛ 'wʋ kä.

Rɔmënyüü 6:14

'be ‑balʋ ‑ka ‑nëmä 'amɩ 'klü ‑gälɩ ‑a kälä. ‑Dɔ ‑kanyɩ 'kama 'amɩ ‑a, ‑maa Nyɔsʋaa ‑gbinanakʋ 'uu 'kama 'amɩ.