Rɔmënyüü 3:28 - Kuö Dëdrä Jenɛɛsë Rutë

²⁸ ‑Jäsɩ a ‑gbaa' nɩ: nyɔsʋaplɛtorokʋa ‑gʋ nyüü ‑gäklɩ, ‑maa ‑mää ‑dɔa 'lɩträäräkʋa ‑gʋ ‑a.

Rɔmënyüü 3:28 Referans Kwoze

Titë 3:7

amä 'saa jre 'sɩrɩ anya ‑jaaa bäa' 'klälä 'nyɩa' blöröfa kä 'jä. A 'pie 'iin plɛ ‑gälɩ 'be Nyɔsʋa ‑gä amɩ 'klɩ 'ɔa ‑gbinanakʋ 'lɩ.

Galaatënyüü 2:16

‑Bɛ a jre 'iin 'sɩrɩ ‑dɔa 'lɩträräkʋ 'nyɩ ‑gä 'a amɩ 'klɩ Nyɔsʋaa 'klɔɔtrʋ. ‑Maa Jesua plɛtorokʋ 'lɩ nyɔɔ ‑srörö 'kä 'ɔ ‑gäääklɩ Nyɔsʋaa 'klɔɔtrʋ. Ana 'mʋgbɛlɔ nɩ, Jesu 'Kriisë a toroplɛ, 'a 'ɔa plɛtorokʋa ‑gʋ Nyɔsʋa nya 'mä amɩ 'jä ‑beere 'klɩgänyüü. ‑Maa ‑mää 'kä ‑dɔa 'lɩträäräkʋa ‑gʋ ‑a. 'Be ‑mää ‑dɔa 'lɩträäräkʋ Nyɔsʋa 'nyɩ tɛklɩ ‑bɛ 'ɔnyɩ 'daa nyɔɔlɔ kʋa' ‑pɩ ‑gäklɩ.

Galaatënyüü 3:24

'Asɩ ‑dɔ nʋ 'unya ‑gälä amɩ 'nyiöli ‑gälä ‑gälä 'Kriisë nya ji, 'kä ama toro 'ɔɔn plɛ nɩ, amä 'klɩgä.

Galaatënyüü 3:8

Nyɔsʋapɔɔkʋ 'a kä 'iin 'pa: nyüülü 'nyɩa' juifë bä üma toro Nyɔsʋa plɛ nɩ, 'ünya 'klɩgäa. 'Unya ‑gbala kä Abraamë 'mʋfagogolä: «‑Mɔ 'nëmä kälɩsrörö 'mä ‑tʋtʋ ‑gälɩa ‑glügbüa 'fɩɔ 'nɩ 'pa.»

Jaakë 2:24

'Anya 'iin 'jää; nyɔɔa nʋnʋgbia ‑gʋ Nyɔsʋa nö 'ɔ ‑gäklɩ, ‑mää 'ɔa nyɔsʋaplɛtorokʋa 'dooa ‑gʋ ‑a.

Rɔmënyüü 3:26

'Ɔ nʋ 'imɩ 'ɔmä 'saarɩ nyüü 'ɔa 'klɩgägäkʋ srara. 'Ia 'taɩn 'lɩ nɩ, 'ɔ ‑gäklɩ ‑bɛ 'ɔ ‑gäää bɩa nyɔɔlɔ toroa' Jesu plɛ 'klɩ.

Filipënyüü 3:9

‑bɛ 'nyaa 'ɔɔn 'mä 'doo bä. Ima bäsaa nɩ, 'Kriisëa plɛtorokʋ 'lɩ 'n ‑gääläklɩ, ‑maa ‑mää ‑dɔa 'lɩträäräkʋ 'lɩ ‑a. Nyɔsʋaaplɛtorokʋ Nyɔsʋa 'jää 'kä 'ɔ ‑nyɛɛ 'klɩgägäkʋ.

Rɔmënyüü 8:3

‑Dɔ 'nyɩ 'lɩ ‑a bɩa u nʋ 'iin, 'be 'jajɛ 'fʋmla 'uun. ‑Maa Nyɔsʋa nʋ 'imɩ; ‑balʋa ‑gʋ 'ɔ nrörö 'ɔa 'mʋgbɛa 'Jʋ nyɔɔ 'lɩ ‑beere amɔ ‑balʋnyüü, 'ɔmä ‑balʋlʋ bäa' nyüü 'lɩa ‑gä ‑tʋ.

Rɔmënyüü 4:5

‑Maa nyɔɔlɔ 'nyɩ ‑fɛa' 'jrʋpa 'pɛpɛɛkʋa ‑gʋ ‑bɛ ɔ toroa' Nyɔsʋalɔ nröröa' ‑balʋnyüü 'klɩgänyüü 'lɩ plɛ nɩ, 'ɔa nyɔsʋaplɛtorokʋ nrörö 'ɔɔn 'klɩgänyɔɔ 'lɩ Nyɔsʋaa 'klɔɔtrʋ.

Ɛfɛsënyüü 2:9

‑mää nyɔɔa 'jrʋpaa ‑gʋ ‑a, nyɔɔ ‑pɩ 'ia ‑gʋ 'lɩgba.

1 Korɛɛntënyüü 6:11

‑Bɛ 'asɩ 'ana ‑tɔrʋpɩɔa ‑mölöö ma bä. ‑Maa 'anya 'a ‑gbafuto, 'anya 'a 'klɩbere Nyɔsʋaa ‑gʋ, 'Pläkänyɔɔ Jesu 'Kriisë nyra Nyɔsʋaa ‑Susua 'nyrɩklɩa ‑gʋ, Nyɔsʋa 'daa 'a ‑gäklɩ.

Rɔmënyüü 5:1

'I 'na, ‑bɛ Nyɔsʋa 'daaa' ‑maa a bä 'klɩgänyüü ana nyɔsʋaplɛtorokʋa ‑gʋ nɩ, 'i känyrɩ 'wlinönrökʋ bä a nyra Nyɔsʋa kɔsɔa ‑tɔrʋpɩɔ ana 'Pläkänyɔɔ Jesu 'Kriisëa 'nyrɩklɩa ‑gʋ.

Jaan 6:40

Wiili 'na Tʋ blɔa' 'mɩ 'bataa' nɩ, 'iibä: nyɔɔ o nyɔɔ 'jäa' 'Jʋ, ‑bɛ ɔ toroa' 'ɔɔn plɛ nɩ, ɔ 'jää 'klälä 'nyɩa' blöröfa kä, ‑bɛ 'pläa bɩarafa 'wʋ 'mä 'üün 'kuaabre 'ba.»

Jaan 5:24

«'Tasɩrɩa 'cɩcasa 'n ‑gbala 'amɩ, nyɔɔlɔ poa' 'na 'papawii 'nyakli ‑bɛ 'ɔ toro nyɔɔlɔ blɔa' 'mɩ plɛ nɩ, 'ɔ kä 'klälä 'nyɩa' blöröfa kä. 'Ɔa ‑gä ‑nëmä ‑träärä ‑a ‑träärä. 'Ia nyɔɔlɔ, 'ɔ 'a jäjä 'lɩ sɔ, 'ɔ 'a 'klä 'lɩ ji.

Jaakë 2:18

‑Maa ‑moloo nya 'daa: «‑Mɔ toro Nyɔsʋa plɛ, ‑bɛ 'mɔɔ kä 'ɛa ‑gbi. Srara 'mɩ ‑na nyɔsʋaplɛtorokʋa 'kpɔ, ‑bɛ 'mɔɔlɔ nɩ, 'mä ‑mɩ 'na nyɔsʋaplɛtorokʋ srara nʋnʋgbi 'lɩ.»

Jaakë 2:20

Nyatɛnyɔɔ! ‑A ‑gbala ‑mɩ nyɔɔ ma 'daa ‑maa 'ɔ toro Nyɔsʋa plɛ, ‑bɛ ɔma 'nyɩ nʋ 'ɛa ‑gbi ‑a nɩ, 'ia nyɔsʋaplɛtorokʋlʋ 'a jä?