Rɔmënyüü 15:19 - Kuö Dëdrä Jenɛɛsë Rutë

¹⁹ 'ɔ nʋ 'iin ‑saragbia tie 'lɩ nyra plɛklɩkalawii 'lɩ Nyɔsʋaa ‑Susua 'nyrɩklɩ. 'Bala Jerusalɛɛmë ‑a mi Ilireea ‑tʋtʋ ‑gälɩ nɩ, Jesu 'Kriisëa 'Mʋfagogoa 'doo 'n 'sa.

Rɔmënyüü 15:19 Referans Kwoze

2 Korɛɛntënyüü 12:12

‑Jää wiili sraraa' nyüü 'sɩrɩ 'n bäa' 'tasɩrɩa apotrë 'ii nrörö 'ana ‑nyɛɛ: plɛblösa ‑sʋɛa 'mlɩ, ‑saragbia tie, plɛklɩkalawii, 'nyaa srara Nyɔsʋaa 'klü dii ‑mɩdooa 'mlɩ.

Ebröönyüü 2:4

Nyɔsʋa srara 'sɩrɩ 'üa 'papawii bäa' 'cɩcasa: a 'jä 'ia ‑saragbia tie nyra ‑saragbi nyra plɛklɩkalawiia 'kaɩn 'kaɩn, nyra bɩa 'Nyüna ‑Susua 'srɛa 'kaɩn 'kaɩn 'lɩ, 'ɔ ‑pääläa' nyüü 'lɩ 'sɩrɩ 'ɔ ‑waa'.

Galaatënyüü 3:5

Nyɔɔlɔ ‑nyɩa' 'amɩ 'ɔa ‑Susu, ‑bɛ ɔ nröröa' 'ana ‑tɔrʋpɩɔ ‑saragbi nɩ, ‑dɔ 'a ‑träärälɩ 'ia ‑gʋ, ‑ale 'Mʋfagogolä 'a poa' 'nyakli ‑bɛ 'a toroa' plɛ, 'äa ‑gʋ?

2 Timotee 4:17

‑Maa 'Pläkänyɔɔ bä ɩ 'na ‑gba 'ɔnya ‑nyɩ 'mɩ 'klü; 'mɔɔ 'ɔ ‑srörökalɩ 'ɔnya 'saralɩ 'ɔa wii nyüülü kä 'fɩɔ 'nyɩa' Nyɔsʋa jre. 'Ɔnya 'ba 'mɩ sruku 'mä.

Akëtë 20:6

'Flɔɔlʋ kä 'mlɩ 'nyɩa' levurë bä 'ua ‑glɩsɩglɩsɩa jrüü ‑sia' nɩ, anya 'cie Filipëbätä, 'mɩɩ a fa. Jrüü ‑gböööa ‑srɩ 'lɩ a 'tɔ Troasë, anya ‑si 'lɩ jrüü ‑uunsɔɔ.

Akëtë 17:10

‑Gbia 'kaa' dotro nɩ, 'cɛcɩnyüü nya fa 'Pɔɔlë nyra Silasë Beree. 'Ü 'tɔa', 'ünya mi juifëa 'sraaplanyüköli.

Akëtë 20:20

'A jre 'iin, wiili 'naa', i nëmäa' 'amɩ 'känyɩgla, 'nyɩ 'amɩ 'iin ‑gba ‑a ‑sisre: 'n ‑gbala 'amɩ 'iin, 'nyaa 'kpɩara 'amɩ ‑jria 'lɩ nyra 'ana nyëka ‑wälɩ.

Akëtë 19:1

'Taɩn 'lɩ Apolɔsë ‑ka bäa' Korɛɛntëbätä nɩ, 'Pɔɔlë nya ‑srörö Asiia 'blɩlɩ 'dʋgbë bäa' 'ɔnya 'tɔ Ɛfɛsëbätä, 'ɔ jrä 'lɩ 'wʋnyɛrɛnyüü ‑mölöö,

Akëtë 18:19

'Ɔ 'tɔa' Ɛfɛsëbätä nɩ, 'ɔnya tɩ Prisiilë nyra Akilasë, 'ɔnya pa juifëa 'sraaplanyuku ‑wälɩ ‑bɛ 'ɔ nyra juifë ‑topo.

Akëtë 18:1

'I ‑sia' nɩ, 'Pɔɔlë nya sɔ Atɛɛnëbätä, 'ɔnya mi Korɛɛntëbätä.

Akëtë 17:15

Nyüülü fala ɩa' 'Pɔɔlë nɩ, 'ünya fala 'ɔɔn falaaa Atɛɛnëbätä. 'Ɔ bɩaa' 'üün wii mlɩ ‑tʋtʋkʋ, 'ü ‑gbala Silasë nyra Timotee ü ji sɔsɔ nɩ, 'ünya 'blöödɛrɩ.

Akëtë 16:18

'Asɩ 'ɔ nöa' 'doo. 'Pɔɔlë sɩaa' 'ia ‑gʋ nɩ, 'ɔnya ‑sie 'ɔa 'pɛlɩ kälɩ 'ɔnya ‑gbala ‑balʋsusulu: «Jesu 'Kriisëa 'nyrɩklɩ, 'cie 'ŋlʋʋlɔ 'lɩ!» 'Köklesaplɩɩ 'unya 'cie.

Akëtë 15:12

Nyüülü kä 'fɩɔ trara ɩa' nya 'kpla 'më 'ümä Banabasë nyra 'Pɔɔlë 'nyaklipo. 'Ünya ‑gbala 'üün 'sɩrɩ Nyɔsʋa ‑srörö 'üün kälɩ ‑bɛ ‑saragbia tie nyra plɛklɩkalawii nröröa' nyüülü 'nyɩa' juifë bäa ‑tɔrʋpɩɔ.

Akëtë 14:25

'Ü 'palaa' nyɔsʋaawii Pɛgebätä, 'ünya mi Ataliabätä.

Akëtë 14:20

‑Maa 'taɩn 'lɩ 'wʋnyɛrɛnyüü jia' 'ɔɔn 'klɩtra nɩ, 'ɔnya sɔwʋ 'ɔnya 'jra bätä. 'Ia ‑srɩ paa', 'ɔɔ ‑bɛ Banabasë nya mi Dɛbeebätä.

Akëtë 14:10

'Pɔɔlë nya 'kpölɩkä 'ɔnya ‑gbala 'ɔɔn: «Sɔwʋ, 'nyüglö 'cɩcasa!» Nyɔɔlɔ nya ‑plöörö 'ɔa bei ‑gälɩ ‑bɛ 'ɔ 'nyɛɛ.

Akëtë 14:6

'Ü 'nua' 'iin 'wli nɩ, 'ünya fɔ 'ünya mi bätëlë bäa' Lakoniia ‑tʋtʋ ‑gälɩa 'mlɩ: 'üü bä Lisëtrë nyra Dɛbee nyra bätë ‑mülü bä bäa' 'lɩ ‑gba.

Akëtë 13:51

'Üülü nɩ, 'ünya ‑gbɔplɔ 'lɩ 'üa bei ‑gbaa ‑tʋtʋ, 'ünya mi Ikoniɔɔbätä.

Akëtë 13:14

'Ü sɔa' Pɛge 'ünya mi Antiɔɔsë, Pisidiia ‑tʋtʋ ‑gälɩ. Juifëa ‑fʋflʋpasrɩ 'lɩ nɩ, 'ünya pa juifëa 'sraaplanyuku 'wʋ 'ünya kʋwälɩ.

Akëtë 1:8

‑Maa 'Nyüna ‑Susu nya 'amɩ ‑gälɩ 'cerea, 'kä 'unya 'amɩ 'klü ‑nyɩ, ‑bɛ wiili käläa' 'mɩ ‑gba, i 'a 'jäa' nɩ, 'amä 'iin 'lɩsa Jerusalɛɛmë; sɔ bɩa Judee nyra Samariia ‑tʋtʋa 'fɩɔ ‑gälɩ, ‑a ‑tɔɔ ‑tʋtʋa blöröfa 'wʋ.»

Jaan 4:48

Jesu nya ‑gbala 'ɔɔn: «'A ‑kaaŋlʋa' ‑saragbia tie nyra plɛklɩkalawii 'jä nɩ, 'a ‑nëmä 'mɩ plɛ ‑a toro.»

Matiö 12:28

‑Maa ima 'daa Nyɔsʋaa ‑Susu 'n ‑srörö kälɩ ‑bɛ 'n prɛ domüü nɩ, 'ba jresaa Nyɔsʋaa 'kamaplä 'a 'ana ‑nyɛɛ 'tɔ.

1 Piɛɛrë 1:12

Nyɔsʋa nya srara 'üün 'sɩrɩ wiili 'ɔ ‑tʋa' 'üün mlɩ 'nyɩa' 'üa 'mʋgbɛa ‑gʋ bä, ‑maa 'sɩrɩ 'i bäa' 'ana ‑gʋ. 'A wiili bä 'saarɩ 'Mʋfagogo, 'ää nyüü 'saa 'amɩ 'Nyüna ‑Susua 'klülü sɔa' ‑nyɛɛ cɛa 'mlɩ. 'Aanjëa 'mʋgbɛ 'bata 'ümä 'ia 'mlɩ 'kä 'järä.

Kolɔɔsënyüü 1:25

'A 'Cɛcɩlɛa 'jrʋpafɛnyɔɔ 'n bä. Nyɔsʋa 'ɔɔ ‑nyɩ 'mɩ 'jrʋpalä ‑a ‑fɛ 'ämɩ 'ana ‑gʋ. 'Ɔ blɔ 'mɩ ‑a 'pa 'ɔa 'papawiia 'fɩɔ.

Rɔmënyüü 15:24

'nyaa 'lɩ ‑sröröa 'kä 'nyaa Ɛsëpanyë mi. 'N jresaa 'nyaa 'amɩ dɛɛ kälɩ 'järäa 'mä nyɔtugbabre mi. ‑Maa jrüü jielü 'mäa' 'amɩ ‑gbasi, 'ia dɔrʋ 'blaa 'mɩ.

Rɔmënyüü 15:13

Abɩa 'suru Nyɔsʋa 'sie 'amɩ dɔrʋ 'kɔkɔmlɛ nyra plɛgälɩflɛrɛkʋ 'klɩ 'sɩrɩ 'a toroa' 'ɔɔn plɛ. 'Ama nʋ 'saa nɩ, 'Nyüna ‑Susua 'klü nya 'amɩ 'surukʋ 'wli ‑siea!

Rɔmënyüü 15:16

'N nʋ Jesu 'Kriisëa 'jrʋpafɛnyɔɔ nyüülü 'nyɩa' juifë bä 'üa ‑gʋ. Nyɔsʋaa 'Mʋfagogoa 'pɛrɩnyɔɔa 'jrʋpa 'n ‑fɛɛɛ, 'kä nyüülü 'nyɩa' juifë bä 'mä ‑gbɔlʋ käa' Nyɔsʋa 'tʋ bä, ‑gbɔlʋ 'Nyüna ‑Susu berea' 'klɩ.

1 Korɛɛntënyüü 2:4

'Na 'papawii nyra 'na nyɔsʋaawiili 'n 'paa' ‑bɛ nyüü 'daraa' 'iin wii nɩ, ‑mää nyɔɔa 'lɩgaglakʋ 'nyɩ nʋ; ‑maa 'Nyüna ‑Susu 'u 'pa 'na 'papawii 'klü ‑gälɩ,

1 Tɛsalonikënyüü 1:5

'be 'Mʋfagogolä a 'saraa' 'lɩ 'amɩ nɩ, 'änyɩ 'fʋflɛ ‑gogo ‑a bä, ‑maa 'Nyüna ‑Susua 'klü bä 'lɩ, anya 'suru 'sɩrɩ 'i bäa 'cɩcasa; 'be 'a 'jä 'sɩrɩ a 'nyɛrɛa' 'ana ‑tɔrʋpɩɔ, 'ia 'fɩɔlʋ nɩ 'ana 'cɩcasaa ‑gʋ.