Rɔmënyüü 14:13 - Kuö Dëdrä Jenɛɛsë Rutë

¹³ 'Ii känyrɩ, a 'nyüglö ana 'kpɔa 'lɩ ‑sɛsrɛkʋ; ‑maa a bobo wiili a ‑pɩa' nʋ i ‑pɩa' ana ‑wlajʋ 'käkpa, 'aiɛ i ‑pɩa' 'ɔɔn ‑balʋ 'lɩ 'tutro.

Rɔmënyüü 14:13 Referans Kwoze

2 Korɛɛntënyüü 6:3

'Sɩmɩ wii 'nyɩ bä, anyɩ ka nyɔɔ Nyɔsʋaa 'nyʋfɔ 'klɩ 'ü ‑pɩ ana 'jrʋpa ‑srɛ.

Jaakë 4:11

'Na ‑wlajü 'amɩ, ‑moloo 'nyɩ 'pa 'ɔa ‑molooa ‑gʋ bʋbɔwii. Nyɔɔ ma 'pa 'ɔa ‑molooa ‑gʋ bʋbɔwii nɩ, 'aiɛ ɔma ‑srɛ 'ɔa ‑moloo nɩ, ‑dɔ 'ɔ ‑srɛɛɛ. ‑Bɛ ‑ama ‑srɛ ‑dɔ nɩ, ‑kanyɩ 'ua 'lɩträäränyɔɔ ‑a bä, ‑maa ‑gätʋnyɔɔ bä.

Lukë 12:57

Dɛplɛɛ kä ‑gʋ 'ana 'mʋgbɛ 'anyɩ 'mrɛɛ 'amä dɛɛlɛ 'naa' jre le?

Matiö 7:1

«'Anyɩ 'bölö 'ana ‑mölöö ‑gä ‑gälɩ, ‑gä ‑pɩ bɩa 'amɩ ‑gälɩ 'bölö.

Rɔmënyüü 16:17

'Na ‑wlajü 'amɩ 'n bibie 'amɩ: 'ba ‑tre 'ana nyüfë nyüülü ‑gbaaa' nyüü 'kä 'üa ‑gʋ, 'ü to nyüü ‑gbasu 'ümä 'üün 'käkpa. I 'ü nöa' nyra wiili 'a 'kpɩaa' 'nyɩ po ‑a po! 'Ba tʋŋlɔlɩ 'üün dɛrɩ!

Rɔmënyüü 14:10

‑Bɛ dɛplɛɛ kä ‑gʋ ‑srɛɛɛ ‑na ‑wlajʋ le? 'Aiɛ, dɛplɛɛ kä ‑gʋ ‑jraara ‑na ‑wlajʋ 'nyüa 'mlɩ le? 'Be ana 'fɩɔ nya 'Kriisëa tropina 'klɩ 'nyüglöa ‑o.

Lukë 17:2

'I ‑siwʋ ɔ kpasra 'ɔa ‑plɩ 'lɩ diisrorotäkä ‑susugbee, 'kä 'ü be 'ɔɔn 'taniea 'mlɩ, 'kä 'ɔmä 'ia 'jülüa ‑tɔrʋpɩɔa 'doo ‑balʋ 'lɩ 'tutro.

'Nyügälɩjawii 2:14

‑Maa wii 'doorodoo bälɩ 'ii 'nëmä ‑mɩ ‑gbala. Nyüü ‑mölöö bä ‑na ‑nyɛɛ, Balaamëa 'kpɩkpɩakʋlʋ 'ɔ 'kpɩa käa' nyüü tʋɩɩa 'taɩn 'lɩ nɩ, 'ü ‑ka 'nyɛɛ 'iin ‑gälɩ. Balaamë 'kpɩa kä Balaakë 'sɩrɩ 'ɔmäa' Israɛɛlënyüü bɔʋdɛrɩ 'pa ‑bɛ 'ümäa' ‑gbɔsamlaa ji, ‑bɛ 'sɩrɩ 'üü nöa' ‑sagbili Nyɔsʋa 'nyɩ 'bataa'.

Jaakë 2:4

'a nöa' 'saa nɩ, ‑mää 'ana nyüfë 'anyɩ ‑gbasalɩ? ‑Mää 'ana bʋbɔ bobowli 'nyɩ nʋ 'sa 'amɩ?

1 Korɛɛntënyüü 11:13

'Ana 'mʋgbɛ 'ba bobo 'amä 'iin 'jä: 'i 'na ‑plɩɩ 'kä 'ŋlʋʋ 'mä Nyɔsʋa bibie 'kä 'ɔnyɩ ‑tʋ dapä 'wli?

1 Korɛɛntënyüü 10:32

‑Bakää 'inyɩ bä juifënyüü, nyüülü 'nyɩa' juifënyüü bä, Nyɔsʋaa 'cɛcɩ, 'ana nʋnʋgbi 'nyɩ bere 'ia nyɔɔ 'doo ‑balʋ 'lɩ.

Rɔmënyüü 14:4

Nyɔɔ 'plɛɛ bä ‑bɛ ‑daaa nyɔɔ ‑molooa 'jrʋpafɛnyɔɔ le? 'Ɔ 'nyüglö o, 'ɔ blö o, 'ɔa 'kamanyɔɔa wii bäsaa. 'Ɔnya 'nyüglöa 'be Nyɔsʋa 'mrɛɛ ɔ ji 'ɔɔn ‑gba 'kä 'ɔnya 'nyüglö.

Matiö 18:7

«Abɩa busukʋ jrä 'plä ‑gälɩ nyüüa 'käkpakpakʋa ‑gʋ. 'Be diili 'kpakpaa' nyüü 'kä ‑nëmä 'üün ‑a wala, ‑maa busukʋ jrä nyɔɔlɔ 'i jaraa' kälɩ ‑gälɩ!

Matiö 16:23

Jesu nya ‑siekälɩ 'ɔnya ‑gbala Piɛɛrë: «Tʋŋlɔ 'mɩ 'lɩdɛrɩ, Sataan! 'Mɔɔ ‑ji bɔʋdɛrɩ 'pa! Wiili ‑klaaa' ‑plɩɩ, nyüüa ni ‑klaaa, ‑maa ‑mää Nyɔsʋaa ni ‑nyɩ 'klaa!»

1 Jaan 2:10

‑Mɔlɔ ‑waa' 'ɔa ‑wlajʋ nɩ, 'ɔɔ bä ‑srɩ 'klɩ, ‑bɛ dɛɛ 'nyɩ 'ɔɔn 'lɩ ‑a bä 'ɛmä 'ɔɔn 'käkpa.

1 Timotee 5:14

'A 'ia ‑gʋ 'n 'bata abɩa 'kusroyörü 'ti, 'ümä 'jü ‑gu, 'ümä 'üa ‑gbööö ‑gbötö 'cɩcasa; ana 'nyiöa 'mlɩ jraranyüü ‑pɩ ana ‑gʋ bʋbɔwii 'pa ‑sraakäpɩ.

Filipënyüü 1:10

'amä dɛɛlɛ 'naa' jre, 'ana 'nyü 'mä 'lɩwʋ; 'ia 'taɩn 'lɩ wii ‑pɩ 'amɩ 'kpla 'Kriisëa jijisrɩ 'lɩ.

2 Korɛɛntënyüü 5:14

'Kriisëa ‑wawakʋ 'tuto amɩ, 'be anya 'a 'nu 'sɩrɩ nyɔɔ 'doo ma jäa' nyüüa 'fɩɔa ‑gʋ nɩ, 'iibä nyüüa 'fɩɔ jä.

Rɔmënyüü 11:9

Daviidë nya 'daa: «Abɩa 'üa jijria 'töwlö bä ‑gbasi 'üa ‑gʋ, ä bä ‑tata 'üa ‑gʋ, ä bä 'üa 'käkpadɛɛ, i bä 'üa 'pɔnɩkʋ .

Rɔmënyüü 14:3

‑Mɔlɔ jöa' diia 'fɩɔ 'nyɩ srörö ‑mɔlɔ 'nyɩ jia' mrɛɛ, ‑bɛ ‑mɔlɔ 'nyɩ jia' mrɛɛ 'nyɩ srörö ‑mɔlɔ jöa' diia 'fɩɔ, 'be Nyɔsʋa 'kʋɛɛlɩ 'ɔɔn.