Rɔmënyüü 11:7 - Kuö Dëdrä Jenɛɛsë Rutë

⁷ ‑Asɩ anya ‑gba le? Dɛɛlɛ Israɛɛlë 'bataa' 'ünyɩ 'ɛɛn 'jä ‑a 'jä, ‑maa ‑mülü Nyɔsʋa 'baa' 'lɩ nɩ, 'ü 'jä dɛɛlɛ 'ü 'bataa'. ‑Mülü nɩ, Nyɔsʋa nya bälä 'üa plɛ kälɩ,

Rɔmënyüü 11:7 Referans Kwoze

2 Korɛɛntënyüü 4:4

'Üü 'nyɩ toro 'iin plɛ. 'Be 'plälä kʋa' ‑pɩa nyɔsʋa 'cakla 'üa bobowli 'lɩ 'ümä 'jöjrüükpü 'lɩ kʋ, 'ü ‑pɩ 'napɛlɛ bäa' 'Mʋfagogoa 'mlɩ 'wʋjä, ‑bɛ 'ɛɛ srara 'Kriisëlɔ bäa' Nyɔsʋaa 'pikea 'wliklɩbʋbʋakʋ.

Rɔmënyüü 9:18

'Ii känyrɩ 'ɔ 'jää nyɔɔlɔ kä nyatɛplɛ 'ɔ 'bataa' 'ɔmäa' 'jä, 'kä 'ɔ 'bʋala nyɔɔlɔ kä plɛ 'ɔ 'bataa' 'ɔmäa' 'bʋala.

Rɔmënyüü 11:25

'Na ‑wlajü 'amɩ, 'n 'bata 'ba jre wiili ‑sisiea' 'a ‑pɩ bobo ‑maa 'amɔ jre wii: 'iibä Israɛɛlëa 'pɛ 'dee 'bʋala plɛ 'kä nyüülü Nyɔsʋa 'bataa' ünyɩa' juifë bä 'üa 'fɩɔ nya 'ɔa ‑nyɛɛ pa.

Rɔmënyüü 11:5

'Asɩ 'i bä bɩa 'saarɩ. Nyɔsʋaa ‑gbinanakʋ 'lɩ 'ɔ bere nyüü ‑mölöö 'klɩ.

Ɛfɛsënyüü 1:4

'Plä ‑kaaŋlʋ nrörö Nyɔsʋa nya 'balɩ amɩ 'Kriisë 'lɩ amä 'nyünanyüü nyra nyüülü 'nyɩa' bʋbɔdɛɛ ‑gba kä 'ɔa 'klʋɩ ‑gälɩ, 'ɔa ‑wawakʋ 'lɩ.

2 Korɛɛntënyüü 3:14

‑Maa 'üa bobowli ‑kanyɩ 'nyɩ 'nunusa ‑a bä: üma ‑täsä 'saarɩ ‑Kätɩ kuö nɩ, dapä 'döölä ‑ka bälɩ. ‑Nyra 'Kriisë ma bä nyɔɔ 'doo nɩ, 'a ‑plɩɩ 'ä 'wʋälɩ.

Rɔmënyüü 9:23

'ɔmä 'ɔa 'wliklɩbʋabʋakʋ nyatɛ ‑takɔɩɩa 'pɛlɩ srara, 'ɔmä ü 'ɔ tɩa' ‑srɩ dɛrɩ 'ɔ ‑gbalaa' 'bʋala.

Filipënyüü 1:18

‑Mää wii 'inyɩ bä! ‑Bakää 'ü nrörö 'iin ‑gla ‑gälɩ, 'aiɛ 'cɩcasa 'lɩ 'ia 'fɩɔlʋ nɩ, 'Kriisëa ‑gä 'ü 'paa. 'Inya kä 'mɩ dɔrʋ 'wʋ ‑gböösa, 'kä 'nyaa 'sɔɔwʋ 'ia dɔrʋ nʋ.

1 Korɛɛntënyüü 10:19

'Ia ‑gbaa le? ‑Papawäsɛ kä ‑gbaa? ‑Ale mlaalä 'ü 'saraa' ‑wäsɩalë nɩ 'ü kä ‑gbaa?

Rɔmënyüü 10:3

'Ünyɩ 'nu ‑a 'nu 'sɩrɩ Nyɔsʋa ‑gääa' nyüü 'klɩ ‑bɛ 'ü 'bata 'ümä 'üa 'mʋgbɛa 'klü kälɩ ‑srörö 'ümä 'klɩgä. ‑Plɩɩlɩ Nyɔsʋa 'daaa' ü ‑sröröa' 'ümäa' 'klɩgä nɩ, 'ünyɩ 'iin wii ‑a 'dara.

Rɔmënyüü 6:15

‑Asɩ le? ‑Dɔ ‑kanyɩ 'kamaa' amɩ ‑bɛ Nyɔsʋaa ‑gbinanakʋ 'kamaa' amɩ ɔ nɩ, 'a 'ia ‑gʋ amä ‑balʋ nʋ? 'Klaaklä!

Rɔmënyüü 3:9

‑Bɛ ‑a 'jä 'iin ɔ le? Amɔ bäa' juifë, 'kä anya 'daa a ‑si 'üün 'wʋ? 'Klaaklä! 'Be anya 'iin srara ɩ 'sɩrɩ juifëa 'fɩɔ nyra nyüülü 'nyɩa' juifë bä bäa' ‑balʋ 'lɩ,

Jaan 12:40

'Ɔ 'nɔɔrɔ 'ümɩ; 'ɔnya 'bʋala 'üa plɛ, 'ü ‑pɩ 'nyü nʋ 'ü ‑pɩ 'käjä, 'üa plɛ ‑pɩ wii 'wli 'nu, 'ü ‑pɩ 'na 'pɛlɩ tɛ 'nyɩ ‑pɩ 'üün 'pʋɔ .

Lukë 13:24

«'Ba 'palɩ 'klü 'amä 'mëmla jɔa mlɩ ‑srörö. 'Cɩcasa 'n ‑gbala 'amɩ: nyüü 'kɔkɔmlɛ nya 'daa 'ümä 'lɩ ‑srörö, ‑maa 'ü ‑nëmä 'lɩ ‑a bɩa.

1 Piɛɛrë 1:2

'Amɔ ana Tʋ Nyɔsʋa nya käa' 'lɩba 'sɩrɩ 'ɔ ‑gba käa'. 'Ɔa ‑Susu bere 'amɩ 'klɩ 'amä 'lɩ Jesu 'Kriisë ‑träärä, 'amɔ bä nyüülü 'ɔa ‑toru ‑gbagbaa' 'wʋ: 'abɩa Nyɔsʋaa ‑gbinanakʋ nyra plɛgälɩflɛrɛkʋ ‑sie 'amɩ 'wli!

Ebröönyüü 12:17

'A jre 'iin, 'imä 'taɩn käkalɩ mi nɩ, 'ɔ 'bata ɩ abɩa 'ɔa tʋ 'pa 'ɔɔn 'nɩlɩ 'ü 'paaa' kpaköa nɔ, ‑maa 'ɔa tʋ blara. 'Dugulu 'ɔ 'wua' bɩa 'nyɩ 'lɩ ‑a bɩa u ‑nyɩgla dɛɛ 'kä, 'be 'ɔa tʋ ‑kanyɩ 'lɩ ‑a bɩa 'ɔ 'balɩ wiili 'ɔnya ɩa' nʋ.

Marëkë 6:52

‑bɛ 'ünyɩa' bobokʋ kä nɩ, 'flɔɔa ‑saragbili Jesu nʋa', 'ünyɩ 'ia ‑gbaa 'wli ‑a 'nu.

Ɛfɛsënyüü 4:18

'Jöjrüükpü ka 'üa 'lɩgaglakʋ 'klɩ. 'Ünyɩ 'klälä Nyɔsʋa ‑nyɛɛa' ‑a 'klaa, 'be 'ünyɩ dɛɛ jɔ 'doo ‑a jre, 'üa polu nya 'bʋa ‑gböösa.