Rɔmënyüü 15:5 - Kuö Dëdrä Jenɛɛsë Rutë

⁵ Abɩa plɛblö Nyɔsʋa, 'klüjrara Nyɔsʋa, ‑nyɩ 'amɩ 'wlinönrökʋ Jesu 'Kriisëa 'sa.

Rɔmënyüü 15:5 Referans Kwoze

1 Piɛɛrë 3:8

'Ii känyrɩ, abɩa 'ana bobowli bä dɛɛ 'dee, 'ba ‑wawla ‑beere ‑wlajü, 'ba kä nyatɛplɛ, ‑bɛ 'ba kä ‑gbinanakʋ.

Rɔmënyüü 12:16

'Ba 'nönröwli. 'Anyɩ bɔtɔ ‑tɔklʋ, ‑maa abɩa 'ana bobowli bɩara dɛɛlɛ 'ünyɩ 'daraa' dɛɛ a 'pɛlɩ. 'Anyɩ bobo ‑maa 'a jre wii.

Ɛfɛsënyüü 5:2

'Ba 'nyɛrɛ ‑wawlakʋ 'lɩ, 'sɩrɩ 'Kriisë ‑waa' amɩ. 'Ɔ 'sara 'ɔa nyufa Nyɔsʋa kälɩ ‑gbɔa 'sa ana ‑gʋ; 'ɔ bä ‑gbɔlʋ kä 'nɔnʋ käa' Nyɔsʋa 'tʋ.

2 Korɛɛntënyüü 13:11

'Na ‑wlajü 'amɩ 'a blö 'n blö ɔ. 'Ba bä dɔrʋ 'lɩ. 'Ba ‑nyɩgla 'ana 'klä 'kä. 'Ba 'paplaklü 'lɩ. 'Ba 'nönröwli. Abɩa fugbalɩflɛrɛkʋ bä 'ana ‑tɔrʋpɩɔ. 'Ia 'taɩn 'lɩ Nyɔsʋalɔ bäa' ‑wawakʋ, 'ɔ bäa' fugbalɩflɛrɛkʋ nɩ, 'ɔnya 'amɩ dɛrɩ bäa.

Rɔmënyüü 15:13

Abɩa 'suru Nyɔsʋa 'sie 'amɩ dɔrʋ 'kɔkɔmlɛ nyra plɛgälɩflɛrɛkʋ 'klɩ 'sɩrɩ 'a toroa' 'ɔɔn plɛ. 'Ama nʋ 'saa nɩ, 'Nyüna ‑Susua 'klü nya 'amɩ 'surukʋ 'wli ‑siea!

1 Korɛɛntënyüü 1:10

'Na ‑wlajü 'amɩ 'n bibie 'amɩ, 'Pläkänyɔɔ Jesu 'Kriisëa 'nyrɩklɩa ‑gʋ 'ba 'pa watu 'doo! 'Anyɩ 'bölötɩa, ‑maa 'ba ‑ma 'mʋfasa 'ana bobowlia 'mlɩ, abɩa 'ana polu bä dɛɛ 'dee.

Filipënyüü 4:2

'N bibie Evodii nyra Sɛnëtikë ‑gböösa ü 'nönröwli 'Pläkänyɔɔ 'lɩ.

Filipënyüü 2:2

'ba 'nönröwli, 'amä 'mɩ dɔrʋ 'klɩsie: abɩa 'ana ‑wawakʋ bä dɛɛ 'dee, 'ba kä plɛ 'dee 'kä 'a kä bobowli 'doo.

Filipënyüü 1:27

'Ba 'nyɛ nyɔɔwʋbabasa, 'sɩrɩ imäa' 'lɩ 'Kriisëa 'Mʋfagogo ‑träärä. 'Ia 'taɩn 'lɩ, ‑bakää 'n jö 'amɩ 'jää, ‑bakää 'nyɩ ‑plɩɩ bä, ‑a 'nu 'sɩrɩ 'a kʋa' bobowli 'doo 'lɩ, 'amä 'ana nyɔsʋaplɛlɛ 'Mʋfagogo ‑nyɩa' 'amɩ ‑wälɩtʋ.

2 Piɛɛrë 3:15

‑Bɛ 'ba jresaa ana 'Pläkänyɔɔa plɛböblökʋ bä 'ana 'lɩmlɩwʋwʋkʋ. 'Lɩgaglakʋlʋ Nyɔsʋa ‑nyɩa' ana ‑wawawlajʋ 'Pɔɔlë nɩ, 'asɩ 'ɔ ‑jɩjra amɩ 'wʋ.

Filipënyüü 3:16

‑Plɩɩlɩ anya 'a 'tɔ nɩ, a 'nyɛrɛ 'wʋ 'sɩrɩ a 'nyɛɛa' a ‑dɔ 'doo ‑gälɩ, 'kä a kʋä bobowli 'doo 'lɩ.

Akëtë 4:32

Nyüülü toroa' 'Kriisë plɛ nɩ, 'üa polu nyra 'üa bobowli bä dɛɛ 'dee. Nyɔɔ 'nyɩ 'üa ‑tɔrʋpɩɔ ‑a bä 'ɔmä 'daa 'ɔa 'doo kä 'ɔa dii. Nyüüa 'fɩɔ kä kä dɛɛlɛ ‑moloo käa'.

2 Piɛɛrë 3:9

'Pläkänyɔɔ ‑nëmä dɛrɩ ‑a ‑wlɛ 'kä 'ɔnya wiili 'ɔ 'daaa' nʋ. ‑Mölöö nɩnɩa 'ɔ ‑pʋala 'kä 'ɔmä wiili 'ɔ 'daaa' nʋ. ‑Maa 'ɔ kä plɛblöblökʋ ana 'pɛlɩ, 'be 'ɔnyɩ 'bata 'bata ‑a nyɔɔ 'mä ana ‑tɔrʋpɩɔ sɔ; wiili 'ɔ 'bataa' nɩ, 'ü toro 'lɩ ‑balʋ ‑gälɩ.

Rɔmënyüü 15:3

'Kriisëlɔ 'mʋgbɛ 'nyɩ wiili käa' 'ɔɔn 'tʋ ‑a nʋ. ‑Maa 'be 'i ‑jɩjra: «'Mɔɔ ‑na ‑jejreenyüüa ‑jejreekʋ ji 'wʋ.»

1 Piɛɛrë 3:20

'A nyüülü 'nyɩ käa' 'lɩ Nyɔsʋa ‑träärä 'taɩn 'lɩ 'ɔ ‑glaara käa' 'üün Noea 'taɩn 'lɩ, 'taɩn 'lɩ kä 'mlɩ Noe nʋ käa' 'mɩɩ kpaki. Nyüü jie 'üü ‑srörö 'nie ‑gälɩ 'ünya 'wʋlɩmlɩ: 'üa nyüü ‑uuntää.

2 Korɛɛntënyüü 7:6

‑Maa Nyɔsʋalɔ 'paaa' nyüülü kä kpati jäa' 'lɩ 'klü 'lɩ nɩ, 'ɔ 'jrara ana 'klü 'taɩn 'lɩ Titë 'tɔa'.