Rɔmënyüü 2:7 - Kuö Dëdrä Jenɛɛsë Rutë

⁷ Nyüülü nöa' 'cɩcagbi 'plɔʋplɔʋ, ‑bɛ ü 'bataa' 'bʋalakʋ, 'lɩträäräkʋ nyra dɛɛlɛ 'nyɩa' bɩarafa kä nɩ, 'ɔnya 'üün 'klälä 'nyɩa' blöröfa kä ‑nyɩa.

Rɔmënyüü 2:7 Referans Kwoze

Lukë 8:15

'Mʋfatʋtʋlʋ kä ‑gälɩ 'jaju böblöa' nɩ, 'a ‑mülü nʋa' 'üa plɛ ü 'kplaa' nyɔsʋaawii 'cɩcasa, 'ünyɩ ‑trɔa' 'iin, ‑bɛ 'ü tʋäa' ‑bakää ‑sʋɩ bälɩ.

2 Timotee 1:10

'U crɛrɛwʋ 'saarɩ 'taɩn 'lɩ ana 'Pläkänyɔɔ Jesu 'Kriisë sraraa' 'ɔa nyufa. 'Ɔɔ bʋblɔ jäjäa 'klü, 'ɔnya ‑srörö 'Mʋfagogo kälɩ 'ɔnya ja 'klä ‑srɩ 'klɩ, 'klälä 'nyɩa' blöröfa kä 'plɔʋ.

1 Korɛɛntënyüü 15:58

'Ii känyrɩ 'na ‑wawawlajü 'amɩ, 'ba ‑sɔɔrɔwʋ, 'ba 'nyüglö nyɩbɛsa. 'Ba kpɛrɛ 'ana nyüfë 'taɩn a 'fɩɔ 'lɩ, 'amä 'Pläkänyɔɔa 'jrʋpa ‑fɛ. 'A jre 'iin 'sɩrɩ 'jrʋpalä 'a ‑fɛɛɛa' 'nyɩa' 'fëflɛsa bä.

Rɔmënyüü 6:23

‑Balʋa 'pɛpɛɛdɛɛ bä jäjäkʋ; ‑maa dɛɛlɛ Nyɔsʋa ‑nyɛɛɛa' amɩ 'flɛɛlɩ ana 'Pläkänyɔɔ Jesu 'Kriisë 'lɩ nɩ, 'ɛɛ bä 'klälä 'nyɩa' blöröfa kä.

Kolɔɔsënyüü 1:27

Nyɔsʋa 'bata 'ɔmä 'üün 'wliklɩbʋaa 'bɩɔlʋ 'ɔ ‑sisie ɩa' srara, u 'ɔ tɛrɛa' nyüülü 'nyɩa' juifë bä. ‑Jää wiili 'ɔ ‑sisie ɩa': 'Kriisë bä 'amɩ 'lɩ; 'ii 'sree plɛ 'kä 'sɩrɩ amäa' Nyɔsʋa 'wliklɩbʋabʋakʋ 'jä.

Galaatënyüü 6:9

'Ii känyrɩ, anyɩ fio 'cɩcagbia nʋnʋkʋ ‑a ‑gʋ. Ama 'nyɩ 'ia ‑gʋ ‑a fio nɩ, 'ia 'taɩn ma jrä ‑srɩɩ 'lɩ anya 'iin jia.

Rɔmënyüü 8:18

‑A ‑gbala 'amɩ, ama 'jä 'köklesaplɩɩa ‑sʋɩ nyra 'wliklɩbʋabʋakʋlʋ Nyɔsʋa 'mäa' 'amɩ srara nɩ, 'inyɩ pɛprɛ ‑a pɛprɛ;

Rɔmënyüü 2:10

‑Maa nyɔɔ o nyɔɔ nöa' 'cɩcagbi nɩ, Nyɔsʋa nya 'ɔɔn 'bʋalaa, 'ɔnya 'ɔɔn 'nyrɩ nyra fugbaflɛrɛkʋ ‑nyɩa, kolo juifë ‑gälɩ 'kä 'fɩɔwʋ, ‑a ‑tɔɔ nyüülü 'nyɩa' juifë bä ‑gälɩ.

1 Jaan 2:25

‑Bɛ dɛɛlɛ 'ɔ 'daaa' 'ɔmäa' amɩ ‑nyɩ nɩ, 'ɛɛ bä 'klälä 'nyɩa' blöröfa kä.

Rɔmënyüü 9:23

'ɔmä 'ɔa 'wliklɩbʋabʋakʋ nyatɛ ‑takɔɩɩa 'pɛlɩ srara, 'ɔmä ü 'ɔ tɩa' ‑srɩ dɛrɩ 'ɔ ‑gbalaa' 'bʋala.

Jaan 5:44

'Amɔlɔ nyüüa 'bʋalakʋ käa' 'tʋ, ‑bɛ ünyɩ 'bataa' Nyɔsʋalɔ bäa' 'doo, 'ɔa në 'bʋalakʋ, ‑asɩ 'anya 'mɩ plɛtoro le?

Ebröönyüü 6:15

Abraamë nya kpʋkplɔmlɩ 'ɔnya ‑glaaa. 'Asɩ 'ɔ nʋ 'ɔnya 'jä dɛɛlɛ Nyɔsʋa 'daaa' 'ɔmäa' 'ɔa ‑gʋ nʋ.

Ebröönyüü 6:12

Anyɩ 'bata 'bata ‑a 'amä ‑fɛ. ‑Maa nyüülü Nyɔsʋa 'daaa' 'ɔmäa' ‑jaaa ‑nyɩ 'üa nyɔsʋaplɛtorokʋ nyra 'üa 'mlɩkpʋkplɔkʋa ‑gʋ nɩ, 'ba nʋ 'üa 'sa.

Matiö 25:46

'Üülü nɩ, 'ümä 'pɔnɩkʋ 'jä 'plɔʋplɔʋa ‑gʋ, 'kä 'klɩgänyüü nya 'klälä 'nyɩa' blöröfa kä 'jä.»

Lukë 21:19

'Ii känyrɩ 'a 'nɩ fɔlɔ 'iin 'klɩ: 'asɩ 'anya 'lɩmlɩwʋ.

Jaan 4:36

Nyɔɔlɔ möa' ‑gbaakalɩ, 'ü 'baalɩ 'kä 'ü ‑nyɛɛɛ 'ɔɔn, 'ɛɛ 'ɔ ‑tʋʋä ‑wälɩ 'klälä 'nyɩa' blöröfa käa ‑gʋ. 'Ia 'taɩn 'lɩ, nyɔɔlɔ ‑goooa' ‑bɛ ‑mɔlɔ 'bööa' nö dɔrʋ.

1 Korɛɛntënyüü 15:42

'Asɩ jäjänyüüa 'kuaabresɔsɔkʋ bä bɩa. Fugba ‑träärä ‑beere dɛɛa 'jaji 'mäa' ‑fɛ, ‑maa äma sɔwʋ nɩ, 'ä ‑kanyɩ ‑fɛfɛsa ‑a bä.

1 Korɛɛntënyüü 15:50

'Na ‑wlajü 'amɩ, ‑jäsɩ 'n ‑gbalaa' 'amɩ nɩ: Dɛɛlɛ bäa' 'jajɛ nyra ‑toru 'nyɩ 'lɩ ‑a bɩa ü ji Nyɔsʋaa 'kamapläa ‑jaaa, ‑bɛ dɛɛ nëmäa' ‑fɛ nɩ, 'ɛnyɩ 'lɩ ‑a bɩa ɛ ji 'klälä 'nyɩa' blöröfa käa ‑jaaa.

Ɛfɛsënyüü 6:24

Abɩa ‑gbinanakʋ bä nyüülü kä 'fɩɔ ‑waa' 'cɩcasa ana 'Pläkänyɔɔ Jesu 'Kriisë ‑gälɩ. 'Asɩ i bä!

1 Timotee 1:17

'Abɩa 'Taɩn a 'fɩɔ 'lɩa 'Kɩɩ, ɔnyɩ 'cicia', ɔ nyɔɔ 'nyɩ 'jäa' 'wʋ, ɔ bäa' 'Lɩgla Nyɔsʋa 'doo, ɔ 'jrara ‑bɛ ɔ 'bʋala 'plɔʋplɔʋ! 'Asɩ i bä.

Ebröönyüü 2:7

‑Ciie 'ɔmɩ 'wʋ jrüü jiea 'mlɩ 'aanjëa 'klʋɩ; ‑nya ‑nyɩ 'ɔɔn 'bʋalakʋ nyra 'lɩträäräkʋ ‑beere 'sɩrɩ nyɔɔ ‑tʋa' 'kɩɩa 'wli 'wlugbö, ‑nya ‑nyɩ 'ɔɔn diili ‑nöa' 'ia 'kamakʋ .