Rɔmënyüü 15:30 - Kuö Dëdrä Jenɛɛsë Rutë

³⁰ 'Na ‑wlajü 'amɩ, ana 'Pläkänyɔɔ Jesu 'Kriisë nyra ‑Susua ‑wawakʋa 'nyrɩklɩa ‑gʋ nɩ, 'n 'jrara 'ana 'klü, 'amä 'mɩ ‑gbaji toua 'mlɩ 'amä Nyɔsʋa bibie 'na ‑gʋ

Rɔmënyüü 15:30 Referans Kwoze

Kolɔɔsënyüü 4:12

'Ana nyɔɔ Epafarasë 'trɛɛ 'amɩ. 'Ɔɔlɔ nɩ Jesu 'Kriisëa ‑geei 'ɔ bä, 'ɔnyɩ 'nyüglö 'ana 'wli 'lɩa ‑golufufukʋa ‑gʋ ‑a nyɔsʋabibiekʋ 'lɩ, 'amä 'wʋsɔɔrɔ ‑bɛ 'amä 'tasɩrɩ wiili Nyɔsʋa 'bataa' jre.

2 Korɛɛntënyüü 1:11

'Ana 'mʋgbɛ 'a jö 'amɩ ‑gba 'ana nyɔsʋabibiekʋa 'mlɩ. 'Asɩ nyüü 'kɔkɔmlɛ 'mä Nyɔsʋa 'trɛɛ ana ‑gʋ, 'sɩrɩ 'ɔ 'nua' 'üa wewewii 'wli ana 'pɛlɩ, 'be 'ɔɔ ‑nyɩ amɩ 'ia ‑gbinanakʋlʋ.

1 Tɛsalonikënyüü 5:25

‑Wlajü 'amɩ, 'ba bibie bɩa ana 'wlili.

2 Korɛɛntënyüü 4:11

A bälɩ, ‑maa a 'jää jäjäwʋ 'taɩn a 'fɩɔ 'lɩ Jesua ‑gʋ, 'kä 'ɔa 'klä 'mä bɩa 'wʋcrɛrɛ ana jäjäfugbaa 'mlɩ.

2 Tɛsalonikënyüü 3:1

‑Jäsɩ 'n blöa' nɩ, ‑wlajü 'amɩ, 'ba bibie ana 'wlili 'Pläkänyɔɔa 'papawii 'mä 'klɔɔtrʋ mi a 'doo ‑bɛ 'imä 'bʋala 'sɩrɩ 'i bäa' 'ana ‑nyɛɛ,

Filipënyüü 2:1

'Kriisë ma ‑nyɩ 'amɩ 'klü, 'ɔa ‑wawakʋ ma 'cie 'ana plɛ 'wʋ, Nyɔsʋaa ‑Susu ma ‑ma 'ana 'fɩɔ, 'ama kä ‑gbinanakʋ ‑bɛ 'ama kä ‑mölööa nyatɛrɩ nɩ,

Kolɔɔsënyüü 2:1

‑Jää wiili 'a käa' 'amäa' jre, 'tasɩrɩa ‑golu 'n ‑fuuö 'ana ‑gʋ. Nyüülü kʋa' bɩaa' Laodisiibätä, nyra nyɔsʋaanyüü ‑mülü ‑kaapɩɔa' 'na 'klʋɩ 'jä, 'üa ‑gʋ 'n ‑fuuö.

2 Korɛɛntënyüü 4:5

‑Mää ana 'mʋgbɛa ‑gogoa anyɩ 'sa 'amɩ, ‑maa 'Pläkänyɔɔ Jesu 'Kriisëa ‑gogoa 'saa 'amɩ. A 'kpla ana nyüfë ‑beere 'ana 'jrʋpafɛnyüü Jesua ‑gʋ.

2 Timotee 4:1

'A 'ia ‑gʋ, 'tasɩrɩ 'n ‑gbala ‑mɩ Nyɔsʋa nyra 'Pläkänyɔɔ Jesu 'Kriisëlɔ 'mäa' 'lɩbänyüü nyra jäjänyüüa ‑gä ‑tʋ, 'taɩn 'lɩ 'ɔɔ ‑bɛ 'ɔa 'Kamaplä 'mäa' ‑srɩɩ ji nɩ, 'üa 'klɩ:

Kolɔɔsënyüü 1:8

'Ɔɔ ‑gbala amɩ 'sɩrɩ Nyɔsʋaa ‑Susu ‑tʋa' ‑wawlakʋ 'amɩ 'lɩ.

Ɛfɛsënyüü 6:19

'Ba bibie bɩa 'na 'wli 'lɩ, Nyɔsʋa 'mä 'mɩ wii mlɩ 'pa 'kä ama 'salɩ 'Mʋfagogoa 'mlɩa wiili ‑sisiea' nɩ, ŋalɛ ‑pɩ 'mɩ 'bla.

Galaatënyüü 5:22

‑Maa wiili ‑Susu 'ciea' amɩ 'lɩ nɩ, 'iibä: ‑wawlakʋ, dɔrʋ, plɛgälɩflɛrɛkʋ, plɛpɩpɛa käkäkʋ, 'cɩcagbia nʋnʋkʋ, ‑gbajijikʋ, plɛtoronyɔɔa bäbäkʋ, ‑gbinanakʋ nyra jre ‑na 'mʋgbɛa 'kpakplakʋ;

2 Korɛɛntënyüü 12:10

'A 'ia ‑gʋ 'fʋmakʋ, jejrekʋ, 'dadaakʋ, ‑gbigbanʋnʋkʋ nyra ‑sʋɩ, 'ia 'fɩɔ ma jrä 'mɩ ‑gälɩ 'Kriisëa ‑gʋ ‑bɛ dɔrʋ 'blaa 'mɩ. 'Be 'a 'taɩn 'lɩ 'n 'fʋmaa', 'a ‑plɩɩ 'n ‑sɔɔrɔwʋ.