Rɔmënyüü 1:23 - Kuö Dëdrä Jenɛɛsë Rutë

²³ 'Ünya ‑tʋ Nyɔsʋaa 'wliklɩbʋabʋakʋlʋ 'nyɩ 'cicia' 'ia ‑pi 'lɩ ‑papawäsɩa: nyɔɔ ɔ 'mrɛɛa' 'ɔmäa' jä nɩ, 'ɔɔ 'ü ‑paaa ‑kä nyisie, ‑kä mlaalü 'nyɛrɛa' bei mlɔɔ nyra ‑pɛrɛdii 'ii 'ü nrörö 'üa ‑wäsɛ 'lɩ.

Rɔmënyüü 1:23 Referans Kwoze

Akëtë 17:29

Ama bä Nyɔsʋaa 'jü nɩ, a ‑nëmä Nyɔsʋa ‑sika ‑wäsɛ 'klɩ ‑a 'papla, a ‑nëmä 'ɔɔn 'pɔlɔsikaa ‑wäsɛ 'aiɛ 'täkä 'klɩ ‑a 'papla. Dɛɛlɛ nyɔɔa bobowli nyra 'ɔa 'srɛkäkäkʋ nʋa', a ‑nëmä 'ɛɛn Nyɔsʋa 'klɩ ‑a 'papla.

Rɔmënyüü 1:25

'Ü ‑tʋ Nyɔsʋaa 'cɩcasaa ‑pi 'lɩ ‑gbagblɛ: diili 'ɔ nʋa' 'ii 'ü ‑pʋpʋa, 'ii 'ü ‑tʋʋä 'nyügba ‑bɛ 'ü tɩɛ ‑plɩɩ Diiafɩɔanʋnʋnyɔɔ. 'Ɔɔ a kä amä 'bʋala 'plɔʋplɔʋ. 'Asɩ i bä!

1 Piɛɛrë 4:3

‑Kätɩsa nɩ, wiili nyüülü 'nyɩa' Nyɔsʋa jre ‑waa', 'ii ana 'mʋgbɛ ma nöa 'doo ana 'klälä a ma 'klaaa' 'mlɩ: ‑sagbili Nyɔsʋa 'nyɩ 'bataa', bʋbɔ dɛɛnyükäkäkʋ, 'nʋbablakʋ, jijri jijikʋ, nyra ‑wäsɩa ‑pʋpʋakʋlʋ bäa' ‑balʋ kpaku.

1 Korɛɛntënyüü 12:2

'A jre 'imɩ, ‑kätɩsa 'anyɩ käa' nyɔsʋaanyüü bä nɩ, 'nɔnɔɔsa 'a ma prɛ ‑gbagblɛ nyɔsʋaɩɩ 'nyɩ 'paa' wii dɛrɩ!

'Nyügälɩjawii 9:20

‑Maa nyüü ‑mülü 'inyɩa' ‑gälɩjrä ‑bɛ 'ünyɩa' jä nɩ, 'ünyɩ 'üa ‑balʋgbili 'üa 'mʋgbɛ nʋa' ‑wälɩ ‑a 'cɛrɛ. 'Ünyɩ domüüa ‑pʋpʋakʋ ‑wälɩ ‑a 'cɛrɛ, 'ünyɩ ‑sikaa ‑papadiia ‑pʋpʋakʋ ‑wälɩ ‑a 'cɛrɛ, 'pɔlɔsika, babɛ, 'täkë, tii, inyɩ 'paa wii, inyɩa' 'nunusa bä, inyɩa' 'lɩbɩa imäa' 'nyɛ; 'ünyɩ 'ia ‑pʋpʋakʋa ‑gʋ ‑a fio.

Akëtë 10:12

'Ua 'mlɩ bä ‑tʋtʋ ‑gälɩa mlalë kä 'fɩɔ 'nyɛrɛa' bei mlɔɔ, nyra ‑pɛrɛdii ‑bɛ nyisie.