Rɔmënyüü 12:2 - Kuö Dëdrä Jenɛɛsë Rutë

² 'Anyɩ dɔrɔ ‑taa 'plälä kʋa' ‑pɩa nʋnʋgbi 'wʋ, ‑maa 'ba 'cɛrɛ Nyɔsʋa ‑wälɩ 'ɔmä 'amɩ 'cici 'ɔmä 'amɩ bobowli dëdrä ‑nyɩ, 'amä 'tasɩrɩ wiili Nyɔsʋa 'bataa' jre: wiili 'naa', i 'mɩmrɛa' 'klɩ, nyra wiili 'naa' 'mʋfasa.

Rɔmënyüü 12:2 Referans Kwoze

1 Piɛɛrë 1:14

'Ba ‑träärälɩ Nyɔsʋa, ‑bɛ 'a ‑kanyɩ 'nyie ‑wawadiili ma 'kamaa' 'amɩ ‑kanyɩ 'tiere 'amɩ, ‑beere 'taɩn 'lɩ 'anyɩ käa' 'Kriisë jre.

2 Korɛɛntënyüü 5:17

Nyɔɔ nyra 'Kriisë ma bä 'doo nɩ, nyɔɔdëdrä nyɔɔlɔ bä; 'klɩbɩaa ni 'a ‑si, 'köklesa ‑plɩɩ diia 'fɩɔ bä dëdrä.

Kolɔɔsënyüü 3:10

'anya dɔrɔ nyɔɔ dëdräa ‑gbi 'wʋ. Nyɔɔdëdrälɔ nɩ, 'ɔ 'cici 'ɔa bobowlia 'doo 'ɔmä 'ɔa Nʋnʋnyɔɔ jajra.

Ɛfɛsënyüü 5:17

'Ii känyrɩ 'anyɩ 'jrara mlüü, ‑maa 'ba 'nu wiili 'Pläkänyɔɔ 'bataa' 'wli.

1 Piɛɛrë 4:2

'Ii känyrɩ, 'taɩnlɩ tɩɔa' 'lɩ 'amɩ ‑pɩ ‑tʋtʋ ‑gälɩ nɩ, 'anyɩ prɛ nyüüa bʋbɔ ‑wawadii dɛrɩ; 'ba prɛ wiili Nyɔsʋa 'bataa' dɛrɩ.

Rɔmënyüü 12:1

'Na ‑wlajü 'amɩ, Nyɔsʋaa nayatɛrɩa ‑gʋ 'n bibie 'amɩ, 'ba ‑nyɩ 'ɔɔn 'ana nyüfë ‑beere 'lɩbägbɔsadɛɛ ɛnyɩa' ‑fre pa ‑bɛ ɛ 'naa' Nyɔsʋaa ‑gʋ. 'A 'tasɩrɩa nyɔsʋabibiekʋ.

Jaan 15:19

'Ama bä ɩ 'pläa 'mlɩa nyüü nɩ, 'plä nya ɩ 'amɩ ‑waa, 'be 'äa nü 'a bä. ‑Maa 'n 'baa' 'amɩ 'pläa ‑tɔrʋpɩɔ ‑bɛ 'a ‑kanyɩa' 'pläa nü bä nɩ, 'a 'ia ‑gʋ 'plä jrara 'amɩ 'nyüa 'mlɩ.

Rɔmënyüü 13:14

‑Maa 'ba pa 'Pläkänyɔɔ Jesu 'Kriisë 'lɩ ‑beere 'kotu, 'anyɩ bobo 'nɩmɩ bʋbɔgbili käa' plɛ 'tʋ 'kä 'amä 'ana plɛ 'wʋ 'cie.

Titë 3:5

'ɔnya 'ba amɩ 'lɩmlɩ, ‑mää 'kä wiili a nʋa' 'i ‑gäklɩ ‑a, ‑mää 'ia ‑gʋ 'ɔnyɩ amɩ 'pʋɔ, ‑maa 'ɔa nyatɛplɛa ‑gʋ 'ɔ 'pʋɔ amɩ. 'Ɔ ‑futo amɩ 'ɔnya nrörö amɩ nyüüdëdrä 'lɩ, 'cicikʋlʋ nɩ, 'Nyüna ‑Susu 'uu nrörö 'iin ana 'kläa 'mlɩ.

Jaakë 4:4

Bätësaa nyüü! 'Anyɩ 'saa ‑a jre 'sɩrɩ 'pläa ‑wawakʋ bäa' Nyɔsʋaa jrarakʋ? Nyɔɔ ma bä 'pläa ‑bei nɩ, Nyɔsʋaa 'nyüamlɩjraranyɔɔ 'ɔ bä.

2 Korɛɛntënyüü 4:4

'Üü 'nyɩ toro 'iin plɛ. 'Be 'plälä kʋa' ‑pɩa nyɔsʋa 'cakla 'üa bobowli 'lɩ 'ümä 'jöjrüükpü 'lɩ kʋ, 'ü ‑pɩ 'napɛlɛ bäa' 'Mʋfagogoa 'mlɩ 'wʋjä, ‑bɛ 'ɛɛ srara 'Kriisëlɔ bäa' Nyɔsʋaa 'pikea 'wliklɩbʋbʋakʋ.

Jaan 17:14

'N 'kpɩa 'üün ‑na mlɩa wii. 'Plä nya jrara 'üün 'nyüamlɩ. Dɛɛlɛ kä ‑gʋ, 'ünyɩa' 'pläa 'mlɩa nyüü bä ‑beere 'mɔɔ.

2 Piɛɛrë 1:4

'Wliklɩbʋabʋakʋlʋ nyra 'klülüa 'mlɩ nɩ, Nyɔsʋa ‑nyɩ amɩ 'cɩcadii nyra 'perubʋadiili 'ɔ 'daa käa' 'ɔmäa' ‑nyɩ. 'Iili nɩ, 'ɔ 'bata 'a nyra Nyɔsʋa bä dɛɛ 'dee, 'amɔlɔ fɔlɔa' ‑fɛfɛdii 'klɩ 'plälä kʋa' ‑pɩa 'mlɩ dɛɛnyükäkäkʋa ‑gʋ.

Jaakë 1:27

'Cɛcɩlɛ bäa' 'tasɩrɩa 'cɛcɩ ‑bɛ ɛnyɩa' ‑fre pa ana Tʋ Nyɔsʋa 'klɩ nɩ, 'a 'cɛcɩlɛ jöa' ‑gbokuijü nyra 'kusroŋlëgë ‑gba 'üa ‑sʋɛa 'mlɩ, ‑bɛ ɛ tʋŋlɔa' 'lɩ 'pläa 'mlɩa ‑frepadii dɛrɩ.

1 Jaan 3:13

'Na ‑wlajü 'amɩ, 'plä ma jrara 'amɩ 'nyüa 'mlɩ, 'inyɩ kala 'amɩ plɛ 'klɩ.

1 Tɛsalonikënyüü 4:3

‑Jäsɩ Nyɔsʋa 'bataa' nɩ, abɩa 'ana 'kläa 'nyü 'na: 'ba tʋŋlɔlɩ ‑sagbili kä 'fɩɔ Nyɔsʋa 'nyɩ 'bataa' dɛrɩ;

1 Jaan 5:19

A jre 'iin 'sɩrɩ a bäa' Nyɔsʋaa 'jü, ‑bɛ a jre bɩa 'iin 'sɩrɩ 'pläa 'fɩɔ bäa' Plɛbʋbɔsusu kälɩ.

Ɛfɛsënyüü 1:18

ɔ ‑jie 'ana bobowli 'klɩ, 'amä diili 'a 'piea' plɛ ‑gälɩ jre ‑bɛ 'amä wiili 'lɩ 'ɔ werea' 'amɩ jre. 'Amä 'nanabɩɔlʋ 'ɔ ‑tʋʋäa' ‑wälɩ 'nyünanyüüa ‑gʋ nɩ, 'amä 'uun jre.

2 Piɛɛrë 2:20

‑Maa ‑mülü jrea' 'Pläkänyɔɔ 'Lɩmlɩbanyɔɔ Jesu 'Kriisë nɩ, 'üma 'cɛrɛ 'pläa ‑fre ‑wälɩ, ‑bɛ üma 'cɛrɛ 'sɔɔwʋ 'ia diili ‑wälɩ 'ima kʋ 'üün ‑gälɩ nɩ, 'üa 'klä nya bʋbɔa ‑gböösa 'kä 'inya 'üa ‑kätɩdɛɛ 'wʋsi.

Ɛfɛsënyüü 2:2

'Ana nʋnʋgbi nyra ‑taa 'plälä kʋa' ‑pɩa nyüü ma bäa' dɛɛ 'dee, ‑bɛ 'a ma prɛ cɛ nyra ‑tʋtʋa ‑tɔrʋpɩɔa 'klüa 'cifi dɛrɩ; 'a 'ia ‑susulu 'uu ‑fɛɛɛrɛ nyüülü 'nyɩ ‑trääräa' 'lɩ Nyɔsʋaa 'kläa 'mlɩ 'jrʋpa.

Galaatënyüü 1:4

'Kriisëlɔ 'saa' 'ɔa 'klä ana ‑balʋa ‑gʋ, 'ɔmä amɩ ‑taa bʋbɔplälä kʋa' ‑pɩa 'klü mlɩ 'ba, 'sɩrɩ ana Nyɔsʋalɔ bäa' Tʋ 'bataa'.

1 Korɛɛntënyüü 3:19

'Be 'pläa 'mlɩa 'lɩgaglakʋ bä mlüü Nyɔsʋaa 'klɔɔtrʋ. 'I ‑jɩjra: Nyɔsʋa 'kplaa 'lɩglanyüü 'üa yrʋa ‑gbasi mlɩ .

Rɔmënyüü 7:22

'Na plɛklɩ nɩ, Nyɔsʋaa ‑dɔ 'u kä 'mɩ 'tʋ.

Jaan 7:7

'Plä 'nyɩ 'lɩ ‑a bɩa ä jrara 'amɩ 'nyüa 'mlɩ; 'mɔɔlɔ nɩ, 'ä jrara 'mɩ 'nyüa 'mlɩ, dɛɛlɛ kä ‑gʋ 'n 'daaa' 'äa nʋnʋgbi bʋbɔ.

'Nyügälɩjawii 13:8

Tʋtʋ ‑gälɩa nyüülü kä 'fɩɔa 'nyrɩ 'nyɩa' ‑Bablëëjʋlɔ 'ü 'blaa' 'pläa 'käkolofa 'wʋa 'kläa ‑pɔɔkʋa 'mlɩ ‑jɩjra, nya 'ɔɔn 'wlitraraa. ‑Pɔɔkʋlʋ nɩ, ‑Bablëëjʋlɔ 'ü 'blaa' 'ɔɔ kä 'uun.

1 Piɛɛrë 2:3

'be 'anya 'Pläkänyɔɔa 'nanakʋ 'jä.

Rɔmënyüü 7:12

'Ii känyrɩ, ‑dɔ 'nyɩ ‑fre ‑a pa; 'u ‑gäklɩ, 'unya 'na.

Kolɔɔsënyüü 4:12

'Ana nyɔɔ Epafarasë 'trɛɛ 'amɩ. 'Ɔɔlɔ nɩ Jesu 'Kriisëa ‑geei 'ɔ bä, 'ɔnyɩ 'nyüglö 'ana 'wli 'lɩa ‑golufufukʋa ‑gʋ ‑a nyɔsʋabibiekʋ 'lɩ, 'amä 'wʋsɔɔrɔ ‑bɛ 'amä 'tasɩrɩ wiili Nyɔsʋa 'bataa' jre.

1 Piɛɛrë 1:18

A jre ‑srülü Nyɔsʋa 'saa' 'ana 'lɩmlɩwʋwʋkʋa ‑gʋ, 'kä 'a nö ‑gbili 'nyɩa' ‑tɔɔ kä i 'a 'kpɩaraa' 'ana tʋɩɩ ‑gbaa. ‑Mää diili 'nyɩ ‑wlɛa' 'lɩ ‑beere mölii 'aiɛ ‑sika 'ɔnyɩ nʋ ‑bɛ 'ɔnyɩ 'amɩ ‑su.

Jaan 14:30

'Nyraa 'amɔ ‑ka ‑nëmä ‑srɩɩ 'wʋ ‑a dɛtrɛ, 'be nyɔɔlɔ 'kamaa' 'plälä kʋa' ‑pɩ 'ɔɔ jö; 'ɔnyɩ 'na ‑gbanʋdɛɛ ‑a kä.

Rɔmënyüü 7:14

A jre 'iin 'sɩrɩ Nyɔsʋa ‑tʋa' 'lɩ ‑dɔ. ‑Maa 'mɔɔlɔ nɩ, 'jajɛ 'n bä 'nyaa bä ‑balʋ kälɩ.

'Nyügälɩjawii 12:9

‑Gblɔtrɔ kpakulu, ‑kätɩ trɔɔlʋ 'ü 'daraa' ‑Balʋsusu 'aiɛ Sataan, ɔ ‑trɔɔrɔa' nyüülü kä 'fɩɔ bäa' ‑tʋtʋ ‑gälɩ. 'Ünya be 'uun ‑tʋtʋ ‑gälɩ, 'ɔɔ ‑bɛ 'ɔa 'aanjëɩɩa 'fɩɔ.

Matiö 13:22

Papladiili blöa' nänëa mlɩ nɩ, 'a nyɔɔlɔ 'nööa' nyɔsʋaawii 'wli, ‑maa 'ɔa plɛ ‑ka bä ‑tʋtʋ ‑gälɩa dii dɛrɩ, 'ɔa 'nyü ‑ka fɔlɔa' 'bɩɔ dɛrɩ 'fʋflɛsa. 'Ii kakla nyɔsʋaawii 'klɩ, 'a 'ia ‑gʋ 'inyɩ 'lɩ ‑a bɩa i tʋ.

Marëkë 4:19

‑maa 'ü kä plɛ ‑ka bäa' ‑tʋtʋ ‑gälɩa dii dɛrɩ, ü ‑ka fɔlɔa' 'bɩɔ dɛrɩ 'fʋflɛsa, nyra dɛɛnyükäkäkʋ. 'Ii kakla nyɔsʋaawii 'klɩ, 'a 'ia ‑gʋ 'inyɩ 'lɩ ‑a bɩa i tʋ.

Kolɔɔsënyüü 1:9

A 'nua' 'iin 'wli nɩ, 'ia ‑gʋ anyɩ 'nyüglö 'ana 'wli 'lɩa nyɔsʋabibiekʋa ‑gʋ ‑a. Bibie a bibie 'ɔɔn 'ɔmä 'amɩ wiili kä 'fɩɔ 'ɔ 'bataa' srara, ɔ ‑nyɩ 'amɩ wiijejrekʋ nyra 'lɩgaglakʋ 'ɔa ‑Susu 'lɩ.