Rɔmënyüü 2:16 - Kuö Dëdrä Jenɛɛsë Rutë

¹⁶ Wiili 'n 'daaa' ‑plɩɩ nɩ, 'taɩn 'lɩ Nyɔsʋa 'mäa' Jesu 'Kriisë kälɩ ‑srörö ‑bɛ 'ɔmäa' nyüüa ‑sisiewii ‑fälɩ be 'ɔmäa' 'üa ‑gä ‑tʋ nɩ, 'a ‑plɩɩ 'imä 'järä.

Rɔmënyüü 2:16 Referans Kwoze

1 Korɛɛntënyüü 4:5

'Ii känyrɩ 'anyɩ tɩ 'taɩnlɩ ‑trääräa' 'lɩdɛrɩ 'anyɩ ‑tʋ ‑gä. 'Ba ‑glaaa 'Pläkänyɔɔ. Diili ‑sisrea' 'jöjrüükpü 'lɩ nɩ, 'ɔnya 'iin ‑srɩ 'klɩ jaa, 'kä 'ɔnya bobowiili ‑sisrea' nyɔɔa plɛklɩ srara. 'Kä Nyɔsʋa nya nyüü 'bʋala, ‑moloo ‑bɛ 'ɔa 'bʋalakʋ.

Akëtë 17:31

'be 'ɔ ‑tʋ 'lɩ jrüülü kä 'mlɩ 'ɔmäa' nyüüa 'fɩɔa ‑gä tʋ 'cɩcasa 'lɩ. Nyɔɔ 'doo 'ɔ 'baalɩ 'ɔɔ 'ɔ ‑nyɩ 'iin kälɩ. 'Taɩn 'lɩ 'ɔ 'baa' 'ɔɔn jäjänyüüa 'bre nɩ, 'ɔ srara 'ɔɔn nyüüa 'fɩɔ, 'ümä 'iin jä 'sɩrɩ 'ɔɔ Nyɔsʋa 'baalɩ.»

Akëtë 10:42

'Ɔnya ‑gbala amɩ a 'pala 'ɔa mlɩa wii nyüü ‑gba, 'kä a ‑gbala 'üün 'ɔɔ Nyɔsʋa 'balɩ 'ɔmä 'lɩbänyüü nyra jäjänyüüa ‑gä ‑tʋ.

Lukë 8:17

Diili kä 'fɩɔ ‑sisiea' nya 'wʋcrɛrɛa. Nyüü ‑nëmä 'klɩberewii ‑a dɛtɛ 'kä 'i ‑nëmä jrere, 'kä 'imä ‑fälɩ 'tɔrɔ.

1 Piɛɛrë 4:5

'Ünya nyɔɔlɔ nëmäa' 'lɩbänyüü nyra jäjänyüüa ‑gä ‑tʋ ‑gogo 'saa.

Rɔmënyüü 3:6

'Büa! Ima bäsaa ‑asɩ Nyɔsʋa 'mä 'pläa ‑gätʋdɛɛ nʋ le?

2 Piɛɛrë 2:9

'Ia 'fɩɔlʋ 'ii srara 'sɩrɩ 'Pläkänyɔɔ jrea' 'sɩrɩ 'ɔmäa' 'klɩgänyüü ‑sʋɩ 'lɩba, ‑bɛ 'sɩrɩ 'ɔmäa' nyüülü 'nyɩa' 'klɩgä ‑wälɩtʋ ‑bɛ 'üa ‑gätʋtaɩn 'mäa' 'wlijrä.

2 Timotee 4:1

'A 'ia ‑gʋ, 'tasɩrɩ 'n ‑gbala ‑mɩ Nyɔsʋa nyra 'Pläkänyɔɔ Jesu 'Kriisëlɔ 'mäa' 'lɩbänyüü nyra jäjänyüüa ‑gä ‑tʋ, 'taɩn 'lɩ 'ɔɔ ‑bɛ 'ɔa 'Kamaplä 'mäa' ‑srɩɩ ji nɩ, 'üa 'klɩ:

2 Timotee 2:8

'Pa Jesu 'Kriisë plɛ: 'ɔɔ sɔ 'kuaabre jäjänyüüa ‑tɔrʋpɩɔ, 'ɔɔ bä Daviidëa ‑gböölia nyɔɔ 'asɩ 'Mʋfagogolä 'n 'saaa' ‑gba.

1 Timotee 1:11

'A Nyɔsʋaa 'Mʋfagogo 'lɩ 'ia 'kpɩkpɩakʋlʋ bä. Nyɔsʋa ‑nyɩ 'mɩ 'ia 'kpɩkpɩakʋlʋ, 'ii srara Nyɔsʋalɔ 'papanɩ 'sia' 'klɩ 'ɔa 'bʋabʋakʋ 'lɩ.

Rɔmënyüü 16:25

A 'bʋala Nyɔsʋa! 'Ɔɔ 'mrɛɛ 'ɔ ‑nyɩ 'amɩ 'klü 'sɩrɩ 'Mʋfagogolä 'n 'saraa' 'lɩ 'amɩ; 'ää 'paa Jesu 'Kriisë ‑gä, 'ää srara amɩ wiili Nyɔsʋa 'piea', i 'ɔ ‑sisiea' ‑sɩ a ‑sɩ.

Jaan 12:48

Nyɔɔlɔ 'mäa' 'mɩ 'nyüamlɩjrara ‑bɛ 'ɔ ‑nëmäa' 'na 'papawii wii 'dara nɩ, 'ɔa ‑gätʋnyɔɔ bälɩ; 'na wiili 'n 'paa' 'ii nëmä ‑srɩɩ 'ɔɔn ‑gä ‑gälɩ 'bölö 'pläa bɩarafa 'wʋ.

Ebröönyüü 9:27

'Lɩbänyüüa 'fɩɔ, 'ü järä 'wʋ 'doo 'wʋ, 'kä ‑gätʋtaɩn nya ji.

2 Timotee 4:8

'Bala 'saarɩ ‑gälɩ nɩ, 'klɩgä 'wlugbölä 'ümäa' 'mɩ ‑nyɩ nɩ, 'mɔɔ 'ä ‑glaaa. 'Pläkänyɔɔlɔ ‑gäa' 'klɩ ɔ ‑tʋʋäa' ‑gä, nya 'mɩ 'ään ‑nyɩa 'ia ‑srɩlɩa 'mlɩ. ‑Bɛ ‑mää 'na 'doo ‑a, nyüülü kä 'fɩɔ ‑waa' 'ɔɔn ü ‑glaaa' bɩa 'ɔa jijisrɩ bä bɩa 'lɩ.

2 Korɛɛntënyüü 5:10

'Be ana 'fɩɔ nya 'Kriisëa 'klʋɩ 'nyüglöa 'ɔmä ana ‑gä ‑tʋ. 'Ia 'taɩn 'lɩ, 'jrʋpalä ‑moloo ‑fɛɛɛrɛa' ‑pɩ tʋtʋ ‑gälɩ ma 'na, 'aiɛ äma 'nyɩ 'na ‑a 'na, 'a 'ia 'sa 'ümä 'ɔɔn 'pɛɛ.

Rɔmënyüü 2:5

‑Na 'nyakliwlisusukʋ nyra ‑na plɛlɛ 'nyɩ 'cicia' nɩ, 'ia ‑gʋ 'ɔa 'crɛ bä ‑mɩ ‑gälɩ ‑bɛ ‑glaaa Nyɔsʋaa 'crɛa srara ‑srɩa 'taɩn 'lɩ 'ɔmäa' nyüüa ‑gä ‑tʋ 'klɩgäsa.

Matiö 16:27

'Be Nyɔɔa 'Jʋ nyra 'ɔa 'aanjë nëmä 'ɔa Tʋa 'wliklɩbʋabʋakʋ ja ‑bɛ 'ɔmä ji ‑o. 'Ia 'taɩn 'lɩ nɩ, ‑moloa nʋnʋgbi 'ɔmä 'klɩtɛ ‑bɛ 'ɔmä 'ɔɔn 'pɛɛ.

Jenɛɛsë 18:25

‑Nyɩ 'lɩ ‑a bɩa ‑a ‑nʋ 'sama wii 'plɔʋ: ‑nëmä 'klɩgänyüü ‑balʋnyüü ‑a 'cakla ‑bɛ ‑mä 'üün bʋblɔ! Abɩa 'ia bobowiili tʋŋlɔ ‑mɩ 'lɩ dɛrɩ! Nyɔɔlɔ ‑tʋʋäa' 'pläa 'fɩɔa ‑gä nɩ, 'ɔɔ 'nyɩ nʋ wiili ‑gäa' 'klɩ?»

Galaatënyüü 1:11

'Amɔ 'n ‑gbala, 'na ‑wlajü 'amɩ: 'Mʋfagogolä 'n 'saa' 'amɩ nɩ, 'nyɩ 'ään nyɔɔa mlɩ ‑a 'ba.

1 Korɛɛntënyüü 15:1

'Na ‑wlajü 'amɩ, 'Mʋfagogolä 'n 'saa' 'amɩ, ‑bɛ 'a 'nyierea' 'klɩ nɩ, ä 'a ‑trääräa' 'lɩa 'doo nɩ, 'äa ‑gä 'n 'paa 'amɩ plɛ.