Rɔmënyüü 1:1 - Kuö Dëdrä Jenɛɛsë Rutë

¹ 'Mɔɔ 'Pɔɔlë ‑jɩjra 'amɩ 'wʋ, 'mɔɔ Jesu 'Kriisëa ‑geei. Nyɔsʋa 'balɩ 'mɩ 'mä apotrë bä, 'ɔnya bere 'mɩ 'klɩ 'mä Nyɔsʋaa 'Mʋfagogo 'sa.

Rɔmënyüü 1:1 Referans Kwoze

Akëtë 9:15

‑Maa 'Pläkänyɔɔ nya ‑gbala 'ɔɔn: «Mi! 'A nyɔɔlɔ 'n 'baa' 'lɩ 'ɔmä 'na 'nyrɩ 'plä 'klɩsrara: nyüülü 'nyɩa' juifë bäa 'klɩ, 'üa 'kɩɩɩa 'klɩ, nyra Israɛɛlëa 'klɩ.

Rɔmënyüü 15:16

'N nʋ Jesu 'Kriisëa 'jrʋpafɛnyɔɔ nyüülü 'nyɩa' juifë bä 'üa ‑gʋ. Nyɔsʋaa 'Mʋfagogoa 'pɛrɩnyɔɔa 'jrʋpa 'n ‑fɛɛɛ, 'kä nyüülü 'nyɩa' juifë bä 'mä ‑gbɔlʋ käa' Nyɔsʋa 'tʋ bä, ‑gbɔlʋ 'Nyüna ‑Susu berea' 'klɩ.

1 Korɛɛntënyüü 1:1

'Mɔɔ 'Pɔɔlë, ɔ bäa' Jesu 'Kriisëa apotrëlɔ Nyɔsʋa wea' 'sɩrɩ 'ɔ ‑waa', 'a 'mɔɔ ‑bɛ ‑wlajʋlɔ 'ü 'daraa' Sosëtɛnë.

Kolɔɔsënyüü 1:1

'Mɔɔ 'Pɔɔlë, ɔ bäa' Jesu 'Kriisëa apotrëlɔ Nyɔsʋa wea' 'sɩrɩ 'ɔ ‑waa' nɩ, 'mɔɔ ‑bɛ ‑wlajʋlɔ 'ü 'daraa' Timotee,

Titë 1:1

'Mɔɔ 'Pɔɔlë, Nyɔsʋaa ‑geei nyra Jesu 'Kriisëa apotrë, 'mɔɔ ‑jɩjra. Nyɔsʋa ‑gbala 'mɩ ‑a we 'ɔa nyüülü 'ɔ 'baa' 'lɩ 'ümä nyɔsʋaplɛtoro, 'ümä 'cɩcasa jre, 'üa 'nyɛnyɛkʋ nyra 'üa nyɔsʋaplɛ 'mä dɛɛ 'dee bä.

Rɔmënyüü 1:9

Nyɔsʋa 'jää 'mɩ 'wʋ, 'ɔɔlɔ kä ‑gʋ 'n nöa' 'na plɛa 'fɩɔ ‑bɛ 'n 'salɩ 'ɔa 'Jʋa 'Mʋfagogo. 'Ɔ jre 'iin 'sɩrɩ 'n 'paaa' 'plɔʋplɔʋ 'ana ‑gä plɛ,

2 Korɛɛntënyüü 1:1

'Mɔɔ 'Pɔɔlë, ɔ bäa' Jesu 'Kriisëa apotrë, 'sɩrɩ Nyɔsʋa ‑waa' nɩ, 'mɔɔ ‑bɛ ‑wlajʋlɔ 'ü 'daraa' Timotee amɔ ‑jɩjra 'amɩ 'wʋ: Nyɔsʋaa 'cɛcɩlɛ bäa' Korɛɛntëbätä nyra Nyɔsʋaa 'nyünanyüüa 'fɩɔ kʋa' Akaiia ‑tʋtʋ ‑gälɩ.

1 Korɛɛntënyüü 9:1

'Nyɩ 'lɩ ‑a bɩa ‑a nʋ dɛɛlɛ 'n ‑waa'? ‑Mää apotrë 'nyɩ bä? 'Nyɩ Jesu 'Kriisë ana 'Pläkänyɔɔ ‑a 'jä? ‑Mää 'amɔ 'nyɩ 'Pläkänyɔɔa 'jrʋpalä 'n ‑fɛa', 'äa 'pɛɛ bä?

2 Timotee 1:11

'A 'Mʋfagogoläa ‑gʋ Nyɔsʋa nrörö 'mɩ 'ɔa mlɩawiipanyɔɔ 'lɩ, apotrë nyra nyüülü 'nyɩa' juifë bä 'üa 'kpɩkpɩanyɔɔ.

1 Timotee 1:1

'Mɔɔ 'Pɔɔlë, Jesu 'Kriisëa apotrë; Nyɔsʋalɔ bäa' ana 'Lɩmlɩbanyɔɔ Nyɔsʋa nyra 'Pläkänyɔɔ Jesu 'Kriisëlɔ bäa' ana plɛgälɩpienyɔɔ, 'üü ‑tʋ 'lɩ 'mɩ. 'Mɔɔ ‑jɩjra ‑mɩ 'wʋ,

Galaatënyüü 1:1

'Mɔɔ 'Pɔɔlë, ɔ bäa' apotrë, 'mɔɔ ‑jɩjra 'amɩ 'wʋ. ‑Mää nyüü, 'aiɛ nyɔɔ 'nyɩ 'mɩ apotrë 'lɩnrörö, ‑maa Jesu 'Kriisë nyra Nyɔsʋalɔ bäa' Tʋ, ɔ 'baa' 'ɔɔn jäjänyüüa ‑tɔrʋpɩɔ, 'üü nrörö 'mɩ apotrë 'lɩ.

1 Timotee 2:7

'Abɩa 'mä 'lɩ 'iin 'sa, 'ia ‑gʋ 'ɔ nönrö 'mɩ apotrë nyra nyɔsʋaawiipanyɔɔ. 'Cɩcasa 'n 'saalɩ 'Kriisëa 'klɩ, ‑mää ‑gbagblɛ 'nyɩ kä. 'Ɔ nönrö 'mɩ apotrë 'lɩ 'mä dɛɛlɛ bäa' nyɔsʋaplɛtorokʋ nyra 'cɩcasa nyüülü 'nyɩa' juifë bä 'kpɩa.

1 Tɛsalonikënyüü 2:2

'A jre 'iin 'sɩrɩ a 'järäa' ‑sʋɩ Filipëbätä, 'sɩrɩ 'ü nʋa' amɩ ‑gbigba; 'asɩɛ anya 'pa ana nyüfë 'klü 'lɩ Nyɔsʋaa 'nyrɩklɩ anya ji 'amɩ Nyɔsʋaa 'Mʋfagogo 'lɩsara; 'klü a 'pa anya nʋ 'imɩ.

Rɔmënyüü 1:5

'Ɔɔ Nyɔsʋa ‑srörö kälɩ 'ɔnya ‑nyɩ amɩ 'ɔa ‑gbinanakʋ, 'ɔa ‑gʋ 'ɔ nrörö amɩ apotrë 'lɩ, amä 'iin nʋ 'kä 'ɔa 'nyrɩklɩ nyüülü 'nyɩa' juifë bä 'mä 'ɔɔn plɛtoro ‑bɛ 'ümä 'ɔɔn 'lɩträärä.

Filipënyüü 1:1

'Mɔɔ 'Pɔɔlë nyra Timotee, Jesu 'Kriisëa 'jrʋpafɛnyüü, amɔ ‑jɩjra 'ana 'fɩɔlʋ bäa' Filipëbätä 'wʋ; 'ana 'fɩɔlʋ bäa' Nyɔsʋaa 'nyünanyüü Jesu 'Kriisë 'lɩ, 'cɛcɩtagbü nyra ‑diiakë.

'Nyügälɩjawii 1:1

‑Jää wiili ‑sisiea' i Jesu 'Kriisë bea' ‑fälɩ ‑taa ‑pɔɔkʋlʋa 'mlɩ. Nyɔsʋa srara 'ɔmɩ 'iin 'ɔmä 'iin 'ɔa 'jrʋpafɛnyüü srara 'ümä wiili jöa' 'lee jre. Jesu 'Kriisë blɔ 'ɔa 'aanjë ɔ ji ɔ ‑gbala 'mɩ 'iin, 'mɔɔ Jaan 'ɔa 'jrʋpafɛnyɔɔ.

Judë 1:1

'Mɔɔ Judë, Jesu 'Kriisëa ‑geei, Jaakëa ‑wlajʋ, 'mɔɔ ‑jɩjraa' 'amɩ 'wʋ: 'amɔ Nyɔsʋalɔ bäa' Tʋ ‑wa ‑bɛ 'ɔ wea', 'amä 'ɔa nü bä Jesu 'Kriisëa ‑gʋ.

2 Piɛɛrë 1:1

'Mɔɔ Simɔɔ Piɛɛrë, Jesu 'Kriisëa ‑geei nyra 'ɔa apotrë, 'mɔɔ ‑jɩjra ü kä nyɔsʋaplɛ 'bʋaa' ‑beere ana nɛ 'wʋ. Ana Nyɔsʋa nyra 'Lɩmlɩbanyɔɔ Jesu 'Kriisë 'klɩgägäkʋa 'nyrɩklɩa ‑gʋ a 'klaa 'ia nyɔsʋaplɛlɛ.

Jaakë 1:1

'Mɔɔ Jaakë, Nyɔsʋa nyra 'Pläkänyɔɔ Jesu 'Kriisëa ‑geei, 'mɔɔ ‑jɩjra 'amɩ 'wʋ, 'amɔ ‑glügbü ‑pʋ ‑bɛ 'sɔɔlü ‑gbagblaa' 'lɩ 'klɩ 'kä; 'n 'trɛɛ 'amɩ.

Ebröönyüü 5:4

Nyɔɔ 'nyɩ 'lɩ ‑a bɩa ɔ 'jrara 'ɔa nyufa, 'ɔmä 'ɔa nyufa ‑gbɔsapɛrɩnyɔɔ kpakö 'lɩnrörö. Nyɔsʋa 'ɔɔ we 'ɔɔn 'ɔnya ‑nyɩ 'ɔɔn 'jrʋpa, 'sɩrɩ 'ɔ we käa' Arɔɔn.

Filipënyüü 2:11

'kä 'papawiia 'fɩɔ nya 'daa, Jesu 'Kriisë bä 'Pläkänyɔɔ, ‑bɛ Nyɔsʋa bäa' Tʋ 'mä 'bʋala.

Ɛfɛsënyüü 4:11

'A 'ɔɔ ‑nyɩ ‑mölöö apotrëdɛɛ, ‑mölöö bä nyɔsʋaamlɩpalanyüü, ‑mölöö bä 'Mʋfagogoa 'sasanyüü, ‑bɛ ‑mölöö bä 'pɛrɩnyüü ‑mölöö nya bä 'kpɩkpɩanyüü.

Ɛfɛsënyüü 1:13

'Ana 'mʋgbɛ 'a toro 'Kriisë plɛ. 'A 'nua' 'cɩcasalä bäa' 'Mʋfagogolä 'baaa' 'lɩ 'amɩ mlɩ nɩ, 'a toro 'Kriisë plɛ, Nyɔsʋa nya ‑tʋ 'amɩ tie nyüü 'mä 'saa jre 'sɩrɩ 'a bäa' 'ɔa nü. Tielɛ nɩ, 'ɛɛ bä 'Nyüna ‑Susulu 'ɔ 'daa käa' 'ɔmäa' amɩ ‑nyɩ.

2 Korɛɛntënyüü 12:11

'N bɔtɔa' 'na ‑tɔklʋ nɩ, mlüünyɔɔa 'sa 'n 'pawii, ‑maa 'amɔ 'tuto 'mɩ. 'Amɔ nëmä ɩ 'na ‑gä 'pa, ‑bakää 'nyɩ dɛɛ bä nɩ, nyüülü 'daraa' 'üa nyüfë apotrë kpakü nɩ, 'nyɩ 'jä dɛɛlɛ kä 'mlɩ 'ü ‑sia' 'mɩ 'wʋ ‑a.

2 Korɛɛntënyüü 11:5

‑Maa dɛɛlɛ kä mlɩ nyüülü 'ü 'daraa' apotrë kpakü ‑sia' 'mɩ 'wʋ 'nyɩ jä 'ɛmɩ 'wʋ ‑a!

2 Korɛɛntënyüü 4:5

‑Mää ana 'mʋgbɛa ‑gogoa anyɩ 'sa 'amɩ, ‑maa 'Pläkänyɔɔ Jesu 'Kriisëa ‑gogoa 'saa 'amɩ. A 'kpla ana nyüfë ‑beere 'ana 'jrʋpafɛnyüü Jesua ‑gʋ.

Rɔmënyüü 1:16

'Be 'nyɩ 'Mʋfagogolä 'paaa' 'Kriisëa ‑gäa 'sasakʋa 'nyüsü ‑a kä. 'Ää bä Nyɔsʋaa 'klülü 'ɔ ‑sröröa' kälɩ ‑bɛ 'ɔ 'pʋɔa' nyɔɔ o nyɔɔ toroa' 'ɔɔn plɛ: kolo juifë ‑gälɩ 'kä, ‑a jrä ünyɩa' juifë bä ‑gälɩ.

Akëtë 22:21

'Ɔ ‑nëma nɩ: ‹Mi! Kpaun 'n blɔ ‑mɩ nyüülü 'nyɩa' juifë bä, 'üa ‑nyɛɛ.› »

Akëtë 22:7

'Nyaa blö, ‑bɛ 'n nö 'papawii 'doo 'wli, ‑bɛ 'i nö: ‹Sɔɔlë, Sɔɔlë, dɛplɛɛ kä ‑gʋ ‑nö 'mɩ ‑gbigba le?›

Akëtë 20:24

'Na 'klä 'nyɩ 'na 'nyü ‑gälɩ ‑gbaa ‑a kälä. I käa' ‑gbaa nɩ, 'iibä ‑a 'wlara dɔrʋ 'lɩ 'jrʋpalä bäa' 'na 'klʋɩ ä 'Pläkänyɔɔ Jesu ‑nyɩa' 'mɩ kälɩ: ‑a 'salɩ 'Mʋfagogolä 'paa' Nyɔsʋaa ‑gbinanakʋa ‑gä.

'Nyügälɩjawii 22:9

‑Maa 'ɔ ‑gbala 'mɩ: «‑Nyɩ nʋ 'sa! 'Na 'mʋgbɛ 'n ‑beere ‑mɔ, Nyɔsʋaa 'jrʋpafɛnyɔɔ 'n bä bɩa, ‑beere ‑na ‑wlajü nyɔsʋaamlɩpalanyüü, ‑beere nyüülü kä 'fɩɔ ‑trääräa' 'lɩ wiili bäa' ‑taa ‑pɔɔkʋlʋa 'mlɩ. Nyɔsʋa ‑kä ‑mä 'wlitrara!»

Kolɔɔsënyüü 1:25

'A 'Cɛcɩlɛa 'jrʋpafɛnyɔɔ 'n bä. Nyɔsʋa 'ɔɔ ‑nyɩ 'mɩ 'jrʋpalä ‑a ‑fɛ 'ämɩ 'ana ‑gʋ. 'Ɔ blɔ 'mɩ ‑a 'pa 'ɔa 'papawiia 'fɩɔ.

Ɛfɛsënyüü 1:1

'Mɔɔ 'Pɔɔlë bäa' Jesu 'Kriisëa apotrë 'sɩrɩ Nyɔsʋa 'bataa', 'mɔɔ ‑jɩjraa' 'amɩ 'wʋ, 'amɔ 'nyünanyüülü kʋa' Ɛfɛsëbätä, 'amɔ toroa' Jesu 'Kriisë plɛ.

Rɔmënyüü 16:25

A 'bʋala Nyɔsʋa! 'Ɔɔ 'mrɛɛ 'ɔ ‑nyɩ 'amɩ 'klü 'sɩrɩ 'Mʋfagogolä 'n 'saraa' 'lɩ 'amɩ; 'ää 'paa Jesu 'Kriisë ‑gä, 'ää srara amɩ wiili Nyɔsʋa 'piea', i 'ɔ ‑sisiea' ‑sɩ a ‑sɩ.

Rɔmënyüü 16:18

'Ia 'samaa nyüülü nɩ, 'ünyɩ ‑träärälɩ ana 'Pläkänyɔɔ 'Kriisë ‑a, 'üa ‑guia ‑goou 'ü bä! 'Üa mlɩ 'mɛrɛkʋ nyra 'üa ‑gbagblɛ dɛtʋ 'ü nö ‑bɛ 'ü ‑trɔɔrɔ nyüülü 'nyɩa' 'lɩkla.

Rɔmënyüü 15:29

'N jöa' 'amɩ 'jä nɩ, 'Kriisëa 'Mʋfagogoa 'papanɩ 'kɔkɔmlɛ 'n ja ‑bɛ 'n jö.

Rɔmënyüü 11:13

'Amɔ nyüülü 'nyɩa' juifë bä, 'amɔ 'n ‑gbala: 'be 'mɔɔ bä nyüülü 'nyɩa' juifë bäa Apotrë, 'ii känyrɩ 'na 'jrʋpa kä 'mɩ dɔrʋ 'wʋ.

Akëtë 27:23

'be Nyɔsʋalɔ käa' 'mɩ ɔ kä 'jrʋpa 'n ‑fɛɛɛa' nɩ, 'ɔa 'aanjë jijrö 'mɩ ‑gba ‑taa ‑gbiaralä.

Akëtë 26:1

Agliipë nya ‑gbala 'Pɔɔlë: «‑Mrɛɛ ‑a ‑saasra ‑gälɩ.» 'Pɔɔlë nya dɔrɔ 'darʋ 'wʋ, ‑bɛ 'ɔ 'sasra ‑gälɩ ɔ:

Akëtë 13:9

‑Bɛ Sɔɔlë, 'ɔ 'ü 'daraa' bɩa 'Pɔɔlë nɩ, 'ɔ 'si 'Nyüna ‑Susu 'klɩ ‑bɛ 'ɔ ‑pʋpɔ ‑minanʋnyɔɔlɔ tee, 'ɔ ‑nëma:

Jaan 15:15

'N ‑ka ‑nëmä 'amɩ 'jrʋpafɛnyüü ‑a 'dara. 'Jrʋpafɛnyɔɔ 'nyɩ jre wiili kä 'fɩɔ 'ɔa 'kamanyɔɔ nöa' ‑a. Ama 'dara 'amɩ ‑gbötü nɩ, wiili kä 'fɩɔ Tʋ 'kpɩaa' 'mɩ 'n 'kpɩa 'amɩ 'ia 'fɩɔ.

Jaan 12:26

Nyɔɔ ma ‑fɛ 'na 'jrʋpa, ɔ ‑mɛ 'mɩ ‑gälɩ; ‑bɛ ‑plɩɩlɩ 'n kʋa' 'na 'jrʋpafɛnyɔɔ 'mä bɩa 'lɩ kʋ. Nyɔɔ ma ‑fɛ 'na 'jrʋpa, 'na Tʋ nya 'ɔɔn 'bʋalaa.»

'Nyügälɩjawii 22:6

'Aanjëlɔ nya ‑gbala 'mɩ: «'Papawiili bä plɛgälɩpiesa, 'inya bä 'cɩcasa. Wiili nëmäa' 'lɩjrä, 'ii 'Pläkänyɔɔ, Nyɔsʋalɔ 'tierea' mlɩpalanyüüa ‑sisi nya ja 'ɔa 'aanjë 'ümä 'iin 'ɔa 'jrʋpafɛnyüü srara.»

Ebröönyüü 7:26

'A 'samaa 'nyüna ‑gbɔsapɛrɩnyɔɔ kpakö a 'bata, 'ɔ ‑kaapɩɔ bʋbɔgbi nʋ; 'ɔ ‑kaapɩɔ ‑balʋ nʋ, 'ɔnya sɔ ‑balʋnyüü dɛrɩ, Nyɔsʋa nya 'jrara 'ɔɔn cɛɩɩa 'wliklɩ.

Akëtë 26:14

Ana 'fɩɔ nya böblö, 'nyaa 'nu nyɔɔa 'papawii 'wli Ebrööwii 'lɩ, 'ɔ ‑nëma: ‹Sɔɔlë, Sɔɔlë, dɛplɛɛ kä ‑gʋ ‑nö 'mɩ ‑gbigba le? 'Inya 'lɩklaa ‑mää ‑papatuu 'klɩ 'nyüglö.›

Akëtë 21:40

'Sʋgɩaa 'kamanyɔɔ nya 'nyie. 'Pɔɔlë nya 'nyüglö nyukumëmla 'klɩ, 'ɔnya to nyüü 'darʋ 'klɩ. 'Üa 'fɩɔ nya 'kpla 'mä. 'Ɔnya 'pa Ebrööwii 'ɔnya ‑gbala nyüülü ‑maa:

Jaan 15:20

'Ba 'pa waklöölä 'n ‑gbala käa' 'amɩ plɛ: ‹'Jrʋpafɛnyɔɔ 'nyɩ 'ɔa 'kamanyɔɔ 'wʋ ‑a ‑si.› Üma nʋ 'mɩ ‑gbi ‑gba, 'ünya 'amɩ ‑gbi ‑gba nʋa bɩa; üma ‑träärälɩ 'na mlɩa wii, 'ünya 'lɩ 'ana ni ‑trääräa bɩa.

Marëkë 1:14

'Ü 'kplaa' Jaanlɔ ‑bɛ 'ü 'paa 'ɔɔn ‑jie 'lɩ nɩ, Jesu nya mi Galilee, 'ii 'ɔ 'sara Nyɔsʋaa 'kamapläa 'mʋfagogo.

2 Korɛɛntënyüü 2:12

'N mia' Troasë 'Kriisëa 'Mʋfagogo 'sara nɩ, 'Pläkänyɔɔ 'sa 'nyʋfɔ 'mä 'jrʋpa ‑fɛ.

2 Korɛɛntënyüü 11:7

‑Ale, 'n 'böa' 'na nyufa 'klɩ ‑bɛ 'n 'jraraa' 'amɩ nɩ, 'i bʋbɔ? 'Taɩn 'lɩ 'n 'palaa' 'amɩ nyɔsʋaawii ‑gba, ‑bɛ 'nyɩa' 'daa 'ba 'pɛɛ 'mɩ, 'ia ‑gʋ?

1 Tɛsalonikënyüü 2:8

'Asɩ a ‑wa 'amɩ, a 'bata ɩ a ‑nyɩ 'amɩ Nyɔsʋaa 'Mʋfagogo, amä 'nɩmɩ ana 'klä 'sa 'sɩrɩ a ‑waa' 'amɩ, 'ia ‑gʋ.

1 Tɛsalonikënyüü 2:9

'Na ‑wlajü 'amɩ, 'jrʋpalä a ‑fɛa', 'sɩrɩ a sɩaa', 'n jresaa 'a ‑kaaŋlʋ 'iin ‑trɔ: ‑srɩ ‑bɛ ‑gbia kɔsɔ, a ‑fɛɛɛ 'jrʋpa a ‑pɩ 'ana nyɔɔ 'doo 'wli kʋ. 'Asɩ a 'sara 'lɩ 'amɩ Nyɔsʋaa 'Mʋfagogo.

1 Piɛɛrë 4:17

'Be ‑gätʋtaɩn 'a 'lɩjrä, Nyɔsʋaanyüköli 'i kolokä. ‑Bɛ ä ma kolo amɩ ‑gälɩkä nɩ, ‑asɩ ‑mülü 'nyɩ toroa' Nyɔsʋaa 'Mʋfagogo plɛa nä nya bä le?