Rɔmënyüü 12:7 - Kuö Dëdrä Jenɛɛsë Rutë

⁷ Ima 'daa nyüü ‑nëmä ‑gbaji nɩ, ji nyüü ‑gba. Ima 'daa 'kpɩa ‑nëmä 'kpɩa nɩ, 'kpɩa.

Rɔmënyüü 12:7 Referans Kwoze

Ɛfɛsënyüü 4:11

'A 'ɔɔ ‑nyɩ ‑mölöö apotrëdɛɛ, ‑mölöö bä nyɔsʋaamlɩpalanyüü, ‑mölöö bä 'Mʋfagogoa 'sasanyüü, ‑bɛ ‑mölöö bä 'pɛrɩnyüü ‑mölöö nya bä 'kpɩkpɩanyüü.

2 Timotee 4:2

‑kä 'taɩn 'naa o, ‑kä 'i bʋbɔ o, 'pa nyɔsʋaawii. 'Kpɩa nyüü, ja 'üün 'nyienyienyʋfɔ 'wʋ, 'jrara 'üa 'klü 'kpɩkpɩakʋa 'fɩɔ 'lɩ, nʋ 'imɩ plɛböblökʋ 'lɩ.

1 Timotee 5:17

'Cɛcɩtagbülü ‑gbaaa' 'cɛcɩ 'mäklɩ 'mʋfasa nɩ, 'ü kä 'ümä 'bʋala 'wʋ 'sɔɔwʋ, 'üülü 'paaa' nyɔsʋaawii ‑bɛ 'ü 'kpɩa nyüü 'üü kälä 'iin ‑gba ‑gböösa.

Akëtë 13:1

Antiɔɔsëbätäa 'cɛcɩnyüüa ‑tɔrʋpɩɔ ma bä nyɔsʋaamlɩpalanyüü nyra 'kpɩkpɩanyüü, 'üü bä: Banabasë, Simeɔɔn 'ü 'daraa' bɩa 'Kpörönyɔɔ, Sirɛɛnënyɔɔ Lusiusë, Manaɛɛnlɔ nyra ‑gofɩanëma Erɔɔdë kɔsɔ 'bʋala ‑pɩɔ 'doo 'wʋ, nyra Sɔɔlë.

2 Timotee 2:24

‑Bɛ 'Pläkänyɔɔa 'jrʋpafɛnyɔɔ 'nyɩ kä ‑a kä 'ɔmä ‑golu ‑fu. 'Ɔ kä 'ɔmä 'lɩkäwla, 'ɔ kä 'ɔmä nyüüa 'kpɩkpɩakʋ 'mrɛɛ bɩa, 'kä 'ɔ kä plɛböblökʋ.

2 Timotee 2:2

‑Bɛ wiili 'n 'palaa' nyüü 'kɔkɔmlɛa 'klɩ, i ‑nuua' 'wli nɩ, tɩ 'iin plɛtoronyüülü 'mrɛɛa' 'ümäa' bɩa 'iin nyüü ‑mölöö 'kpɩa ‑gba.

1 Timotee 4:16

‑Tʋ ‑na nyufa nyra ‑na 'kpɩkpɩakʋ 'nyügba. Nyɔnyrɔ 'iin kälɩ ‑gböösa. ‑Ama nʋ 'saa nɩ, ‑nya 'lɩ ‑na 'mʋgbɛ nyra nyüülü poa' ‑mɩ 'nyakli mlɩ 'baa.

1 Timotee 3:2

'Ii känyrɩ, nyɔɔ 'mäa' 'cɛcɩtagbö bä nɩ, 'ɔa bʋbɔnyrɩ ‑nëmä nyüüa mlɩ ‑a bä: 'ŋlʋʋ 'dooa dʋɔ, ɔ kälä 'ɔa nyufaa wiigba, ɔ jre wiia 'kplaklakʋ, ɔ bä 'lɩträäränyɔɔ, ɔ bä nyüü 'lɩkʋɛɛnyɔɔ, ɔ bä bɩa nyüüa 'kpɩkpɩakʋ mlɩ.

1 Timotee 2:7

'Abɩa 'mä 'lɩ 'iin 'sa, 'ia ‑gʋ 'ɔ nönrö 'mɩ apotrë nyra nyɔsʋaawiipanyɔɔ. 'Cɩcasa 'n 'saalɩ 'Kriisëa 'klɩ, ‑mää ‑gbagblɛ 'nyɩ kä. 'Ɔ nönrö 'mɩ apotrë 'lɩ 'mä dɛɛlɛ bäa' nyɔsʋaplɛtorokʋ nyra 'cɩcasa nyüülü 'nyɩa' juifë bä 'kpɩa.

Kolɔɔsënyüü 4:17

'Ba ‑gbala Akiipë ɔ ‑tʋ 'jrʋpalä 'Pläkänyɔɔ ‑nyɩa' 'ɔɔn 'nyügba, 'ɔmä 'ään 'wlara 'mʋfasa.

Galaatënyüü 6:6

Nyɔɔlɔ 'ü 'kpɩaa' nyɔsʋaawii nɩ, ɔ 'ba 'ɔa käkädiia 'fɩɔa 'mlɩ 'ɔ ‑nyɩ bɩa nyɔɔlɔ 'kpɩaa' 'ɔɔn.

1 Korɛɛntënyüü 12:28

Nyɔsʋa 'saa' 'klɩ apotrë ‑kätɩ 'ɔ ‑tʋ 'cɛcɩnyüköli, 'sɔɔa nü bä nyɔsʋaamlɩpalanyüü, tääa nü bä 'kpɩkpɩanyüü. 'Pɩrɩgälɩ ‑mülü nöa' ‑saragbi, ‑mülü ‑futoa' ‑wusublanyüü; 'pɩrɩgälɩ nɩ, nyüülü jöa' nyüü ‑gba, ü 'kamaa', nyra ‑mülü 'paaa' mlɩa wiia 'kaɩn 'kaɩn.

Akëtë 20:28

'Ii känyrɩ 'ba ‑tre 'ana nyüfë, 'ba ‑gäälä nyüülü kä 'fɩɔ 'Nyüna ‑Susu ‑nyɩa' 'amɩ kälɩ 'nyü ‑gba, 'sɩrɩ nyɔɔ ‑glaara ‑bablëëjü ‑gälɩ. 'Ba bä Nyɔsʋaa 'cɛcɩa 'nyiöligälänyüü; 'ɔa 'Jʋa 'mʋgbɛa ‑toru 'ɔ nʋ 'ɔnya ‑su 'üün.

Akëtë 20:20

'A jre 'iin, wiili 'naa', i nëmäa' 'amɩ 'känyɩgla, 'nyɩ 'amɩ 'iin ‑gba ‑a ‑sisre: 'n ‑gbala 'amɩ 'iin, 'nyaa 'kpɩara 'amɩ ‑jria 'lɩ nyra 'ana nyëka ‑wälɩ.

Akëtë 6:1

'Ia 'taɩn 'lɩ nɩ, Jesua 'wʋnyɛrɛnyüü 'papla ‑gälɩ. Juifënyüülü 'paaa' grɛɛkëwii 'pala ‑plɛlɩ wii Ebröönyüüa ‑gʋ, ‑bɛ 'ü ma ‑päää jijri ‑srɩ o ‑srɩ 'ünyɩ 'dara 'üa 'kusroŋlëgë nyüü ‑a.

Jaan 3:2

'Ɔɔ ji ‑gbiara Jesu 'jäkalɩ, 'iibä: «Rabii, a jre 'iin, Nyɔsʋa blɔ ‑mɩ ‑mä amɩ 'kpɩa. ‑Saragbia tielë kä 'fɩɔ ‑nöa' nɩ, Nyɔsʋa ma 'nyɩ nyɔɔ dɛrɩ ‑a bä 'ɔnyɩ 'lɩ ‑a bɩa ɔ nʋ 'iin.»

Matiö 28:19

'Ii känyrɩ, 'ba mi ‑tʋtʋ ‑gälɩa ‑glügbüa 'fɩɔa ‑nyɛɛ, 'ba nrörö 'üün 'na 'wʋnyɛrɛnyüü 'lɩ, 'ba 'pa 'üün 'nɩ 'wli Tʋa 'nyrɩklɩ, 'Jʋa 'nyrɩklɩ nyra 'Nyüna ‑Susua 'nyrɩklɩ,

1 Korɛɛntënyüü 12:5

Nyɔsʋajrʋpa bä 'dɔrɔdɔ, ‑maa 'Pläkänyɔɔ bä 'doo.

1 Korɛɛntënyüü 14:26

'Na ‑wlajü 'amɩ, ‑asɩ anya nʋ le? 'Ama trara nɩ, ‑moloo 'mrɛɛ 'ɔ brɩ, ‑moloo 'mrɛɛ ɔ 'kpɩa, ‑moloo 'mrɛɛ ɔ 'salɩ wiili Nyɔsʋa sraraa' 'ɔɔn, ‑moloo 'paa nyüüamlɩawiia 'kaɩn 'kaɩn, ‑bɛ ‑moloo 'saalɩ 'ia ‑gbaa. Wiili kä 'fɩɔ 'amäa' nʋ nɩ, i 'paa 'cɛcɩ 'klü 'lɩ.