32 Nyüüa 'fɩɔ 'nyɩ ‑träärälɩ wii ‑a, Nyɔsʋa ‑tʋ 'ümɩ 'iin ‑gälɩ 'ɔmä 'üa 'fɩɔa nyatɛrɩ 'jä.
‑Maa nyɔsʋapɔɔkʋ nɩnɩa ‑balʋ kälä 'pläa 'fɩɔ 'klü ‑gälɩ, 'kä wiili Nyɔsʋa 'daaa' ɔmä 'iin nyüülü toroa' Jesu 'Kriisë plɛ ‑nyɩ.
‑Bɛ ‑a 'jä 'iin ɔ le? Amɔ bäa' juifë, 'kä anya 'daa a ‑si 'üün 'wʋ? 'Klaaklä! 'Be anya 'iin srara ɩ 'sɩrɩ juifëa 'fɩɔ nyra nyüülü 'nyɩa' juifë bä bäa' ‑balʋ 'lɩ,
'Klɩgägäkʋlʋ sɔa' 'ɔɔn kälɩ nɩ, Jesu 'Kriisëa plɛtorokʋ 'lɩ 'u ‑srörö 'kä 'u jrä nyüülü kä 'fɩɔ toroa' Nyɔsʋa plɛ ‑gälɩ; 'be nyüüa 'fɩɔ bä dɛɛ 'dee.
'Mɔɔlɔ nɩ, 'taɩnlɩ 'mäa' cɛlɩ 'jrara ‑tʋtʋ ‑gälɩ nɩ, 'nyaa 'na ‑gba nyüüa 'fɩɔ 'kʋɛɛrɛa.»
'Ɔɔlɔ nɩ, wii 'ɔ ji 'lɩsa; 'ɔ ji ‑srɩa ‑gä 'pa, nyüüa 'fɩɔ 'mä 'ɔa 'papawii kälɩ ‑srörö 'ümä ‑srɩ plɛtoro.
Nyɔɔ 'doo 'nyɩa' Nyɔsʋaa mlɩa wii nyɔɔwʋba nɩ, 'a 'ia ‑gʋ nyüü 'kɔkɔmlɛ nʋ ‑balʋnyüü. 'Asɩ nyɔɔ 'doo 'ba Nyɔsʋaa mlɩa wii nyɔɔwʋ nyüü 'kɔkɔmlɛ nya nʋ 'klɩgänyüü.
'Asɩ 'saarɩ 'üa 'mʋgbɛ 'nyɩ bɩa 'lɩ Nyɔsʋa ‑träärä. 'I nëmä 'iin nʋ 'sɩrɩ Nyɔsʋa 'jäa' 'ana nyatɛrɩ nɩ, 'kä 'ɔnya bɩa 'üa nyatɛrɩ 'jä.
‑Kätɩsa, ‑bɛ Jesua plɛtorotaɩn ‑kaaŋlʋa' 'lɩjrä nɩ, ‑dɔ kala amɩ dɛrɩ ‑beere ‑jienyüü. 'Ii 'lɩ a kʋ kʋ Nyɔsʋa nya srara amɩ plɛtorokʋa 'nyʋfɔ.