Rɔmënyüü 10:9 - Kuö Dëdrä Jenɛɛsë Rutë

⁹ Ima ja ‑na mlɩ 'sɩrɩ Jesu bäa' 'Pläkänyɔɔ nɩ, ‑bɛ ‑na plɛklɩ ‑ama jresaa Nyɔsʋa 'ba 'ɔɔn 'kuaabre, ‑nya 'lɩmlɩwʋa.

Rɔmënyüü 10:9 Referans Kwoze

Lukë 12:8

'Amɔ 'n ‑gbala, nyɔɔlɔ 'mäa' 'mɩ ‑gbötö nyüüa 'klɩ nɩ, Nyɔɔa 'Jʋ nya bɩa 'ɔɔn ‑gbötöa Nyɔsʋaa 'aanjëa 'klɩ.

Akëtë 16:31

'Ü ‑nëma: «Toro 'Pläkänyɔɔ Jesu 'Kriisë plɛ, ‑mɔ ‑bɛ ‑na ‑gbööö 'mä 'lɩmlɩwʋ.»

Filipënyüü 2:11

'kä 'papawiia 'fɩɔ nya 'daa, Jesu 'Kriisë bä 'Pläkänyɔɔ, ‑bɛ Nyɔsʋa bäa' Tʋ 'mä 'bʋala.

1 Piɛɛrë 1:21

'Ɔɔ 'lɩ 'a toro Nyɔsʋa plɛ; Nyɔsʋalɔ 'baa' 'ɔɔn jäjä 'lɩ ‑bɛ 'ɔ ‑nyɩa' 'ɔɔn 'wliklɩbʋabʋakʋ. 'Ia 'taɩn 'lɩ 'ana plɛtorokʋ nyra plɛgälɩpiepiekʋ 'mä Nyɔsʋa 'lɩ bä.

Rɔmënyüü 8:34

Nyɔɔ 'plɛɛ 'mä 'üün 'pɔnɩ le? 'Kriisë 'ɔ jä! 'Pɩrɩgälɩ nɩ, 'ɔnya sɔ jäjäa ‑tɔrʋpɩɔ, 'ɔ bä Nyɔsʋaa 'dupa 'pɛlɩ ‑bɛ 'ɔ bibie ana 'wli 'lɩ!

Rɔmënyüü 14:11

A jre 'imɩ, 'be 'i ‑jɩjra: 'Mɔɔ 'lɩbä 'Pläkänyɔɔ, 'mɔɔ 'daa: Kotia 'fɩɔ nya 'na 'klʋɩ ‑fli 'palaa, mɛaa 'fɩɔ nya 'mɩ jrea, 'sɩrɩ 'n bäa' Nyɔsʋa .

1 Korɛɛntënyüü 12:3

'A 'ia ‑gʋ 'n ‑gbala 'amɩ: Nyɔsʋaa ‑Susu ma 'tiere nyɔɔ nɩ, 'ɔnyɩ 'lɩ ‑a bɩa ɔ 'daa: «Jesu busu». ‑Bɛ 'Nyüna ‑Susu ma 'nyɩ nyɔɔ ‑a 'tiere 'ɔnyɩ 'lɩ ‑a bɩa ɔ 'daa «Jesu bä 'Pläkänyɔɔ!»

2 Jaan 1:7

'Be nyüütrɔɔrɔnyüü 'kɔkɔmlɛ 'a 'pläa 'mlɩ ‑gbaala. 'Sɩrɩ Jesu 'Kriisë ‑sröröa' nyɔɔ 'lɩ ‑bɛ 'ɔ jia' 'pläa 'mlɩ nɩ, 'inyɩ ja 'üa mlɩ ‑a. Nyɔɔlɔ nöa' 'saa nɩ, 'ɔɔ bä nyüütrɔɔrɔnyɔɔlɔ, ‑bɛ 'ɔ bä ‑gbagblɛ 'kriisëlɔ.

Jaan 9:22

Juifëa ŋalɛa ‑gʋ nyɔɔlɔa tʋɩɩ nʋ 'saa 'ü 'pawii. 'Be 'ü plaa' 'sraa nɩ, 'ü nɩnɩa nyɔɔlɔ 'mäa' 'daa Jesu bä 'Kriisë nɩ, 'ünya 'ɔɔn 'üa 'sraaplanyuku 'wʋ prɛa.

Akëtë 8:36

'Ü möa' a 'doo nɩ, 'ünya 'tɔ 'nie 'dee ‑gba. Nyɔɔlɔ ‑nëma: «‑Jää 'nie, 'nyɩ 'lɩ ‑a bɩa ‑a 'pala 'nɩwli?»

Akëtë 2:24

Nyɔsʋa nya 'ba 'ɔɔn jäjä nyra jäjäa mɩmɩakʋ 'lɩ; jäjä nya 'nyɩ 'mrɛɛ 'ämä 'ɔɔn dɛrɩkala.

Akëtë 2:32

'A Jesulɔ nɩ, 'ɔɔ Nyɔsʋa 'ba jäjäa ‑tɔrʋpɩɔ, ana 'fɩɔ nya 'jä 'ɔɔn.

Rɔmënyüü 4:24

ana ‑gʋ 'ä 'pala bɩa, amɔlɔ Nyɔsʋa 'mäa' ‑gbala a bä bɩa 'klɩgänyüü, amɔ toroa' nyɔɔlɔ 'baa' ana 'Pläkänyɔɔ Jesu jäjäa 'mlɩ plɛ.

Rɔmënyüü 10:10

Plɛ a toro Nyɔsʋa 'kä Nyɔsʋa nö a bä 'klɩgänyüü; 'mä nyɔɔ nö 'kä 'ɔ 'saalɩ 'kä Nyɔsʋa 'baalɩ 'ɔɔn mlɩ.

Rɔmënyüü 14:9

'Kriisë ma jä ‑bɛ ɔma sɔ 'kuaabre nɩ, 'ɔmä jäjänyüü nyra 'lɩbänyüüa 'Pläkänyɔɔ bä 'ia ‑gʋ 'ɔ ji.

1 Jaan 4:15

Nyɔɔlɔ 'saaa' 'lɩ ‑maa: «Jesu bä Nyɔsʋaa 'Jʋ» nɩ, Nyɔsʋa bä 'ɔɔn 'lɩ, 'ɔnya bä Nyɔsʋa 'lɩ.