Rɔmënyüü 10:16 - Kuö Dëdrä Jenɛɛsë Rutë

¹⁶ ‑Maa 'üa 'fɩɔ 'nyɩ 'lɩ 'Mʋfagogo ‑a ‑träärä. Esaii nɩnɩa kä: «'Pläkänyɔɔ, nyɔɔ 'plɛɛ 'dara ana 'papawii wii le?»

Rɔmënyüü 10:16 Referans Kwoze

Rɔmënyüü 3:3

‑Bɛ 'üa ‑tɔrʋpɩɔa ‑mölöö ma 'nyɩ Nyɔsʋa plɛ ‑a toro nɩ, 'ia ‑gʋ Nyɔsʋa 'mä 'ɔa 'jü dɛrɩ sɔ?

Ebröönyüü 4:2

'Be a 'nu bɩa 'mʋfagogolä 'wli ‑beere ana tʋɩɩ. ‑Maa 'papawiili 'ü 'nua' 'wli nɩ, 'inyɩ 'üün dɛɛ ‑gba ‑a nʋ, 'be nyüülü 'nua' 'iin 'wli nɩ, 'ünyɩ 'iin nyɔsʋaplɛtorosa ‑a 'kpla.

2 Tɛsalonikënyüü 1:8

Kapu ‑gbogboa 'mlɩ 'ɔmä kʋ 'ɔmä ji. 'A ‑plɩɩ 'ɔmä nyüülü 'nyɩa' Nyɔsʋa jrea ‑gä ‑tʋ, nyra bɩa nyüülü 'nyɩ ‑trääräa' 'lɩ ana 'Pläkänyɔɔ Jesu 'Kriisëa 'Mʋfagogo.

Galaatënyüü 5:7

'A ma fɔ 'cɩcasa 'la! Nyɔɔ 'plɛɛ 'kpla 'amɩ ‑bɛ 'a ‑kanyɩ ‑träärälɩ 'cɩcasa le?

1 Piɛɛrë 2:8

'Änya bä: Nyüükäkpatäkä, 'änya bä 'täkä kpakölä 'kpakpaa' nyüü 'kä . 'Ünyɩ 'lɩ nyɔsʋaawii ‑a ‑träärä 'a 'ia ‑gʋ 'ü böblö; Nyɔsʋa 'ɔɔ ‑tʋ 'lɩ 'imɩ.

Ebröönyüü 11:8

Abraamëa nyɔsʋaplɛtorokʋa ‑gʋ 'ɔ ‑träärälɩ Nyɔsʋa, 'ɔnya mi 'blɩ ‑mɩdoo ‑gälɩ, imäa' ‑srɩɩ 'ɔa ‑jaaa bä. ‑Plɩɩlɩ 'ɔ möa' 'ɔnyɩ 'lɩ ‑a jre, 'asɩɛ 'ɔnya mi.

Ebröönyüü 5:9

Nyɔsʋa jräa' 'ɔɔn 'wli nɩ, 'ɔnya nʋ nyüülü kä 'fɩɔ ‑trääräa' 'lɩ 'ɔɔn 'üa 'lɩmlɩbanyɔɔ 'plɔʋplɔʋa ‑gʋ.

Rɔmënyüü 6:17

‑Maa a 'trɛɛ Nyɔsʋa, 'amɔ ma bäa' ‑balʋa ‑goou, 'a nʋ 'ana plɛ 'anya ‑träärälɩ 'kpɩkpɩakʋlʋ Nyɔsʋa ‑nyɩa' 'amɩ.

Rɔmënyüü 2:8

‑Maa ‑mülü nöa' 'üa plɛklɩa wii, ünyɩ ‑trääräa' 'lɩ 'cɩcasa ‑bɛ 'ü ‑trääräa' 'lɩ wiili 'nyɩa' 'klɩgä nɩ, 'üülü nɩ, Nyɔsʋa nya 'üün 'ɔa 'crɛ kpaki ‑gälɩ 'sɔrɔa.

1 Piɛɛrë 3:1

'Ŋlëgë 'amɩ, 'ba 'cie 'wʋ 'ana dʋɔɩɩa 'klʋɩ. 'Ia 'taɩn 'lɩ ‑mölöö ma bälɩ üma 'nyɩ ‑träärälɩ nyɔsʋaawii ‑a nɩ, 'ana nʋnʋgbi 'mä 'iin nʋ 'ümä 'lɩ Nyɔsʋa ‑träärä, ‑bakää 'anyɩ 'üün wii ‑gba 'pala.

1 Piɛɛrë 1:22

Nyɔsʋaa ‑Susu 'lɩ 'a ‑träärälɩ 'cɩcasa ‑bɛ 'ana ‑sisi kpëträ 'amä ‑wawla 'tasɩrɩasa ‑beere ‑wlajü. 'Ii känyrɩ, 'ba nʋ 'nyünaplɛ 'ba ‑wawla 'tasɩrɩasa.

Galaatënyüü 3:1

'Nɩnɩa nɩ, Galaatënyüü 'amɩ, 'ana polu jä! Nyɔɔ 'plɛɛ 'pa 'amɩ mlüü 'lɩ 'i kä ‑gʋ 'anyɩ ‑träärälɩ 'cɩcasa le, 'amɔ kä 'klɩ a sraraa' 'sɩrɩ Jesu 'Kriisë nʋa' krʋa ‑gälɩ järädɛɛ.

Rɔmënyüü 16:26

‑Maa 'köklesaplɩɩ ɔ nɩ, ‑pɔɔkɩ 'lɩ nyɔsʋaamlɩpalanyüü ‑jɩjraa', 'ia ‑gʋ nɩ, 'i 'a ‑fälɩ blö, nyüüa 'fɩɔ nya 'jä 'iin. Nyɔsʋalɔ 'nyɩa' blöröfa kä, 'ɔɔ 'daa i nrörö. 'Ɔ nʋ 'imɩ ‑tʋtʋ ‑gälɩa ‑glügbüa 'fɩɔ 'mä Nyɔsʋa plɛtoro 'ümä 'ɔɔn 'lɩträärä.

Rɔmënyüü 11:17

'Ii känyrɩ katë ‑mülü ma 'bölö nɩ, ‑bɛ ‑mɔ oliivëtuu ‑gaa' 'klʋɛɛ 'lee, 'üa ‑pi 'lɩ 'ü 'ma ‑mɩ 'kä, ‑bɛ ‑jää oliivëtuua tigbliia 'nɩ.

Rɔmënyüü 1:5

'Ɔɔ Nyɔsʋa ‑srörö kälɩ 'ɔnya ‑nyɩ amɩ 'ɔa ‑gbinanakʋ, 'ɔa ‑gʋ 'ɔ nrörö amɩ apotrë 'lɩ, amä 'iin nʋ 'kä 'ɔa 'nyrɩklɩ nyüülü 'nyɩa' juifë bä 'mä 'ɔɔn plɛtoro ‑bɛ 'ümä 'ɔɔn 'lɩträärä.

Akëtë 28:24

‑Mölöö 'dara 'iin wii, ‑maa ‑mölöö 'nyɩ 'iin wii ‑a 'dara.

Jaan 10:26

‑Maa 'amɔlɔ nɩ, 'anyɩ toro 'mɩ plɛ ‑a, 'be 'anyɩ 'na ‑bablëë ‑a bä.

Matiö 13:14

'I jrä 'lɩ 'kä wiili nyɔsʋaamlɩpalanyɔɔ Esaii 'daa käa' 'mä nrörö. 'Ɔ nɩnɩa kä: 'Anya 'nyaklipo po, ‑maa 'a ‑nëma ‑srɩɩ 'nu ‑a 'nu; 'anya ‑pʋpɔ ‑pʋpɔ, ‑maa 'a ‑nëmä ‑srɩɩ dɛɛ 'wʋ ‑a 'jä.