Rɔmënyüü 3:24 - Kuö Dëdrä Jenɛɛsë Rutë

²⁴ ‑Maa Nyɔsʋaa ‑gbinanakʋ 'lɩ 'ɔ ‑gä 'üün 'klɩ 'flɛɛlɩ. Jesu 'Kriisë 'ɔ ‑srörö kälɩ 'ɔnya 'balɩ 'üün mlɩ.

Rɔmënyüü 3:24 Referans Kwoze

Kolɔɔsënyüü 1:14

'Ɔɔ känyrɩ anya 'wʋlɩmlɩ: 'iibä 'a 'ɔa ‑gʋ ana ‑balʋ cere.

Rɔmënyüü 5:9

‑Plɩɩ 'i ‑sia' ‑bɛ Nyɔsʋa 'daaa' a bä 'klɩgänyüü 'ɔa ‑torua ‑gʋ nɩ, ‑asɩ 'Kriisë ‑nëmä bɩa amɩ Nyɔsʋaa 'crɛ mlɩ 'ba le?

Titë 2:14

'Ɔ 'sa 'ɔa nyufa ana ‑gʋ, 'ɔnya 'ba amɩ ‑balʋa 'fɩɔ ‑gälɩ 'ɔmä amɩ kpëtä. 'Ia 'taɩn 'lɩ anya 'ɔa ‑glügbölä 'ɔ 'baaa' 'lɩ bäa, 'kä anya kli 'cɩcagbia nʋnʋkʋa ‑gʋ.

Rɔmënyüü 4:16

'A 'ia ‑gʋ nyɔɔa nyɔsʋaplɛtorokʋ kälɩ 'ɔ ‑srörö 'kä 'ɔ jö ‑jaaa, 'ia ‑toko 'mä Nyɔsʋaa ‑gbinanakʋ bä. ‑Bɛ wiili Nyɔsʋa 'daaa' 'ɔmäa' nʋ ‑bɛ 'imäa' Abraamëa 'jüa 'fɩɔa dɛɛ bä nɩ, ‑mää ‑mülü kä 'doo ‑trääräa' 'lɩ ‑dɔ ‑a, ‑maa nyüülü toroa' bɩa Nyɔsʋa plɛ 'sɩrɩ Abraamë toroa' 'ɔɔn plɛ. 'Ɔɔ bä ana 'fɩɔa tʋ,

1 Korɛɛntënyüü 1:30

'Amɔlɔ nɩ, Nyɔsʋa nrörö 'amɩ 'doo 'lɩ 'amɔ ‑bɛ 'Kriisë Jesu 'sɔ; Nyɔsʋa nya nrörö 'ɔɔn 'lɩgaglakʋ 'lɩ ana ‑gʋ, 'ɔɔ Nyɔsʋa ‑srörö kälɩ 'kä 'ɔ ‑gäää amɩ 'klɩ, 'ɔnya bere amɩ 'klɩ amä 'ɔa nyüü bä, 'kä 'ɔ 'baa amɩ ‑balʋ 'lɩ.

Matiö 20:28

'Asɩ Nyɔɔa 'Jʋ 'nyɩ bɩa ji ‑a ji 'ɔmä 'jrʋpafɛnyüü kä, ‑maa 'ɔ ji 'ɔmä 'jrʋpafɛnyɔɔ bä, ‑bɛ 'ɔmä 'ɔa 'klä 'sa 'kɔkɔmlɛ 'mä 'lɩmlɩwʋ.»

1 Timotee 2:6

'ɔ 'sa 'ɔa 'klä ana ‑pi 'lɩ, 'kä nyüüa 'fɩɔ 'mä 'lɩmlɩwʋ. 'Ii srara wiili Nyɔsʋa ‑tʋa' 'lɩ, ‑bɛ i jräa' 'lɩ 'ia 'taɩnlɩ 'ɔ ‑tʋa' 'lɩa 'mlɩ.

1 Korɛɛntënyüü 6:11

‑Bɛ 'asɩ 'ana ‑tɔrʋpɩɔa ‑mölöö ma bä. ‑Maa 'anya 'a ‑gbafuto, 'anya 'a 'klɩbere Nyɔsʋaa ‑gʋ, 'Pläkänyɔɔ Jesu 'Kriisë nyra Nyɔsʋaa ‑Susua 'nyrɩklɩa ‑gʋ, Nyɔsʋa 'daa 'a ‑gäklɩ.

'Nyügälɩjawii 5:9

‑Bɛ 'ü brɛ 'dʋ dëdrä: «‑Wʋʋ ‑pɔɔkʋlʋa 'wʋdɔrɔkʋ 'klɩ, ‑nya 'wʋ kpasradiilia ‑jejiekʋ 'klɩ, 'be 'ü 'bla ‑mɩ, ‑nya nʋ ‑na ‑toru ‑nya ‑su amɩ Nyɔsʋaa ‑gʋ, amɔ bäa' ‑glügbüa 'fɩɔa nyüü, ü 'paaa' nyüüa mlɩa 'papawiia 'fɩɔ, ‑tʋtʋ ‑gälɩa nyüüa 'fɩɔ, nyra ‑tʋtʋ ‑gälɩa ‑glügbüa 'fɩɔa.

'Nyügälɩjawii 7:14

'Nëma: «'Pläkänyɔɔ, ‑mɔ jre 'iin.» 'Ɔ ‑nëma: «Ü kʋa' ‑pɩ nɩ, 'a ü 'jäa' ‑sʋɛ kpaki. 'Ü pɔtɔ 'üa 'koti, 'ünya ‑srörö 'iin ‑Bablëëjʋa ‑toru 'lɩ 'inya 'pɔlɔ.

Rɔmënyüü 4:4

Nyɔɔ ma ‑fɛjrʋpa nɩ, 'ɔa 'pɛpɛɛmölii 'nyɩ 'flɛɛlɩ ‑a bä, ‑maa 'ɔa 'pɛpɛɛdɛɛ bäsaa.

Akëtë 15:11

‑Maa a jresaa 'Pläkänyɔɔ Jesu 'pʋɔ amɩ 'ɔa ‑gbinanakʋ 'lɩ 'sɩrɩ 'ɔ 'pʋɔa' bɩa 'üün.»