Rɔmënyüü 16:25 - Kuö Dëdrä Jenɛɛsë Rutë

²⁵ A 'bʋala Nyɔsʋa! 'Ɔɔ 'mrɛɛ 'ɔ ‑nyɩ 'amɩ 'klü 'sɩrɩ 'Mʋfagogolä 'n 'saraa' 'lɩ 'amɩ; 'ää 'paa Jesu 'Kriisë ‑gä, 'ää srara amɩ wiili Nyɔsʋa 'piea', i 'ɔ ‑sisiea' ‑sɩ a ‑sɩ.

Rɔmënyüü 16:25 Referans Kwoze

1 Korɛɛntënyüü 2:7

Nyɔsʋaa 'lɩgaglakʋlʋ 'ɔ ‑sisre käa' nyüü ‑gba, u 'ünyɩa' 'wli 'nu, 'uu a 'kpɩa 'üün. Nyɔsʋa tɛrɛ kä amɩ 'ia wiijejrekʋ 'fɩɔwʋ 'ɔnya 'mä 'plä nʋ ana 'bʋalakʋa ‑gʋ.

Rɔmënyüü 2:16

Wiili 'n 'daaa' ‑plɩɩ nɩ, 'taɩn 'lɩ Nyɔsʋa 'mäa' Jesu 'Kriisë kälɩ ‑srörö ‑bɛ 'ɔmäa' nyüüa ‑sisiewii ‑fälɩ be 'ɔmäa' 'üa ‑gä ‑tʋ nɩ, 'a ‑plɩɩ 'imä 'järä.

Ɛfɛsënyüü 1:9

'Ɔ srara amɩ dɛɛlɛ ‑sisie ɩa' ɛ 'ɔmä ɩa' nʋ; dɛɛlɛ nɩ, 'ɔ 'a kä 'nyie 'ɔa ‑gbinanakʋ 'lɩ 'ɔmä 'ɛɛn nʋ 'Kriisë 'lɩ.

2 Tɛsalonikënyüü 2:14

'A 'ia ‑gʋ 'ɔ ‑srörö bɩa 'Mʋfagogolä a 'saa' 'amɩ kälɩ 'amä ana 'Pläkänyɔɔ Jesu 'Kriisëa 'wliklɩbʋabʋakʋa 'mlɩ dɛɛ kälä.

2 Korɛɛntënyüü 4:3

‑Maa 'Mʋfagogolä a 'saaa' ma ‑sisie 'kä ‑mölööa ‑gʋ nɩ, 'abɩa nyüülü 'mɔlɔa', 'üü bobo ‑maa 'ä ‑sisie.

Ɛfɛsënyüü 3:9

'N kä 'mä bɩa wiili ‑sisie käa' sököö nyüüa 'klʋɩ ‑gälɩ ‑fälɩ be, wiili Nyɔsʋalɔ nʋa' diia 'fɩɔ 'mäa' nʋ.

1 Piɛɛrë 5:10

‑Maa 'ana ‑sʋɩ ‑nëmä 'lɩ ‑a ‑wlɛ, Nyɔsʋalɔ käa' ‑gbinanakʋa 'fɩɔ, ɔ werea' 'amɩ 'ɔa 'wliklɩbʋabʋakʋlʋ 'nyɩ bɩaraa' Jesu 'Kriisë 'lɩ nɩ, 'ɔnya 'amɩ 'naraa. 'Ɔnya 'amɩ nyɔnyrɔa, 'ɔnya 'amɩ 'wʋsɔɔrɔa, 'kä 'ɔnya 'amɩ 'wʋsɔɔrɔa nyɔɔ ‑pɩɔ 'amɩ käkpa.

2 Timotee 2:8

'Pa Jesu 'Kriisë plɛ: 'ɔɔ sɔ 'kuaabre jäjänyüüa ‑tɔrʋpɩɔ, 'ɔɔ bä Daviidëa ‑gböölia nyɔɔ 'asɩ 'Mʋfagogolä 'n 'saaa' ‑gba.

2 Tɛsalonikënyüü 3:3

‑Maa 'Pläkänyɔɔ 'wʋ plɛtorokʋ 'klɩ: 'ɔnya 'amɩ 'klülɩpaa 'kä 'ɔnya 'amɩ 'nyiöligäälä Plɛbʋbɔsusua ‑gʋ.

Ɛfɛsënyüü 6:19

'Ba bibie bɩa 'na 'wli 'lɩ, Nyɔsʋa 'mä 'mɩ wii mlɩ 'pa 'kä ama 'salɩ 'Mʋfagogoa 'mlɩa wiili ‑sisiea' nɩ, ŋalɛ ‑pɩ 'mɩ 'bla.

Galaatënyüü 2:2

Nyɔsʋa srara 'mɩ wii, 'ia ‑gʋ 'n mi 'lɩ. 'N 'tɔa' nɩ, nyüülü bäa' 'cɛcɩa 'wliklɩ, 'üa 'kpɔ nyra 'üün dɛtɛ. 'Mʋfagogolä 'n 'saaa' nyüülü 'nyɩa' juifë bäa ‑tɔrʋpɩɔ nɩ, 'nyaa 'sasralɩ 'ämɩ 'nyaa ‑gbala 'üün. 'Na fʋfɔlʋlʋ 'n fɔa' nɩ, 'aiɛ u 'nyaaa' fɔ nɩ, 'u ‑pɩ 'flɛɛwʋ tɩɔ.

2 Korɛɛntënyüü 4:5

‑Mää ana 'mʋgbɛa ‑gogoa anyɩ 'sa 'amɩ, ‑maa 'Pläkänyɔɔ Jesu 'Kriisëa ‑gogoa 'saa 'amɩ. A 'kpla ana nyüfë ‑beere 'ana 'jrʋpafɛnyüü Jesua ‑gʋ.

1 Korɛɛntënyüü 1:23

‑Maa amɔlɔ nɩ, 'Kriisëlɔ koloa' krʋa ‑gälɩ 'ɔa ‑gä a ‑gbala nyüü; 'inya ‑siie juifënyüüa ‑nyɛɛ, ‑bɛ grɛɛkënyüü nö mlüü bäsaa.

Akëtë 20:32

«'Na ‑wlajü 'amɩ, 'köklesaplɩɩ ɔ nɩ, 'n tɩɛ 'amɩ Nyɔsʋa nyra wiili 'paa' 'ɔa ‑gbinanakʋa ‑gä kälɩ. 'A wiili nëmä 'amɩ 'klü ‑nyɩ, 'ii 'mä bɩa 'amɩ ‑jaaa ‑nyɩ nyüülü kä 'fɩɔ 'ɔ ‑gäa' 'klɩa 'mlɩ.

Akëtë 9:20

'A ‑plɩɩ 'ɔ kʋ dotro 'ɔnya 'pala juifëa 'sraaplanyëka ‑wälɩ Jesua ‑gä, 'sɩrɩ 'ɔ bä käa' Nyɔsʋaa 'Jʋ.

Matiö 13:35

'Asɩ wiili nyɔsʋaamlɩpalanyɔɔ ‑gba käa' 'mä nrörö; 'ɔ nɩnɩa kä: Tapönänë 'nëmä 'pa ‑bɛ 'mä 'üün 'kpɩa. 'Bala 'pläa 'käkolofa 'wʋ ‑a jrä 'saarɩ ‑gälɩ, 'nyaa 'lɩ 'ia wiili ‑sisiea' 'saa .

Matiö 13:17

'Cɩcasa 'n ‑gbala 'amɩ: nyɔsʋaamlɩpalanyüü 'kɔkɔmlɛ nyra 'klɩgänyüü 'kɔkɔmlɛ 'bata kä wiili 'a 'jäa' 'ia 'jäjäkʋ, ‑maa 'ünyɩ 'iin 'jä ‑a 'jä. 'Ü 'bata wiili 'a 'nööa' 'wli, 'ia 'wlinunukʋ ‑maa 'ünyɩ 'iin 'wli ‑a 'nu.

1 Piɛɛrë 1:20

'Plä ‑kaaŋlʋ nrörö Nyɔsʋa nya 'ba kä 'lɩ 'ɔɔn, ‑bɛ ‑taa jrüülü bäa' ‑gälɩ 'blörö jrüü nɩ, 'ɔnya srara 'ɔa nyufa 'ana ‑gʋ.

Ebröönyüü 7:25

'A 'ia ‑gʋ 'ɔ 'mrɛɛ ɔ 'pʋɔ bɩa 'plɔʋplɔʋa ‑gʋ nyüülü ‑sröröa' 'ɔɔn kälɩ ü 'bataa' Nyɔsʋaa ‑gbajijrökʋ, 'be 'ɔ bälɩ 'plɔʋplɔʋa ‑gʋ 'ɔmä 'üa 'wlili bibie.

Titë 1:2

'Ia 'taɩn 'lɩ 'ünya 'üa plɛ 'klälä 'nyɩa' blöröfa kä ‑gälɩ 'piea. 'Klälä nɩ, ‑tʋtʋ ‑kaaŋlʋ kä 'lɩbä Nyɔsʋalɔ 'nyɩ käa' ‑gbagblɛ ‑nëma 'ɔnya kä amɩ 'ään ‑nyɩa.

2 Timotee 1:9

Nyɔsʋa 'ɔɔ 'pʋɔ amɩ, 'ɔ we amɩ 'nyünanakʋ 'lɩ; ‑mää ana 'mʋfa 'jrʋpaa ‑gʋ ‑a, ‑maa 'sɩrɩ 'ɔ ‑waa', 'ii 'ɔ nʋ, 'ɔa ‑gbinanakʋ 'lɩ. ‑Gbinanakʋlʋ bälɩ 'fɩɔwʋ ‑tʋtʋ nya nëmä nrörö, 'ɔ ‑nyɩ amɩ 'uun 'Kriisë Jesu 'lɩ.

Ɛfɛsënyüü 3:11

'A 'sɩrɩ 'ɔ 'daa käa' sököö 'ɔmä ɩa' nʋ, 'asɩ 'i nrörö; ana 'Pläkänyɔɔ Jesu 'Kriisë kälɩ 'i ‑srörö.

1 Korɛɛntënyüü 4:1

'Ii känyrɩ 'ba 'jä amɩ ‑beere 'Kriisëa 'jrʋpafɛnyüü nyra nyüülü käläa' Nyɔsʋaa ‑sisiewiia wii ‑gbaa 'papakʋ.

Rɔmënyüü 14:4

Nyɔɔ 'plɛɛ bä ‑bɛ ‑daaa nyɔɔ ‑molooa 'jrʋpafɛnyɔɔ le? 'Ɔ 'nyüglö o, 'ɔ blö o, 'ɔa 'kamanyɔɔa wii bäsaa. 'Ɔnya 'nyüglöa 'be Nyɔsʋa 'mrɛɛ ɔ ji 'ɔɔn ‑gba 'kä 'ɔnya 'nyüglö.

1 Tɛsalonikënyüü 3:13

Abɩa 'Pläkänyɔɔ ‑sɔɔrɔ 'amɩ 'wʋ, 'ia 'taɩn 'lɩ ‑srɩlɩ kä 'mlɩ ana 'Pläkänyɔɔ Jesu 'Kriisë 'mäa' dɛrɩ 'blöö, 'ɔɔ ‑bɛ 'ɔa nyüülü kä 'fɩɔ 'ɔ käa' nɩ, 'anya nyüülü kä 'nyü 'naa' bäa ana Tʋ Nyɔsʋaa 'klɔɔtrʋ; nyɔɔ ‑nëmä 'amɩ wii ‑a 'kplara.

Rɔmënyüü 11:25

'Na ‑wlajü 'amɩ, 'n 'bata 'ba jre wiili ‑sisiea' 'a ‑pɩ bobo ‑maa 'amɔ jre wii: 'iibä Israɛɛlëa 'pɛ 'dee 'bʋala plɛ 'kä nyüülü Nyɔsʋa 'bataa' ünyɩa' juifë bä 'üa 'fɩɔ nya 'ɔa ‑nyɛɛ pa.

Rɔmënyüü 16:24

Abɩa ana 'Pläkänyɔɔ Jesu 'Kriisëa ‑gbinanakʋ bä 'ana ‑tɔrʋpɩɔ. 'Asɩ i bä.

Kolɔɔsënyüü 2:2

'N 'bata abɩa 'üa 'klü 'jrara, ü bä 'tasɩrɩ nyüü 'doo ‑wawlakʋ 'lɩ, 'kä 'ümä 'lɩgaglakʋ kpaku 'jä, 'ümä wiili Nyɔsʋa ‑sisiea' 'wli 'nu, 'iibä 'Kriisë.

Kolɔɔsënyüü 4:3

'Ama bibie Nyɔsʋa nɩ, 'ba bibie dotro ana 'wli 'lɩ, Nyɔsʋa 'mä amɩ 'nyʋfɔ ‑nyɩ wiili ‑sisiea' 'Kriisëa ‑gälɩ, amä 'iin 'lɩsa. 'A ‑gogoläa ‑gʋ 'n bä ‑jie 'lɩ.

'Nyügälɩjawii 10:7

‑Maa ‑srɩlɩ kä 'mlɩ ‑uunsɔɔa nɔ 'aanjë 'mäa' 'ɔa dɛglɛ bö nɩ, Nyɔsʋaa wiili ‑sisie ɩa' nya nröröa 'sɩrɩ 'ɔ ‑gbala käa' 'ɔa 'jrʋpafɛnyüü nyɔsʋaamlɩpalanyüü.

Matiö 20:7

'Iibäa' 'üün nɩ: ‹Nyɔɔ 'nyɩ ‑nyɩ amɩ 'jrʋpa ‑a 'ia ‑gʋ.› 'Ɔnya ‑gbala 'üün: ‹'Ana 'mʋgbɛ 'ba mi 'na putu 'lɩ, ‑bɛ 'mä 'amɩ 'ia mölii 'pɛɛ.›