Rɔmënyüü 3:25 - Kuö Dëdrä Jenɛɛsë Rutë

²⁵ 'A 'Kriisëlɔ Nyɔsʋa ja 'ɔ nrörö ‑gbɔ 'lɩ, 'ɔa ‑toru 'mä 'kägblɔɔ ‑bɛ 'ɔa 'crɛ 'mä 'wʋcie, nyüülü toroa' 'ɔɔn plɛ, 'üa ‑gʋ. Nyɔsʋa nʋ 'imɩ 'ɔmä nyüü ‑gbala 'sɩrɩ 'ɔ ‑gäa' 'klɩ, 'be ‑kätɩsa nɩ, ‑balʋlʋ nyüü ma nöa' nɩ, 'ɔ ma nö 'sɩrɩ 'ɔnyɩ 'jäa' 'üün 'wʋ, 'be ‑glaaa 'ɔ ma ‑glaaa.

Rɔmënyüü 3:25 Referans Kwoze

1 Jaan 4:10

‑Jää dɛɛlɛ bäa' ‑wawakʋ: ‑mää amɔ 'nyɩ Nyɔsʋa ‑wa, ‑maa 'ɔɔ ‑wa amɩ. Ana ‑wawakʋa ‑gʋ nɩ, 'ɔnya 'sa 'ɔa 'Jʋ ana ‑balʋa ‑gʋ ‑bɛ 'ɔa 'crɛ 'mä 'wʋcie.

1 Jaan 2:2

'Ɔɔ 'sa 'ɔa nyufa ana ‑balʋa ‑gʋ Nyɔsʋaa 'crɛ nya 'ciewʋ. ‑Mää ana 'dooa ‑gʋ ‑a, ‑maa 'pläa 'fɩɔa ‑gʋ bɩa.

Rɔmënyüü 5:9

‑Plɩɩ 'i ‑sia' ‑bɛ Nyɔsʋa 'daaa' a bä 'klɩgänyüü 'ɔa ‑torua ‑gʋ nɩ, ‑asɩ 'Kriisë ‑nëmä bɩa amɩ Nyɔsʋaa 'crɛ mlɩ 'ba le?

Akëtë 17:30

'I 'saa' 'klɩ nɩ, Nyɔsʋa 'cere 'ia 'fɩɔ, 'be nyüü 'nyɩ kä wiili 'ü nöa' ‑a jre. ‑Mlatɩ nɩ, 'ɔ ‑gbala ‑pɩɔa 'fɩɔa nyüüa 'fɩɔ 'ü kä 'ümä ‑balʋ 'pie,

Ebröönyüü 10:4

'Be bruua ‑toru nyra wluuaɩɩa ‑toru 'nyɩ 'lɩ ‑a bɩa u kpëtä ‑balʋ.

'Nyügälɩjawii 13:8

Tʋtʋ ‑gälɩa nyüülü kä 'fɩɔa 'nyrɩ 'nyɩa' ‑Bablëëjʋlɔ 'ü 'blaa' 'pläa 'käkolofa 'wʋa 'kläa ‑pɔɔkʋa 'mlɩ ‑jɩjra, nya 'ɔɔn 'wlitraraa. ‑Pɔɔkʋlʋ nɩ, ‑Bablëëjʋlɔ 'ü 'blaa' 'ɔɔ kä 'uun.

Ebröönyüü 11:7

Noea nyɔsʋaplɛtorokʋa ‑gʋ 'ɔ ko 'mɩɩ 'ɔmä 'ɔa ‑gbööö 'lɩmlɩba. Wiili nëmäa' 'lɩjrä ‑bɛ 'i blöa' ‑fälɩ 'ɔa 'nyü ‑gälɩ nɩ, 'ɔ 'dara 'iin wii ‑bɛ 'i ‑kaaŋlʋ 'lɩjrä. 'Ɔa nyɔsʋaplɛtorokʋa ‑gʋ, 'ɔ srara 'sɩrɩ Nyɔsʋa 'mäa' 'pläa ‑gä ‑tʋ. 'A 'ɔa nyɔsʋaplɛtorokʋa ‑gʋ Nyɔsʋa ‑nyɩ 'ɔɔn 'klɩgänyɔɔ, 'iibä 'ɔa ‑jaaa.

Rɔmënyüü 5:1

'I 'na, ‑bɛ Nyɔsʋa 'daaa' ‑maa a bä 'klɩgänyüü ana nyɔsʋaplɛtorokʋa ‑gʋ nɩ, 'i känyrɩ 'wlinönrökʋ bä a nyra Nyɔsʋa kɔsɔa ‑tɔrʋpɩɔ ana 'Pläkänyɔɔ Jesu 'Kriisëa 'nyrɩklɩa ‑gʋ.

'Nyügälɩjawii 20:15

‑Bɛ nyɔɔ känyrɩ 'nyɩa' 'Kläa ‑Pɔɔkʋ 'lɩ ‑jɩjra nɩ, kapuprʋgba 'lɩ 'ü bere 'ɔɔn.

'Nyügälɩjawii 5:9

‑Bɛ 'ü brɛ 'dʋ dëdrä: «‑Wʋʋ ‑pɔɔkʋlʋa 'wʋdɔrɔkʋ 'klɩ, ‑nya 'wʋ kpasradiilia ‑jejiekʋ 'klɩ, 'be 'ü 'bla ‑mɩ, ‑nya nʋ ‑na ‑toru ‑nya ‑su amɩ Nyɔsʋaa ‑gʋ, amɔ bäa' ‑glügbüa 'fɩɔa nyüü, ü 'paaa' nyüüa mlɩa 'papawiia 'fɩɔ, ‑tʋtʋ ‑gälɩa nyüüa 'fɩɔ, nyra ‑tʋtʋ ‑gälɩa ‑glügbüa 'fɩɔa.

Ebröönyüü 11:14

'Be nyüü ma nʋ 'saa 'üma 'pawii nɩ, 'iibä 'üa ‑wälɩkʋplä 'ü 'bata.

1 Jaan 1:10

‑Bɛ ama 'daa anyɩ ‑balʋ ‑a kä nɩ, ‑gbagblɛnyɔɔ a 'dara 'ɔɔn, ‑bɛ 'ɔa 'papawii 'nyɩ bɩa amɩ 'lɩ ‑a bä.

Ebröönyüü 11:17

Abraamëa nyɔsʋaplɛtorokʋa ‑gʋ 'ɔ 'sara 'ɔa 'jʋ Isaakë ‑gbɔ 'lɩ, 'taɩn 'lɩ Nyɔsʋa tɛa' 'lɩ 'ɔɔn. 'A 'ɔa 'jʋ 'doo 'doo 'ɔ 'saa ɩ ‑bɛ Nyɔsʋa 'a 'kä Abraamë wii ‑gbala 'ɔa 'jʋlɔa ‑gälɩ,

Ebröönyüü 9:5

'Wliklɩbʋa Sɛrubɛɛn 'pepe kuöa 'dokloeelɛa ‑gälɩ. 'Üa ‑pëkatia pɩpɛ ‑sisie ‑plɩɩlɩ 'ü ‑gbagbaa' 'üa ‑balʋa cerekʋa ‑toru 'kä, Nyɔsʋaa 'crɛ 'mä 'wʋcie. ‑Maa ‑mää 'ia 'doorodooa ‑gäa 'papakʋa 'taɩn 'nyɩ ‑pɩ kʋ.

1 Timotee 1:15

‑Jää wiili 'surua', i nyüüa 'fɩɔ käa' 'ümäa' 'kpla: 'Kriisë Jesu ji 'pläa 'mlɩ 'ɔmä 'lɩ ‑balʋnyüü 'mlɩ 'ba. 'Mɔɔ bä 'üa 'wliklɩ.

Rɔmënyüü 5:11

‑Bɛ ‑mää 'ia 'doo ‑a: dɔrʋ 'blaa amɩ Nyɔsʋa 'lɩ, 'ɔ ‑sröröa' ana 'Pläkänyɔɔ Jesu 'Kriisë kälɩ ‑bɛ ɔ nröröa' amɩ 'wli a nyra 'ɔɔn kɔsɔ.

Rɔmënyüü 3:26

'Ɔ nʋ 'imɩ 'ɔmä 'saarɩ nyüü 'ɔa 'klɩgägäkʋ srara. 'Ia 'taɩn 'lɩ nɩ, 'ɔ ‑gäklɩ ‑bɛ 'ɔ ‑gäää bɩa nyɔɔlɔ toroa' Jesu plɛ 'klɩ.

Rɔmënyüü 2:4

‑Ale 'ɔa 'pɔnɩkʋ nyra 'ɔa plɛböblökʋ ‑wlɛɛɛa' 'lɩ, 'ia ‑gʋ ‑paaa 'ɔa ‑gbinanakʋ sawʋ; ‑nyɩ 'saa ‑a jre Nyɔsʋaa ‑gbinanakʋ 'uu 'tiere ‑mɩ ‑balʋa 'piepiekʋ 'lɩ?

Akëtë 4:28

‑Na 'klü nyra 'sɩrɩ ‑baataa', 'ia ‑gʋ nɩ, 'ü nʋ wiili ‑tɩ käa' ‑srɩ dɛrɩ ‑gbaa'.

Akëtë 3:18

‑Maa Nyɔsʋa nʋa' 'saa nɩ, 'a wiili 'ɔ ‑srörö käa' 'ɔa mlɩpalanyüüa 'fɩɔa mlɩ ‑bɛ 'ɔ 'sa käa' 'lɩ nɩ, 'ii 'ɔ nʋ: 'ɔ nɩnɩa kä 'Kriisë nya ‑sʋɩ 'jäa.

Akëtë 15:18

‑bɛ diili kä 'fɩɔ 'ɔ nʋa' , 'i jrerea' 'i 'a 'lɩ ‑wlɛ.

Akëtë 2:23

'Ia nyɔɔlɔ nɩ, 'ɔ 'sara 'amɩ kälɩ 'sɩrɩ Nyɔsʋa tʋ käa' 'lɩ 'imɩ ‑bɛ 'sɩrɩ 'ɔ jre ɩa' 'iin. 'Anya dɔrɔ 'ɔɔn 'wʋ 'anya 'bla 'ɔɔn: nyüülü 'nyɩa' Nyɔsʋa jre, 'üü 'a ‑srörö kälɩ 'anya kolo 'ɔɔn krʋa ‑gälɩ.

Jaan 6:47

'Tasɩrɩa 'cɩcasa 'n ‑gbala 'amɩ, nyɔɔlɔ toroa' 'mɩ plɛ kä 'klälä 'nyɩa' blöröfa kä.

Akëtë 14:16

‑Kätɩsa nɩ, 'ɔ 'cɛrɛ kä ‑glügbüa 'fɩɔ ‑wälɩ 'üa 'mʋgbɛ 'mä kä wiili 'ü ‑waa' nʋ.

Rɔmënyüü 5:18

'Ii känyrɩ, 'sɩrɩ ‑balʋ 'doo faa' nyüüa 'fɩɔ 'pɔnɩkʋ 'lɩ nɩ, 'asɩ nyɔɔ 'dooa 'klɩgägäkʋ fa nyüüa 'fɩɔ 'klɩgägäkʋlʋ ‑nyɛɛa' 'kläa 'mlɩ.

1 Korɛɛntënyüü 5:7

'Ba 'ba 'ana ‑gba ‑kätɩ levurë, 'amä bɔtɔfarinë dëdrä bä. Nyüülü levurë 'nyɩa' 'lɩbä nɩ, 'ia nyüü 'a bä, 'be ana 'Paakëa ‑gʋ 'Kriisë 'sara ‑gbɔ 'lɩ ana ‑gʋ.

2 Korɛɛntënyüü 5:21

Nyɔɔlɔ ‑kaapɩɔa' ‑balʋ nʋ nɩ, Nyɔsʋa bere 'ɔɔn ana ‑balʋ 'wli, 'kä amɔlɔ nyra 'Kriisë bäa' 'doo nɩ, amä 'klɩgä Nyɔsʋaa 'klɩ.

Ɛfɛsënyüü 1:7

'Kriisëa ‑toru Nyɔsʋa ‑srörö kälɩ 'ɔnya 'balɩ amɩ mlɩ, 'ɔɔ 'lɩ Nyɔsʋa cere amɩ ana ‑balʋ, 'ɔa ‑gbinanakʋlʋ ‑siea' 'wli, 'ia ‑gʋ.

Ɛfɛsënyüü 2:13

‑Maa 'köklesaplɩɩ ɔ nɩ, 'amɔ ma tʋŋlɔa' 'lɩ Nyɔsʋa dɛrɩ nɩ, 'Kriisë Jesu 'lɩa bäbäkʋa ‑gʋ nɩ, 'a ‑kanyɩ 'lɩ 'ɔɔn dɛrɩ ‑a tʋŋlɔ, 'Kriisëa ‑torua ‑gʋ.

Ebröönyüü 9:28

'Asɩ 'Kriisë 'sa 'ɔa fugba, ‑gbɔ nya 'sara 'wʋ 'doo 'wʋ 'ɔmä 'lɩ nyüü 'kɔkɔmlɛa ‑balʋ 'ba. 'Ɔnya 'sɔɔwʋ jia, ‑maa ‑mää nyüüa ‑balʋa 'lɩbabakʋa ‑gʋ ‑a, ‑maa nyüülü ‑glaaa' 'ɔɔn 'üü 'ɔ jö 'lɩmlɩbakalɩ.

'Nyügälɩjawii 1:5

nyra bɩa Jesu 'Kriisëa ‑nyɛɛ. 'Ɔɔ bä nyɔɔlɔ 'nyɩ sɔa' nyɔɔ dɛrɩ ɔ 'jäa' 'ia wiili, 'ɔɔ bä ‑kätɩjʋlɔ sɔa' jäjänyüüa ‑tɔrʋpɩɔ, 'ɔɔ bä 'pläa 'kɩɩa 'Kamanyɔɔ. 'Kriisë ‑wa amɩ, 'ɔnya ‑srörö 'ɔa ‑toru kälɩ 'ɔnya ‑futo amɩ ana ‑balʋa ‑gʋ.