Rɔmënyüü 16:2 - Kuö Dëdrä Jenɛɛsë Rutë

² 'Ba 'kʋɛɛlɩ 'ɔɔn 'cɩcasa 'Pläkänyɔɔa 'nyrɩklɩa ‑gʋ; 'sɩrɩ 'ü 'kʋɛɛa' 'lɩ Nyɔsʋaa 'nyünanyüü. 'Ba 'pa 'ɔa ‑gä, wii kä 'fɩɔ kä 'mlɩ 'ɔmäa' 'amɩ were, 'ba ji 'ɔɔn ‑gba; 'be 'ɔ ji nyüü 'kɔkɔmlɛ ‑gba, 'palɩ 'na 'mʋgbɛ.

Rɔmënyüü 16:2 Referans Kwoze

Filipënyüü 2:29

'Ii känyrɩ 'ba 'kʋɛɛlɩ 'ɔɔn dɔrʋsa, 'be 'ana 'Pläkänyɔɔ 'lɩa ‑wlajʋ 'ɔ bä. 'Ba 'bʋala nyüülü bäa' 'ɔa 'sa,

Filipënyüü 1:27

'Ba 'nyɛ nyɔɔwʋbabasa, 'sɩrɩ imäa' 'lɩ 'Kriisëa 'Mʋfagogo ‑träärä. 'Ia 'taɩn 'lɩ, ‑bakää 'n jö 'amɩ 'jää, ‑bakää 'nyɩ ‑plɩɩ bä, ‑a 'nu 'sɩrɩ 'a kʋa' bobowli 'doo 'lɩ, 'amä 'ana nyɔsʋaplɛlɛ 'Mʋfagogo ‑nyɩa' 'amɩ ‑wälɩtʋ.

2 Jaan 1:10

Nyɔɔ ma ji 'ana ‑nyɛɛ ‑bɛ ɔma 'nyɩ 'saalɩ wiili 'Kriisë 'kpɩaa' ‑a nɩ, 'anyɩ pla 'ɔɔn 'ana nyüköli, 'anyɩ 'trɛɛ 'ɔmɩ.

Filemɔɔ 1:17

'Ii känyrɩ, ‑ama 'kpla 'mɩ ‑beere ‑na ‑bei nɩ, 'kpla 'ɔɔn ‑beere 'sɩrɩ 'na 'mʋgbɛ ji ɩa' ‑na ‑nyɛɛ.

Filemɔɔ 1:12

'Ɔɔ 'n 'blöö ‑mɩ bei 'wʋ dɛrɩ. 'Ii känyrɩ, 'kpla 'ɔɔn ‑beere 'na 'mʋgbɛa 'pɛ.

Titë 2:3

‑Gbala bɩa tagbüŋlëgë ü 'nyɛ 'sɩrɩ nyɔɔ 'nyɩa' ‑fre pa Nyɔsʋaa 'klɩ, 'ia 'sa. 'Ünyɩ 'pa 'üa ‑mölööa bʋbɔnyrɩ, 'ünyɩ bä 'nʋa ‑goou. Ü 'kpɩa nyüü wiili 'naa',

2 Timotee 1:18

Abɩa 'Pläkänyɔɔ 'jä 'ɔa nyatɛrɩ ‑Gätʋsrɩ 'lɩ. ‑Na 'mʋgbɛ ‑jre 'wʋ ‑srülü 'ɔ jia' 'mɩ ‑gba Ɛfɛsëbätä.

1 Timotee 2:10

‑Maa abɩa 'ŋlëgë srara 'üa 'nanakʋ 'üa 'cɩcagbia 'mlɩ, 'sɩrɩ 'ŋlëgë ma 'daa 'ü ‑träärä 'lɩ Nyɔsʋa, 'asɩ ü bä 'wʋ.

Kolɔɔsënyüü 4:10

Alisëtaakë, ɔ 'nyraa 'ɔɔn kɔsɔ bäa' ‑jie 'lɩ 'trɛɛ 'amɩ. Banabasëa ‑wlajʋ Marëkë 'trɛɛ bɩa 'amɩ. Ɔma ji 'ana ‑nyɛɛ 'ba 'kpla 'ɔɔn 'mʋfasa 'sɩrɩ 'n ‑gbalaa' 'amɩ.

Ɛfɛsënyüü 5:3

Nyɔsʋaa 'nyünanyüü 'a bä. 'Ii känyrɩ, ‑sagbili Nyɔsʋa 'nyɩ 'bataa' nyra diili plaa' ‑fre, nyra dɛɛnyükäkäkʋ, 'ia ‑taa wiilia 'fɩɔ 'nyɩ kä ‑a kä 'imä 'ana ‑tɔrʋpɩɔ bä.

Rɔmënyüü 16:23

Nyɔɔlɔ 'kʋɛɛa' 'lɩ 'mɩ ɔ 'ü 'daraa' Gaiusë, ɔ kä nyüköli 'cɛcɩa 'fɩɔ traraa' 'trɛɛ 'amɩ. Bätäa möliiwälɩtʋnyɔɔlɔ 'ü 'daraa' Erasëtë nyra ana ‑wlajʋ Katisë 'trɛɛ 'amɩ.

Rɔmënyüü 16:9

'Ba 'trɛɛ Ubanusë, ɔ a nyra 'ɔɔn ‑fɛɛɛrɛa' 'jrʋpa 'wʋ 'Kriisë 'lɩ nyra Sëtaki 'na ‑wawanyɔɔ.

Rɔmënyüü 16:6

'Ba 'trɛɛ Marii, 'ɔ ‑fɛ 'jrʋpa ana ‑gʋ.

Rɔmënyüü 15:7

'Ii känyrɩ, ‑moloo ma bälɩ ɔ 'kʋɛɛlɩ ‑moloo 'sɩrɩ 'Kriisëa 'mʋgbɛ 'kʋɛɛa' 'lɩ 'amɩ, Nyɔsʋaa 'nyrɩa 'bʋalakʋa ‑gʋ.

Akëtë 9:41

Piɛɛrë nya 'kpla 'ɔa 'darʋ 'ɔnya ‑gä 'ɔɔn 'klɩ. 'Ɔnya we 'ŋlëgëlü nyra 'cɛcɩnyüü ‑mülü, 'ɔnya srara 'üün 'ɔa 'lɩbäa nɔ 'klɩ.

Akëtë 9:39

Piɛɛrë nya sɔwʋ, 'ɔ nyra 'üün nya mi. 'Ɔ 'tɔa' nɩ, 'ünya fa 'ɔɔn nyëkaklöölä bäa' cɛlɩa 'mlɩ. 'Kusroŋlëgëlüa 'fɩɔ nya jijrö 'ɔɔn ‑gba ‑bɛ 'ü 'wuö. 'Ünya srara 'ɔɔn 'koti nyra ‑gälɩpakotili Dɔrëkaasë ma 'kplaaa' 'taɩn 'lɩ 'ɔ ‑ka bä käa' 'lɩ.

Akëtë 9:36

'Ŋlʋʋ 'doo bä kä 'wʋnyɛrɛnyüüa ‑tɔrʋpɩɔ bätälä 'ü 'daraa' Jopee 'äa 'mlɩ, 'ɔa 'nyrɩ bä Tabita. 'Iibä Dɔrëkaasë grɛɛkëwii 'lɩ. 'Ɔ ma nö nyüü 'mʋfagbi ‑gba, ‑bɛ 'ɔ ma jö 'pʋablanyüü ‑gba.

Matiö 25:40

'Kä 'kɩɩlɔ nya 'üün ‑gbalaa ‑maa: ‹'Cɩcasa 'n ‑gbala 'amɩ, 'asɩ a nöa' 'ia samaa wii 'jüplüjielüa ‑tɔrʋpɩɔa 'doo bäa' 'na ‑wlajü ‑gba nɩ, 'mɔɔ 'a nʋ 'iin ‑gba.›

Akëtë 9:13

'Iibäa' Ananiasë nɩ: «'Pläkänyɔɔ, 'n 'nrörö nyɔɔlɔ kʋa' ‑pɩa 'nyrɩ nyüü 'kɔkɔmlɛa mlɩ 'sɩrɩ 'ɔ nʋa' bʋbɔgbi 'kɔkɔmlɛ ‑na nyüülü berea' 'klɩ ‑gba Jerusalɛɛmë;

Akëtë 9:15

‑Maa 'Pläkänyɔɔ nya ‑gbala 'ɔɔn: «Mi! 'A nyɔɔlɔ 'n 'baa' 'lɩ 'ɔmä 'na 'nyrɩ 'plä 'klɩsrara: nyüülü 'nyɩa' juifë bäa 'klɩ, 'üa 'kɩɩɩa 'klɩ, nyra Israɛɛlëa 'klɩ.

Rɔmënyüü 16:15

'Ba 'trɛɛ Filogusë, Julia, Nere nyra 'ɔa ‑wladia Olipasë nyra nyɔsʋaanyüülü bäa' 'üa ‑nyɛɛ.