Rɔmënyüü 15:16 - Kuö Dëdrä Jenɛɛsë Rutë

¹⁶ 'N nʋ Jesu 'Kriisëa 'jrʋpafɛnyɔɔ nyüülü 'nyɩa' juifë bä 'üa ‑gʋ. Nyɔsʋaa 'Mʋfagogoa 'pɛrɩnyɔɔa 'jrʋpa 'n ‑fɛɛɛ, 'kä nyüülü 'nyɩa' juifë bä 'mä ‑gbɔlʋ käa' Nyɔsʋa 'tʋ bä, ‑gbɔlʋ 'Nyüna ‑Susu berea' 'klɩ.

Rɔmënyüü 15:16 Referans Kwoze

Rɔmënyüü 11:13

'Amɔ nyüülü 'nyɩa' juifë bä, 'amɔ 'n ‑gbala: 'be 'mɔɔ bä nyüülü 'nyɩa' juifë bäa Apotrë, 'ii känyrɩ 'na 'jrʋpa kä 'mɩ dɔrʋ 'wʋ.

Rɔmënyüü 1:1

'Mɔɔ 'Pɔɔlë ‑jɩjra 'amɩ 'wʋ, 'mɔɔ Jesu 'Kriisëa ‑geei. Nyɔsʋa 'balɩ 'mɩ 'mä apotrë bä, 'ɔnya bere 'mɩ 'klɩ 'mä Nyɔsʋaa 'Mʋfagogo 'sa.

Filipënyüü 2:17

‑Bɛ 'a toroa' Nyɔsʋa plɛ nɩ, 'i ‑beere ‑gbɔ. 'Na ‑toru ma nya ‑gbɔlʋ ‑gälɩ 'kä ‑gblɔɔ ‑beere ‑tapakʋ nɩ, 'inya 'mɩ 'tʋkäa. 'Nyraa 'ana 'fɩɔ nya dɔrʋ nʋa.

Akëtë 9:15

‑Maa 'Pläkänyɔɔ nya ‑gbala 'ɔɔn: «Mi! 'A nyɔɔlɔ 'n 'baa' 'lɩ 'ɔmä 'na 'nyrɩ 'plä 'klɩsrara: nyüülü 'nyɩa' juifë bäa 'klɩ, 'üa 'kɩɩɩa 'klɩ, nyra Israɛɛlëa 'klɩ.

2 Timotee 1:11

'A 'Mʋfagogoläa ‑gʋ Nyɔsʋa nrörö 'mɩ 'ɔa mlɩawiipanyɔɔ 'lɩ, apotrë nyra nyüülü 'nyɩa' juifë bä 'üa 'kpɩkpɩanyɔɔ.

1 Timotee 1:11

'A Nyɔsʋaa 'Mʋfagogo 'lɩ 'ia 'kpɩkpɩakʋlʋ bä. Nyɔsʋa ‑nyɩ 'mɩ 'ia 'kpɩkpɩakʋlʋ, 'ii srara Nyɔsʋalɔ 'papanɩ 'sia' 'klɩ 'ɔa 'bʋabʋakʋ 'lɩ.

Ebröönyüü 13:16

'Anyɩ ‑trɔ 'cɩcasaa nʋnʋkʋ, 'kä 'a jöjrögba 'be 'a 'samaa ‑gbɔ kä Nyɔsʋa 'tʋ.

Rɔmënyüü 15:18

'Be 'nyɩ 'papawii ‑a kä ima 'nyɩ wiili 'Kriisë ‑sröröa' 'mɩ kälɩ ‑bɛ 'ɔ nʋa' 'iin ‑bɛ nyüülü 'nyɩa' juifë bä ‑trääräa' 'lɩ Nyɔsʋa ‑a bä: 'ɔ ‑srörö 'papawii 'lɩ 'ɔnya ‑srörö nʋnʋdii 'lɩ,

Akëtë 20:24

'Na 'klä 'nyɩ 'na 'nyü ‑gälɩ ‑gbaa ‑a kälä. I käa' ‑gbaa nɩ, 'iibä ‑a 'wlara dɔrʋ 'lɩ 'jrʋpalä bäa' 'na 'klʋɩ ä 'Pläkänyɔɔ Jesu ‑nyɩa' 'mɩ kälɩ: ‑a 'salɩ 'Mʋfagogolä 'paa' Nyɔsʋaa ‑gbinanakʋa ‑gä.

1 Timotee 2:7

'Abɩa 'mä 'lɩ 'iin 'sa, 'ia ‑gʋ 'ɔ nönrö 'mɩ apotrë nyra nyɔsʋaawiipanyɔɔ. 'Cɩcasa 'n 'saalɩ 'Kriisëa 'klɩ, ‑mää ‑gbagblɛ 'nyɩ kä. 'Ɔ nönrö 'mɩ apotrë 'lɩ 'mä dɛɛlɛ bäa' nyɔsʋaplɛtorokʋ nyra 'cɩcasa nyüülü 'nyɩa' juifë bä 'kpɩa.

2 Korɛɛntënyüü 5:20

'Ii känyrɩ, 'Kriisëa bɔblɔnyüü a bä. 'I ‑beere 'sɩrɩ Nyɔsʋaa 'mʋgbɛ ‑sröröa' amɩ kälɩ amä 'amɩ wii cere: a bibie 'amɩ 'Kriisëa 'nyrɩklɩa ‑gʋ, 'ba nyra Nyɔsʋa 'nönröwli!

1 Korɛɛntënyüü 4:1

'Ii känyrɩ 'ba 'jä amɩ ‑beere 'Kriisëa 'jrʋpafɛnyüü nyra nyüülü käläa' Nyɔsʋaa ‑sisiewiia wii ‑gbaa 'papakʋ.

1 Piɛɛrë 2:5

'Ana 'mʋgbɛ 'ba ‑beere 'lɩbä 'täkë. 'Ba 'cɛrɛ Nyɔsʋa ‑wälɩ 'ɔmä 'amɩ nʋ 'ɔmä 'Nyüna ‑Susua nyuku 'pa. ‑Gbɔsapɛrɛnyüülü 'ü berea' 'klɩ Nyɔsʋaa 'jrʋpaa ‑gʋ, 'üü 'a nëmä bä, 'kä 'anya ‑gbɔɩɩlɩ Nyɔsʋaa ‑Susu 'bataa' 'sa; 'be Nyɔsʋa nya 'iin 'lɩ 'kʋɛɛ Jesu 'Kriisëa ‑gʋ.

1 Piɛɛrë 1:12

Nyɔsʋa nya srara 'üün 'sɩrɩ wiili 'ɔ ‑tʋa' 'üün mlɩ 'nyɩa' 'üa 'mʋgbɛa ‑gʋ bä, ‑maa 'sɩrɩ 'i bäa' 'ana ‑gʋ. 'A wiili bä 'saarɩ 'Mʋfagogo, 'ää nyüü 'saa 'amɩ 'Nyüna ‑Susua 'klülü sɔa' ‑nyɛɛ cɛa 'mlɩ. 'Aanjëa 'mʋgbɛ 'bata 'ümä 'ia 'mlɩ 'kä 'järä.

1 Tɛsalonikënyüü 5:23

Abɩa Nyɔsʋalɔ bäa' 'pʋpʋɛ bere 'amɩ 'klɩ. Abɩa 'ana 'kläa 'fɩɔ: 'ana bobowli, 'ana ‑gälɩasusu nyra ana fugba, bereklɩ. Wii ‑pɩ 'amɩ 'kpla ana 'Pläkänyɔɔ Jesu 'Kriisëa jijisrɩ 'lɩ!

1 Tɛsalonikënyüü 2:9

'Na ‑wlajü 'amɩ, 'jrʋpalä a ‑fɛa', 'sɩrɩ a sɩaa', 'n jresaa 'a ‑kaaŋlʋ 'iin ‑trɔ: ‑srɩ ‑bɛ ‑gbia kɔsɔ, a ‑fɛɛɛ 'jrʋpa a ‑pɩ 'ana nyɔɔ 'doo 'wli kʋ. 'Asɩ a 'sara 'lɩ 'amɩ Nyɔsʋaa 'Mʋfagogo.

1 Tɛsalonikënyüü 2:2

'A jre 'iin 'sɩrɩ a 'järäa' ‑sʋɩ Filipëbätä, 'sɩrɩ 'ü nʋa' amɩ ‑gbigba; 'asɩɛ anya 'pa ana nyüfë 'klü 'lɩ Nyɔsʋaa 'nyrɩklɩ anya ji 'amɩ Nyɔsʋaa 'Mʋfagogo 'lɩsara; 'klü a 'pa anya nʋ 'imɩ.

Filipënyüü 4:18

'N 'jä 'ia 'fɩɔ, 'inya ‑siewli. ‑Bɛ Epaflodiitë jaa' 'mɩ diili kä 'fɩɔ 'a jaa' 'mɩ nɩ, 'n 'klaa diili kä 'fɩɔ 'nyɩa' kla. Diili 'a ‑nyɩa' 'mɩ, 'i ‑beere 'nɔnʋpa ‑gbɔ, ‑gbɔlʋ Nyɔsʋa 'kʋɛɛa' 'lɩ ‑bɛ u käa' 'ɔɔn 'tʋ ‑gböösa.

Ɛfɛsënyüü 2:22

‑Bɛ 'a nyra 'Kriisë bäa' 'doo nɩ, 'ana 'mʋgbɛ nya bä kʋfa, i Nyɔsʋaa ‑Susu kʋa'.

Ɛfɛsënyüü 2:18

'Be 'abɩa 'Kriisë ana 'fɩɔ ma ‑srörö kälɩ nɩ, ‑bakää ‑bä juifë 'aiɛ ‑nyɩ juifë bä, 'a ‑plɩɩ a 'mrɛɛ amä ana Tʋ Nyɔsʋa ‑gbajijrö ‑Susu 'doolʋa 'nyrɩklɩ.

Galaatënyüü 3:5

Nyɔɔlɔ ‑nyɩa' 'amɩ 'ɔa ‑Susu, ‑bɛ ɔ nröröa' 'ana ‑tɔrʋpɩɔ ‑saragbi nɩ, ‑dɔ 'a ‑träärälɩ 'ia ‑gʋ, ‑ale 'Mʋfagogolä 'a poa' 'nyakli ‑bɛ 'a toroa' plɛ, 'äa ‑gʋ?

2 Korɛɛntënyüü 11:23

'Kriisëa 'jrʋpafɛnyüü 'ü bä? 'Nyaa 'üün wii ‑gba 'palaa ‑beere sakla 'kasa nyɔɔ: 'n bä 'Kriisëa 'jrʋpafɛnyɔɔ 'nyaa ‑si 'ümɩ 'wʋ. Üma ‑fɛjrʋpa nɩ, 'n ‑si 'ümɩ 'wʋ. 'N jre ‑jie 'nyaa ‑si 'ümɩ 'wʋ; diili 'ü 'kaklaa' 'mɩ 'nyɩ 'ia ‑täsäsa ‑a bä. 'N 'ma jäjä ‑gba 'kä 'nya ‑si 'ümɩ 'wʋ.

2 Korɛɛntënyüü 8:5

‑Bɛ wiili ana plɛ bä ɩa' ‑gba, ‑mää ‑plɩɩa 'doo 'ünyɩ 'blörö, ‑maa 'ü ‑nyɩ ‑kätɩ 'üa nyüfë 'Pläkänyɔɔ 'ünya 'mä amɩ 'üa nyüfë ‑nyɩ, 'sɩrɩ Nyɔsʋa 'bataa'.

1 Korɛɛntënyüü 6:19

‑Ale 'anyɩ 'iin jre ‑a jre 'sɩrɩ 'ana fugba bäa' 'Nyüna ‑Susulu Nyɔsʋa ‑nyɩa' 'amɩ 'ua nyuku? 'Anyɩ 'ana 'mʋgbɛ ‑a kä.

1 Korɛɛntënyüü 3:5

Nyɔɔ 'plɛɛ bä Apolɔsë, ‑bɛ ɔ bä 'Pɔɔlë le? Nyɔsʋaa 'jrʋpafɛnyüü 'ü bä. 'Anya ‑srörö 'üün kälɩ 'anya toro Nyɔsʋa plɛ. ‑Mɔ ma bälɩ 'jrʋpalä 'Pläkänyɔɔ ‑nyɩa' 'ɔɔn 'ää 'ɔ ‑fɛɛɛ.

Rɔmënyüü 15:29

'N jöa' 'amɩ 'jä nɩ, 'Kriisëa 'Mʋfagogoa 'papanɩ 'kɔkɔmlɛ 'n ja ‑bɛ 'n jö.

Rɔmënyüü 5:5

‑Bɛ plɛgälɩpiepiekʋ 'nyɩ ‑trɔɔrɔ nyɔɔ ‑a, 'be Nyɔsʋa ‑srörö 'Nyüna ‑Susulu 'ɔ ‑nyɩa' amɩ kälɩ 'ɔnya 'fɛrɛ ana polu ‑gälɩ 'ɔa ‑wawakʋ 'kä.

Akëtë 22:21

'Ɔ ‑nëma nɩ: ‹Mi! Kpaun 'n blɔ ‑mɩ nyüülü 'nyɩa' juifë bä, 'üa ‑nyɛɛ.› »

Akëtë 20:32

«'Na ‑wlajü 'amɩ, 'köklesaplɩɩ ɔ nɩ, 'n tɩɛ 'amɩ Nyɔsʋa nyra wiili 'paa' 'ɔa ‑gbinanakʋa ‑gä kälɩ. 'A wiili nëmä 'amɩ 'klü ‑nyɩ, 'ii 'mä bɩa 'amɩ ‑jaaa ‑nyɩ nyüülü kä 'fɩɔ 'ɔ ‑gäa' 'klɩa 'mlɩ.

Akëtë 13:2

'Taɩn 'lɩ 'ü paa' su ‑bɛ 'ü bibiea' 'Pläkänyɔɔ nɩ, 'Nyüna ‑Susu ‑nëma: «'Ba bere Banabasë nyra Sɔɔlë 'klɩ 'ümä 'jrʋpalä kä ‑gʋ 'n wea' 'üün ‑fɛ.»

Rɔmënyüü 15:19

'ɔ nʋ 'iin ‑saragbia tie 'lɩ nyra plɛklɩkalawii 'lɩ Nyɔsʋaa ‑Susua 'nyrɩklɩ. 'Bala Jerusalɛɛmë ‑a mi Ilireea ‑tʋtʋ ‑gälɩ nɩ, Jesu 'Kriisëa 'Mʋfagogoa 'doo 'n 'sa.

Rɔmënyüü 15:20

'Nyaa 'palɩklü 'nyaa 'sara 'Mʋfagogo ‑plɩɩlɩ 'Kriisëa 'nyrɩ ‑kaaŋlʋa' 'tɔ, 'nyɩ ‑pɩ nyɔɔ ‑molooa nyuku 'ɔ 'paa' ‑fli, 'ua ‑gälɩ 'na nu 'pala. 'Ia ‑gʋ 'n nʋ 'imɩ,

Ɛfɛsënyüü 5:2

'Ba 'nyɛrɛ ‑wawlakʋ 'lɩ, 'sɩrɩ 'Kriisë ‑waa' amɩ. 'Ɔ 'sara 'ɔa nyufa Nyɔsʋa kälɩ ‑gbɔa 'sa ana ‑gʋ; 'ɔ bä ‑gbɔlʋ kä 'nɔnʋ käa' Nyɔsʋa 'tʋ.