Rɔmënyüü 11:14 - Kuö Dëdrä Jenɛɛsë Rutë

¹⁴ 'N nö 'imɩ 'imä 'na ‑glügbö wasä plɛklɩ ‑tʋ 'kä 'doorodoolü bäa' 'üa ‑tɔrʋpɩɔ 'mä 'lɩmlɩwʋ.

Rɔmënyüü 11:14 Referans Kwoze

1 Korɛɛntënyüü 7:16

‑Mɔ, 'ŋlʋʋ ɔ bäa' 'cɛcɩŋlʋʋ ‑nyɩ 'saa ‑a jre ‑mrɛɛ ‑a känyrɩ 'kä ‑na dʋɔ nya 'lɩmlɩwʋ? ‑Na 'mʋgbɛ, dʋɔ, ‑nyɩ 'saa ‑a jre 'sɩrɩ ‑mrɛɛɛ ‑a fala ‑na 'ŋlʋʋ 'lɩmlɩbabakʋ 'lɩ?

1 Timotee 4:16

‑Tʋ ‑na nyufa nyra ‑na 'kpɩkpɩakʋ 'nyügba. Nyɔnyrɔ 'iin kälɩ ‑gböösa. ‑Ama nʋ 'saa nɩ, ‑nya 'lɩ ‑na 'mʋgbɛ nyra nyüülü poa' ‑mɩ 'nyakli mlɩ 'baa.

Titë 3:5

'ɔnya 'ba amɩ 'lɩmlɩ, ‑mää 'kä wiili a nʋa' 'i ‑gäklɩ ‑a, ‑mää 'ia ‑gʋ 'ɔnyɩ amɩ 'pʋɔ, ‑maa 'ɔa nyatɛplɛa ‑gʋ 'ɔ 'pʋɔ amɩ. 'Ɔ ‑futo amɩ 'ɔnya nrörö amɩ nyüüdëdrä 'lɩ, 'cicikʋlʋ nɩ, 'Nyüna ‑Susu 'uu nrörö 'iin ana 'kläa 'mlɩ.

2 Timotee 2:10

'A 'ia ‑gʋ, 'n 'nyiere wiia 'fɩɔ 'klɩ nyüülü Nyɔsʋa 'baa' 'lɩa ‑gʋ; 'kä 'üa 'mʋgbɛ 'mä bɩa 'lɩmlɩwʋwʋkʋlʋ bäa' Jesu 'Kriisë 'lɩ 'jä, nyra 'wliklɩbʋabʋakʋlʋ 'nyɩa' blöröfa kä.

1 Timotee 2:4

'Ɔ 'bata abɩa nyüüa 'fɩɔ 'wʋlɩmlɩ, 'ümä 'cɩcasa jre.

1 Korɛɛntënyüü 1:21

'Be Nyɔsʋaa 'lɩgaglakʋ 'lɩ nɩ, 'ɔ nʋ 'iin 'plä ‑pɩ 'lɩgaglakʋ nʋ 'ä ‑pɩ 'ɔɔn jre. 'A 'ia ‑gʋ Nyɔsʋa 'daa 'papawiili a 'paaa' nɩ, 'ii 'ü 'daraa' mlüü, 'inya kä Nyɔsʋa 'tʋ 'ɔmä 'iin kälɩ ‑srörö ‑bɛ 'ɔmä 'lɩmlɩ nyüülü toroa' 'ɔɔn plɛ 'ba.

Rɔmënyüü 11:11

‑Jäsɩ 'n 'betea' nɩ: ‑gbɔ juifënyüü ‑gbɔ 'ünya blö? 'Klaaklä! 'Üa ‑balʋa ‑gʋ 'lɩmlɩwʋwʋkʋ 'tɔ nyüülü 'nyɩa' juifë bä 'üa 'pɛlɩ, 'ümä wasä ‑tʋ.

Jaakë 5:20

ɔ jresaa nyɔɔlɔ 'baaa' ‑balʋnyɔɔ bʋbɔnyʋfɔ mlɩ nɩ, jäjä mlɩ nyɔɔlɔ 'ba 'ɔɔn; Nyɔsʋa nya ‑balʋ 'kɔkɔmlɛ ‑wälɩ 'cɛrɛa.

Rɔmënyüü 9:3

'Na plɛ nɩnɩa ‑a busu 'nyraa 'Kriisë 'mä ‑gbasɔsrɔ 'na ‑wlajülü bäa' 'na ‑glügbö, 'üa ‑gʋ.

Filemɔɔ 1:12

'Ɔɔ 'n 'blöö ‑mɩ bei 'wʋ dɛrɩ. 'Ii känyrɩ, 'kpla 'ɔɔn ‑beere 'na 'mʋgbɛa 'pɛ.

Jenɛɛsë 29:14

Labaan ‑nëma: «'N jre 'saa ‑mɔ bä 'na 'kɔʋ nyra 'na 'jajɛ!» Jakɔɔbë ‑si Labaan a ‑nyɛɛ ‑seple 'dee.

Rɔmënyüü 10:19

‑Maa 'bete 'n 'bete: Israɛɛlëa nyüü 'nyɩ 'iin 'wli ‑a 'nu? 'I 'saaklɩ Moisë nɩnɩa: 'Nyaa 'amɩ nyüülü 'nyɩa' ‑glügbö bä, 'üa wasäkänyüü 'lɩnröröa. ‑Glügbölä 'nyɩa' 'lɩgla, 'ää 'nëmä nʋ 'mä 'amɩ 'crɛ 'blara.

1 Korɛɛntënyüü 10:33

'Asɩ 'na 'mʋgbɛ 'paalɩ 'klü 'mä ‑pɩɔa 'fɩɔ nyra wiia 'fɩɔ 'mlɩ 'nara. ‑Mää 'kä 'na 'doo 'mä 'naa, ‑maa nyüüa 'fɩɔa ‑gʋ 'n nö 'imɩ 'ümä 'lɩmlɩwʋ.

1 Timotee 1:15

‑Jää wiili 'surua', i nyüüa 'fɩɔ käa' 'ümäa' 'kpla: 'Kriisë Jesu ji 'pläa 'mlɩ 'ɔmä 'lɩ ‑balʋnyüü 'mlɩ 'ba. 'Mɔɔ bä 'üa 'wliklɩ.

2 Timotee 1:9

Nyɔsʋa 'ɔɔ 'pʋɔ amɩ, 'ɔ we amɩ 'nyünanakʋ 'lɩ; ‑mää ana 'mʋfa 'jrʋpaa ‑gʋ ‑a, ‑maa 'sɩrɩ 'ɔ ‑waa', 'ii 'ɔ nʋ, 'ɔa ‑gbinanakʋ 'lɩ. ‑Gbinanakʋlʋ bälɩ 'fɩɔwʋ ‑tʋtʋ nya nëmä nrörö, 'ɔ ‑nyɩ amɩ 'uun 'Kriisë Jesu 'lɩ.

Ebröönyüü 1:14

‑Maa 'aanjëlü nɩ, 'ü bä ‑sisili Nyɔsʋa jaa' 'imä nyüülü 'mäa' ‑srɩɩ 'lɩmlɩwʋ ‑gbaji.

Ebröönyüü 2:3

‑Asɩ anya 'pɔnɩkʋ mlɩ sɔ ama 'nyɩ 'kpla 'mʋfasa 'samaa 'lɩmlɩwʋwʋkʋ kpakulua wii ‑ale? 'Be 'Pläkänyɔɔ ‑kätɩ ‑gbala amɩ 'lɩmlɩwʋwʋkʋlʋa ‑gä, 'fɩɔwʋ ‑mülü 'nua' 'iin 'wli nya ji 'sɔɔwʋ amɩ 'iin ‑gbala.