Rɔmënyüü 10:18 - Kuö Dëdrä Jenɛɛsë Rutë

¹⁸ ‑Maa 'bete 'n 'bete: 'Ünyɩ 'nu ‑a 'nu? 'Ü 'nu! 'Üa mlɩa wii mi ‑tʋtʋa 'fɩɔ ‑gälɩ, 'üa 'papawii nya mi 'pläa blöröfa 'wʋ.

Rɔmënyüü 10:18 Referans Kwoze

Rɔmënyüü 1:8

'N 'trɛɛ ‑kätɩ 'na Nyɔsʋa 'ana 'fɩɔa ‑gʋ 'kä Jesu 'Kriisëa 'nyrɩklɩ; 'be nyüü 'paa 'ana nyɔsʋaplɛtorokʋa ‑gä 'pläa 'fɩɔa 'mlɩ.

Matiö 24:14

‑Taa 'Kamapläa 'Mʋfagogolä kʋa' ‑pɩ nya 'blɩa 'fɩɔa 'mlɩ 'saraa, 'fɩɔwʋ 'kä 'plä nya bɩa.

1 Tɛsalonikënyüü 1:8

'Be 'Pläkänyɔɔa wiia mimikʋlʋ nɩ, ‑tɛ 'ana ‑nyɛɛ 'i sɔrɔ 'klɩ. ‑Mää Masedoanë nyra Akaiia ‑tʋtʋa 'doo ‑gälɩ ‑a, ‑maa 'ana nyɔsʋaplɛtorokʋa wii mi ‑pɩɔa 'fɩɔ. 'Ia mimikʋa ‑gʋ, a ‑kanyɩ 'ia ‑gäa 'papakʋ ‑a kä.

Kolɔɔsënyüü 1:23

‑Maa 'a kä 'amä nyɔsʋaplɛtorokʋ 'lɩ kʋ, 'ana ‑toko kä 'ämä 'käsri ‑bɛ 'amä nyɔnyrɔ 'mʋfasa. Dɛɛlɛ 'a jrea' 'saa 'Mʋfagogo tɛrɛa' 'amɩ nɩ, 'anyɩ be 'iin ‑gälɩ 'klɩ. 'A 'nu 'ään 'wli, 'ü 'sa 'ään nyüüa 'fɩɔ ‑pɩ ‑tʋtʋ ‑gälɩ, 'mɔɔ bäa' 'Pɔɔlë nya bä 'äa 'sasanyɔɔ.

Kolɔɔsënyüü 1:6

'A 'Mʋfagogolä 'tɔa' 'amɩ ‑gba, ‑bɛ 'ää ‑gbaala 'pläa 'fɩɔa 'mlɩ 'kä. 'Ä 'paplagälɩ ‑bɛ 'ä ‑gbagbla 'lɩ 'klɩ kä. 'Asɩ 'i bä bɩa 'ana ‑tɔrʋpɩɔ, 'bala ‑srɩlɩ kä 'mlɩ 'a 'nua' ‑bɛ 'a jrea' Nyɔsʋaa ‑gbinanakʋa 'cɩcasa 'lɩ.

Marëkë 16:15

'Ɔnya ‑gbala 'üün: «'Ba mi 'pläa 'fɩɔ ‑gälɩ, 'ba 'saralɩ nyüüa 'fɩɔ 'mʋfagogo.

Matiö 28:19

'Ii känyrɩ, 'ba mi ‑tʋtʋ ‑gälɩa ‑glügbüa 'fɩɔa ‑nyɛɛ, 'ba nrörö 'üün 'na 'wʋnyɛrɛnyüü 'lɩ, 'ba 'pa 'üün 'nɩ 'wli Tʋa 'nyrɩklɩ, 'Jʋa 'nyrɩklɩ nyra 'Nyüna ‑Susua 'nyrɩklɩ,

Matiö 26:13

'Cɩcasa 'n ‑gbala 'amɩ, ‑pɩɔ o ‑pɩɔ ‑taa 'mʋfagogolä 'mäa' 'sara 'pläa 'fɩɔa 'mlɩ nɩ, wiili 'ŋlʋʋlɔ nʋa', nyüü nya 'ia ‑gä 'paa ‑bɛ 'ünya 'ɔa ‑gä plɛ 'pa.»

Matiö 4:8

Sataan nya fa 'ɔɔn 'dʋgba kpakö 'wli, 'ɔnya srara 'ɔɔn ‑tʋtʋ ‑gälɩa ‑glügbüa 'fɩɔ nyra 'üa 'wliklɩbʋabʋakʋ,

Rɔmënyüü 15:19

'ɔ nʋ 'iin ‑saragbia tie 'lɩ nyra plɛklɩkalawii 'lɩ Nyɔsʋaa ‑Susua 'nyrɩklɩ. 'Bala Jerusalɛɛmë ‑a mi Ilireea ‑tʋtʋ ‑gälɩ nɩ, Jesu 'Kriisëa 'Mʋfagogoa 'doo 'n 'sa.

Akëtë 28:23

'Ünya ‑tʋ 'lɩ jrüülü kä 'mlɩ 'üü ‑bɛ 'Pɔɔlë 'mäa' trara. 'Ia ‑srɩ jräa' 'lɩ nɩ, nyüü 'kɔkɔmlɛ ji nyukulu kä ‑wälɩ 'Pɔɔlë kʋa'. Sɔ ‑suwla ‑a ‑tɔɔ ‑gbiajrʋ 'lɩ, 'ɔ 'saralɩ 'üün wii 'kɔkɔmlɛ käläa' Nyɔsʋaa 'kamaplä ‑gba. 'Bala Moisëa ‑Dɔ ‑gälɩ, a mi nyɔsʋaamlɩpalanyüüa ‑pɔɔkɩa 'mlɩ, 'ɔnya ‑gbala 'üün 'tasɩrɩwiili bäa' 'ia 'mlɩ, i 'paaa' Jesua ‑gä, 'ümä 'iin plɛtoro.

Marëkë 16:20

'Ünya mi ‑pɩɔa 'fɩɔ nyɔsʋaawii 'pala. 'Pläkänyɔɔ nyra 'üü ‑fɛɛɛrɛ 'jrʋpa 'wʋ, ‑saragbia tielë 'ü nöa', 'ii 'paa 'üa wii 'ku ‑gälɩ. 'Asɩ i bä!

Akëtë 26:20

Damasëbätäa nyüü ‑kätɩ nyra Jerusalɛɛmëa nyüü 'n 'pala nyɔsʋaawii ‑gba, ‑a mi Judeea ‑tʋtʋ ‑gälɩa 'fɩɔ nyra nyüülü 'nyɩa' juifë bä, 'n ‑gbala 'üün ü toro 'lɩ ‑balʋ ‑gälɩ, ü ‑sie Nyɔsʋaa 'pɛlɩ kälɩ, ü nʋ 'cɩcagbili sraraa' nyüü 'sɩrɩ 'ünya 'a ‑balʋ 'pie.

Akëtë 1:8

‑Maa 'Nyüna ‑Susu nya 'amɩ ‑gälɩ 'cerea, 'kä 'unya 'amɩ 'klü ‑nyɩ, ‑bɛ wiili käläa' 'mɩ ‑gba, i 'a 'jäa' nɩ, 'amä 'iin 'lɩsa Jerusalɛɛmë; sɔ bɩa Judee nyra Samariia ‑tʋtʋa 'fɩɔ ‑gälɩ, ‑a ‑tɔɔ ‑tʋtʋa blöröfa 'wʋ.»