Rɔmënyüü 3:5 - Kuö Dëdrä Jenɛɛsë Rutë

⁵ ‑Maa ima 'daa ana bʋbɔgbili 'ii srara 'sɩrɩ Nyɔsʋa ‑gäa' 'klɩ nɩ, ‑asɩ anya ‑gba le? 'Kä anya 'daa Nyɔsʋa 'nyɩ 'klɩ ‑a ‑gä dɛɛlɛ kä ‑gʋ 'ɔa 'crɛ 'cerea' amɩ ‑gälɩ? 'Sɩrɩ nyɔɔ 'mä ɩa' wii 'pa 'asɩ 'n 'pawii.

Rɔmënyüü 3:5 Referans Kwoze

Rɔmënyüü 6:19

'Ana 'nunukʋ klalɩ, 'a 'ia ‑gʋ 'n 'paa 'saa wii. 'A 'saa' 'klɩ nɩ, 'a nrörö 'ana fugba ‑frepadiia ‑geei 'lɩ ‑bɛ ‑balʋ 'tiere 'amɩ ‑balʋ 'lɩ. 'Ba nrörö ‑mlatɩ 'ana fugba 'klɩgägäkʋa ‑geei 'lɩ ‑bɛ i 'tiere 'amɩ 'klälä 'nyɩa' ‑fre paa 'mlɩ.

Galaatënyüü 3:15

'Na ‑wlajü 'amɩ, ‑jää 'klɩpaplawii: nyüü ma 'pa kuö nɩ, nyɔɔ 'nyɩ 'lɩ ‑a bɩa ɔ 'ba 'ään 'lɩ, 'aiɛ ɔ 'papla 'ään ‑gälɩ.

1 Korɛɛntënyüü 9:8

Wiili 'n 'paa' nɩ, nyüüa ‑dɔa 'doo 'uu 'paa 'imɩ, ‑ale Moisëa ‑dɔ 'nyɩ 'pa bɩa 'imɩ ‑a?

Rɔmënyüü 7:7

‑Bɛ ‑asɩ anya ‑gba le? 'Kä anya 'daa ‑dɔ bä ‑balʋ? 'Klaaklä! 'Ima 'nyɩ ɩ ‑dɔa ‑gʋ ‑a bä ɩ nɩ, 'nëmä ɩ ‑balʋ ‑a jre. 'Be ‑dɔ ma 'nyɩ ɩ 'daa: «'A 'nɩ kä dɛɛnyü», 'nëmä dɛɛlɛ bäa' dɛɛnyükäkäkʋ ‑a jre.

Rɔmënyüü 4:1

Abraamëlɔ bäa' ana tʋ 'jajɛa 'pɛlɩ nɩ, ‑asɩ anya 'ɔa ‑gʋ ‑gba le? Dɛplɛɛ 'ɔ 'järä 'lɩ 'mlɩ le?

Rɔmënyüü 2:5

‑Na 'nyakliwlisusukʋ nyra ‑na plɛlɛ 'nyɩ 'cicia' nɩ, 'ia ‑gʋ 'ɔa 'crɛ bä ‑mɩ ‑gälɩ ‑bɛ ‑glaaa Nyɔsʋaa 'crɛa srara ‑srɩa 'taɩn 'lɩ 'ɔmäa' nyüüa ‑gä ‑tʋ 'klɩgäsa.

'Nyügälɩjawii 18:20

Abɩa cɛ bä dɔrʋ 'lɩ 'äa ‑gʋ! Abɩa nyɔsʋaanyünanyüü, nyra apotrëɩɩ, nyra nyɔsʋaamlɩpalanyüü bä bɩa dɔrʋ 'lɩ, 'be ‑balʋlʋ 'ä nʋa' 'amɩ ‑gba, 'ua ‑gʋ Nyɔsʋa 'bö 'äa ‑gä!

'Nyügälɩjawii 15:3

'Ü brɛ Nyɔsʋaa 'jrʋpafɛnyɔɔ Moisëa 'dʋ nyra ‑Bablëëjʋa 'dʋ: «'Pläkänyɔɔ, 'Nɩmrɛɛ Nyɔsʋa, ‑na 'jrʋpa 'bʋa 'änya 'na 'mʋfasa! ‑Tʋtʋ ‑gälɩa ‑glügbüa 'fɩɔa 'Kɩɩ, wiili ‑nöa' ‑gäklɩ 'inya bä 'cɩcasa!

1 Korɛɛntënyüü 15:32

Ima 'daa 'sɩrɩ nyüü boboa', 'asɩ ama bobo ɩ nɩ, dɛplɛɛ kä ‑gʋ 'nyraa Ɛfɛsënyüü 'mä 'wlitotro ‑gböösa ‑beere 'klʋɛɛa mlaa le? Dɛplɛɛ 'imä 'mɩ ‑nyɩ le? 'Be jäjänyüü 'nyɩ sɔwʋ ‑a ‑o, 'nyaa ɩ 'daa: «A jidɛɛ, a 'mla, 'be anya ‑pɩ jäa.»

Rɔmënyüü 12:19

'Na ‑wawanyüü 'amɩ, 'ana 'mʋgbɛ 'nyɩ ‑fu ana 'wlia tou, 'ba 'cɛrɛ Nyɔsʋaa 'crɛ ‑wälɩ ɛ ji. 'I ‑jɩjra: 'Pläkänyɔɔ nɩnɩa: «'Mɔɔ ‑fuuö 'ana 'wli 'lɩa tou. 'Nyaa 'ua 'kpa 'saa.»

Rɔmënyüü 6:1

‑Bɛ ‑a 'jä 'iin le? 'Kä anya 'daa amä ‑balʋ nʋa 'doo ‑bɛ Nyɔsʋa 'mä 'ɔa ‑gbinanakʋ ‑gälɩ 'paplaa?

Rɔmënyüü 3:19

‑Bɛ a jre 'iin 'sɩrɩ wiili kä 'fɩɔ ‑dɔ 'paaa' nɩ, nyüülü kä 'fɩɔ bäa' ‑dɔ ‑wälɩ 'üü 'u 'daa, nyüüa 'më 'mä blörö ‑bɛ 'pläa 'fɩɔ ‑pɩ ‑gä kä Nyɔsʋaa 'klɔɔtrʋ.

Rɔmënyüü 3:7

‑Bɛ ima 'daa 'na ‑gbagblɛlɛ 'ɛɛ srara Nyɔsʋaa 'cɩcasa ‑bɛ 'ɛ 'papla 'ɔa 'wliklɩbʋabʋakʋ ‑gälɩ nɩ, dɛplɛɛ kä ‑gʋ 'na ‑gä 'mä 'sɔɔwʋ ‑träärä ‑beere ‑balʋnyɔɔ le?

Jenɛɛsë 18:25

‑Nyɩ 'lɩ ‑a bɩa ‑a ‑nʋ 'sama wii 'plɔʋ: ‑nëmä 'klɩgänyüü ‑balʋnyüü ‑a 'cakla ‑bɛ ‑mä 'üün bʋblɔ! Abɩa 'ia bobowiili tʋŋlɔ ‑mɩ 'lɩ dɛrɩ! Nyɔɔlɔ ‑tʋʋäa' 'pläa 'fɩɔa ‑gä nɩ, 'ɔɔ 'nyɩ nʋ wiili ‑gäa' 'klɩ?»

Rɔmënyüü 5:8

‑Maa ‑jäsɩ Nyɔsʋa srara amɩ 'sɩrɩ 'ɔ ‑waa' amɩ: 'taɩn 'lɩ a ‑ka bäa' ‑balʋnyüü nɩ, 'a 'ia 'taɩn 'lɩ 'Kriisë jä ana ‑gʋ.

Rɔmënyüü 8:31

‑Asɩ anya 'ia ‑gʋ ‑gba le? Nyɔsʋa ma bä amɩ dɛrɩ nɩ, nyɔɔ 'plɛɛ 'mä amɩ 'nyüamlɩjrara le?

Rɔmënyüü 9:30

‑Bɛ ‑asɩ anya ‑gba le? Nyüülü 'nyɩa' juifë bä, 'ünyɩ 'bataa' 'klɩgänyüüa bäbäkʋ, 'a 'ü 'jä 'klɩgägäkʋ, 'klɩgägäkʋlʋ Nyɔsʋa ‑nyɛɛa' nyɔsʋaplɛtorokʋ 'lɩ.

2 Korɛɛntënyüü 6:4

‑Maa a srara wiili kä 'fɩɔ a nöa' a 'mlɩ 'sɩrɩ a bäa' Nyɔsʋaa 'jrʋpafɛnyüü: plɛblöblökʋ 'lɩ a ‑gbötö ‑sʋɩlɩ kä 'fɩɔ a 'jääa'; bʋbɔwii, ŋalɛ,

2 Korɛɛntënyüü 7:11

'Ba 'jä diili 'u nröröa' 'ana fugba 'lɩ Nyɔsʋa 'klɩ: 'a 'bata 'mʋfagbia nʋnʋkʋ, 'anyɩ ‑plɩɩ ‑a 'nyüglö. 'A 'bata 'ana 'nyrɩa 'lɩmlɩbabakʋ, 'crɛ, ŋalɛ, 'ana plɛ 'sosowʋ 'amä 'mɩ 'jä, 'ana fumökʋ, ‑balʋa 'pɔnɩkʋa 'tʋ! 'A srara 'ana nʋnʋgbia 'fɩɔa 'mlɩ 'sɩrɩ 'anyɩa' 'ia wiilia 'mlɩ bä.

Galaatënyüü 2:18

'Be ‑dɔ 'na 'mʋgbɛ ‑gbloooa', ama 'patä ama 'palɩ 'umɩ nɩ, 'nyaa 'na 'mʋgbɛ ‑dɔgälipɩnyɔɔ 'lɩnrörö.