Rɔmënyüü 2:14 - Kuö Dëdrä Jenɛɛsë Rutë

¹⁴ Nyüülü 'nyɩa' juifë bä nɩ, 'ünyɩ Moisëa ‑Dɔ ‑a 'klaa, ‑maa 'taɩn 'lɩ 'ü nöa' 'üa nʋnʋgbia 'mlɩ wiili ‑dɔ 'daaa' nɩ, 'iibä ‑dɔ bä 'üün 'lɩ ‑bakää 'ünyɩ Moisëa ‑Dɔ 'klaa.

Rɔmënyüü 2:14 Referans Kwoze

Rɔmënyüü 2:12

Nyüülü kä 'fɩɔ 'nyɩ 'nyɛrɛa' Moisëa ‑Dɔ ‑gälɩ ‑bɛ 'ü nöa' ‑balʋ nɩ, ‑bakää 'ünyɩ ‑dɔlʋ jre 'ünya jäa. Nyüülü kä 'fɩɔ jrea' ‑dɔ ‑bɛ 'ü nöa' ‑balʋ nɩ, ‑dɔlʋa 'sa 'üa ‑gä 'mä ‑träärä.

Rɔmënyüü 2:27

Nyɔɔlɔ kä 'jajɛ 'nyɩa' 'bölö ‑bɛ 'ɔ nöa' wiili ‑dɔ 'daaa nɩ, ‑mää 'ɔɔ ‑nëmä ‑na ‑gä ‑tʋ? ‑Bɛ ‑mɔlɔ nɩ, ‑klaaa ‑dɔ 'u ‑jɩjra, ‑böölö ‑maa ‑nyɩ ‑träärälɩ ‑dɔ ‑a.

Ɛfɛsënyüü 2:12

'Ba 'pa plɛ, 'ia 'taɩn 'lɩ nɩ, 'a ma tʋŋlʋlɩ 'Kriisë dɛrɩ; a ma 'nyɩ kä ‑a kä 'amä Israɛɛlëa ‑glügböa 'mlɩa nyüü bä, 'a ma 'nyɩ kuöa 'mlɩ ‑a bä, kuölä Nyɔsʋa 'paa' 'lɩ, 'kä wiili 'ɔ 'daaa' 'ɔmäa' nʋ, 'ia 'surukʋa ‑gʋ. 'A ma 'nyɩ plɛgälɩpiedɛɛ ‑a kä, 'a ma 'nyɩ Nyɔsʋa ‑a jre 'pläa 'mlɩ.

Akëtë 17:30

'I 'saa' 'klɩ nɩ, Nyɔsʋa 'cere 'ia 'fɩɔ, 'be nyüü 'nyɩ kä wiili 'ü nöa' ‑a jre. ‑Mlatɩ nɩ, 'ɔ ‑gbala ‑pɩɔa 'fɩɔa nyüüa 'fɩɔ 'ü kä 'ümä ‑balʋ 'pie,

Akëtë 10:35

Nyüüa 'fɩɔa ‑nyɛɛ nɩ, nyɔɔ o nyɔɔ pɩɛa' Nyɔsʋa ‑bɛ 'ɔ kʋäa' 'cɩcasa 'lɩ nɩ, 'ɔɔ 'na Nyɔsʋaa 'klɔɔtrʋ.

Rɔmënyüü 1:32

'ü jre 'iin 'sɩrɩ Nyɔsʋa 'daaa' ‑maa: ü kä 'ümä nyüülü nöa' 'ia 'samaa wii 'bla. 'Asɩɛ 'ü nö 'imɩ, ‑bɛ 'ü 'nyiere nyüülü nöa' bɩa 'iin.

1 Korɛɛntënyüü 11:14

‑Fälɩ a kʋa' nɩ, nyɩbɛrʋa 'ŋuei ma tʋŋlɔ nɩ, 'iibä 'nyüsü 'wʋ,

Filipënyüü 4:8

'Na ‑wlajü 'amɩ, 'ba ‑tʋ 'ana bobowli ‑taa waklüülü kʋa' ‑pɩ ‑gälɩ: diili kä 'fɩɔ bäa' 'cɩcasa, ibäa' 'lɩträäräsa, i ‑gäa' 'klɩ, i kä 'fɩɔ 'nyɩa' ‑fre pa, i kä 'fɩɔ 'naa', diili 'wʋa' ‑wawakʋ nyra 'bʋalakʋ 'klɩ, 'ii 'ba bobo.

Akëtë 14:16

‑Kätɩsa nɩ, 'ɔ 'cɛrɛ kä ‑glügbüa 'fɩɔ ‑wälɩ 'üa 'mʋgbɛ 'mä kä wiili 'ü ‑waa' nʋ.

Rɔmënyüü 2:15

'Iibä wiili ‑dɔ 'daaa' nɩ, 'i ‑jɩjra 'üa plɛklɩ. 'Üa bobowli srara 'imɩ, 'be ‑srɩ ‑mɩdoo 'lɩ 'üa bobowli 'daa 'üün ‑bɛ ‑srɩ ‑mɩdoo 'lɩ 'i 'kɔlɔ 'üün.

1 Korɛɛntënyüü 9:21

Ama bä nyüülü 'nyɩa' Moisëa ‑Dɔ jrea ‑tɔrʋpɩɔ nɩ, 'nyraa 'üün kʋä ‑wälɩ ‑beere 'sɩrɩ 'nyɩa' 'uun jre, 'kä 'ümä 'Kriisë plɛtoro. 'Nyɩ 'daa 'nyɩ ‑träärälɩ Nyɔsʋaa ‑dɔ ‑a; 'be 'Kriisëa ‑dɔ 'n ‑träärälɩ ‑o.

Ɛfɛsënyüü 2:3

‑Kätɩsa nɩ, ana 'mʋgbɛ ma bä 'ia nyüülüa ‑tɔrʋpɩɔ. Bʋbɔgbili ma käa' ana plɛ 'tʋ 'ii a ma nö, ‑bɛ wiili ana 'jajɛ nyra ana bobowli 'bataa' 'ii a ma nö. Nyɔsʋaa 'crɛ ‑nyrɔ bä ɩ amɩ ‑gälɩ ‑beere ‑mülü.