Rɔmënyüü 16:18 - Kuö Dëdrä Jenɛɛsë Rutë

¹⁸ 'Ia 'samaa nyüülü nɩ, 'ünyɩ ‑träärälɩ ana 'Pläkänyɔɔ 'Kriisë ‑a, 'üa ‑guia ‑goou 'ü bä! 'Üa mlɩ 'mɛrɛkʋ nyra 'üa ‑gbagblɛ dɛtʋ 'ü nö ‑bɛ 'ü ‑trɔɔrɔ nyüülü 'nyɩa' 'lɩkla.

Rɔmënyüü 16:18 Referans Kwoze

Kolɔɔsënyüü 2:4

Nyɔɔ ‑moloo ‑pɩ yrʋdɛtʋ nʋ 'ɔ ‑pɩ 'amɩ mlüülɩpa, 'ia ‑gʋ 'n ‑gbala 'amɩ.

Filipënyüü 3:19

'Ünya 'mɔlɔa. 'Üa ‑gu bä 'üa nyɔsʋa, wiili bäa' 'üa 'nyüsü, 'ii 'ü nö ‑bɛ 'ü ‑gbaalɩ, ‑pɩ ‑tʋtʋ ‑gälɩa diia 'pɛlɩ 'üa bobowli fala.

Matiö 7:15

«'Ba ‑tre 'ana nyüfë ‑gbagblɛ nyɔsʋaamlɩpalanyüüa ‑gʋ! ‑Bablëëjüa 'fu 'ü 'paa ‑gälɩ ‑bɛ 'ü jö 'ana ‑tɔrʋpɩɔ, ‑maa klaklamlaa 'ü bä.

1 Timotee 6:5

nyra nyüülü kä bobowli toroa' 'lɩgälɩ, ü ‑topoa' 'fëflɛsa. 'Ü ‑kanyɩ 'cɩcasa ‑a jre, 'ü 'jää nyɔsʋaplɛtorokʋ ‑beere dɛɛ 'ümäa' kälɩ ‑srörö 'ümäa' 'bɩɔ ji, ‑nyra 'ia nyüülü 'nɩ 'nyɛ.

2 Piɛɛrë 2:3

Dɛɛnyü nyra ‑gbagblɛwii 'ümä nʋ 'ümä 'amɩ ‑trɔɔrɔ. ‑Mää ‑mlatɩkä 'üa ‑gä 'nyɩ ‑träärä, 'üa ‑gbogblookʋ 'nyɩ 'nyüglö ‑a 'nyüglö.

Judë 1:16

'A nyüülü 'palaa' plɛ 'lɩ wii ‑bɛ ü ‑tʋʋäa' 'crɛa 'doo; wiili 'ü 'bataa' 'ia 'sa 'ü 'nyɛɛ. ‑Tɔklʋbɔtɔwiia 'doo 'cie 'üa mlɩ, 'ü 'sara nyüü ‑gbagblɛ 'ümä 'üün dɛɛ kälɩ 'järä.

2 Tɛsalonikënyüü 2:10

Yrʋ nyra ‑gbagblɛ 'kɔkɔmlɛ 'ɔmä nʋ ‑bɛ 'ɔmä nyüülü möa' 'mɔlɔ 'nyʋfɔ 'wʋ 'kpla. 'Be 'ünyɩ 'lɩ 'cɩcasalä 'mäa' 'ü 'lɩmlɩba ‑a ‑wa.

Judë 1:12

'Ia nyüülü 'cakla 'ana 'wʋtarakʋ 'lɩ. 'Ü nöa' 'saa nɩ, 'ünyɩ 'nyüsü ‑a kä; 'ü nyra 'amɩ tara 'wʋ, 'a 'mlara 'wʋ; 'üa 'dooa ‑gä 'ü bobo. 'Ü ‑beere ‑gbrulu 'nyɩ jaa' 'nʋŋlʋ ‑bɛ ‑fʋflʋ ‑gbaaa' 'kä. 'Ü ‑beere tʋtʋtiili kä 'taɩn jräa' 'lɩ ‑bɛ inyɩ tʋa': 'ü järä 'wʋ 'sɔɔwʋ, 'ü ‑kanyɩ tigblii ‑a kä.

Filipënyüü 2:21

‑Mülü nɩ, 'üa 'mʋgbɛa ‑gä 'ü bobo; 'ünyɩ bobo Jesu 'Kriisëa ‑gä ‑a.

Galaatënyüü 1:10

'N nöa' 'saa 'n 'paaa' wii nɩ, nyüü 'mä 'mɩ 'bʋalaa, ‑maa Nyɔsʋa? 'Mä nyüü 'tʋ kä, ‑ale ‑maa Nyɔsʋaa? Ama 'bata ɩ 'kä nyüü 'mä 'mɩ ‑wa nɩ, 'nëmä ɩ 'Kriisëa ‑geei ‑a bä.

Matiö 24:24

'N 'paa' 'iin nɩ, ‑gbagblɛ 'kriisë nyra ‑gbagblɛ nyɔsʋaamlɩpalanyüü nya ‑srɩɩ 'lɩbäa. 'Ünya ‑saragbi kpakü nyra plɛklɩkalawii nʋa, 'ünya 'nɩmɩ nyüülü Nyɔsʋa 'baa' 'lɩ mlüü 'lɩpaa ima bä 'ia 'sa.

Kolɔɔsënyüü 3:24

'Be 'a jre 'iin 'sɩrɩ 'Pläkänyɔɔ 'mäa' 'amɩ ‑jaalä 'ɔ ‑tʋa' ‑wälɩ ‑nyɩ; 'ää bä 'ɔa nyüüa 'pɛɛ. 'Be 'Pläkänyɔɔ 'Kriisëa 'jrʋpa 'a ‑fɛɛɛ.

2 Korɛɛntënyüü 4:2

Diili bäa' 'nyüsü 'wʋ i nröröa' ‑sisiedii 'lɩ nɩ, a blara 'iin 'klɩ, anyɩ nʋ yrʋgbi ‑a, anyɩ 'cici bɩa nyɔsʋaawii ‑a. ‑Maa ‑srɩ 'klɩ a srara nyüü 'cɩcasa nyüüa 'fɩɔ 'mä amɩ plɛtoro Nyɔsʋa 'klʋɩ ‑gälɩ.

2 Korɛɛntënyüü 2:17

Amɔlɔ nɩ, ‑mää nyüü 'kɔkɔmlɛlü nöa' nyɔsʋaawii ü 'paaa' 'peru, ‑mää 'üün anyɩ bä. Amɔlɔ nɩ, ana plɛa 'fɩɔ 'pɔlɔ ‑bɛ a 'paa 'ɔa ‑gä, ‑bɛ 'ɔ 'jää amɩ 'Kriisëa 'jrʋpafɛnyüüa 'sa, 'be 'ɔɔ bäa' Nyɔsʋa 'ɔɔ ja amɩ.

Rɔmënyüü 16:19

Nyüüa 'fɩɔ jre 'ana 'lɩträäräkʋ. 'A kä 'mɩ dɔrʋ 'wʋ, ‑maa 'n 'bata 'ba jre wiili 'naa' 'sɩrɩ 'ana polua 'nyü 'naa' 'kä ‑balʋa ‑gʋ.

Jaan 12:26

Nyɔɔ ma ‑fɛ 'na 'jrʋpa, ɔ ‑mɛ 'mɩ ‑gälɩ; ‑bɛ ‑plɩɩlɩ 'n kʋa' 'na 'jrʋpafɛnyɔɔ 'mä bɩa 'lɩ kʋ. Nyɔɔ ma ‑fɛ 'na 'jrʋpa, 'na Tʋ nya 'ɔɔn 'bʋalaa.»

Matiö 24:11

‑Gbagblɛ nyɔsʋaamlɩpalanyüü 'kɔkɔmlɛ nya jia 'kä 'ünya nyüü 'kɔkɔmlɛ mlüülɩpa.

Matiö 6:24

«Nyɔɔ 'nyɩ 'lɩ ‑a bä 'ɔmä 'kamanyüü 'sɔɔa 'jrʋpa 'wʋfɛrɛ. 'Ɔnya 'doo 'nyüamlɩjraraa 'kä 'ɔnya ‑mɔlɔ ‑wa. 'Aiɛ 'ɔnya 'lɩ 'doo ‑trääräa ‑gböösa, 'kä 'ɔnya ‑mɔlɔ sawʋ 'pa. 'Anyɩ 'lɩ ‑a bɩa 'amä Nyɔsʋaa 'jrʋpa nyra möliia 'jrʋpa 'wʋ ‑fɛrɛ.

'Nyügälɩjawii 1:1

‑Jää wiili ‑sisiea' i Jesu 'Kriisë bea' ‑fälɩ ‑taa ‑pɔɔkʋlʋa 'mlɩ. Nyɔsʋa srara 'ɔmɩ 'iin 'ɔmä 'iin 'ɔa 'jrʋpafɛnyüü srara 'ümä wiili jöa' 'lee jre. Jesu 'Kriisë blɔ 'ɔa 'aanjë ɔ ji ɔ ‑gbala 'mɩ 'iin, 'mɔɔ Jaan 'ɔa 'jrʋpafɛnyɔɔ.

Judë 1:1

'Mɔɔ Judë, Jesu 'Kriisëa ‑geei, Jaakëa ‑wlajʋ, 'mɔɔ ‑jɩjraa' 'amɩ 'wʋ: 'amɔ Nyɔsʋalɔ bäa' Tʋ ‑wa ‑bɛ 'ɔ wea', 'amä 'ɔa nü bä Jesu 'Kriisëa ‑gʋ.

Jaakë 1:1

'Mɔɔ Jaakë, Nyɔsʋa nyra 'Pläkänyɔɔ Jesu 'Kriisëa ‑geei, 'mɔɔ ‑jɩjra 'amɩ 'wʋ, 'amɔ ‑glügbü ‑pʋ ‑bɛ 'sɔɔlü ‑gbagblaa' 'lɩ 'klɩ 'kä; 'n 'trɛɛ 'amɩ.

2 Korɛɛntënyüü 11:3

'Sɩrɩ trɔɔ nʋa' ‑bɛ 'u nʋa' 'ua yrʋ 'u ‑trɔɔrɔa' Ɛvë nɩ, 'asɩ ŋalɛ 'blaa 'mɩ 'sɩrɩ 'ana bobowli ma 'kplaa 'kasa 'Kriisë nɩ, 'i ‑pɩ kälɩ ‑sie.

Rɔmënyüü 14:18

Nyɔɔlɔ ‑trääräa' 'lɩ 'Kriisë ‑taa wiilia 'mlɩ nɩ, 'ɔnya Nyɔsʋa 'tʋkäa, 'kä nyüüa 'mʋgbɛ nya 'ɔa 'cɩcanyrɩ 'pa.