25 ‑Ama nʋ wiili ‑dɔ 'daaa' nɩ, 'böbökʋ 'na. ‑Maa ‑ama 'pɩ ‑dɔ ‑gälɩ nɩ, ‑na 'böbökʋ ‑beere 'sɩrɩ ‑nyɩa' 'bölö.
'Be ama bä Jesu 'Kriisë 'lɩ nɩ, ‑böölö o, ‑nyɩ 'bölö o, 'inyɩ ‑gbaa ‑a kä. ‑Maa ibäa' wii nɩ, 'ii bä: abɩa Nyɔsʋa 'patä ɔ nʋ amɩ.
«'A 'sunyakliwli, 'ana polu nyra ana 'nyakli kala! 'A nɩnɩa 'a ‑nëmä 'lɩ 'Nyüna ‑Susu ‑a ‑träärä. 'Sɩrɩ 'ana tʋɩɩ ma bäa' 'asɩ 'ana 'mʋgbɛ bä!
‑A ‑gbala 'amɩ, juifënyɔɔlɔ nɩ, ‑mää ‑mɔlɔ üma 'jäa' ‑bɛ 'ü jrea' ‑a, ‑bɛ 'böbökʋlʋ nɩ, ‑mää ‑a ‑böö ‑kätɩ ‑na 'jajɛ ‑a.
‑Mɔ ‑gbaaa' 'lɩ ‑dɔa ‑gʋ nɩ, ‑kä Nyɔsʋa 'nyüsü 'wʋ 'be ‑pɩɩɛ ‑dɔ ‑gälɩ!
‑Mää nyüülü poa' ‑dɔ 'nyakli, ‑mää 'üün 'nyɩ 'klɩgänyüü bä Nyɔsʋa 'klɔɔtrʋ. Nyüülü ‑trääräa' 'lɩ ‑dɔ nɩ, 'üü Nyɔsʋa 'dara 'klɩgänyüü.
‑Bɛ nyɔɔlɔ 'nyɩa' 'bölö ma nʋ wiili ‑dɔ 'daaa' nɩ, a ‑nëmä 'daa 'ia nyɔɔlɔ 'bölö?
Nyɔɔlɔ kä 'jajɛ 'nyɩa' 'bölö ‑bɛ 'ɔ nöa' wiili ‑dɔ 'daaa nɩ, ‑mää 'ɔɔ ‑nëmä ‑na ‑gä ‑tʋ? ‑Bɛ ‑mɔlɔ nɩ, ‑klaaa ‑dɔ 'u ‑jɩjra, ‑böölö ‑maa ‑nyɩ ‑träärälɩ ‑dɔ ‑a.
Nyɔɔa 'böbökʋ 'nyɩ dɛɛ ‑a bä, ‑bɛ nyɔɔ ma 'nyɩ 'bölö ‑a 'bölö 'inyɩ dɛɛ ‑a bä; wiili bäa' wii nɩ, 'iibä Nyɔsʋaa ‑dɔa 'lɩträäräkʋ.
Ü kä 'mʋgbɛ nöa' abɩa nyüü 'bölö nɩ, 'üa 'mʋgbɛ 'nyɩ ‑träärälɩ ‑dɔ ‑a, ‑maa 'ü 'bata 'amä 'bölö ‑bɛ 'ümä 'daa 'üü nʋ 'imɩ 'anya 'bölö.