Rɔmënyüü 10:2 - Kuö Dëdrä Jenɛɛsë Rutë

² ‑Yɛɛ 'n 'mrɛɛ ‑a 'daa 'ü fumö Nyɔsʋaa ‑gʋ, ‑maa 'üa fumökʋa 'mlɩ 'nyɩ wiijejrekʋ ‑a bä.

Rɔmënyüü 10:2 Referans Kwoze

Akëtë 21:20

'Ü 'nua' 'iin 'wli nɩ, 'ünya 'bʋala 'Pläkänyɔɔ. 'Ünya ‑gbala 'Pɔɔlë: «Ana ‑wlajʋ, ‑nyɩ 'jää 'sɩrɩ juifë 'kɔkɔmlɛ toroa' Nyɔsʋa plɛ ‑a; 'ü ‑träärälɩ ‑Dɔ ‑gböösa.

Filipënyüü 3:6

'Maa fumö 'cɛcɩa ‑gbigba nʋnʋkʋa ‑gʋ, ‑bɛ 'üma 'daa nyɔɔ 'plɛɛ ‑träärälɩ ‑Dɔ 'klɩgägäkʋa ‑gʋ nɩ, 'mɔɔ bäsaa; nyɔɔ 'nyɩ 'lɩ ‑a bɩa ɔ ‑tʋ 'mɩ wii 'klɩ.

Filipënyüü 1:9

‑Bɛ ama bibie Nyɔsʋa dɛɛlɛ 'n 'betea' nɩ, 'iibä: abɩa 'ana ‑wawakʋ 'paplagälɩa 'doo, 'amä 'cɩcasa jre ‑gböösa ‑bɛ 'amä 'tasɩrɩ wiia 'fɩɔ 'wli 'nu,

Rɔmënyüü 10:3

'Ünyɩ 'nu ‑a 'nu 'sɩrɩ Nyɔsʋa ‑gääa' nyüü 'klɩ ‑bɛ 'ü 'bata 'ümä 'üa 'mʋgbɛa 'klü kälɩ ‑srörö 'ümä 'klɩgä. ‑Plɩɩlɩ Nyɔsʋa 'daaa' ü ‑sröröa' 'ümäa' 'klɩgä nɩ, 'ünyɩ 'iin wii ‑a 'dara.

Galaatënyüü 1:14

‑Bɛ 'na ‑mölöö juifëa ‑tɔrʋpɩɔ 'mɔɔ ma fumö, 'mɔɔ ma ‑träärälɩ juifëcɛcɩ ‑gböösa, 'mɔɔ ma ‑träärälɩ ana tʋɩɩa ‑dɔ.

2 Korɛɛntënyüü 4:4

'Üü 'nyɩ toro 'iin plɛ. 'Be 'plälä kʋa' ‑pɩa nyɔsʋa 'cakla 'üa bobowli 'lɩ 'ümä 'jöjrüükpü 'lɩ kʋ, 'ü ‑pɩ 'napɛlɛ bäa' 'Mʋfagogoa 'mlɩ 'wʋjä, ‑bɛ 'ɛɛ srara 'Kriisëlɔ bäa' Nyɔsʋaa 'pikea 'wliklɩbʋbʋakʋ.

2 Korɛɛntënyüü 4:6

'Be Nyɔsʋalɔ 'daaa' ‑maa: «Abɩa 'napɛ ŋʋala 'jöjrüükpü 'lɩ!» 'A 'ɔa 'doolɔ 'ɔɔ ŋʋala 'ɔa 'napɛ ana polua 'mlɩ, 'kä 'ɔmä amɩ 'ɔa 'bʋalakʋlʋ ŋʋalaa' Jesu 'Kriisëa 'klʋɩ srara amä 'uun jre.

Akëtë 22:3

«Juifënyɔɔ 'n bä, Tarësëbätä 'ü ‑glooro 'mɩ, Silisiia ‑tʋtʋ ‑gälɩ. ‑Maa ‑pɩ Jerusalɛɛmë 'n 'bʋala. Gamaliɛɛlë 'ɔɔ bä kä 'na ‑sukumasɛ. 'Ɔ 'kpɩa 'mɩ 'sɩrɩ ana tʋɩɩa ‑dɔ bäa'. 'Maa fumö Nyɔsʋaa ‑gʋ, 'sɩrɩ 'ana 'fɩɔ bäa' ‑plɩ 'saarɩ.

2 Korɛɛntënyüü 8:3

Wiili 'n 'jäa' 'tasɩrɩ 'ii 'n ‑gbala 'amɩ, dɛɛlɛ 'ü 'klaaa' 'ɛɛ 'ü ‑nyɩ, 'ünya ‑si 'nɩmɩ 'lɩ ‑gba. Wiili 'üa plɛ 'bataa' 'ii 'ü nʋ.

Akëtë 21:28

'Üa 'kpökpöwiia 'mlɩ 'ü nɩnɩa nɩ: «Israɛɛlënyüü 'amɩ, 'ba ji! 'Ba ‑jää nyɔɔlɔ ɔ 'kpɩaraa' ‑pɩɔa 'fɩɔ, ɔ ‑gbalaa' nyüü 'ünyɩ ‑träärälɩ ana ‑Dɔ nyra ‑plɩɩlɩ kʋa' ‑pɩ! 'Ɔnya pla 'nɩmɩ grɛɛkënyüü ana papapɩɔ, 'ümä 'lɩ ‑fre pla!»

Galaatënyüü 4:15

'Ana dɔrʋplɛlɛ 'a ma käa' ‑a 'plɛɛ 'ɛ bä ‑mlatɩ le? 'Cɩcasa 'n ‑gbala 'amɩ, 'a ma 'mrɛɛ kä 'amä 'lɩ 'ana 'nyü 'ba 'amä 'üün 'mɩ ‑nyɩ nɩ, 'anya kä 'mɩ 'üün ‑nyɩa.

Kolɔɔsënyüü 4:13

'N ‑tʋ 'ɔɔn 'nyügba 'sɩrɩ 'ɔ fumö ‑gböösa 'ana ‑gʋ nyra Laodisiibätäa nyüü nyra Yerapoliisëa nüa ‑gʋ.

Akëtë 22:22

Nyüü po wiili 'Pɔɔlë 'paa' 'nyaklipo po, ‑maa 'ɔ 'tɔa' ‑taa ni wiili ‑gälɩ nɩ, 'ünya ‑gbolomlɩ, 'ü ‑nëma: «A 'ba 'samaa nyɔɔlɔ ‑tʋtʋ ‑gälɩ! 'Ɔnyɩ ‑fälɩkʋsa ‑a bä!»

Jaan 16:2

'Ünya 'amɩ juifëa 'sraaplanyëka ‑wälɩ prɛa. ‑Bɛ 'sɔɔwʋ, 'taɩn jö, 'üü 'mä 'amɩ 'babla. 'Ümäa' 'iin nʋ nɩ, 'üa plɛ nɩnɩa Nyɔsʋaa 'jrʋpa 'ü ‑fɛɛɛ.

Rɔmënyüü 10:1

'Na ‑wlajü 'amɩ, wiili 'na plɛa 'fɩɔ 'bataa', ‑bɛ i kä ‑gʋ 'n bibiea' Nyɔsʋa nɩ, abɩa Israɛɛlë 'wʋlɩmlɩ.