Rɔmënyüü 15:18 - Kuö Dëdrä Jenɛɛsë Rutë

¹⁸ 'Be 'nyɩ 'papawii ‑a kä ima 'nyɩ wiili 'Kriisë ‑sröröa' 'mɩ kälɩ ‑bɛ 'ɔ nʋa' 'iin ‑bɛ nyüülü 'nyɩa' juifë bä ‑trääräa' 'lɩ Nyɔsʋa ‑a bä: 'ɔ ‑srörö 'papawii 'lɩ 'ɔnya ‑srörö nʋnʋdii 'lɩ,

Rɔmënyüü 15:18 Referans Kwoze

Akëtë 15:12

Nyüülü kä 'fɩɔ trara ɩa' nya 'kpla 'më 'ümä Banabasë nyra 'Pɔɔlë 'nyaklipo. 'Ünya ‑gbala 'üün 'sɩrɩ Nyɔsʋa ‑srörö 'üün kälɩ ‑bɛ ‑saragbia tie nyra plɛklɩkalawii nröröa' nyüülü 'nyɩa' juifë bäa ‑tɔrʋpɩɔ.

Rɔmënyüü 1:5

'Ɔɔ Nyɔsʋa ‑srörö kälɩ 'ɔnya ‑nyɩ amɩ 'ɔa ‑gbinanakʋ, 'ɔa ‑gʋ 'ɔ nrörö amɩ apotrë 'lɩ, amä 'iin nʋ 'kä 'ɔa 'nyrɩklɩ nyüülü 'nyɩa' juifë bä 'mä 'ɔɔn plɛtoro ‑bɛ 'ümä 'ɔɔn 'lɩträärä.

Akëtë 21:19

'Ɔ 'trɛɛa' 'üün nɩ, 'ɔnya blöplɛ 'ɔnya ‑gbala 'üün 'jrʋpalä Nyɔsʋa ‑fɛɛɛrɛa' nyüülü 'nyɩa' juifë bäa ‑tɔrʋpɩɔ.

Galaatënyüü 2:8

'Be ɔ nröröa' Piɛɛrë nyüülü 'bölöa' apotrë 'lɩ nɩ, 'ɔɔ nrörö bɩa 'mɩ nyüülü 'nyɩa' juifë bä 'üa apotrë 'lɩ.

2 Tɛsalonikënyüü 2:17

ɔ 'pa 'amɩ 'klü 'lɩ. 'Kä ɔ ‑nyɛɛ 'amɩ 'klü 'amä wiili kä 'fɩɔ 'naa' nʋ 'cɩcawii 'mä bɩa 'ana mlɩ sɔ!

Rɔmënyüü 16:26

‑Maa 'köklesaplɩɩ ɔ nɩ, ‑pɔɔkɩ 'lɩ nyɔsʋaamlɩpalanyüü ‑jɩjraa', 'ia ‑gʋ nɩ, 'i 'a ‑fälɩ blö, nyüüa 'fɩɔ nya 'jä 'iin. Nyɔsʋalɔ 'nyɩa' blöröfa kä, 'ɔɔ 'daa i nrörö. 'Ɔ nʋ 'imɩ ‑tʋtʋ ‑gälɩa ‑glügbüa 'fɩɔ 'mä Nyɔsʋa plɛtoro 'ümä 'ɔɔn 'lɩträärä.

Judë 1:9

'Aanjëa 'cifi Misɛlëa 'mʋgbɛ 'nyɩ 'nɩmɩ 'saa ‑a nʋ. 'Taɩn 'lɩ 'ɔɔ ‑bɛ Sataan 'blara käa' Moisëa fugbaa ‑gʋ nɩ, 'ɔnyɩ 'nɩmɩ 'ɔɔn ‑a ‑jree; ‑maa 'ɔ ‑gbala 'ɔɔn: «Abɩa 'Pläkänyɔɔ 'pɔnɩ ‑mɩ!»

1 Jaan 3:18

'Na 'jü 'amɩ, anyɩ nʋ mlɩa wiia 'kpɔ anyɩ ‑wawla, ‑maa a nʋ 'ia 'sa 'cɩcasa 'lɩ.

Jaakë 1:22

'Ba ‑träärälɩ nyɔsʋaawii, ‑maa 'anyɩ mala 'ia 'nyaklipopokʋa 'doo 'wʋ. 'Ama 'nyɩ ‑träärälɩ 'imɩ ‑a nɩ, 'ana nyüfë 'a ‑trɔɔrɔ.

Ebröönyüü 11:8

Abraamëa nyɔsʋaplɛtorokʋa ‑gʋ 'ɔ ‑träärälɩ Nyɔsʋa, 'ɔnya mi 'blɩ ‑mɩdoo ‑gälɩ, imäa' ‑srɩɩ 'ɔa ‑jaaa bä. ‑Plɩɩlɩ 'ɔ möa' 'ɔnyɩ 'lɩ ‑a jre, 'asɩɛ 'ɔnya mi.

Ebröönyüü 5:9

Nyɔsʋa jräa' 'ɔɔn 'wli nɩ, 'ɔnya nʋ nyüülü kä 'fɩɔ ‑trääräa' 'lɩ 'ɔɔn 'üa 'lɩmlɩbanyɔɔ 'plɔʋplɔʋa ‑gʋ.

Kolɔɔsënyüü 3:17

‑Bɛ diili kä 'fɩɔ 'amäa' nʋ, 'papawii 'lɩ 'aiɛ 'ana nʋnʋgbia 'mlɩ nɩ, 'ba nʋ 'imɩ 'Pläkänyɔɔ Jesua 'nyrɩklɩ; 'ba ‑srörö 'ɔɔn kälɩ 'amä Nyɔsʋalɔ bäa' Tʋ 'trɛɛ.

2 Korɛɛntënyüü 12:6

‑Bɛ ama 'bata ɩ 'na 'mʋgbɛa ‑gäpapakʋ nɩ, 'nëmä mlüü ‑a pa, 'cɩcasaa 'doo 'mä 'lɩsa. ‑Maa 'n blara 'iin 'lɩ, nyɔɔ ‑pɩ 'mɩ 'jrara 'ɔ ‑pɩ diili 'n nöa' nyra wiili 'n 'saalɩ 'wʋsi.

2 Korɛɛntënyüü 11:31

Nyɔsʋalɔ bäa' 'Pläkänyɔɔ Jesu 'Kriisëa Tʋ, ɔ 'bʋalaa' 'plɔʋplɔʋ, jre 'imɩ 'sɩrɩ 'nyɩa' ‑gbagblɛ kä.

Rɔmënyüü 6:17

‑Maa a 'trɛɛ Nyɔsʋa, 'amɔ ma bäa' ‑balʋa ‑goou, 'a nʋ 'ana plɛ 'anya ‑träärälɩ 'kpɩkpɩakʋlʋ Nyɔsʋa ‑nyɩa' 'amɩ.

Akëtë 26:20

Damasëbätäa nyüü ‑kätɩ nyra Jerusalɛɛmëa nyüü 'n 'pala nyɔsʋaawii ‑gba, ‑a mi Judeea ‑tʋtʋ ‑gälɩa 'fɩɔ nyra nyüülü 'nyɩa' juifë bä, 'n ‑gbala 'üün ü toro 'lɩ ‑balʋ ‑gälɩ, ü ‑sie Nyɔsʋaa 'pɛlɩ kälɩ, ü nʋ 'cɩcagbili sraraa' nyüü 'sɩrɩ 'ünya 'a ‑balʋ 'pie.

Akëtë 15:4

'Ü 'tɔa' Jerusalɛɛmë nɩ, 'cɛcɩnyüü nyra apotrë nyra 'cɛcɩtagbü nya 'kʋɛɛlɩ 'üün. 'Pɔɔlë nyra Banabasë nya 'saralɩ 'üün 'sɩrɩ Nyɔsʋa ‑sröröa' 'üün kälɩ ‑bɛ 'ɔ nʋa' dii 'kɔkɔmlɛ.

Akëtë 14:27

'Ü 'tɔa' nɩ, 'ünya 'papla 'cɛcɩnyüü ‑gba, 'ünya ‑gbala 'üün wiili kä 'fɩɔ Nyɔsʋa sröröa' 'üün kälɩ 'ɔ nʋa', nyra 'sɩrɩ 'ɔ ‑fɛa' nyüülü 'nyɩa' juifë bäa plɛ ‑gba ‑bɛ 'ü toroa' 'ɔɔn plɛ.

Marëkë 16:20

'Ünya mi ‑pɩɔa 'fɩɔ nyɔsʋaawii 'pala. 'Pläkänyɔɔ nyra 'üü ‑fɛɛɛrɛ 'jrʋpa 'wʋ, ‑saragbia tielë 'ü nöa', 'ii 'paa 'üa wii 'ku ‑gälɩ. 'Asɩ i bä!

2 Korɛɛntënyüü 6:1

‑Bɛ a nyra Nyɔsʋa 'sɔ ‑fɛɛɛa' 'jrʋpa nɩ, a bibie 'amɩ: ‑gbinanakʋlʋ Nyɔsʋa ‑nyɩa' 'amɩ nɩ, 'anyɩ 'pa 'uun sawʋ.

2 Korɛɛntënyüü 3:5

‑Mää 'ii 'nyɩ bä ana 'mlɔɔ 'mrɛɛ a nʋ 'ia 'sama 'jrʋpalä. 'Be Nyɔsʋa ‑gʋ a ‑fɛɛɛ 'ämɩ.

Matiö 25:16

‑Mɔlɔ 'jäa' talaan ‑gböö nya nʋ 'ɔa ni 'ɔnya ‑fɛ 'jrʋpa, 'ɔnya 'järä 'ia ‑gälɩ talaan ‑gböö ‑mölöö.