Rɔmënyüü 12:1 - Kuö Dëdrä Jenɛɛsë Rutë

¹ 'Na ‑wlajü 'amɩ, Nyɔsʋaa nayatɛrɩa ‑gʋ 'n bibie 'amɩ, 'ba ‑nyɩ 'ɔɔn 'ana nyüfë ‑beere 'lɩbägbɔsadɛɛ ɛnyɩa' ‑fre pa ‑bɛ ɛ 'naa' Nyɔsʋaa ‑gʋ. 'A 'tasɩrɩa nyɔsʋabibiekʋ.

Rɔmënyüü 12:1 Referans Kwoze

1 Piɛɛrë 2:5

'Ana 'mʋgbɛ 'ba ‑beere 'lɩbä 'täkë. 'Ba 'cɛrɛ Nyɔsʋa ‑wälɩ 'ɔmä 'amɩ nʋ 'ɔmä 'Nyüna ‑Susua nyuku 'pa. ‑Gbɔsapɛrɛnyüülü 'ü berea' 'klɩ Nyɔsʋaa 'jrʋpaa ‑gʋ, 'üü 'a nëmä bä, 'kä 'anya ‑gbɔɩɩlɩ Nyɔsʋaa ‑Susu 'bataa' 'sa; 'be Nyɔsʋa nya 'iin 'lɩ 'kʋɛɛ Jesu 'Kriisëa ‑gʋ.

Rɔmënyüü 6:13

'Anyɩ 'sara 'ana fugba ‑balʋ kälɩ ‑beere 'jrʋpafɛdiili 'nyɩ nʋa' 'klɩgägbi. ‑Maa 'ba 'sara 'ana fugba Nyɔsʋa kälɩ ‑beere 'lɩbänyüü sɔa' 'kuaabre, 'amä 'jrʋpafɛdiili nöa' wiili ‑gäa' 'klɩ bä,

Rɔmënyüü 6:19

'Ana 'nunukʋ klalɩ, 'a 'ia ‑gʋ 'n 'paa 'saa wii. 'A 'saa' 'klɩ nɩ, 'a nrörö 'ana fugba ‑frepadiia ‑geei 'lɩ ‑bɛ ‑balʋ 'tiere 'amɩ ‑balʋ 'lɩ. 'Ba nrörö ‑mlatɩ 'ana fugba 'klɩgägäkʋa ‑geei 'lɩ ‑bɛ i 'tiere 'amɩ 'klälä 'nyɩa' ‑fre paa 'mlɩ.

Rɔmënyüü 12:2

'Anyɩ dɔrɔ ‑taa 'plälä kʋa' ‑pɩa nʋnʋgbi 'wʋ, ‑maa 'ba 'cɛrɛ Nyɔsʋa ‑wälɩ 'ɔmä 'amɩ 'cici 'ɔmä 'amɩ bobowli dëdrä ‑nyɩ, 'amä 'tasɩrɩ wiili Nyɔsʋa 'bataa' jre: wiili 'naa', i 'mɩmrɛa' 'klɩ, nyra wiili 'naa' 'mʋfasa.

Ɛfɛsënyüü 4:1

'Ia ‑gʋ, 'mɔɔ 'Pläkänyɔɔa ‑jienyɔɔlɔ nɩ, 'n 'paa 'amɩ 'klü 'lɩ, 'sɩrɩ Nyɔsʋa 'bataa' i kä ‑gʋ 'ɔ wea' 'amɩ nɩ, 'amä 'ia 'sa 'nyɛ.

Rɔmënyüü 6:16

'Anyɩ 'saa ‑a jre 'ama ‑nyɩ 'ana nyüfë nyɔɔ kälɩ 'amä 'ɔa ‑goou bä nɩ, 'a kä 'amä 'lɩ 'ɔɔn ‑träärä? 'Ama ‑wa 'ba ‑träärälɩ ‑balʋlʋ faa' 'amɩ jäjä mlɩ, 'aiɛ 'ba ‑träärälɩ Nyɔsʋalɔ faa' 'amɩ 'klɩgägäkʋ 'lɩ.

2 Korɛɛntënyüü 4:16

‑Jää dɛɛlɛ kä ‑gʋ ana kpati jäa' 'lɩ. ‑Bakää ana fugba ma bʋblɔ ‑takasa nɩ, ana ‑susulu bäa' amɩ 'lɩ nö dëdrä ‑srɩ o ‑srɩ.

1 Tɛsalonikënyüü 4:1

'Na ‑wlajü 'amɩ, 'a 'kpɩara amɩ ‑gba 'sɩrɩ 'amäa' 'nyɛ ‑bɛ 'amäa' Nyɔsʋa 'tʋkä; 'ii 'a nö ɩ ‑piii. ‑Maa amɔ 'betre 'amɩ 'iin 'lɩ: a bibie 'amɩ, 'sɩrɩ 'a nyra 'Pläkänyɔɔ Jesu bäa' 'doo nɩ, 'ia 'nyrɩklɩ, 'ba 'palɩ 'klü 'ba nʋ 'iin a 'doo.

2 Korɛɛntënyüü 5:20

'Ii känyrɩ, 'Kriisëa bɔblɔnyüü a bä. 'I ‑beere 'sɩrɩ Nyɔsʋaa 'mʋgbɛ ‑sröröa' amɩ kälɩ amä 'amɩ wii cere: a bibie 'amɩ 'Kriisëa 'nyrɩklɩa ‑gʋ, 'ba nyra Nyɔsʋa 'nönröwli!

Ɛfɛsënyüü 5:10

'Ba 'bata wiili käa' 'Pläkänyɔɔ 'tʋa nʋnʋkʋ.

Filipënyüü 2:17

‑Bɛ 'a toroa' Nyɔsʋa plɛ nɩ, 'i ‑beere ‑gbɔ. 'Na ‑toru ma nya ‑gbɔlʋ ‑gälɩ 'kä ‑gblɔɔ ‑beere ‑tapakʋ nɩ, 'inya 'mɩ 'tʋkäa. 'Nyraa 'ana 'fɩɔ nya dɔrʋ nʋa.

1 Korɛɛntënyüü 1:10

'Na ‑wlajü 'amɩ 'n bibie 'amɩ, 'Pläkänyɔɔ Jesu 'Kriisëa 'nyrɩklɩa ‑gʋ 'ba 'pa watu 'doo! 'Anyɩ 'bölötɩa, ‑maa 'ba ‑ma 'mʋfasa 'ana bobowlia 'mlɩ, abɩa 'ana polu bä dɛɛ 'dee.

Rɔmënyüü 2:4

‑Ale 'ɔa 'pɔnɩkʋ nyra 'ɔa plɛböblökʋ ‑wlɛɛɛa' 'lɩ, 'ia ‑gʋ ‑paaa 'ɔa ‑gbinanakʋ sawʋ; ‑nyɩ 'saa ‑a jre Nyɔsʋaa ‑gbinanakʋ 'uu 'tiere ‑mɩ ‑balʋa 'piepiekʋ 'lɩ?

1 Piɛɛrë 2:20

'Ama nʋ ‑balʋ, ‑bɛ üma ‑gba 'amɩ dii ‑gälɩ nɩ, 'bʋalakʋ 'plɛɛ bä 'ia 'mlɩ le? ‑Maa üma 'järä 'amɩ ‑sʋɩ 'lɩ 'ana 'cɩcagbia ‑gʋ nɩ, 'i 'na Nyɔsʋaa 'klɩ.

Filipënyüü 4:18

'N 'jä 'ia 'fɩɔ, 'inya ‑siewli. ‑Bɛ Epaflodiitë jaa' 'mɩ diili kä 'fɩɔ 'a jaa' 'mɩ nɩ, 'n 'klaa diili kä 'fɩɔ 'nyɩa' kla. Diili 'a ‑nyɩa' 'mɩ, 'i ‑beere 'nɔnʋpa ‑gbɔ, ‑gbɔlʋ Nyɔsʋa 'kʋɛɛa' 'lɩ ‑bɛ u käa' 'ɔɔn 'tʋ ‑gböösa.

2 Korɛɛntënyüü 6:1

‑Bɛ a nyra Nyɔsʋa 'sɔ ‑fɛɛɛa' 'jrʋpa nɩ, a bibie 'amɩ: ‑gbinanakʋlʋ Nyɔsʋa ‑nyɩa' 'amɩ nɩ, 'anyɩ 'pa 'uun sawʋ.

Rɔmënyüü 15:30

'Na ‑wlajü 'amɩ, ana 'Pläkänyɔɔ Jesu 'Kriisë nyra ‑Susua ‑wawakʋa 'nyrɩklɩa ‑gʋ nɩ, 'n 'jrara 'ana 'klü, 'amä 'mɩ ‑gbaji toua 'mlɩ 'amä Nyɔsʋa bibie 'na ‑gʋ

Rɔmënyüü 15:16

'N nʋ Jesu 'Kriisëa 'jrʋpafɛnyɔɔ nyüülü 'nyɩa' juifë bä 'üa ‑gʋ. Nyɔsʋaa 'Mʋfagogoa 'pɛrɩnyɔɔa 'jrʋpa 'n ‑fɛɛɛ, 'kä nyüülü 'nyɩa' juifë bä 'mä ‑gbɔlʋ käa' Nyɔsʋa 'tʋ bä, ‑gbɔlʋ 'Nyüna ‑Susu berea' 'klɩ.

Filipënyüü 1:20

Dɛɛlɛ 'n ‑glaaa' ‑bɛ 'n 'piea' plɛgälɩ nɩ, 'iibä dɛɛa 'nyüsü ‑nëmä 'mɩ ‑a 'bla. Dɛɛlɛ 'n 'bataa' 'saarɩ nyra 'plɔʋplɔʋ nɩ, 'iibä ‑a srara 'Kriisëa 'bʋabʋakʋ 'na fugbaa 'mlɩ 'taɩn 'lɩ 'n ‑ka fioa' nyra 'na jäjäkʋ 'lɩ.

1 Timotee 2:3

'Ii 'na, 'ii kä ana 'Lɩmlɩbanyɔɔ Nyɔsʋa 'tʋ.

1 Tɛsalonikënyüü 5:12

‑Gbala a ‑gbala 'amɩ ‑wlajü 'amɩ, 'ba ‑träärälɩ nyüülü bäa' 'ana ‑tɔrʋpɩɔ ü ‑fɛa' 'Pläkänyɔɔa 'jrʋpa, ü 'tierea' 'amɩ, ü 'paa' 'amɩ ‑tɔɔlɩ.

Lukë 7:47

'A 'ia ‑gʋ 'n ‑gbala ‑mɩ ‑maa 'ɔa ‑balʋ 'kɔkɔmlɛ 'a 'ɔmɩ cere. 'A 'ia ‑gʋ 'ɔ ‑wa 'mɩ ‑gböösa. ‑Maa nyɔɔlɔ 'ü cerea' ‑balʋ jie nɩ, 'ɔɔ ‑waaa jie.»

Ebröönyüü 13:22

'Na ‑wlajü 'amɩ, 'n bibie 'amɩ, 'ba po ‑taa 'klülɩpapɔɔkʋlʋ kʋa' ‑pɩ 'nyakli 'cɩcasa; 'be 'nyɩ 'saa 'lɩ 'mlɩ wii 'kɔkɔmlɛ ‑a 'pala.

1 Timotee 5:4

‑Maa 'kusroŋlʋʋ ma kä 'jü, 'aiɛ 'jüa 'jü, ü 'mrɛɛa' 'ümä 'ɔa ‑gä 'pa nɩ, 'ü 'kpɩa 'üa nyɔsʋaplɛa srarakʋ 'üa 'mʋgbɛa ‑gbööli, ü 'sa diili 'üa tʋɩɩ nʋa' 'üün ‑gba mlɩ. 'Be 'ii 'na 'inya kä Nyɔsʋa 'tʋ.

1 Tɛsalonikënyüü 4:10

'A 'ii 'a nö ‑wlajülü kä 'fɩɔ bäa' Masedoanëa ‑tʋtʋa 'fɩɔ ‑gälɩ. ‑Maa ana ‑wlajü 'amɩ, a 'jrara 'ana 'klü, 'ba 'palɩ 'klü 'ba nʋ 'saa a 'doo.

Rɔmënyüü 9:23

'ɔmä 'ɔa 'wliklɩbʋabʋakʋ nyatɛ ‑takɔɩɩa 'pɛlɩ srara, 'ɔmä ü 'ɔ tɩa' ‑srɩ dɛrɩ 'ɔ ‑gbalaa' 'bʋala.

2 Korɛɛntënyüü 4:1

'Bala 'lɩ ‑gälɩ, 'be Nyɔsʋa 'jä ana nyatɛrɩ 'ɔnya ‑nyɩ amɩ 'jrʋpalä, 'ii känyrɩ ana kpati 'nyɩ jä 'lɩ ‑a.

2 Korɛɛntënyüü 10:1

'Mɔɔ 'Pɔɔlë, ‑mölöö nɩnɩa ama bä 'ana ‑tɔrʋpɩɔ 'n pa sɩɔ 'na nʋnʋgbia 'mlɩ, ‑maa ama tʋŋlɔlɩ 'amɩ dɛrɩ nɩ, 'a ‑plɩɩ 'n ‑sɔɔrɔwʋ. ‑Maa 'Kriisëa plɛböblökʋ nyra 'ɔa ‑gbinanakʋ 'lɩ 'n cere 'amɩ 'iin:

Filemɔɔ 1:9

'i kä 'mɩ 'tʋ 'kä ‑a bibie ‑mɩ ‑wawakʋa 'nyrɩklɩ, 'mɔɔ tagbö 'Pɔɔlë, ɔ bɩaa' 'klɩ ‑bɛ ɔ bäa' ‑mlatɩ Jesu 'Kriisëa ‑jienyɔɔ.

Filemɔɔ 1:10

'N bibie ‑mɩ 'na 'jʋ Onɛsiimëlɔ 'n ‑glooroa' ‑jie 'lɩ, 'ɔa ‑gʋ.