Rɔmënyüü 14:19 - Kuö Dëdrä Jenɛɛsë Rutë

¹⁹ 'Ii känyrɩ nɩ, a 'bata wiili jaa' 'wlinönrökʋ nyra wiili 'paaa' nyüü 'klü 'lɩ ana ‑tɔrʋpɩɔ.

Rɔmënyüü 14:19 Referans Kwoze

Ɛfɛsënyüü 4:29

Bʋbɔwii 'nyɩ 'cie 'ana mlɩ, abɩa 'mʋfawiili 'naa' i jöa' nyüü ‑gba 'sɩrɩ 'üa ‑sʋɩ bäa', 'cie 'ana mlɩ, ‑bɛ i ‑nyɩ ‑mülü poa' 'iin 'nyakli 'klü.

Rɔmënyüü 12:18

Ima 'wʋ 'iin 'klɩ nɩ, 'ba nyra nyüüa 'fɩɔ 'nönröwli.

Rɔmënyüü 15:2

‑Moloo ma bälɩ ɔ nʋ wiili käa' 'ɔa ‑molo 'tʋ, 'sɩrɩ 'ɔmäa' 'ɔɔn ‑gbaji ‑bɛ 'ɔmäa' 'wʋsɔɔrɔ.

Ebröönyüü 12:14

‑Yrɛ 'nyɩ bä 'a nyra nyüüa 'fɩɔa ‑tɔrʋpɩɔ, 'kä 'ana 'klä ‑gäääklɩ. Nyɔɔlɔ 'nyɩ nʋa' 'iin nɩ, 'ɔ ‑nëmä 'Pläkänyɔɔ ‑a 'jä.

2 Korɛɛntënyüü 13:11

'Na ‑wlajü 'amɩ 'a blö 'n blö ɔ. 'Ba bä dɔrʋ 'lɩ. 'Ba ‑nyɩgla 'ana 'klä 'kä. 'Ba 'paplaklü 'lɩ. 'Ba 'nönröwli. Abɩa fugbalɩflɛrɛkʋ bä 'ana ‑tɔrʋpɩɔ. 'Ia 'taɩn 'lɩ Nyɔsʋalɔ bäa' ‑wawakʋ, 'ɔ bäa' fugbalɩflɛrɛkʋ nɩ, 'ɔnya 'amɩ dɛrɩ bäa.

Marëkë 9:50

Taŋlʋ bä 'mʋfadɛɛ; ‑maa uma ‑kanyɩ 'na ‑a 'na, dɛplɛɛ a ‑ka 'mrɛɛ amä ‑plɩɩ nʋ ‑bɛ 'umä 'mɛnɛ le? Abɩa taŋlʋ bä 'amɩ 'lɩ; ‑bɛ 'ba 'nönröwli.»

Matiö 5:9

Abɩa dɔrʋ 'bla nyüülü 'bataa' 'wlinönrökʋ, 'üü 'ü nëmä Nyɔsʋaa 'jü were!

1 Piɛɛrë 3:11

Ɔ fɔlɔ wiili bʋbɔa' 'klɩ, ɔ nʋ wiili 'naa'; 'ɔ 'bata 'wlinönrökʋ 'ɔnyɩ sɩa.

1 Korɛɛntënyüü 14:26

'Na ‑wlajü 'amɩ, ‑asɩ anya nʋ le? 'Ama trara nɩ, ‑moloo 'mrɛɛ 'ɔ brɩ, ‑moloo 'mrɛɛ ɔ 'kpɩa, ‑moloo 'mrɛɛ ɔ 'salɩ wiili Nyɔsʋa sraraa' 'ɔɔn, ‑moloo 'paa nyüüamlɩawiia 'kaɩn 'kaɩn, ‑bɛ ‑moloo 'saalɩ 'ia ‑gbaa. Wiili kä 'fɩɔ 'amäa' nʋ nɩ, i 'paa 'cɛcɩ 'klü 'lɩ.

1 Korɛɛntënyüü 10:33

'Asɩ 'na 'mʋgbɛ 'paalɩ 'klü 'mä ‑pɩɔa 'fɩɔ nyra wiia 'fɩɔ 'mlɩ 'nara. ‑Mää 'kä 'na 'doo 'mä 'naa, ‑maa nyüüa 'fɩɔa ‑gʋ 'n nö 'imɩ 'ümä 'lɩmlɩwʋ.

2 Timotee 2:22

Fɔlɔ ‑sëgbadɛɛa bʋbɔgbi 'klɩ. Nyüülü nöa' 'üa plɛa 'fɩɔ ü wea' 'Pläkänyɔɔ nɩ, 'üa ‑gba ‑a ‑baatra 'klɩgägäkʋ, nyɔsʋaplɛtorokʋ, ‑wawakʋ nyra plɛgälɩflɛrɛkʋ.

1 Timotee 1:4

‑Gbala 'üün bɩa ‑kätɩ nänëlë nyüü 'saraa' 'lɩ 'üün, nyra 'üa tʋɩɩa 'klɩtotrotɔɔlʋ 'ü 'paaa' unyɩ bɩaraa' nɩ, 'ünyɩ 'dara 'iin wii. 'I ja ‑topokʋ; 'inyɩ ‑fɛ Nyɔsʋa 'jrʋpalä nröröa' nyɔsʋaplɛtorokʋ 'lɩ ‑a.

2 Korɛɛntënyüü 12:19

'Ana plɛ nɩnɩa sököö ana 'wlilia wii a ji 'pa? Nyɔsʋaa 'klʋɩ a 'pala wii, 'Kriisëa 'nyrɩ 'lɩ. 'Na ‑wawanyüü 'amɩ, 'ana nyɔsʋaplɛ 'mä 'wʋsɔɔrɔ 'ia ‑gʋ a nö 'ia 'fɩɔlʋ.

1 Korɛɛntënyüü 7:15

‑Mɔlɔ 'nyɩ toroa' Nyɔsʋa plɛ ma 'daa ‑mɔlɔ 'ɔ sɔ ‑gba nɩ, ɔ mi. Ima bäsaa nɩ, nyɔɔlɔ 'aiɛ 'ŋlʋʋ bäa' 'cɛcɩnyɔɔ nɩ, 'ɔ 'wlalɩkä, 'be Nyɔsʋa nɩnɩa a 'ba ana ‑tɔrʋpɩɔ ‑yrɛ.

1 Korɛɛntënyüü 8:1

Dɛɛlɛ bäa' mlaalü 'ü 'blaraa' ‑wäsɩa nɩ, ‑yɛɛ ana 'fɩɔ jre 'cɩcasa. 'Ia wiijejrekʋlʋ nö 'iin kä a ‑gbaalɩ, ‑maa ‑wawlakʋ 'paa nyɔɔ 'klü 'lɩ.

1 Korɛɛntënyüü 10:23

'N 'mrɛɛ ‑a nʋ diia 'fɩɔ, ‑maa ‑mää diia 'fɩɔ 'nyɩ 'na. 'N 'mrɛɛ ‑a nʋ diia 'fɩɔ, ‑maa ‑mää diia 'fɩɔ 'nyɩ 'papla nyɔsʋaplɛ ‑gälɩ.

1 Korɛɛntënyüü 14:3

Nyɔɔlɔ 'palaa' nyɔsʋamlɩ nɩ, nyüü 'ɔ dɛtrɛ ‑gba. 'Ɔ 'bʋala 'üa nyɔsʋaplɛ, 'ɔ 'paa 'üün 'klü 'lɩ, 'kä 'ɔ wɔpʋ 'üa 'nyiöli.

1 Korɛɛntënyüü 14:4

Nyɔɔlɔ 'paaa' nyüüamlɩawiia 'kaɩn 'kaɩn nɩ, 'ɔa 'mʋgbɛ 'ɔ 'pa 'klü 'lɩ. ‑Maa ‑mɔlɔ 'palaa' nyɔsʋamlɩ nɩ, 'cɛcɩa 'fɩɔ 'ɔ 'paa 'klü 'lɩ.

1 Korɛɛntënyüü 14:5

'N 'bata abɩa 'ana 'fɩɔ 'pa mlɩawiia 'kaɩn 'kaɩn, ‑maa nyɔsʋaamlɩpalakʋ ‑siwʋ 'nanakʋ. Nyɔɔlɔ 'palaa' nyɔsʋamlɩ 'ɔ 'bʋa 'ɔnya ‑si ‑mɔlɔ 'paaa' mlɩawiia 'kaɩn 'kaɩn 'wʋ; ɔma ‑sie 'iin nɩ, 'i bä ‑söö, 'inya 'cɛcɩa 'fɩɔ 'klülɩpa.

Ɛfɛsënyüü 4:12

'Asɩ 'ɔ 'pa 'nyünanyüü 'klü 'lɩ, 'ümä nyɔsʋaanyüülü bäa' 'Kriisëa fugba 'klülɩpa 'ümä 'wʋsɔɔrɔ.