Rɔmënyüü 12:3 - Kuö Dëdrä Jenɛɛsë Rutë

³ Nyɔsʋaa ‑gbinanakʋlʋ ɔ ‑nyɩa' 'mɩ nɩ, 'ua 'nyrɩklɩa ‑gʋ, 'n ‑gbala 'amɩ 'doorodoo: 'ana bobowli 'nyɩ 'jrara 'amɩ ‑gböösa 'inyɩ ‑sie 'wli, ‑maa 'ba jre 'ana kʋfa. ‑Moloo ma bälɩ ɔ 'jä 'ɔa nyɔsʋaplɛtorokʋlʋ Nyɔsʋa ‑nyɩa' 'ɔɔn 'kä 'ɔ nö 'ia 'sa.

Rɔmënyüü 12:3 Referans Kwoze

Galaatënyüü 6:3

‑Moloo ma bobo 'kä 'ɔ ‑siwʋ, ‑bɛ 'ɔnyɩ dɛɛ ‑a bä nɩ, 'ɔa nyufa 'ɔ ‑trɔɔrɔ.

1 Piɛɛrë 5:5

‑Sëgbë 'amɩ, 'ana 'mʋgbɛ 'ba ‑träärälɩ 'cɛcɩtagbü, 'kä 'a ‑täträlɩ. 'Ba 'cie 'ana nyüfë 'wʋ, 'be 'i ‑jɩjra: «Nyɔsʋa 'nyɩ 'bata nyüülü 'jraraa' 'üa nyüfëa, ‑maa 'ɔ srara 'ɔa ‑gbinanakʋ nyüülü 'ciea' 'üa nyüfë 'wʋ.»

Rɔmënyüü 12:16

'Ba 'nönröwli. 'Anyɩ bɔtɔ ‑tɔklʋ, ‑maa abɩa 'ana bobowli bɩara dɛɛlɛ 'ünyɩ 'daraa' dɛɛ a 'pɛlɩ. 'Anyɩ bobo ‑maa 'a jre wii.

1 Piɛɛrë 5:8

'Ba ‑tre 'ana nyüfë, 'anyɩ 'mʋmɔ; 'be 'ana ‑gbakäklɛnyɔɔ Sataan 'nyɛɛ ‑beere sruku 'kpöö u 'bata nyɔɔlɔ 'umäa' ji.

1 Piɛɛrë 4:7

Diia 'fɩɔa bɩarafa 'a 'lɩjijrö. 'A 'ia ‑gʋ, 'anyɩ 'mʋmɔ, 'ba jre 'ana nyufaa 'tierekʋ 'amä Nyɔsʋa bibie.

Jaakë 4:6

‑Maa Nyɔsʋaa ‑gbinanakʋlʋ 'ɔ sraraa' amɩ ‑siwʋ. 'A 'ia ‑gʋ nyɔsʋapɔɔkʋ nö: «Nyɔsʋa 'nyɩ 'nyiere nyüülü ‑gbaaa' 'lɩ ‑gälɩ ‑a, ‑maa 'ɔ 'paa ‑mülü 'ciea' 'üa nyüfë 'wʋ 'nɩ .»

1 Piɛɛrë 4:11

Nyɔɔ ma 'pawii nɩ, ɔ bä Nyɔsʋaa wiisienyɔɔ. Nyɔɔlɔ jöa' nyüü ‑gba nɩ, 'ɔ nʋ 'klülü Nyɔsʋa ‑nyɩa' 'ɔɔn ‑bɛ ɔ ji nyüü ‑gba. ‑Bɛ wiia 'fɩɔa 'mlɩ nɩ, Nyɔsʋa 'mä 'bʋala Jesu 'Kriisëa ‑gʋ, 'ɔɔlɔ käa' 'wliklɩbʋbʋakʋ nyra 'klü 'plɔʋplɔʋa ‑gʋ! 'Asɩ i bä.

1 Korɛɛntënyüü 7:17

‑Moloo ma bälɩ ɔ kʋ ‑plɩɩlɩ 'Pläkänyɔɔ ‑tʋa' 'ɔɔn, 'sɩrɩ 'ɔ bä käa' ‑bɛ Nyɔsʋa wea' 'ɔɔn. 'Ii 'n 'kpɩara 'cɛcʋa 'fɩɔa 'mlɩ.

Titë 2:12

'U 'kpɩa amɩ bʋbɔgbi nyra ‑taa 'pläläa diia ‑wawakʋa ‑wälɩcɛrɛkʋ, amä ‑pɩ ‑tʋtʋ ‑gälɩ kʋ 'lɩglasa, ana 'klä 'mä 'klɩgä ‑bɛ amä 'lɩ Nyɔsʋa ‑träärä.

Titë 2:2

‑Gbala tagbü, 'ünyɩ ‑sesre ‑gbʋgbʋmäklɩ diia 'fɩɔa 'mlɩ; ü 'nyɛ 'lɩträäräsa, ü jre 'üa nyufaa 'tierekʋ, ü nyɔnyrɔ nyɔsʋaplɛtorokʋ 'lɩ, ‑wawakʋ 'lɩ, 'mlɩkpʋkplɔkʋ 'lɩ.

2 Korɛɛntënyüü 12:7

Wiili Nyɔsʋa sraraa' 'mɩ ibäa' plɛklɩkalawii nɩ, 'ɔ ‑tʋ 'mɩ ‑sʋɩ 'doo ‑gälɩ ‑beere 'büti 'järä 'na fugba ‑sʋɩ 'lɩ 'nyɩ ‑pɩ ‑gʋ 'lɩgba. Sataan kälɩ 'ɛ sɔ; 'ɔɔ Nyɔsʋa ‑tʋ 'lɩ 'ɔmä 'mɩ ‑sʋɩ 'lɩ tʋ 'nyɩ ‑pɩ 'lɩgba.

Rɔmënyüü 11:20

'I 'na; 'ünyɩ toro Nyɔsʋa plɛ ‑a, 'a 'ia ‑gʋ 'ü 'bölɩ 'ümɩ. ‑Bɛ ‑mɔlɔ nɩ, nyɔsʋaplɛtorokʋa ‑gʋ ‑sɔɔrɔwʋ. 'Ii känyrɩ ‑nyɩ bɔtɔ ‑tɔklʋ! ‑Maa abɩa ŋalɛ 'bla ‑mɩ,

Rɔmënyüü 1:5

'Ɔɔ Nyɔsʋa ‑srörö kälɩ 'ɔnya ‑nyɩ amɩ 'ɔa ‑gbinanakʋ, 'ɔa ‑gʋ 'ɔ nrörö amɩ apotrë 'lɩ, amä 'iin nʋ 'kä 'ɔa 'nyrɩklɩ nyüülü 'nyɩa' juifë bä 'mä 'ɔɔn plɛtoro ‑bɛ 'ümä 'ɔɔn 'lɩträärä.

1 Piɛɛrë 1:13

'Ii känyrɩ, abɩa 'ana bobowli 'nyüglö, 'anyɩ 'mʋmɔ! 'Ba 'pie 'ana plɛa 'fɩɔ plɛgälɩflɛrɛkʋlʋ 'amäa' 'jä ‑gälɩ, 'taɩn 'lɩ Jesu 'Kriisë 'mäa' 'klɩtɔrɔ.

Titë 2:4

'ümä 'ŋlëgë ‑mölöö ‑ka bäa' 'klɩ 'kpɩa 'sɩrɩ 'ümäa' 'üa dʋɔɩɩ nyra 'üa 'jü ‑wa.

1 Korɛɛntënyüü 15:10

‑Maa Nyɔsʋaa ‑gbinanakʋa ‑gʋ 'n bäsaa 'saarɩ, 'be 'ɔa ‑gbinanakʋlʋ ɔ sraraa' 'mɩ nɩ, ‑mää 'fëflɛsa ‑a, ‑bɛ 'n ‑fɛ 'jrʋpa 'nyaa ‑si apotrë ‑mülüa 'fɩɔwʋ. ‑Mää 'mɔɔ 'nyɩ 'jrʋpa ‑fɛ, ‑maa Nyɔsʋaa ‑gbinanakʋlʋ bäa' 'mɩ 'lɩ 'uu bäsaa.

Jaan 3:34

'Be nyɔɔ Nyɔsʋa blɔa' nɩ, Nyɔsʋaa mlɩa wii 'ɔ 'paa, Nyɔsʋa 'nyɩ nyaka 'ɔa ‑Susua 'kä 'ɔ 'cere 'ɔmɩ 'uun ‑gälɩ.

Ɛfɛsënyüü 4:16

'Ɔɔ känyrɩ 'kä fugbaa 'fɩɔ 'bʋa 'klɩtotrosa, ‑bɛ 'ä bä 'döö diili kä 'fɩɔ kɔklɔa' 'klɩ a 'nyrɩklɩa ‑gʋ. 'Pɛ ‑mɩdee ma 'nyɛ 'sɩrɩ 'ɛ käa' 'ɛmäa' 'nyɛ nɩ, fugbaa 'fɩɔ 'bʋala ‑wawlakʋ 'lɩ.

Lukë 18:11

Farisinyɔɔlɔ nya 'nyüglö ‑bɛ 'ɔ bibrie Nyɔsʋa 'ɔa plɛklɩ 'ɔ ‑nëma: ‹Nyɔsʋa, 'n 'trɛɛ ‑mɩ 'sɩrɩ 'nyɩa' nyüü ‑mölöö, ü 'jiea', ünyɩa' 'klɩgä, ü 'paaa' bätësa ‑a 'sa bä. 'N 'trɛɛ ‑mɩ ‑gböösa 'sɩrɩ 'nyɩa' ‑taa dapookälɩpɛrɛnyɔɔlɔa 'sa bä.

Titë 2:6

‑Gbala bɩa ‑sëgbë ü jre wiia 'kpakplakʋ.

1 Timotee 2:15

‑Maa 'ɔnya 'lɩmlɩwʋa ‑guguuö 'lɩ, ɔma kʋ nyɔsʋaplɛtorokʋ nyra ‑wawakʋ 'lɩ, 'ɔa 'klä ma 'nyɩ bɩa ‑fre ‑a pa. 'Ɔnyɩ 'bata bɩa 'ɔa 'dooa 'jäjräkʋ.

1 Timotee 2:9

'Asɩ 'n 'bata bɩa, 'ŋlëgë 'nyɩ ‑sesre ‑gbʋgbʋmäklɩ 'üa 'sosrokʋ nyra 'ŋuei nʋnʋkʋ 'lɩ. 'Ünyɩ 'sroo ‑sikadii, ‑plɩlɩ 'aiɛ 'dari 'lɩ, 'ünyɩ 'sroo 'kotili kä 'peru 'bʋaa' ‑gböösa.

1 Timotee 1:14

Ana 'Pläkänyɔɔa ‑gbinanakʋ nya 'si 'mɩ 'klɩ, 'ɔ ‑nyɩ 'mɩ nyɔsʋaplɛtorokʋ nyra ‑wawakʋlʋ bäa' 'Kriisë Jesu 'lɩ.

Ɛfɛsënyüü 3:4

'Ama ‑täsä 'imɩ nɩ, ‑sisiewiili 'n jrea' 'cɩcasa 'Kriisë ‑gälɩ, 'anya 'iin jrea.

2 Korɛɛntënyüü 12:13

Dɛplɛɛ 'n nʋ ‑plɩɩ 'cɛcɩnyüü ‑mölööa ‑nyɛɛ 'i 'na ‑bɛ 'nyɩ 'ana ‑nyɛɛ nrörö le? ‑Gblɛa 'doo 'nyɩ bä 'ana në ‑gʋ. 'Ii känyrɩ, 'ii ma bʋbɔ nɩ, 'ba cere 'mɩ 'iin!

1 Korɛɛntënyüü 3:10

'A ‑gbinanakʋlʋ Nyɔsʋa ‑nyɩa' 'mɩ 'ua 'nyrɩklɩ 'n ‑fɛɛɛrɛ 'jrʋpa 'mʋfa nyukupanyɔɔa 'sa, 'nyaa 'sri 'ua ‑toko 'kä, ‑bɛ nyɔɔ ‑moloo 'jrara 'ua ‑gälɩ nyuku. ‑Maa ‑moloo ma bälɩ ɔ ‑tre 'sɩrɩ 'ɔmäa' 'ua ‑gälɩ nyuku 'paladɛɛ nʋ.

Rɔmënyüü 11:25

'Na ‑wlajü 'amɩ, 'n 'bata 'ba jre wiili ‑sisiea' 'a ‑pɩ bobo ‑maa 'amɔ jre wii: 'iibä Israɛɛlëa 'pɛ 'dee 'bʋala plɛ 'kä nyüülü Nyɔsʋa 'bataa' ünyɩa' juifë bä 'üa 'fɩɔ nya 'ɔa ‑nyɛɛ pa.

3 Jaan 1:9

'N ‑jɩjra 'cɛcɩnyüü 'wʋ; ‑maa Diotrɛɛfë, ɔ ‑waa' 'kamakʋ nɩ, 'ɔnyɩ nʋ wiili a 'daaa' ‑a.

Kolɔɔsënyüü 2:13

Jäjänyüü 'a ma bä 'ana ‑balʋa ‑gʋ, nyra 'anyɩ käa' 'bölö, 'ia ‑gʋ; ‑maa Nyɔsʋa nya ‑nyɩ 'amɩ ‑fʋflʋ 'a nyra 'ɔɔn 'mä 'lɩbä. 'Ɔ cere amɩ ana ‑balʋa 'fɩɔ.

Kolɔɔsënyüü 1:29

'A 'ia ‑gʋ 'n ‑fɛɛɛ 'jrʋpa 'ɔa 'klüa 'nyrɩklɩ, 'ü 'tuto 'mɩ ‑gböösa.

Ɛfɛsënyüü 3:2

'N jresaa 'a 'nu 'sɩrɩ Nyɔsʋaa ‑gbinanakʋ 'lɩ 'ɔ ‑nyɩa' 'mɩ 'Mʋfagogoa 'sasajrʋpa 'ana ‑gʋ.

2 Korɛɛntënyüü 10:13

‑Maa amɔlɔ nɩ, anyɩ 'bata ana nyufaa 'bʋalakʋ ‑a, a ‑pɩ nyakadɛɛ 'wʋsi. Nyɔsʋa jaa' amɩ 'ana ‑nyɛɛ nɩ, 'ɔ nyaka ana 'jrʋpaa blöröfa, 'iibä ana nyakadɛɛ.

Filipënyüü 2:13

'be Nyɔsʋa ‑nyɛɛ 'amɩ 'nyienyiekʋa 'klü nyra 'ia nʋnʋkʋa 'klü amä wiili käa' 'ɔɔn 'tʋ nʋ.