Rɔmënyüü 12:12 - Kuö Dëdrä Jenɛɛsë Rutë

¹² A dɔrʋ 'bla 'amɩ 'a jre dɛɛlɛ 'naa' Nyɔsʋa tɛrɛa' 'amɩ ‑sraakäpɩa ‑gʋ. 'Ba kpʋkplɔmlɩ ‑sʋɩa 'mlɩ, 'anyɩ ‑sɩa nyɔsʋabibiekʋa ‑gʋ.

Rɔmënyüü 12:12 Referans Kwoze

Rɔmënyüü 15:13

Abɩa 'suru Nyɔsʋa 'sie 'amɩ dɔrʋ 'kɔkɔmlɛ nyra plɛgälɩflɛrɛkʋ 'klɩ 'sɩrɩ 'a toroa' 'ɔɔn plɛ. 'Ama nʋ 'saa nɩ, 'Nyüna ‑Susua 'klü nya 'amɩ 'surukʋ 'wli ‑siea!

Ebröönyüü 10:36

'Be 'a kä 'amä plɛmlɩpa 'amä bɩa wiili Nyɔsʋa 'bataa' nʋ, ‑bɛ 'amä dɛɛlɛ Nyɔsʋa 'daaa' 'ɔmäa' 'amɩ ‑nyɩ 'jä.

1 Piɛɛrë 4:13

‑Maa abɩa dɔrʋ 'bla 'amɩ ‑sʋɩlɩ 'a 'jääa' 'Kriisëa ‑gʋ. 'Ia 'taɩn 'lɩ dɔrʋ nya 'amɩ 'klɩ 'sia 'taɩn 'lɩ 'ɔmäa' ‑srɩɩ ji 'ɔa 'wliklɩbʋbʋakʋ 'lɩ.

Jaakë 5:7

'Ii känyrɩ 'na ‑wlajü 'amɩ, 'ba kpʋkplɔmlɩ 'kä 'Pläkänyɔɔ jö. 'Ba 'jä 'sɩrɩ paplanyɔɔ ‑glaaa' 'ɔa papladiili bä 'ɔa plɛ. 'Mlɩ 'ɔ kpʋkplɔ ‑bɛ 'ɔ ‑glaaa' 'nʋŋlʋ kpaku nyra 'nʋŋlʋ sʋsʋa 'taɩn.

Ebröönyüü 6:15

Abraamë nya kpʋkplɔmlɩ 'ɔnya ‑glaaa. 'Asɩ 'ɔ nʋ 'ɔnya 'jä dɛɛlɛ Nyɔsʋa 'daaa' 'ɔmäa' 'ɔa ‑gʋ nʋ.

Ebröönyüü 6:12

Anyɩ 'bata 'bata ‑a 'amä ‑fɛ. ‑Maa nyüülü Nyɔsʋa 'daaa' 'ɔmäa' ‑jaaa ‑nyɩ 'üa nyɔsʋaplɛtorokʋ nyra 'üa 'mlɩkpʋkplɔkʋa ‑gʋ nɩ, 'ba nʋ 'üa 'sa.

Filipënyüü 4:4

'Ba nʋ 'taɩn a 'fɩɔ 'lɩ dɔrʋ 'Pläkänyɔɔ 'lɩ. 'N ‑gbala 'amɩ 'sɔɔwʋ: 'ba nʋ dɔrʋ!

Ebröönyüü 12:1

‑Bɛ 'ia 'samaa' nyüü 'kɔkɔmlɛlü sraraa' 'üa nyɔsʋaplɛtorokʋ traraa' amɩ 'klɩ ‑beere ‑gbru nɩ, 'a 'ia ‑gʋ ana 'mʋgbɛ a 'ba ana ‑gba diili kä 'fɩɔ 'mrɛɛa' imäa' amɩ 'nyʋfɔ ka, nyra ‑balʋlʋ traraa' amɩ 'klɩ sɔsɔ! A ‑sɔɔrɔwʋ a fɔ fʋfɔlʋlʋ bäa' ana 'klɔɔtrʋ.

Kolɔɔsënyüü 4:2

'Anyɩ 'nyüglö nyɔsʋabibiekʋa ‑gʋ. 'Ba ‑tre 'imɩ, 'kä 'a 'trɛɛ Nyɔsʋa.

2 Tɛsalonikënyüü 3:5

Abɩa 'Pläkänyɔɔ 'tiere 'ana polu Nyɔsʋaa ‑wawakʋa 'pɛlɩ, nyra 'Kriisëa 'wʋsɔɔrɔkʋ 'lɩ!

1 Tɛsalonikënyüü 5:8

‑Maa amɔ bäa' ‑srɩa 'jü nɩ, a ‑tre ana nyüfë; a 'sroo nyɔsʋaplɛtorokʋ nyra ‑wawlakʋ ‑beere tafukotu, a 'pie 'lɩmlɩwʋwʋkʋ plɛ ‑gälɩ ‑beere tafuwlugbö.

Akëtë 1:14

'Üa 'fɩɔ ma bibie Nyɔsʋa ‑pɩɔ 'doo 'wʋ, 'üü ‑bɛ 'ŋlëgë, nyra Jesua 'yio Marii, nyra Jesua ‑wlajü.

1 Timotee 6:11

‑Maa ‑mɔ bäa' Nyɔsʋaa nyɔɔ nɩ, fɔlɔ 'ia 'fɩɔlʋ 'klɩ. 'Bata ‑gböösa 'klɩgägäkʋ, Nyɔsʋaa 'lɩträäräkʋ, nyɔsʋaplɛtorokʋ, ‑wawakʋ, plɛböblökʋ nyra plɛpɩpɛ.

Ebröönyüü 10:32

‑Maa 'ba 'pa wiili 'a 'jä käa' plɛ. 'A 'jäa' Nyɔsʋaa 'napɛ 'ia ‑srɩlɩa 'mlɩ nɩ, 'a 'järä tou ‑susugbee ‑sʋɩa mlɩ.

Kolɔɔsënyüü 4:12

'Ana nyɔɔ Epafarasë 'trɛɛ 'amɩ. 'Ɔɔlɔ nɩ Jesu 'Kriisëa ‑geei 'ɔ bä, 'ɔnyɩ 'nyüglö 'ana 'wli 'lɩa ‑golufufukʋa ‑gʋ ‑a nyɔsʋabibiekʋ 'lɩ, 'amä 'wʋsɔɔrɔ ‑bɛ 'amä 'tasɩrɩ wiili Nyɔsʋa 'bataa' jre.

Kolɔɔsënyüü 1:11

'Sɩrɩ 'ɔa 'wliklɩbʋbʋakʋa 'klü bäa' 'asɩ 'ɔmä 'amɩ 'klülɩpa diia 'fɩɔa 'mlɩ, 'amä wiia 'fɩɔa ‑gbötökʋ mlɩbɩa, 'amä nyɔnyrɔ nyɔnyrɔ 'amä 'blöröfawʋ 'tɔ dɔrʋsa.

Ebröönyüü 5:7

'Ɔa 'klälä 'ɔ ‑sia' ‑tʋtʋ ‑gälɩ nɩ, 'Kriisë bibie Nyɔsʋalɔ ɔ 'mrɛɛa' ɔ 'baa' 'ɔmɩ jäjä mlɩ, 'dugu kpaku 'lɩ 'ɔ bibrie 'ɔmɩ. Nyɔsʋa nya 'nu 'ɔa bibiekʋ 'wli, 'be 'ɔ ‑träärälɩ 'ɔmɩ.

'Nyügälɩjawii 13:10

Nyɔɔlɔ käa' 'ɔmä ‑jie 'lɩ mi nɩ, 'ɔnya ‑jie 'lɩ mia. Nyɔɔlɔ käa' 'ɔmäa' ‑jɛrɛ 'klɩ järä nɩ, ‑jɛrɛ 'ümä nʋ 'ümä 'ɔɔn 'bla. ‑Jää wiili kä ‑gʋ nyɔsʋaanyünanyüü käa' 'ümäa' 'mlɩkpʋkplɔ ‑bɛ 'ümäa' Nyɔsʋa plɛtoro.

2 Piɛɛrë 1:6

wiijejrekʋa ‑gälɩ nɩ, 'ba 'palɩ 'ana 'mʋgbɛa 'tierekʋa jejrekʋ, 'ana 'mʋgbɛa 'tierekʋa ‑gälɩ nɩ, 'ba 'palɩ plɛblöblökʋ ‑sʋɩa 'mlɩ, plɛböblökʋa ‑gälɩ nɩ, 'ba 'palɩ Nyɔsʋaa ‑gbaa kpasrakʋ,

Ebröönyüü 3:6

‑Maa 'Kriisëlɔ nɩ, 'ɔ bä plɛgälɩpie 'Jʋ ‑bɛ 'ɔ bä nyukulua 'wliklɩ. Ama ‑sɔɔrɔ ana nyɔsʋaplɛtorokʋ 'wʋ ‑sɔrɔ 'pläa bɩarafa 'wʋ nɩ, ‑bɛ ama 'kpla ana nyɔsʋaplɛgälɩpipiekʋlʋ käa' amɩ dɔrʋ 'wʋ nɩ, ama nʋ 'imɩ nɩ, a bä 'ɔa nyuku.

2 Tɛsalonikënyüü 1:4

'Ana 'wʋsɔɔrɔkʋ nyra 'ana nyɔsʋaplɛa ‑gʋ, 'a kä amɩ dɔrʋ 'wʋ Nyɔsʋaa 'cɛcɩnyüüa ‑tɔrʋpɩɔ, 'anya srara 'iin nyüülü 'järäa' 'amɩ ‑sʋɩ 'lɩ ‑bɛ 'a 'kpɔa.

1 Korɛɛntënyüü 13:13

‑Bɛ dii tää bälɩ 'inya 'lɩ tɩɔrɔa: nyɔsʋaplɛtorokʋ, plɛgälɩpiepiekʋ, nyra ‑wawakʋ. ‑Maa ‑mɛlɛ ‑sia' 'wʋ, 'ɛɛ bä ‑wawakʋ.

Rɔmënyüü 15:4

Diili kä 'fɩɔ ‑jɩjra käa' nyɔsʋapɔɔkʋ 'lɩ nɩ, ana 'kpɩkpɩakʋa ‑gʋ 'i ‑jɩjra. 'Inya amɩ plɛböblökʋ nyra 'klü ‑nyɩa, amä 'suru dɛɛlɛ 'naa' ɛ Nyɔsʋa tɛrɛa' 'amɩ, 'amä 'ɛɛn 'jä.

Lukë 21:19

'Ii känyrɩ 'a 'nɩ fɔlɔ 'iin 'klɩ: 'asɩ 'anya 'lɩmlɩwʋ.

Lukë 8:15

'Mʋfatʋtʋlʋ kä ‑gälɩ 'jaju böblöa' nɩ, 'a ‑mülü nʋa' 'üa plɛ ü 'kplaa' nyɔsʋaawii 'cɩcasa, 'ünyɩ ‑trɔa' 'iin, ‑bɛ 'ü tʋäa' ‑bakää ‑sʋɩ bälɩ.

1 Piɛɛrë 4:7

Diia 'fɩɔa bɩarafa 'a 'lɩjijrö. 'A 'ia ‑gʋ, 'anyɩ 'mʋmɔ, 'ba jre 'ana nyufaa 'tierekʋ 'amä Nyɔsʋa bibie.

Titë 2:13

'Asɩ a ‑glaaa dɔrʋ ‑srɩlɩ a toroa' plɛ. 'Ia ‑srɩ 'lɩ nɩ, ana 'Lɩmlɩbanyɔɔ Jesu 'Kriisë, ɔ bäa' ana Nyɔsʋa Kpakö, nya 'wliklɩbʋalakʋ 'lɩ jröröa.

Kolɔɔsënyüü 1:27

Nyɔsʋa 'bata 'ɔmä 'üün 'wliklɩbʋaa 'bɩɔlʋ 'ɔ ‑sisie ɩa' srara, u 'ɔ tɛrɛa' nyüülü 'nyɩa' juifë bä. ‑Jää wiili 'ɔ ‑sisie ɩa': 'Kriisë bä 'amɩ 'lɩ; 'ii 'sree plɛ 'kä 'sɩrɩ amäa' Nyɔsʋa 'wliklɩbʋabʋakʋ 'jä.

Rɔmënyüü 8:25

‑Maa ama jresaa anya 'a dɛɛlɛ anyɩ 'jäa' 'wʋ 'jä nɩ, plɛ a blö ‑bɛ a ‑glaaa.

Titë 3:7

amä 'saa jre 'sɩrɩ anya ‑jaaa bäa' 'klälä 'nyɩa' blöröfa kä 'jä. A 'pie 'iin plɛ ‑gälɩ 'be Nyɔsʋa ‑gä amɩ 'klɩ 'ɔa ‑gbinanakʋ 'lɩ.

2 Timotee 3:10

‑Maa ‑mɔlɔ nɩ, ‑jää 'na 'kpɩkpɩakʋ 'mʋfasa, 'na nʋnʋgbia 'mlɩ, 'na bobowiia 'mlɩ, 'na nyɔsʋaplɛa mlɩ, 'na plɛböblökʋa 'mlɩ, 'sɩrɩ 'n ‑waa' nyüü ‑bɛ 'sɩrɩ 'n kpʋkplɔa' 'mlɩ.

1 Tɛsalonikënyüü 1:3

'Asɩ a bibiea' ana Tʋ Nyɔsʋa nɩ, a 'paa 'jrʋpalä 'ana nyɔsʋaplɛ ‑fɛɛɛa', 'äa ‑gä plɛ, 'ana ‑wawlakʋlʋ ‑fɛɛɛa' 'jrʋpa nyra 'ana plɛlɛ 'a 'piea' ana 'Pläkänyɔɔ Jesu 'Kriisë ‑gälɩ ɛnyɩ sɩaa'.

Filipënyüü 3:1

'Na ‑wlajü 'amɩ, 'ba nʋ dɔrʋ 'Pläkänyɔɔ 'lɩ! Ama ‑jɩjra 'amɩ watu 'doo 'wʋ, 'inyɩ nʋ 'mɩ dɛɛ ‑gba ‑a 'ana ‑gälɩglaarakʋa wii bäsaa!

2 Korɛɛntënyüü 12:8

'N ka tää 'nyaa bibie 'Pläkänyɔɔ ɔ tʋŋlɔ 'mɩ 'lɩ 'ia ‑sʋɛlɛ dɛrɩ.

Rɔmënyüü 2:7

Nyüülü nöa' 'cɩcagbi 'plɔʋplɔʋ, ‑bɛ ü 'bataa' 'bʋalakʋ, 'lɩträäräkʋ nyra dɛɛlɛ 'nyɩa' bɩarafa kä nɩ, 'ɔnya 'üün 'klälä 'nyɩa' blöröfa kä ‑nyɩa.

Akëtë 12:5

Piɛɛrë bä ‑jie 'lɩ 'ü ‑glaara 'ɔɔn ‑gälɩ ‑bɛ 'cɛcɩnyüü bibie 'ɔa 'wli 'lɩa Nyɔsʋa ‑gböösa.

Akëtë 6:4

‑Bɛ amɔlɔ nɩ, amä Nyɔsʋaa bibiejrʋpa nyra Nyɔsʋaa 'wiipajrʋpa kä.»

Akëtë 2:42

'Ü ‑tʋʋä apotrëa 'kpɩkpɩakʋ 'nyügba, 'ü bä nyüü 'doo, 'ü ‑päplä jijri 'lɩ ‑bɛ 'ü bibrie Nyɔsʋa ‑pɩɔ 'doo 'wʋ.

Lukë 10:20

‑Maa, dɔrʋ 'nyɩ 'bla 'amɩ dɛɛlɛ kä ‑gʋ ‑sisi nöa' wiili 'a 'daaa'; ‑maa 'ana 'nyrɩlɩ ‑jɩjraa' cɛlɩ nɩ, abɩa 'ia dɔrʋ 'blaa' 'amɩ.»

Matiö 5:12

'Ba 'bri ‑bɛ abɩa dɔrʋ 'bla 'amɩ, 'be 'ana 'pɛɛ nya 'bʋaa cɛlɩ! 'Asɩ 'ü nʋ, 'ünya nʋ kä nyɔsʋaamlɩpalanyüü ‑gbi ‑gba, 'a ‑kaaŋlʋa' ji.