Rɔmënyüü 1:7 - Kuö Dëdrä Jenɛɛsë Rutë

⁷ 'N ‑jɩjra 'ana 'fɩɔlü bäa' Rɔmë 'wʋ, Nyɔsʋaa ‑wawanyüü 'amɩ, 'amɔ bäa' 'ɔa 'nyünanyüü. 'N 'trɛɛ 'amɩ; abɩa Nyɔsʋalɔ bäa' ana Tʋ nyra 'Pläkänyɔɔ Jesu 'Kriisëa ‑gbinanakʋ nyra plɛgälɩflɛrɛkʋ bä 'amɩ ‑gälɩ!

Rɔmënyüü 1:7 Referans Kwoze

Kolɔɔsënyüü 1:2

amɔ ‑jɩjraa' 'amɩ 'wʋ, 'amɔ Nyɔsʋaa 'nyünanyüülü kʋa' Kolɔɔsëbätä; 'amɔ 'Kriisë 'lɩa plɛgälɩpie ‑wlajü. Abɩa Nyɔsʋalɔ bäa' ana Tʋ nyra 'Pläkänyɔɔ Jesu 'Kriisëa ‑gbinanakʋ nyra plɛgälɩflɛrɛkʋ bä 'amɩ ‑gälɩ.

Ɛfɛsënyüü 1:2

Abɩa Nyɔsʋalɔ bäa' ana Tʋ nyra ana 'Pläkänyɔɔ Jesu 'Kriisëa ‑gbinanakʋ nyra plɛgälɩflɛrɛkʋ bä 'amɩ ‑gälɩ.

1 Tɛsalonikënyüü 1:1

'Mɔɔ 'Pɔɔlë ‑bɛ Silvɛɛn nyra Timotee, amɔ ‑jɩjra 'cɛcɩlɛ bäa' Tɛsalonikëbätä 'wʋ, ɛ bäa' ana Tʋ Nyɔsʋa 'lɩ, ɛ bäa' bɩa 'Pläkänyɔɔ Jesu 'Kriisë 'lɩ: abɩa ‑gbinanakʋ nyra plɛgälɩflɛrɛkʋ bä 'amɩ ‑gälɩ i sɔa' ana Tʋ nyra 'Pläkänyɔɔ Jesu 'Kriisëa ‑nyɛɛ!

2 Jaan 1:3

Abɩa Nyɔsʋalɔ bäa' Tʋ, nyra 'Pläkänyɔɔ Jesu 'Kriisëlɔ bäa' Tʋa 'jʋ ‑nyɩ amɩ ‑gbinanakʋ, nyatɛplɛ, nyra plɛgälɩflɛrɛkʋ, 'cɩcasa nyra ‑wawakʋ 'lɩ.

Filemɔɔ 1:3

Abɩa Nyɔsʋalɔ bäa' ana Tʋ nyra 'Pläkänyɔɔ Jesu 'Kriisëa ‑gbinanakʋ nyra plɛgälɩflɛrɛkʋ bä 'amɩ ‑gälɩ.

2 Tɛsalonikënyüü 3:18

Abɩa ana 'Pläkänyɔɔ Jesu 'Kriisëa ‑gbinanakʋ bä 'ana 'fɩɔ 'lɩ! 'Asɩ i bä.

2 Tɛsalonikënyüü 3:16

Abɩa plɛgälɩflɛrɛkʋa 'Pläkänyɔɔa 'mʋgbɛ ‑nyɩ 'amɩ plɛgälɩflɛrɛkʋ 'taɩn a 'fɩɔ 'lɩ, ‑pɩɔ o ‑pɩɔ! Abɩa 'Pläkänyɔɔ bä 'ana 'fɩɔa ‑tɔrʋpɩɔ!

'Nyügälɩjawii 22:21

Abɩa ana 'Pläkänyɔɔ Jesu 'Kriisëa ‑gbinanakʋ bä 'ana 'fɩɔ ‑gälɩ! 'Asɩ i bä.

Filemɔɔ 1:25

Abɩa ana 'Pläkänyɔɔ Jesu 'Kriisëa ‑gbinanakʋ bä 'ana bobowli ‑gälɩ. 'Asɩ i bä.

1 Jaan 3:1

'Ba 'jä 'sɩrɩ Tʋ ‑waa' amɩ: 'ɔ 'dara 'nɩmɩ amɩ 'ɔa 'jü, ‑bɛ 'üü a bä 'kasa! 'A 'ia ‑gʋ 'plä 'nyɩ amɩ jre, 'be 'änyɩ 'ɔɔn jre ‑a jre.

1 Piɛɛrë 1:15

‑Maa 'ana 'nyɛnyɛbei 'nyɩ pa ‑fre, 'be Nyɔsʋalɔ wea' 'amɩ, 'ɔa 'nyüna,

Titë 1:4

Titë, 'n ‑jɩjra ‑mɩ 'wʋ, ‑mɔ bäa' 'na 'cɩca 'jʋ nyɔsʋaplɛtorokʋ 'lɩ; nyɔsʋaplɛtorokʋlʋ ana 'sɔɔ käa'. Abɩa Nyɔsʋalɔ bäa' Tʋ nyra ana 'Pläkänyɔɔ Jesu 'Kriisëa ‑gbinanakʋ, nyatɛplɛ nyra plɛgälɩflɛrɛkʋ bä ‑mɩ ‑gälɩ.

2 Timotee 4:22

Abɩa 'Pläkänyɔɔ Jesu 'Kriisë fala ‑mɩ. Abɩa Nyɔsʋaa ‑gbinanakʋ bä 'amɩ ‑gälɩ. 'Asɩ i bä.

2 Timotee 1:2

'Na ‑wawajʋ Timotee, 'n ‑jɩjra ‑mɩ 'wʋ: abɩa Nyɔsʋalɔ bäa' Tʋ nyra ana 'Pläkänyɔɔ Jesu 'Kriisëa ‑gbinanakʋ, nyatɛplɛ, nyra plɛgälɩflɛrɛkʋ bä ‑mɩ ‑gälɩ.

1 Timotee 1:2

Timotee. ‑Mɔ bäa' 'na 'cɩca 'jʋ nyɔsʋaplɛtorokʋ 'lɩ. Abɩa ana Tʋ Nyɔsʋa nyra Jesu 'Kriisë ana 'Pläkänyɔɔa ‑gbinanakʋ, 'ɔa nyatɛplɛ nyra 'ɔa plɛgälɩflɛrɛkʋ bä ‑mɩ ‑gälɩ.

1 Tɛsalonikënyüü 5:28

Abɩa ana 'Pläkänyɔɔ Jesu 'Kriisëa ‑gbinanakʋ bä 'amɩ ‑gälɩ. 'Asɩ i bä.

1 Tɛsalonikënyüü 4:7

Nyɔsʋa 'nyɩ amɩ ‑a we amä ‑frepanyüü bä, ‑maa 'ɔ we amɩ amä nyüülü kä 'nyü 'naa' bä.

1 Tɛsalonikënyüü 1:3

'Asɩ a bibiea' ana Tʋ Nyɔsʋa nɩ, a 'paa 'jrʋpalä 'ana nyɔsʋaplɛ ‑fɛɛɛa', 'äa ‑gä plɛ, 'ana ‑wawlakʋlʋ ‑fɛɛɛa' 'jrʋpa nyra 'ana plɛlɛ 'a 'piea' ana 'Pläkänyɔɔ Jesu 'Kriisë ‑gälɩ ɛnyɩ sɩaa'.

Kolɔɔsënyüü 3:12

‑Bɛ Nyɔsʋa 'baa' 'lɩ 'amɩ 'amäa' 'ɔa 'nyünanyüü nyra 'ɔa ‑wawanyüü bä nɩ, ‑bɛ 'ɔ ‑waa' bɩa 'amɩ nɩ, 'ba kä nyatɛplɛ, ‑gbinanakʋ, 'wʋcieciekʋ, plɛböblökʋ nyra 'mlɩkpʋkplɔkʋ.

Filipënyüü 4:23

Abɩa ana 'Pläkänyɔɔ Jesu 'Kriisëa ‑gbinanakʋ bä 'ana 'fɩɔ ‑gälɩ. 'Asɩ i bä!

Filipënyüü 4:20

Abɩa ana Tʋ Nyɔsʋa 'bʋala 'taɩn a 'fɩɔ 'lɩ! 'Asɩ i bä!

Ɛfɛsënyüü 6:23

Abɩa ana Tʋ Nyɔsʋa nyra 'Pläkänyɔɔ Jesu 'Kriisë ‑nyɩ ‑wlajüa 'fɩɔ 'wlinönrökʋ nyra ‑wawlakʋ nyra nyɔsʋaplɛtorokʋ.

Galaatënyüü 6:18

'Na ‑wlajü 'amɩ, abɩa ana 'Pläkänyɔɔ Jesu 'Kriisëa ‑gbinanakʋ bä 'ana bobowli ‑gälɩ. 'Asɩ i bä.

1 Korɛɛntënyüü 16:23

Abɩa 'Pläkänyɔɔ Jesu 'Kriisëa ‑gbinanakʋ bä 'amɩ ‑gälɩ!

Rɔmënyüü 9:25

'Asɩ 'ɔ ‑gba bɩa Oseea ‑pɔɔkʋa 'mlɩ: Ünyɩ ɩa' 'na ‑glügbö bä, 'üü 'nëmä 'na ‑glügbö 'dara, ‑bɛ ɔnyɩa' ‑wawaa nɔ bä nɩ, 'ɔɔ 'nëmä ‑wawaa nɔ 'dara.

Rɔmënyüü 5:1

'I 'na, ‑bɛ Nyɔsʋa 'daaa' ‑maa a bä 'klɩgänyüü ana nyɔsʋaplɛtorokʋa ‑gʋ nɩ, 'i känyrɩ 'wlinönrökʋ bä a nyra Nyɔsʋa kɔsɔa ‑tɔrʋpɩɔ ana 'Pläkänyɔɔ Jesu 'Kriisëa 'nyrɩklɩa ‑gʋ.

Akëtë 15:23

‑Jäsɩ 'ü ‑jɩjraa' ‑pɔɔkʋlʋ: «Amɔ Apotrë, 'cɛcɩtagbü nyra ‑wlajü ‑mölöö 'trɛɛ 'amɩ, 'amɔlɔ 'nyɩa' juifë bä ‑bɛ 'a kʋa' Antiɔɔsëbätä, Sirii nyra Silisiia ‑tʋtʋ ‑gälɩ.

Kolɔɔsënyüü 3:15

'Kä 'wlinönrökʋlʋ 'Kriisë ‑nyɛɛa' 'tiere 'ana polu, 'be 'a 'wlinönrökʋlʋa ‑gʋ Nyɔsʋa we 'amɩ, 'amä nyɔɔ 'doo bä; 'ba 'trɛɛ Nyɔsʋa 'taɩn a 'fɩɔ 'lɩ.

Filipënyüü 4:13

'N 'mrɛɛ 'ia 'fɩɔlʋ mlɩ 'Kriisëa 'nyrɩklɩa ‑gʋ, 'be 'ɔɔ ‑nyɛɛɛ 'mɩ 'klü.

Rɔmënyüü 8:39

'aiɛ dɛɛlɛ bäa' cɛ 'lɩ, 'aiɛ ɛ bäa' ‑tʋtʋ 'wʋ, 'aiɛ ‑fälɩa dɛɛ ‑mɩdee 'nyɩ 'lɩ ‑a bɩa i 'ba amɩ Nyɔsʋaa ‑wawakʋlʋ 'ɔ sraraa' amɩ ana 'Pläkänyɔɔ Jesu 'Kriisë 'lɩ kälɩ.

Rɔmënyüü 1:6

'Ana 'mʋgbɛ bä 'üa ‑tɔrʋpɩɔ, 'amɔ Jesu 'Kriisë wea'.

'Nyügälɩjawii 2:1

«‑Jɩjra 'aanjëlɔ bäa' Ɛfɛsëa 'cɛcɩ 'lɩ 'wʋ; ‑gbala 'ɔɔn ‑maa: ‹Nyɔɔlɔ 'klaaa' ‑särëeju ‑uunsɔɔlʋ 'ɔa 'dupa 'darʋ 'lɩ kälɩ, ɔ 'nyɛrɛa' ‑sikaa 'naputiia ‑tɔrʋpɩɔ, ‑jäsɩ 'ɔ ‑gbaa:

Jaakë 1:1

'Mɔɔ Jaakë, Nyɔsʋa nyra 'Pläkänyɔɔ Jesu 'Kriisëa ‑geei, 'mɔɔ ‑jɩjra 'amɩ 'wʋ, 'amɔ ‑glügbü ‑pʋ ‑bɛ 'sɔɔlü ‑gbagblaa' 'lɩ 'klɩ 'kä; 'n 'trɛɛ 'amɩ.

Jaan 20:17

'Iibäa' Jesu nɩ: «‑Nyɩ ‑fɛ 'mɩ ‑gba, 'n ‑kaaŋlʋ 'na Tʋa ‑nyɛɛ 'jra. ‑Maa mi ‑a ‑gbala 'na ‑wlajü, 'na Tʋa ‑nyɛɛ 'n 'jraa, ɔ bäa' 'ana Tʋ; 'na Nyɔsʋaa ‑nyɛɛ 'n 'jraa, ɔ bäa' 'ana Nyɔsʋa.»

Matiö 5:16

'Asɩ 'ana 'napɛ kä 'ɛmä bɩa nyüü ‑gälɩ ŋʋala, 'ümä 'mʋfa ‑gbili 'a nöa' 'jä, ‑bɛ 'ümä 'ana Tʋlɔ bäa cɛɩɩa 'mlɩ 'bʋala.

'Nyügälɩjawii 3:22

«Nyɔɔlɔ käa' 'nyakli ɔ po wiili Nyɔsʋaa ‑Susu ‑gbalaa' 'Cɛcʋ 'nyakli!»

'Nyügälɩjawii 3:14

«‑Jɩjra 'aanjëlɔ bäa' Laodisiia 'cɛcɩa 'wliklɩ 'wʋ, ‑gbala 'ɔɔn ‑maa: «Nyɔɔlɔ känyrɩ bäa' 'Asɩ i bä, nyɔɔlɔ ‑gäa' 'klɩ ‑bɛ ɔ 'saalɩ 'cɩcasa, ɔ bäa' diili kä 'fɩɔ Nyɔsʋa nʋa' a 'wliklɩ, ‑jäsɩ 'ɔ ‑gbaa:

'Nyügälɩjawii 3:7

«‑Jɩjra 'aanjëlɔ bäa' Filadɛlëfiibätäa 'cɛcɩa 'wli 'klɩ 'wʋ; ‑gbala 'ɔɔn ‑maa: «'Nyünanyɔɔ, 'Cɩcanyɔɔ, nyɔɔlɔ 'klaaaa' Daviidëa 'sapɛ, ɔma 'saa' dɛɛ ‑bɛ nyɔɔ 'nyɩa' 'lɩbɩa 'ɔmäa' 'ɛɛn 'pa, ‑bɛ 'ɔ ma 'paa' dɛɛ nyɔɔ 'nyɩa' 'lɩbɩa 'ɔmäa' 'sa, ‑jäsɩ 'ɔ ‑gbaa:

'Nyügälɩjawii 2:29

«Nyɔɔlɔ käa' 'nyakli ɔ po wiili Nyɔsʋaa ‑Susu ‑gbalaa' 'Cɛcʋ 'nyakli!»

'Nyügälɩjawii 2:18

«‑Jɩjra 'aanjëlɔ bäa' Tiratiirëa 'cɛcɩ 'lɩ 'wʋ, ‑gbala 'ɔɔn ‑maa: «Nyɔsʋaa 'Jʋ, nyɔɔlɔ käa' 'nyü ‑beerea' kapua mɛ, ‑bɛ 'ɔa bei plöa' ‑beere babɛ 'ü fumlöa' kapu ‑gbogbo 'lɩ ‑bɛ 'ü wɔpɔa', ‑jäsɩ 'ɔ ‑gbaa:

'Nyügälɩjawii 2:12

«‑Jɩjra 'aanjëlɔ bäa' Pɛrëgamämëa 'cɛcɩ 'lɩ 'wʋ, ‑gbala 'ɔɔn ‑maa: «Nyɔɔlɔ 'klaaa' ‑jɛrɛlɛ käa' 'mrʋ ɛ käa' 'kʋɩa 'sɔɔ, ‑jäsɩ 'ɔ ‑gbaa:

'Nyügälɩjawii 2:8

«‑Jɩjra 'aanjëlɔ bäa' Simiirënëa 'cɛcɩ 'lɩ 'wʋ, ‑gbala 'ɔɔn ‑maa: «Nyɔɔlɔ bäa' diia 'käkolofa nyra 'ia bɩarafa, ɔ jäa' ‑bɛ ɔ sɔa' 'wʋ, ‑jäsɩ 'ɔ ‑gbaa:

1 Timotee 6:2

‑Bɛ ‑mülü kä 'kamanyüü toroa' nyɔsʋaplɛ nɩ, 'ünyɩ 'daa 'be ‑wlajü 'ü bä nɩ, 'ii känyrɩ 'ü ‑nëmä 'saa 'üün nyɔɔ 'wʋ ‑a 'ba. 'Üü 'ü nëmä ɩ nyɔɔ 'wʋ 'ba ‑gböösa, 'be nyɔsʋaplɛtoronyüü nyra Nyɔsʋaa ‑wawanyüü 'ü bä, ‑bɛ 'ana 'kamanyüülü nɩ, 'ü 'järä ‑gooua 'jrʋpalä 'ü ‑fɛɛɛa' a 'mlɩ. ‑Jää wiili ‑käa' ‑mäa' 'kpɩa ‑bɛ ‑mäa' nyüü ‑gbala ü nʋa':

Akëtë 9:13

'Iibäa' Ananiasë nɩ: «'Pläkänyɔɔ, 'n 'nrörö nyɔɔlɔ kʋa' ‑pɩa 'nyrɩ nyüü 'kɔkɔmlɛa mlɩ 'sɩrɩ 'ɔ nʋa' bʋbɔgbi 'kɔkɔmlɛ ‑na nyüülü berea' 'klɩ ‑gba Jerusalɛɛmë;

Rɔmënyüü 5:5

‑Bɛ plɛgälɩpiepiekʋ 'nyɩ ‑trɔɔrɔ nyɔɔ ‑a, 'be Nyɔsʋa ‑srörö 'Nyüna ‑Susulu 'ɔ ‑nyɩa' amɩ kälɩ 'ɔnya 'fɛrɛ ana polu ‑gälɩ 'ɔa ‑wawakʋ 'kä.

Rɔmënyüü 8:28

‑Bɛ a jre 'iin 'sɩrɩ wiili kä 'fɩɔ jräa' nyüülü ‑waa' Nyɔsʋa ‑bɛ ü werea' 'sɩrɩ 'ɔ ‑waa' ‑gälɩ nɩ, Nyɔsʋa ‑nyɩgla 'iin 'kä 'imä 'na 'üa ‑gʋ.

1 Korɛɛntënyüü 1:24

‑Maa ‑mülü Nyɔsʋa wea' ü bäa' juifënyüü nyra grɛɛkënyüü nɩ, 'ü jre 'iin 'sɩrɩ 'Kriisë bäa' Nyɔsʋaa 'klü nyra 'ɔa 'lɩgaglakʋ;

Filipënyüü 1:2

Abɩa Nyɔsʋalɔ bäa' ana Tʋ nyra ana 'Pläkänyɔɔ Jesu 'Kriisëa ‑gbinanakʋ nyra plɛgälɩflɛrɛkʋ bä 'amɩ ‑gälɩ.

1 Tɛsalonikënyüü 1:4

Nyɔsʋaa ‑wawawlajü 'amɩ, a jre 'imɩ 'sɩrɩ 'ɔ 'baalɩ 'amɩ,

2 Tɛsalonikënyüü 1:2

Abɩa Nyɔsʋalɔ bäa' ana Tʋ nyra ana 'Pläkänyɔɔ Jesu 'Kriisëa ‑gbinanakʋ nyra plɛgälɩflɛrɛkʋ bä 'amɩ ‑gälɩ.