Rɔmënyüü 3:4 - Kuö Dëdrä Jenɛɛsë Rutë

⁴ 'Büa! A kä amä 'saa jre Nyɔsʋa bä 'cɩcasa, ‑bɛ nyüüa 'fɩɔ kä ‑gbagblɛ 'sɩrɩ 'i ‑jɩjraa' Nyɔsʋaa ‑pɔɔkʋ 'lɩ: Nyüü 'mä 'iin jre 'sɩrɩ ‑bäa' 'cɩcasa ‑na 'papawiia 'mlɩ, ‑bɛ ‑mä 'wʋsi 'taɩn 'lɩ 'ümäa' ‑na ‑gä ‑tʋ .

Rɔmënyüü 3:4 Referans Kwoze

Galaatënyüü 2:17

Ama 'bata Nyɔsʋa 'mä amɩ 'kpla ‑beere nyüülü ‑gäa' 'klɩ 'Kriisë 'lɩ nɩ, ‑bɛ ana 'mʋgbɛ ma ‑ka bä ‑balʋ 'lɩ nɩ, 'kä anya 'daa 'Kriisë 'ɔɔ 'tiere amɩ ‑balʋ mlɩ? 'Klaaklä!

Ebröönyüü 6:18

'A 'ia dii 'sɔɔlüa ‑gʋ, i kä 'mlɩ Nyɔsʋa 'nyɩa' 'lɩbɩa 'ɔmäa' ‑gbagblɛ kä nɩ, ama 'jä 'iin 'i 'jrara ana 'klü ‑gböösa, amɔlɔ fɔlɔa' plɛgälɩpiepiekʋlʋ 'ɔ ‑tʋa' ana 'klɔɔtrʋ dɛrɩ.

Titë 1:2

'Ia 'taɩn 'lɩ 'ünya 'üa plɛ 'klälä 'nyɩa' blöröfa kä ‑gälɩ 'piea. 'Klälä nɩ, ‑tʋtʋ ‑kaaŋlʋ kä 'lɩbä Nyɔsʋalɔ 'nyɩ käa' ‑gbagblɛ ‑nëma 'ɔnya kä amɩ 'ään ‑nyɩa.

Jaan 3:33

Nyɔɔlɔ 'baaa' 'ɔa mlɩa wii nyɔɔ 'wʋ nɩ, 'ia nyɔɔlɔ srara amɩ 'sɩrɩ Nyɔsʋa bäa' 'cɩcasa.

'Nyügälɩjawii 3:7

«‑Jɩjra 'aanjëlɔ bäa' Filadɛlëfiibätäa 'cɛcɩa 'wli 'klɩ 'wʋ; ‑gbala 'ɔɔn ‑maa: «'Nyünanyɔɔ, 'Cɩcanyɔɔ, nyɔɔlɔ 'klaaaa' Daviidëa 'sapɛ, ɔma 'saa' dɛɛ ‑bɛ nyɔɔ 'nyɩa' 'lɩbɩa 'ɔmäa' 'ɛɛn 'pa, ‑bɛ 'ɔ ma 'paa' dɛɛ nyɔɔ 'nyɩa' 'lɩbɩa 'ɔmäa' 'sa, ‑jäsɩ 'ɔ ‑gbaa:

1 Jaan 5:20

A jre bɩa 'iin 'sɩrɩ Nyɔsʋaa 'Jʋ jia', 'sɩrɩ 'ɔ ‑nyɩa' amɩ 'lɩgaglakʋ, amä 'cɩca Nyɔsʋa jre. 'Ɔa 'Jʋ Jesu 'Kriisë 'lɩ a bä; 'a 'ia ‑gʋ a bä 'cɩca Nyɔsʋa 'lɩ. 'Ɔɔ bä 'cɩca Nyɔsʋa nyra 'klälä 'nyɩa' blöröfa kä.

Rɔmënyüü 9:14

‑Asɩ anya ‑gba le? 'Kä anya 'daa Nyɔsʋa 'nyɩ 'klɩ ‑a ‑gä? 'Klaaklä!

1 Jaan 5:10

Nyɔɔlɔ toroa' Nyɔsʋaa 'Jʋ plɛ nɩ, 'ɔ jre 'iin 'ɔa plɛklɩ 'sɩrɩ 'i bäa' 'cɩcasa. Nyɔɔlɔ 'nyɩ toroa' Nyɔsʋa plɛ nɩ, ‑gbagblɛkänyɔɔ 'ɔ 'dara 'ɔɔn, 'be wiili Nyɔsʋa 'saa' 'lɩ 'ɔa 'Jʋa ‑gʋ, 'ɔnyɩ 'dara 'iin wii ‑a.

Galaatënyüü 2:21

'Nyɩ 'ba ‑plɩɩ Nyɔsʋaa ‑gbinanakʋ ‑a, 'be ima 'daa ana ‑dɔa 'lɩträäräkʋ 'uu ‑gäää nyɔɔ 'klɩ nɩ, 'fëflɛsa 'Kriisë jä 'la!

Rɔmënyüü 6:15

‑Asɩ le? ‑Dɔ ‑kanyɩ 'kamaa' amɩ ‑bɛ Nyɔsʋaa ‑gbinanakʋ 'kamaa' amɩ ɔ nɩ, 'a 'ia ‑gʋ amä ‑balʋ nʋ? 'Klaaklä!

Rɔmënyüü 3:31

‑Bɛ ima bäsaa nɩ, 'a ‑dɔ a ‑gblooo? ‑Mää 'sɩ 'inyɩ bä! ‑Dɔ a 'sreekä.

Matiö 11:19

Nyɔɔa 'Jʋ nya ji, 'ɔ jödɛɛ, 'ɔ 'mlaa, 'kä 'a nö: ‹‑Jää nyɔɔ jöa' jijri, 'nʋmlanyɔɔ ‑susugbee, dapookälɩpɛrɛnyüü nyra ‑balʋnyüüa ‑bei!› 'Lɩgaglakʋa nʋnʋdii 'ii srara 'sɩrɩ 'lɩgaglakʋ ‑gäa' 'klɩ.»

Galaatënyüü 6:14

'Mɔɔlɔ nɩ, 'nyɩ 'bata 'na nyufaa srarakʋ ‑a, ima 'nyɩ ana 'Pläkänyɔɔ Jesu 'Kriisëa krʋaa ‑gʋ ‑a bä. 'Äa ‑gʋ 'pläa 'mlɩa diia 'fɩɔ ‑beere jäjädii 'na 'klɩ. ‑Bɛ 'na 'mʋgbɛ 'n ‑beere jäjänyɔɔ 'pläa 'mlɩa diia 'klɩ.

Rɔmënyüü 11:1

'Bete 'n 'bete ɔ: Nyɔsʋa 'wʋ 'ɔa ‑glügbö dɛrɩ 'ia ‑gʋ? 'Klaaklä! 'Na 'mʋgbɛ Israɛɛlënyɔɔ 'n bä; Abraamëa ‑gbööli 'n sɔ, Bɛnjamɛɛa ‑glügbö 'klɩ.

2 Korɛɛntënyüü 1:18

Nyɔsʋaa 'mʋgbɛ jre 'imɩ: 'papawiili a ‑gbalaa' 'amɩ 'nyɩ dotro «‑yɛɛ» ‑bɛ «'woo» ‑a bä.

Rɔmënyüü 11:11

‑Jäsɩ 'n 'betea' nɩ: ‑gbɔ juifënyüü ‑gbɔ 'ünya blö? 'Klaaklä! 'Üa ‑balʋa ‑gʋ 'lɩmlɩwʋwʋkʋ 'tɔ nyüülü 'nyɩa' juifë bä 'üa 'pɛlɩ, 'ümä wasä ‑tʋ.

Rɔmënyüü 7:7

‑Bɛ ‑asɩ anya ‑gba le? 'Kä anya 'daa ‑dɔ bä ‑balʋ? 'Klaaklä! 'Ima 'nyɩ ɩ ‑dɔa ‑gʋ ‑a bä ɩ nɩ, 'nëmä ɩ ‑balʋ ‑a jre. 'Be ‑dɔ ma 'nyɩ ɩ 'daa: «'A 'nɩ kä dɛɛnyü», 'nëmä dɛɛlɛ bäa' dɛɛnyükäkäkʋ ‑a jre.

Rɔmënyüü 6:2

'Klaaklä! Anya 'a jä. 'Ii känyrɩ anya 'a ‑balʋa mlɩ 'wʋ. ‑Asɩ a ‑ka 'mä ‑balʋ mlɩ kʋ le?

Lukë 20:16

'Ɔnya jia; 'ɔnya 'jrʋpafɛnyüülü kʋa' ‑pɩ 'blaa, 'kä 'ɔnya 'lɩ 'jrʋpafɛnyüü ‑mölöö ‑tʋ.» Nyüülü 'nua' 'iin 'wli nɩ, 'ü ‑nëma: «'Inyɩ bäsaa!»

Rɔmënyüü 7:13

‑Bɛ dɛɛlɛ 'naa' nɩ, 'ɛɛ bä 'na ‑gʋ jäjäkʋ? 'Klaaklä! ‑Balʋ 'uu ja jäjä. Nyüüa 'fɩɔ 'mä 'saa jre ‑balʋ bä ‑balʋ, 'u ‑srörö 'cɩcasa kälɩ 'umä 'mɩ jäjä ‑nyɩ. 'Asɩ ‑dɔ nʋ 'unya srara 'sɩrɩ ‑balʋa bʋbɔkʋ ‑sesrea' ‑gbʋgbʋmäklɛ.

1 Korɛɛntënyüü 6:15

'Anyɩ 'saa ‑a jre 'sɩrɩ ana fugba bäa' bɩa 'Kriisëa fugbaa 'pɛ ‑mɩdee? 'I 'na ‑plɩɩ 'kä nyɔɔ 'mä 'ɔa fugbalä bäa' 'Kriisëa fugba 'pɛ 'wʋdɔrɔ, 'ɛ nyra 'tutuŋlʋʋa fugba 'mä dɛɛ 'dee bä? 'Klaaklä!

1 Timotee 3:16

‑Yɛɛ, nyɔɔ 'nyɩ 'lɩ ‑a bɩa ɔ blara ana nyɔsʋaplɛtorokʋlʋ kpakulu ‑kanyɩa' ‑sisie 'klɩ: Nyɔsʋa ji 'ɔmä 'ɔa nyufa nyɔɔ 'lɩnrörö, Nyɔsʋa ‑Susu nya srara 'sɩrɩ 'ɔ ‑gäa' 'klɩ. 'Aanjëɩɩ nya 'jä 'ɔɔn, nyüü 'saralɩ 'ɔa ‑gä nyüülü 'nyɩa' juifë bä. ‑Tʋtʋgälɩ nyüü toro 'ɔɔn plɛ, cɛa 'mlɩ 'lee 'ɔnya 'jrara Nyɔsʋaa 'bʋalakʋ 'lɩ.