Rɔmënyüü 10:10 - Kuö Dëdrä Jenɛɛsë Rutë

¹⁰ Plɛ a toro Nyɔsʋa 'kä Nyɔsʋa nö a bä 'klɩgänyüü; 'mä nyɔɔ nö 'kä 'ɔ 'saalɩ 'kä Nyɔsʋa 'baalɩ 'ɔɔn mlɩ.

Rɔmënyüü 10:10 Referans Kwoze

1 Jaan 4:15

Nyɔɔlɔ 'saaa' 'lɩ ‑maa: «Jesu bä Nyɔsʋaa 'Jʋ» nɩ, Nyɔsʋa bä 'ɔɔn 'lɩ, 'ɔnya bä Nyɔsʋa 'lɩ.

Rɔmënyüü 10:9

Ima ja ‑na mlɩ 'sɩrɩ Jesu bäa' 'Pläkänyɔɔ nɩ, ‑bɛ ‑na plɛklɩ ‑ama jresaa Nyɔsʋa 'ba 'ɔɔn 'kuaabre, ‑nya 'lɩmlɩwʋa.

Galaatënyüü 2:16

‑Bɛ a jre 'iin 'sɩrɩ ‑dɔa 'lɩträräkʋ 'nyɩ ‑gä 'a amɩ 'klɩ Nyɔsʋaa 'klɔɔtrʋ. ‑Maa Jesua plɛtorokʋ 'lɩ nyɔɔ ‑srörö 'kä 'ɔ ‑gäääklɩ Nyɔsʋaa 'klɔɔtrʋ. Ana 'mʋgbɛlɔ nɩ, Jesu 'Kriisë a toroplɛ, 'a 'ɔa plɛtorokʋa ‑gʋ Nyɔsʋa nya 'mä amɩ 'jä ‑beere 'klɩgänyüü. ‑Maa ‑mää 'kä ‑dɔa 'lɩträäräkʋa ‑gʋ ‑a. 'Be ‑mää ‑dɔa 'lɩträäräkʋ Nyɔsʋa 'nyɩ tɛklɩ ‑bɛ 'ɔnyɩ 'daa nyɔɔlɔ kʋa' ‑pɩ ‑gäklɩ.

Ebröönyüü 10:22

ŋalɛ 'nyɩ 'blaa amɩ a jijrö Nyɔsʋa ‑gba, 'be ana plɛ ‑gäklɩ, 'ɛ 'si 'ɔa plɛtorokʋ 'klɩ. Bʋbɔ bobowiili kä 'fɩɔ bäa' ana plɛ ‑gälɩ, i kpëträ, 'kä ana fugba ‑futo 'nɩlɩ 'nyɩa' ‑fre pa.

Lukë 8:15

'Mʋfatʋtʋlʋ kä ‑gälɩ 'jaju böblöa' nɩ, 'a ‑mülü nʋa' 'üa plɛ ü 'kplaa' nyɔsʋaawii 'cɩcasa, 'ünyɩ ‑trɔa' 'iin, ‑bɛ 'ü tʋäa' ‑bakää ‑sʋɩ bälɩ.

Ebröönyüü 3:12

'Na ‑wlajü 'amɩ, 'ba ‑tre 'ana nyüfë! 'Ana ‑tɔrʋpɩɔa nyɔɔ 'nyɩ kä bʋbɔplɛ, plɛlɛ blaraa' nyɔsʋaplɛtorokʋ 'klɩ ‑bɛ ɛ sɔa' 'Lɩbä Nyɔsʋa dɛrɩ.

Filipënyüü 3:9

‑bɛ 'nyaa 'ɔɔn 'mä 'doo bä. Ima bäsaa nɩ, 'Kriisëa plɛtorokʋ 'lɩ 'n ‑gääläklɩ, ‑maa ‑mää ‑dɔa 'lɩträäräkʋ 'lɩ ‑a. Nyɔsʋaaplɛtorokʋ Nyɔsʋa 'jää 'kä 'ɔ ‑nyɛɛ 'klɩgägäkʋ.

'Nyügälɩjawii 2:13

'N jre wiili ‑nöa' nyra ‑plɩɩlɩ ‑kʋa', i Sataan a 'kɩɩkpata bäa'. ‑Kpaasra 'na 'nyrɩ ‑gba. 'Ana ‑tɔrʋpɩɔ, i Sataan kʋa', 'ii 'ü 'blaraa 'na ‑gäpanyɔɔ Antipasë 'nyɩa' 'mɩ dɛrɩ sɔ. ‑Maa ‑mɔlɔ nɩ, ‑jää 'ia 'fɩɔ ‑maa ‑ka toro 'mɩ plɛ.

Marëkë 9:23

'Iibäa' Jesu nɩ: «‑Ama 'mrɛɛ ‑mä Nyɔsʋa plɛtoro! Nyɔɔlɔ toroa' Nyɔsʋa plɛ, 'ɔ 'mrɛɛ ɔ nʋ diia 'fɩɔ.»

Rɔmënyüü 10:11

Nyɔsʋapɔɔkʋ nɩnɩa: «Nyɔɔ o nyɔɔ toroa' 'ɔɔn plɛ nɩ, 'nyüsü ‑nëmä 'ɔɔn 'bla ‑a 'bla.»

Akëtë 8:37

'Iibäa' Filipë nɩ: «‑Ama nʋ ‑na plɛa 'fɩɔ, ‑ama toro 'iin plɛ nɩ, 'i 'mrɛɛ i nrörö.» 'Iibäa' nyɔɔlɔ nɩ: «'N jre 'iin 'sɩrɩ Jesu 'Kriisë bäa' Nyɔsʋaa 'Jʋ.»