Rɔmënyüü 10:17 - Kuö Dëdrä Jenɛɛsë Rutë

¹⁷ 'Ii känyrɩ, nyɔsʋaawii a 'poa' 'nyakli, 'ii ‑nyɛɛɛ nyɔsʋaplɛtorokʋ; ‑bɛ nyɔsʋaawiili a 'poa' 'nyakli nɩ, Nyɔsʋaa mlɩa wii bäsaa.

Rɔmënyüü 10:17 Referans Kwoze

Galaatënyüü 3:2

'Ba ‑gbala 'mɩ ‑a 'jä: ‑dɔ 'a ‑träärälɩ 'a 'ia ‑gʋ Nyɔsʋa ‑nyɩ 'amɩ 'ɔa ‑Susu, ‑ale 'Mʋfagogolä 'a 'poa' 'nyakli ‑bɛ 'a toroa' plɛɛ, 'äa ‑gʋ?

Galaatënyüü 3:5

Nyɔɔlɔ ‑nyɩa' 'amɩ 'ɔa ‑Susu, ‑bɛ ɔ nröröa' 'ana ‑tɔrʋpɩɔ ‑saragbi nɩ, ‑dɔ 'a ‑träärälɩ 'ia ‑gʋ, ‑ale 'Mʋfagogolä 'a poa' 'nyakli ‑bɛ 'a toroa' plɛ, 'äa ‑gʋ?

1 Tɛsalonikënyüü 2:13

'A 'ia ‑gʋ a 'trɛɛ Nyɔsʋa 'plɔʋplɔʋ, 'be a ‑gbalaa' 'amɩ nyɔsʋaawii. 'Anyɩ 'iin 'kpla ‑a 'kpla ‑beere nyɔɔa dɛtɛdɛtʋ, ‑maa 'sɩrɩ 'i bäa' 'tasɩrɩa Nyɔsʋaa wii nɩ, 'asɩ 'a 'kpla 'iin. ‑Bɛ 'ia 'mʋgbɛ ‑fɛɛɛrɛ 'ana 'kläa 'mlɩ 'jrʋpa; 'amɔ toroa' Nyɔsʋa plɛ.

Kolɔɔsënyüü 3:16

Abɩa 'Kriisëa 'papawiia 'fɩɔ kʋ 'amɩ 'lɩ. ‑Moloo ma bälɩ ɔ 'kpɩa 'ɔa ‑moloo, ‑bɛ 'ba 'papla toto 'lɩglasa: 'ba brɩ nyɔsʋaa 'lɩbrɛrɛdʋ, Jesubibriedʋ, nyra 'dʋlʋ Nyɔsʋaa ‑Susu ‑nyɛɛa' 'amɩ ‑bɛ 'ba brɛrɛ 'Pläkänyɔɔ 'lɩ. 'Ba nʋ 'ana polua 'fɩɔ 'amä 'ɔɔn 'trɛɛ.

Lukë 11:28

‑Maa Jesu nya ‑gbala 'ɔɔn: «Nyüülü poa' nyɔsʋaawii 'nyakli, ‑bɛ ü ‑trääräa' 'lɩ 'imɩ nɩ, 'üü ‑jɔrʋ pala!»

Marëkë 4:24

Jesu nya ‑gbala 'üün 'sɔɔwʋ: «Wiili 'a poa' 'nyakli, 'ba 'nu 'iin 'wli 'cɩcasa. Dɛɛlɛ 'a nöa' ‑bɛ 'a nyakaa' 'ana ‑mölöö, 'ɛɛ Nyɔsʋa 'mä nʋ 'ɔmä 'amɩ nyaka; 'asɩ 'ɔmä 'ana ni 'wlibɩa.

Lukë 8:21

‑Maa 'ɔnya ‑gbala 'üün: «Nyüülü poa' nyɔsʋaawii 'nyakli ‑bɛ ü ‑trääräa' 'lɩ 'iin nɩ, 'üü bä 'na 'yio nyra 'na ‑wlajü.»

Rɔmënyüü 1:16

'Be 'nyɩ 'Mʋfagogolä 'paaa' 'Kriisëa ‑gäa 'sasakʋa 'nyüsü ‑a kä. 'Ää bä Nyɔsʋaa 'klülü 'ɔ ‑sröröa' kälɩ ‑bɛ 'ɔ 'pʋɔa' nyɔɔ o nyɔɔ toroa' 'ɔɔn plɛ: kolo juifë ‑gälɩ 'kä, ‑a jrä ünyɩa' juifë bä ‑gälɩ.

Rɔmënyüü 10:14

‑Maa ‑asɩ nyüülü 'nyɩ toro 'ɔɔn plɛ nya 'ɔɔn we le? Üma 'nyɩ 'ɔa 'nyrɩ 'wli ‑a 'nu, ‑asɩ 'ümä 'ɔɔn plɛtoro le? Nyɔɔ ma 'nyɩ 'lɩ ‑a bä 'ɔmä 'üün nyɔsʋaawii ‑gba 'pala nɩ, ‑asɩ 'ünya 'iin 'wlinu le?

1 Piɛɛrë 1:23

'Anya 'a 'sɔɔwʋ ‑glooro, ‑bɛ 'sɔɔwʋa ‑gloorokʋlʋ nɩ, 'unyɩ dɛɛlɛ nëmäa' jäa ‑gugudɛɛ ‑a bä, ‑maa dɛɛlɛ 'nyɩ jäa', 'ɛa ‑gugukʋ bäsaa: 'iibä Nyɔsʋaa 'papawiili ‑nyɛɛa' nyɔɔ 'klälä 'nyɩa' blöröfa kä.

Lukë 8:11

«‑Jää tapönänäläa ‑gbaa: ‑Gbagbajajulu nɩ, 'a Nyɔsʋaa mlɩa wii.

'Nyügälɩjawii 1:9

'Mɔɔ Jaan, ɔ bäa' bɩa 'ana ‑wlajʋ nɩ, 'nyraa 'amɩ bä ‑sʋɩ 'lɩ 'Kamaplä 'lɩ nyra Jesu 'Kriisë 'lɩa 'mlɩkpʋkplɔkʋ 'lɩ. Nyɔsʋaawiia ‑gʋ nyra 'cɩcasalä 'paaa' Jesu 'Kriisëa ‑gäa ‑gʋ 'ü nrörö 'mɩ ‑jienyɔɔ 'lɩ dugbalä 'ü 'daraa' Patëmɔsë 'äa 'mlɩ.

2 Korɛɛntënyüü 2:17

Amɔlɔ nɩ, ‑mää nyüü 'kɔkɔmlɛlü nöa' nyɔsʋaawii ü 'paaa' 'peru, ‑mää 'üün anyɩ bä. Amɔlɔ nɩ, ana plɛa 'fɩɔ 'pɔlɔ ‑bɛ a 'paa 'ɔa ‑gä, ‑bɛ 'ɔ 'jää amɩ 'Kriisëa 'jrʋpafɛnyüüa 'sa, 'be 'ɔɔ bäa' Nyɔsʋa 'ɔɔ ja amɩ.

Ebröönyüü 4:2

'Be a 'nu bɩa 'mʋfagogolä 'wli ‑beere ana tʋɩɩ. ‑Maa 'papawiili 'ü 'nua' 'wli nɩ, 'inyɩ 'üün dɛɛ ‑gba ‑a nʋ, 'be nyüülü 'nua' 'iin 'wli nɩ, 'ünyɩ 'iin nyɔsʋaplɛtorosa ‑a 'kpla.

Jaan 1:37

'Ɔa 'wʋnyɛrɛnyüü 'sɔɔ 'nua' wiili 'ɔ 'paa' 'wli nɩ, 'ünya ‑mɛ Jesu ‑gälɩ.