Rɔmënyüü 4:25 - Kuö Dëdrä Jenɛɛsë Rutë

²⁵ 'Ɔ 'sara ana ‑balʋa ‑gʋ; Nyɔsʋa 'ba 'ɔɔn 'kuaabre 'ɔmä amɩ 'klɩgä 'ɔa 'klɔɔtrʋ.

Rɔmënyüü 4:25 Referans Kwoze

1 Piɛɛrë 3:18

'Kriisëa 'mʋgbɛ 'jä ‑sʋɩ ‑balʋnyüüa ‑balʋa ‑gʋ, 'ɔ nʋ 'imɩ 'wʋ 'doo 'wʋ 'plɔʋplɔʋa ‑gʋ: 'ɔɔ bäa' 'klɩgänyɔɔ, 'ɔ jä nyüülü 'nyɩa' 'klɩgäa ‑gʋ, 'ɔmä 'amɩ Nyɔsʋaa 'pɛlɩ fala. 'Tasɩrɩ 'ɔ jä, ‑maa Nyɔsʋaa ‑Susu nya 'ba 'ɔɔn jäjäa ‑tɔrʋpɩɔ, 'ɔnya bälɩ.

Galaatënyüü 1:4

'Kriisëlɔ 'saa' 'ɔa 'klä ana ‑balʋa ‑gʋ, 'ɔmä amɩ ‑taa bʋbɔplälä kʋa' ‑pɩa 'klü mlɩ 'ba, 'sɩrɩ ana Nyɔsʋalɔ bäa' Tʋ 'bataa'.

2 Korɛɛntënyüü 5:21

Nyɔɔlɔ ‑kaapɩɔa' ‑balʋ nʋ nɩ, Nyɔsʋa bere 'ɔɔn ana ‑balʋ 'wli, 'kä amɔlɔ nyra 'Kriisë bäa' 'doo nɩ, amä 'klɩgä Nyɔsʋaa 'klɩ.

1 Jaan 2:2

'Ɔɔ 'sa 'ɔa nyufa ana ‑balʋa ‑gʋ Nyɔsʋaa 'crɛ nya 'ciewʋ. ‑Mää ana 'dooa ‑gʋ ‑a, ‑maa 'pläa 'fɩɔa ‑gʋ bɩa.

1 Piɛɛrë 2:24

'Ɔa 'mʋgbɛ dɔrɔ ana ‑balʋ 'wʋ 'ɔnya ‑gbötö 'uun 'ɔa 'jajɛ 'lɩ krʋa ‑gälɩ, 'kä ‑balʋa ‑gʋ nɩ, amä ‑beere jäjänyüü, ‑bɛ 'klɩgägäkʋa ‑gʋ nɩ, amä 'lɩbänyüü bä. 'A 'ɔa ‑gbaa 'lɩgaglakʋ 'lɩ 'a 'pʋɔlɔ.

Ɛfɛsënyüü 5:2

'Ba 'nyɛrɛ ‑wawlakʋ 'lɩ, 'sɩrɩ 'Kriisë ‑waa' amɩ. 'Ɔ 'sara 'ɔa nyufa Nyɔsʋa kälɩ ‑gbɔa 'sa ana ‑gʋ; 'ɔ bä ‑gbɔlʋ kä 'nɔnʋ käa' Nyɔsʋa 'tʋ.

'Nyügälɩjawii 1:5

nyra bɩa Jesu 'Kriisëa ‑nyɛɛ. 'Ɔɔ bä nyɔɔlɔ 'nyɩ sɔa' nyɔɔ dɛrɩ ɔ 'jäa' 'ia wiili, 'ɔɔ bä ‑kätɩjʋlɔ sɔa' jäjänyüüa ‑tɔrʋpɩɔ, 'ɔɔ bä 'pläa 'kɩɩa 'Kamanyɔɔ. 'Kriisë ‑wa amɩ, 'ɔnya ‑srörö 'ɔa ‑toru kälɩ 'ɔnya ‑futo amɩ ana ‑balʋa ‑gʋ.

1 Piɛɛrë 1:21

'Ɔɔ 'lɩ 'a toro Nyɔsʋa plɛ; Nyɔsʋalɔ 'baa' 'ɔɔn jäjä 'lɩ ‑bɛ 'ɔ ‑nyɩa' 'ɔɔn 'wliklɩbʋabʋakʋ. 'Ia 'taɩn 'lɩ 'ana plɛtorokʋ nyra plɛgälɩpiepiekʋ 'mä Nyɔsʋa 'lɩ bä.

1 Korɛɛntënyüü 15:17

‑Bɛ 'Kriisë ma 'nyɩ 'kuaabre ‑a sɔ nɩ, 'ana nyɔsʋaplɛ bä 'fëflɛa nɛ, ‑bɛ 'a ‑ka bä 'plɔʋplɔʋ 'ana ‑balʋ 'lɩ.

Rɔmënyüü 8:3

‑Dɔ 'nyɩ 'lɩ ‑a bɩa u nʋ 'iin, 'be 'jajɛ 'fʋmla 'uun. ‑Maa Nyɔsʋa nʋ 'imɩ; ‑balʋa ‑gʋ 'ɔ nrörö 'ɔa 'mʋgbɛa 'Jʋ nyɔɔ 'lɩ ‑beere amɔ ‑balʋnyüü, 'ɔmä ‑balʋlʋ bäa' nyüü 'lɩa ‑gä ‑tʋ.

Matiö 20:28

'Asɩ Nyɔɔa 'Jʋ 'nyɩ bɩa ji ‑a ji 'ɔmä 'jrʋpafɛnyüü kä, ‑maa 'ɔ ji 'ɔmä 'jrʋpafɛnyɔɔ bä, ‑bɛ 'ɔmä 'ɔa 'klä 'sa 'kɔkɔmlɛ 'mä 'lɩmlɩwʋ.»

Ebröönyüü 9:28

'Asɩ 'Kriisë 'sa 'ɔa fugba, ‑gbɔ nya 'sara 'wʋ 'doo 'wʋ 'ɔmä 'lɩ nyüü 'kɔkɔmlɛa ‑balʋ 'ba. 'Ɔnya 'sɔɔwʋ jia, ‑maa ‑mää nyüüa ‑balʋa 'lɩbabakʋa ‑gʋ ‑a, ‑maa nyüülü ‑glaaa' 'ɔɔn 'üü 'ɔ jö 'lɩmlɩbakalɩ.

Rɔmënyüü 5:18

'Ii känyrɩ, 'sɩrɩ ‑balʋ 'doo faa' nyüüa 'fɩɔ 'pɔnɩkʋ 'lɩ nɩ, 'asɩ nyɔɔ 'dooa 'klɩgägäkʋ fa nyüüa 'fɩɔ 'klɩgägäkʋlʋ ‑nyɛɛa' 'kläa 'mlɩ.

Rɔmënyüü 3:25

'A 'Kriisëlɔ Nyɔsʋa ja 'ɔ nrörö ‑gbɔ 'lɩ, 'ɔa ‑toru 'mä 'kägblɔɔ ‑bɛ 'ɔa 'crɛ 'mä 'wʋcie, nyüülü toroa' 'ɔɔn plɛ, 'üa ‑gʋ. Nyɔsʋa nʋ 'imɩ 'ɔmä nyüü ‑gbala 'sɩrɩ 'ɔ ‑gäa' 'klɩ, 'be ‑kätɩsa nɩ, ‑balʋlʋ nyüü ma nöa' nɩ, 'ɔ ma nö 'sɩrɩ 'ɔnyɩ 'jäa' 'üün 'wʋ, 'be ‑glaaa 'ɔ ma ‑glaaa.

'Nyügälɩjawii 5:9

‑Bɛ 'ü brɛ 'dʋ dëdrä: «‑Wʋʋ ‑pɔɔkʋlʋa 'wʋdɔrɔkʋ 'klɩ, ‑nya 'wʋ kpasradiilia ‑jejiekʋ 'klɩ, 'be 'ü 'bla ‑mɩ, ‑nya nʋ ‑na ‑toru ‑nya ‑su amɩ Nyɔsʋaa ‑gʋ, amɔ bäa' ‑glügbüa 'fɩɔa nyüü, ü 'paaa' nyüüa mlɩa 'papawiia 'fɩɔ, ‑tʋtʋ ‑gälɩa nyüüa 'fɩɔ, nyra ‑tʋtʋ ‑gälɩa ‑glügbüa 'fɩɔa.

Titë 2:14

'Ɔ 'sa 'ɔa nyufa ana ‑gʋ, 'ɔnya 'ba amɩ ‑balʋa 'fɩɔ ‑gälɩ 'ɔmä amɩ kpëtä. 'Ia 'taɩn 'lɩ anya 'ɔa ‑glügbölä 'ɔ 'baaa' 'lɩ bäa, 'kä anya kli 'cɩcagbia nʋnʋkʋa ‑gʋ.

Galaatënyüü 3:13

'Kriisë 'ba amɩ ‑dɔa busukʋ ‑gälɩ; busukʋlʋ nëmä ɩa' amɩ ‑gälɩjrä nɩ, 'ɔɔ 'u jrä ‑gälɩ. 'Be nyɔsʋapɔɔkʋ nɩnɩa: «Nyɔɔ o nyɔɔ nëmäa' tuu ‑gälɩ järä, abɩa busukʋ jrä 'ɔɔn ‑gälɩ».

'Nyügälɩjawii 7:14

'Nëma: «'Pläkänyɔɔ, ‑mɔ jre 'iin.» 'Ɔ ‑nëma: «Ü kʋa' ‑pɩ nɩ, 'a ü 'jäa' ‑sʋɛ kpaki. 'Ü pɔtɔ 'üa 'koti, 'ünya ‑srörö 'iin ‑Bablëëjʋa ‑toru 'lɩ 'inya 'pɔlɔ.

2 Korɛɛntënyüü 5:15

'Ɔ jä nyüüa 'fɩɔa ‑gʋ, 'kä nyüülü bäa' 'lɩ 'mä 'lɩbä 'ɔa ‑gʋ, 'ümä 'lɩbä 'ɔɔlɔ jäa' ‑bɛ ɔ sɔa' 'kuaabre 'üa ‑gʋ.

Galaatënyüü 2:20

'Mɔɔ ‑bɛ 'Kriisë järä 'wʋ krʋa ‑gälɩ. ‑Ama ‑ka bälɩ nɩ, ‑mää 'mɔɔ ‑kanyɩ 'plä 'wʋ bä, ‑maa 'Kriisë 'ɔɔ bä 'mɩ 'lɩ. 'Na 'klälä 'n 'klaaa' ‑plɩɩ ɔ nɩ, Nyɔsʋaa 'Jʋ 'n toroplɛ ‑bɛ 'n 'nyɛɛ. 'Ɔɔ ‑wa 'mɩ, 'ɔnya 'sa 'ɔa nyufa 'na ‑gʋ.

Ebröönyüü 8:3

‑Gbɔsapɛrɩnyɔɔ kpakö kʋ ‑plɩɩ 'ɔmä nyüüa Nyɔsʋaa ‑pʋpʋadii nyra 'üa ‑gbɔsadii 'wʋdɔdrɔ 'ɔmä 'iin Nyɔsʋa ‑nyɩ. 'Ɔa 'mʋgbɛ kä bɩa dɛɛa 'sasakʋ.