Rɔmënyüü 12:17 - Kuö Dëdrä Jenɛɛsë Rutë

¹⁷ 'Anyɩ nʋ ‑balʋ 'anyɩ 'sa ‑balʋa 'kpa. 'Ba 'bata wiili nyüüa 'fɩɔ 'daaa' i 'naa' 'ia nʋnʋkʋ.

Rɔmënyüü 12:17 Referans Kwoze

1 Tɛsalonikënyüü 5:15

'Ba ‑tre 'ana nyüfë, nyɔɔ 'nyɩ nʋ ‑balʋ 'ɔnyɩ 'sa ‑balʋa 'kpa; ‑maa 'ba prɛ wiili 'naa' dɛrɩ 'taɩn a 'fɩɔ 'lɩ, 'ba nönrö 'iin 'ana ‑tɔrʋpɩɔ nyra nyüüa 'fɩɔa ‑tɔrʋpɩɔ.

Matiö 5:39

‑Maa ‑jäsɩ 'n ‑gbalaa' 'amɩ nɩ, nyɔɔ ma nʋ ‑mɩ ‑balʋ ‑gba nɩ, ‑nyɩ 'sa 'ia 'kpa. Nyɔɔ ma 'pa ‑na 'dupa ‑glagbʋ ‑gba 'kpa nɩ, to bɩa 'ɔɔn 'sɔɔa nu 'klɩ.

1 Piɛɛrë 3:9

Nyɔɔ ma nʋ 'amɩ ‑balʋ ‑gba, 'anyɩ nʋ ‑balʋ 'anyɩ 'sa ‑balʋa 'kpa. Nyɔɔ ma ‑jree 'amɩ nɩ, 'anyɩ ‑jree 'ɔɔn bɩa. ‑Maa 'ba 'pa 'ɔɔn 'nɩ; 'be 'a jre 'iin 'sɩrɩ Nyɔsʋa werea' 'amɩ 'iin 'lɩ, 'ɔmä 'amɩ 'nɩ 'pa.

Rɔmënyüü 12:19

'Na ‑wawanyüü 'amɩ, 'ana 'mʋgbɛ 'nyɩ ‑fu ana 'wlia tou, 'ba 'cɛrɛ Nyɔsʋaa 'crɛ ‑wälɩ ɛ ji. 'I ‑jɩjra: 'Pläkänyɔɔ nɩnɩa: «'Mɔɔ ‑fuuö 'ana 'wli 'lɩa tou. 'Nyaa 'ua 'kpa 'saa.»

1 Piɛɛrë 3:16

'Anyɩ pla 'ana bobowli ‑fre, nyüülü paaa' 'ana bʋbɔnyrɩ 'ana 'cɩcagbili 'a nöa' 'Kriisë 'lɩa ‑gʋ, ‑bɛ 'ü 'daaa' 'amɩ ‑beere ‑balʋnyüü nɩ, 'nyüsü 'mä 'üün 'bla.

1 Tɛsalonikënyüü 5:22

'Sɩmɩ ‑balʋ 'nyɩ 'cicri, 'anyɩ blö 'ua 'mlɩ.

1 Piɛɛrë 2:12

'Ba kä 'cɩcagbi nyüülü 'nyɩa' Nyɔsʋa jrea ‑tɔrʋpɩɔ. 'Ama nʋ 'saa nɩ, ‑gbʋgblʋʋkänyüüa 'nyrɩ 'lɩ 'ümäa' 'amɩ ‑gälɩ ‑tʋ, üma 'jä 'ana 'cɩcagbi nɩ, 'ünya Nyɔsʋaa 'nyrɩ 'bʋalaa ‑srɩlɩ kä 'mlɩ 'ɔmäa' 'üa 'kläa 'mlɩ ji.

Kolɔɔsënyüü 4:5

'Ba kä 'cɩcagbi nyüülü 'nyɩa' Nyɔsʋa jrea 'klɩ. Wii o wii 'tɔrɔa' 'amɩ 'klɩ, 'ba nʋ dotro dɛɛlɛ 'a nëmäa' nʋ.

Rɔmënyüü 14:16

'Ii känyrɩ dɛɛlɛ 'naa' 'ana ‑gʋ nɩ, 'anyɩ 'cɛrɛ nyüü ‑wälɩ 'ünyɩ 'pa 'ɛa bʋbɔnyrɩ;

1 Timotee 5:14

'A 'ia ‑gʋ 'n 'bata abɩa 'kusroyörü 'ti, 'ümä 'jü ‑gu, 'ümä 'üa ‑gbööö ‑gbötö 'cɩcasa; ana 'nyiöa 'mlɩ jraranyüü ‑pɩ ana ‑gʋ bʋbɔwii 'pa ‑sraakäpɩ.

1 Tɛsalonikënyüü 4:12

'ana nʋnʋgbi 'mä ‑fälɩa nyüüa 'klɔɔtrʋ 'nara, ‑bɛ 'a ‑pɩ ‑sɛsɛjrʋpa kä.

Jenɛɛsë 42:25

Josɛɛfë nya ‑gbala 'ɔa 'jrʋpafɛnyüü ü 'sie 'üa ‑bɛjʋ ‑bleee 'klɩ, 'kä ü pla 'üa mölii ‑bɛjʋa 'mlɩ, 'kä ü ‑nyɛɛ 'üün 'nyʋfɔa jijri. 'Asɩ nyɔɔlɔ nʋ.

Matiö 5:24

'pie ‑na ‑gbɔlʋ ‑jaa' ‑plɩɩ 'töwlö ‑gba, 'kä ‑mö ‑nyra ‑na ‑wlajʋ 'mä ‑kätɩ 'wlinönrö 'fɩɔwʋ 'kä ‑jö ‑na ‑gbɔ 'sa.

Rutë 3:14

'Ɔnya 'prere Boasëa bei ‑wälɩ, 'ɔnya tɛkä sɔsɔ 'fɩɔwʋ ‑srɩ nya 'mä 'wʋpala, 'ü ‑pɩ 'ɔɔn 'nyügbatʋ. 'Be Boasëa plɛklɩ 'ɔ nɩnɩa: «Nyüü 'nyɩ kä ‑a kä 'ümä 'iin jre 'sɩrɩ 'ŋlʋʋlɔ jia' ‑tɛ ɔlëgëa 'lɩpoplofa 'wʋ.»