Rɔmënyüü 16:7 - Kuö Dëdrä Jenɛɛsë Rutë

⁷ 'Ba 'trɛɛ 'na napio 'klɩa nyüü Andronikë nyra Jonia 'ü nyra 'üün kɔsɔ paa' ‑jie. Apotrë 'ü bä, 'ü jre 'üa 'jrʋpa ‑gböösa, 'üü ‑kätɩ jre 'Kriisë 'fɩɔwʋ 'nyaa 'mä 'lɩtroro.

Rɔmënyüü 16:7 Referans Kwoze

Rɔmënyüü 16:21

Nyɔɔlɔ 'nyraa 'ɔɔn ‑fɛɛɛa' 'jrʋpa, Timotee nyra 'na napio 'klɩa nyüü: Lusiusë, Jasɔɔnë, Sosipatɛrë, 'ü 'trɛɛ 'amɩ.

Rɔmënyüü 16:11

'Ba 'trɛɛ 'na napio 'klɩa nyɔɔ Erodɩɔnë. 'Ba 'trɛɛ ü bäa' Nasiisëa ‑nyɛɛ ü bäa' 'Pläkänyɔɔ 'lɩ.

Filemɔɔ 1:23

Epafarasë 'nyraa 'ɔɔn bäa' ‑jie 'lɩ Jesu 'Kriisëa ‑gʋ 'trɛɛ ‑mɩ.

Kolɔɔsënyüü 4:10

Alisëtaakë, ɔ 'nyraa 'ɔɔn kɔsɔ bäa' ‑jie 'lɩ 'trɛɛ 'amɩ. Banabasëa ‑wlajʋ Marëkë 'trɛɛ bɩa 'amɩ. Ɔma ji 'ana ‑nyɛɛ 'ba 'kpla 'ɔɔn 'mʋfasa 'sɩrɩ 'n ‑gbalaa' 'amɩ.

Ɛfɛsënyüü 2:10

'Be Nyɔsʋa 'ɔɔ nʋ amɩ; a nyra 'Kriisë Jesua nyüü 'dooa bäbäkʋ kälɩ Nyɔsʋa ‑srörö 'ɔnya nʋ amɩ amä 'cɩcagbi nʋ. 'Cɩcagbili nɩ, 'ɔ 'a kä 'iin ‑ëlere amä 'iin nʋ.

Galaatënyüü 1:22

'Cɛcʋlʋ bäa' Judee, u bäa' 'Kriisë 'lɩ nɩ, 'ü ‑kaapɩɔ 'mɩ 'jä.

2 Korɛɛntënyüü 5:17

Nyɔɔ nyra 'Kriisë ma bä 'doo nɩ, nyɔɔdëdrä nyɔɔlɔ bä; 'klɩbɩaa ni 'a ‑si, 'köklesa ‑plɩɩ diia 'fɩɔ bä dëdrä.

'Nyügälɩjawii 1:9

'Mɔɔ Jaan, ɔ bäa' bɩa 'ana ‑wlajʋ nɩ, 'nyraa 'amɩ bä ‑sʋɩ 'lɩ 'Kamaplä 'lɩ nyra Jesu 'Kriisë 'lɩa 'mlɩkpʋkplɔkʋ 'lɩ. Nyɔsʋaawiia ‑gʋ nyra 'cɩcasalä 'paaa' Jesu 'Kriisëa ‑gäa ‑gʋ 'ü nrörö 'mɩ ‑jienyɔɔ 'lɩ dugbalä 'ü 'daraa' Patëmɔsë 'äa 'mlɩ.

1 Jaan 5:20

A jre bɩa 'iin 'sɩrɩ Nyɔsʋaa 'Jʋ jia', 'sɩrɩ 'ɔ ‑nyɩa' amɩ 'lɩgaglakʋ, amä 'cɩca Nyɔsʋa jre. 'Ɔa 'Jʋ Jesu 'Kriisë 'lɩ a bä; 'a 'ia ‑gʋ a bä 'cɩca Nyɔsʋa 'lɩ. 'Ɔɔ bä 'cɩca Nyɔsʋa nyra 'klälä 'nyɩa' blöröfa kä.

1 Jaan 4:13

‑Jää dɛɛlɛ ‑gbalaa' amɩ 'sɩrɩ a bäa' 'ɔɔn 'lɩ ‑bɛ 'ɔ bäa' amɩ 'lɩ: 'ɔ ‑nyɩ amɩ 'ɔa ‑Susu.

Galaatënyüü 6:15

'Be ama bä Jesu 'Kriisë 'lɩ nɩ, ‑böölö o, ‑nyɩ 'bölö o, 'inyɩ ‑gbaa ‑a kä. ‑Maa ibäa' wii nɩ, 'ii bä: abɩa Nyɔsʋa 'patä ɔ nʋ amɩ.

Galaatënyüü 5:6

'Be 'Kriisë Jesu 'lɩ nɩ, ‑böölö o, ‑nyɩ 'bölö o, 'inyɩ ‑gbaa ‑a kä. ‑Maa plɛtorokʋlʋ käa' 'nyrɩ ‑bɛ a ‑wawlaa', 'uu bä wii.

Galaatënyüü 2:6

Nyüülü 'ü 'daraa' 'cɛcɩnyüü kpaku bä ɩ ‑plɩɩ. 'Sɩmɩ 'ünyɩ bä, ‑mää 'na wii ‑a, Nyɔsʋa 'nyɩ ‑gbasa nyüü 'lɩ ‑a. 'Ia nyɔɔ 'doo 'nyɩ 'lɩ wii ‑gälɩ ‑a tʋ.

2 Korɛɛntënyüü 11:23

'Kriisëa 'jrʋpafɛnyüü 'ü bä? 'Nyaa 'üün wii ‑gba 'palaa ‑beere sakla 'kasa nyɔɔ: 'n bä 'Kriisëa 'jrʋpafɛnyɔɔ 'nyaa ‑si 'ümɩ 'wʋ. Üma ‑fɛjrʋpa nɩ, 'n ‑si 'ümɩ 'wʋ. 'N jre ‑jie 'nyaa ‑si 'ümɩ 'wʋ; diili 'ü 'kaklaa' 'mɩ 'nyɩ 'ia ‑täsäsa ‑a bä. 'N 'ma jäjä ‑gba 'kä 'nya ‑si 'ümɩ 'wʋ.

2 Korɛɛntënyüü 5:21

Nyɔɔlɔ ‑kaapɩɔa' ‑balʋ nʋ nɩ, Nyɔsʋa bere 'ɔɔn ana ‑balʋ 'wli, 'kä amɔlɔ nyra 'Kriisë bäa' 'doo nɩ, amä 'klɩgä Nyɔsʋaa 'klɩ.

1 Korɛɛntënyüü 1:30

'Amɔlɔ nɩ, Nyɔsʋa nrörö 'amɩ 'doo 'lɩ 'amɔ ‑bɛ 'Kriisë Jesu 'sɔ; Nyɔsʋa nya nrörö 'ɔɔn 'lɩgaglakʋ 'lɩ ana ‑gʋ, 'ɔɔ Nyɔsʋa ‑srörö kälɩ 'kä 'ɔ ‑gäää amɩ 'klɩ, 'ɔnya bere amɩ 'klɩ amä 'ɔa nyüü bä, 'kä 'ɔ 'baa amɩ ‑balʋ 'lɩ.

Rɔmënyüü 8:1

Dɛɛlɛ a kʋa' ‑plɩɩ ‑gälɩ ɔ nɩ, nyüülü bäa' Jesu 'Kriisë 'lɩ ‑kanyɩ 'pɔnɩkʋ ‑a kä, 'abɩa nyüülü 'nyɩ 'nyɛrɛa' 'üa 'jajɛa wii ‑gälɩ, ‑bɛ 'ü 'nyɛrɛa' 'Nyüna ‑Susua wii ‑gälɩ.

Jaan 15:2

Kata o kata 'maaa' 'mɩ ‑gba 'kä, ‑bɛ änyɩ tʋa' nɩ, 'ɔ 'baa 'ään 'lɩ; ‑mälä tʋäa' nɩ, 'ɔ ‑paaa 'ään 'ämä tʋ ‑gböösa.

Jaan 14:20

'A 'ia 'taɩn 'lɩ 'amä 'saa jre 'sɩrɩ 'n bäa' 'na Tʋ 'lɩ, ‑bɛ 'a bäa' 'mɩ 'lɩ, ‑bɛ 'na 'mʋgbɛ bäa' 'amɩ 'lɩ.

Jaan 6:56

Nyɔɔlɔ jöa' 'na 'jajɛ ‑bɛ ɔ 'mlaaa' 'na ‑toru, 'ɔ bä 'mɩ 'lɩ ‑bɛ 'n bä 'ɔɔn 'lɩ.

Galaatënyüü 2:2

Nyɔsʋa srara 'mɩ wii, 'ia ‑gʋ 'n mi 'lɩ. 'N 'tɔa' nɩ, nyüülü bäa' 'cɛcɩa 'wliklɩ, 'üa 'kpɔ nyra 'üün dɛtɛ. 'Mʋfagogolä 'n 'saaa' nyüülü 'nyɩa' juifë bäa ‑tɔrʋpɩɔ nɩ, 'nyaa 'sasralɩ 'ämɩ 'nyaa ‑gbala 'üün. 'Na fʋfɔlʋlʋ 'n fɔa' nɩ, 'aiɛ u 'nyaaa' fɔ nɩ, 'u ‑pɩ 'flɛɛwʋ tɩɔ.

Rɔmënyüü 8:11

Nyɔsʋa 'ba Jesu jäjäa 'mlɩ. Nyɔsʋaa ‑Susulu ma kʋ 'amɩ 'lɩ nɩ, Nyɔsʋalɔ 'baa' 'Kriisë jäjäa 'mlɩ nya 'ana fugbalä 'mäa' jä 'klä ‑nyɩa. 'Ɔa ‑Susulu kʋa' 'amɩ 'lɩ, 'uu 'ɔmä kälɩ ‑srörö 'ɔmä 'iin nʋ.

Rɔmënyüü 9:3

'Na plɛ nɩnɩa ‑a busu 'nyraa 'Kriisë 'mä ‑gbasɔsrɔ 'na ‑wlajülü bäa' 'na ‑glügbö, 'üa ‑gʋ.

Rɔmënyüü 16:3

'Ba 'trɛɛ Prisëka nyra Akilasë; 'na 'jrʋpawʋfɛɛrɛnyüü Jesu 'Kriisë 'lɩ.

Rɔmënyüü 16:6

'Ba 'trɛɛ Marii, 'ɔ ‑fɛ 'jrʋpa ana ‑gʋ.

Rɔmënyüü 16:8

'Ba 'trɛɛ Anpliasë 'na nyɔɔlɔ 'n ‑waa' 'Pläkänyɔɔ 'lɩ.

Rɔmënyüü 16:9

'Ba 'trɛɛ Ubanusë, ɔ a nyra 'ɔɔn ‑fɛɛɛrɛa' 'jrʋpa 'wʋ 'Kriisë 'lɩ nyra Sëtaki 'na ‑wawanyɔɔ.

Rɔmënyüü 16:10

'Ba 'trɛɛ Apɛlɛsë, 'ɔ srara 'sɩrɩ 'ɔ ‑waa' 'Kriisë ‑gböösa. 'Ba 'trɛɛ ü bäa' Alisëtobulëa ‑nyɛɛ.

2 Korɛɛntënyüü 12:2

'N jre nyɔɔ 'doo bäa' 'Kriisë 'lɩ, 'ia ‑sɩ ‑pʋ ‑sɩ mlɔɔ Nyɔsʋa 'jrara 'ɔɔn 'jraraa ‑nyɛɛ cɛɩɩa 'fɩɔa 'wli 'klɩ, ‑bɛ 'sɩrɩ 'ɔ bäa' nyɔɔ 'asɩ 'ɔ bä, 'aiɛ 'ɔa ‑susu 'uu 'jrara, 'nyɩ 'iin jre ‑a jre, Nyɔsʋa 'ɔ jre 'iin.