Rɔmënyüü 3:23 - Kuö Dëdrä Jenɛɛsë Rutë

²³ Nyüüa 'fɩɔ nʋ ‑balʋ, 'ia ‑gʋ Nyɔsʋa 'ba 'üün 'ɔa 'wliklɩbʋabʋakʋ kälɩ.

Rɔmënyüü 3:23 Referans Kwoze

Rɔmënyüü 3:9

‑Bɛ ‑a 'jä 'iin ɔ le? Amɔ bäa' juifë, 'kä anya 'daa a ‑si 'üün 'wʋ? 'Klaaklä! 'Be anya 'iin srara ɩ 'sɩrɩ juifëa 'fɩɔ nyra nyüülü 'nyɩa' juifë bä bäa' ‑balʋ 'lɩ,

Galaatënyüü 3:22

‑Maa nyɔsʋapɔɔkʋ nɩnɩa ‑balʋ kälä 'pläa 'fɩɔ 'klü ‑gälɩ, 'kä wiili Nyɔsʋa 'daaa' ɔmä 'iin nyüülü toroa' Jesu 'Kriisë plɛ ‑nyɩ.

Rɔmënyüü 11:32

Nyüüa 'fɩɔ 'nyɩ ‑träärälɩ wii ‑a, Nyɔsʋa ‑tʋ 'ümɩ 'iin ‑gälɩ 'ɔmä 'üa 'fɩɔa nyatɛrɩ 'jä.

1 Tɛsalonikënyüü 2:12

a 'jraraa' 'ana 'klü, a ‑sɔɔrɔa' 'ana plɛ 'wʋ ‑bɛ a 'paa 'amɩ ‑tɔɔ 'lɩ 'amä 'nyɛ 'sɩrɩ Nyɔsʋa 'bataa'. 'Ɔɔ we 'amɩ 'amä 'ɔa 'kamaplä nyra 'ɔa 'wliklɩbʋabʋakʋa 'mlɩ pa.

Rɔmënyüü 3:19

‑Bɛ a jre 'iin 'sɩrɩ wiili kä 'fɩɔ ‑dɔ 'paaa' nɩ, nyüülü kä 'fɩɔ bäa' ‑dɔ ‑wälɩ 'üü 'u 'daa, nyüüa 'më 'mä blörö ‑bɛ 'pläa 'fɩɔ ‑pɩ ‑gä kä Nyɔsʋaa 'klɔɔtrʋ.

2 Tɛsalonikënyüü 2:14

'A 'ia ‑gʋ 'ɔ ‑srörö bɩa 'Mʋfagogolä a 'saa' 'amɩ kälɩ 'amä ana 'Pläkänyɔɔ Jesu 'Kriisëa 'wliklɩbʋabʋakʋa 'mlɩ dɛɛ kälä.

1 Piɛɛrë 4:13

‑Maa abɩa dɔrʋ 'bla 'amɩ ‑sʋɩlɩ 'a 'jääa' 'Kriisëa ‑gʋ. 'Ia 'taɩn 'lɩ dɔrʋ nya 'amɩ 'klɩ 'sia 'taɩn 'lɩ 'ɔmäa' ‑srɩɩ ji 'ɔa 'wliklɩbʋbʋakʋ 'lɩ.

Rɔmënyüü 5:2

'A 'ɔa plɛtorokʋa ‑gʋ 'ɔ 'sa amɩ 'ɔa ‑gbinanakʋa 'nyʋfɔa tatu 'klɩ, ‑bɛ a kʋ 'lɩ 'mʋfasa ‑mlatɩ. Dɔrʋ 'blaa amɩ 'be anya ‑pɩ Nyɔsʋaa 'bʋalakʋ 'jäa.

Rɔmënyüü 1:28

‑Bɛ Nyɔsʋa jejrekʋ 'nyɩa' 'üa ‑nyɛɛ ‑gbaa kä nɩ, Nyɔsʋa nya 'cɛrɛ 'üün ‑wälɩ 'üü ‑bɛ 'üa bʋbɔbobowli 'sɔ 'ümä wiili 'nyɩa' nʋnʋsa bä nʋ.

1 Piɛɛrë 5:10

‑Maa 'ana ‑sʋɩ ‑nëmä 'lɩ ‑a ‑wlɛ, Nyɔsʋalɔ käa' ‑gbinanakʋa 'fɩɔ, ɔ werea' 'amɩ 'ɔa 'wliklɩbʋabʋakʋlʋ 'nyɩ bɩaraa' Jesu 'Kriisë 'lɩ nɩ, 'ɔnya 'amɩ 'naraa. 'Ɔnya 'amɩ nyɔnyrɔa, 'ɔnya 'amɩ 'wʋsɔɔrɔa, 'kä 'ɔnya 'amɩ 'wʋsɔɔrɔa nyɔɔ ‑pɩɔ 'amɩ käkpa.

1 Piɛɛrë 5:1

'Mɔɔ bäa' tagbö ‑beere 'cɛcɩtagbülü bäa' 'ana ‑tɔrʋpɩɔ nɩ, 'mɔɔ 'paa 'üün 'klü 'lɩ; 'mɔɔ kä 'nyü 'jäa' bɩa 'Kriisë 'ɔa ‑sʋɩa 'mlɩ, ‑bɛ 'mɔɔ käläa' bɩa 'na nɛ 'pɛ 'wliklɩbʋabʋakʋa 'mlɩ, ɛ nëmäa' 'wʋcrɛrɛ nɩ, ‑jää wiili 'n ‑gbala 'a 'amɩ:

Ebröönyüü 4:1

‑Maa Nyɔsʋa ‑gbala amɩ 'sɩrɩ amäa' 'ɔa ‑fʋflʋpalafa 'wʋ pa; ‑bɛ wiili 'ɔmäa' nʋ ‑ka bäa' ‑plɩɩ nɩ, a ‑tre ana nyüfë. 'Sɩrɩ 'amäa' nʋ ‑bɛ 'ana ‑tɔrʋpɩɔa nyɔɔ ‑pɩa' dɛrɩ tɩɔ nɩ, 'a 'ia 'sa 'ba nʋ!

Jenɛɛsë 8:21

Yawe nya 'kʋɛɛ ɩa' 'mʋfa 'nɔnʋ, 'ɔa plɛklɩ 'ɔ ‑nëma: «'N ‑ka ‑nëmä ‑tʋtʋ ‑a busu nyɔɔa ‑gʋ, 'be kolo 'ɔa ‑sëgbadɛɛ 'lɩ 'kä nɩ, wiili 'ɔa plɛ 'bataa' 'i bʋbɔ. 'N ‑ka ‑nëmä diili kä 'fɩɔ bäa' 'lɩ ‑a ‑gblooo, ‑beere 'sɩrɩ 'n nʋa' ‑plɩɩ.