Filemɔɔ 1:6 - Kuö Dëdrä Jenɛɛsë Rutë

⁶ 'N bibie Nyɔsʋa 'kä 'ia nyɔsʋaplɛlɛ ‑maa' amɩ, ‑mä 'wʋsɔɔrɔ 'ɛmä 'cɩcasaa 'fɩɔ jre 'cɩcasalä a 'klaaa' 'Kriisë Jesua ‑gʋ.

Filemɔɔ 1:6 Referans Kwoze

2 Piɛɛrë 1:8

'Be 'ama 'klaa 'samaa nʋnʋgbi nɩ, ‑bɛ 'ima bä 'amɩ 'lɩa 'doo nɩ, 'inya 'iin nʋa 'kä ana 'Pläkänyɔɔ Jesu 'Kriisëlɔ a jrea', 'ɔa 'jrʋpa ‑nëmä tɩɔ ‑a tɩɔ.

Kolɔɔsënyüü 1:9

A 'nua' 'iin 'wli nɩ, 'ia ‑gʋ anyɩ 'nyüglö 'ana 'wli 'lɩa nyɔsʋabibiekʋa ‑gʋ ‑a. Bibie a bibie 'ɔɔn 'ɔmä 'amɩ wiili kä 'fɩɔ 'ɔ 'bataa' srara, ɔ ‑nyɩ 'amɩ wiijejrekʋ nyra 'lɩgaglakʋ 'ɔa ‑Susu 'lɩ.

Matiö 5:16

'Asɩ 'ana 'napɛ kä 'ɛmä bɩa nyüü ‑gälɩ ŋʋala, 'ümä 'mʋfa ‑gbili 'a nöa' 'jä, ‑bɛ 'ümä 'ana Tʋlɔ bäa cɛɩɩa 'mlɩ 'bʋala.

1 Piɛɛrë 2:12

'Ba kä 'cɩcagbi nyüülü 'nyɩa' Nyɔsʋa jrea ‑tɔrʋpɩɔ. 'Ama nʋ 'saa nɩ, ‑gbʋgblʋʋkänyüüa 'nyrɩ 'lɩ 'ümäa' 'amɩ ‑gälɩ ‑tʋ, üma 'jä 'ana 'cɩcagbi nɩ, 'ünya Nyɔsʋaa 'nyrɩ 'bʋalaa ‑srɩlɩ kä 'mlɩ 'ɔmäa' 'üa 'kläa 'mlɩ ji.

Jaakë 2:17

'Asɩ nyɔsʋaplɛtorokʋ bä: ɛma 'nyɩ nʋ nyüüa 'klʋɩ 'cɩcagbi ‑a nɩ, ‑na nyɔsʋaplɛtorokʋ 'nyɩ 'lɩ ‑a bä, 'ɛ jä.

Jaakë 2:14

'Na ‑wlajü 'amɩ, nyɔɔ ma 'daa 'ɔ toro Nyɔsʋa plɛ, ‑bɛ ɔma 'nyɩ 'ia ‑gbia ‑a kä nɩ, 'ɔa nyɔsʋaplɛtorokʋ 'nyɩ ‑gbaa ‑a kä! 'Ia nyɔsʋaplɛtorokʋlʋ 'mrɛɛ i 'pʋɔ 'ɔmɩ?

Ebröönyüü 6:10

'Be Nyɔsʋa ‑gäklɩ, 'ɔ ‑nëmä wiili 'a nʋa' ‑a ‑trɔ. 'Ɔ ‑nëmä bɩa 'jrʋpalä 'a nʋa' 'ana ‑wawaplɛ ‑bɛ 'a ‑fɛa' 'ɔa 'nyrɩa ‑gʋ nɩ, 'ɔ ‑nëmä bɩa 'äa ‑gä ‑a ‑trɔ. 'A ji 'cɛcɩnyüü ‑gba, ‑bɛ 'a ‑ka nö 'imɩ.

Titë 3:14

'I 'na 'kä ana nyüü 'kpɩa bɩa 'cɩcagbia nʋnʋkʋ, 'ümä nyüüa ‑gbajijikʋ mlɩbɩa 'ü ‑pɩ ‑beere tuulu 'nyɩ tʋa'.

1 Korɛɛntënyüü 14:25

'kä wiili ‑sisiea' 'ɔa plɛ ‑gälɩ nya ‑fälɩ blö. 'Ia 'taɩn 'lɩ nɩ, 'ɔnya 'klʋɩ ‑tʋtʋ 'wʋ ‑fli 'paa, 'kä 'ɔnya Nyɔsʋa bibie, ‑bɛ 'ɔnya 'daa: «Nyɔsʋa bä 'kasa 'ana ‑tɔrʋpɩɔ.»

1 Piɛɛrë 3:16

'Anyɩ pla 'ana bobowli ‑fre, nyüülü paaa' 'ana bʋbɔnyrɩ 'ana 'cɩcagbili 'a nöa' 'Kriisë 'lɩa ‑gʋ, ‑bɛ 'ü 'daaa' 'amɩ ‑beere ‑balʋnyüü nɩ, 'nyüsü 'mä 'üün 'bla.

1 Piɛɛrë 3:1

'Ŋlëgë 'amɩ, 'ba 'cie 'wʋ 'ana dʋɔɩɩa 'klʋɩ. 'Ia 'taɩn 'lɩ ‑mölöö ma bälɩ üma 'nyɩ ‑träärälɩ nyɔsʋaawii ‑a nɩ, 'ana nʋnʋgbi 'mä 'iin nʋ 'ümä 'lɩ Nyɔsʋa ‑träärä, ‑bakää 'anyɩ 'üün wii ‑gba 'pala.

Filipënyüü 4:8

'Na ‑wlajü 'amɩ, 'ba ‑tʋ 'ana bobowli ‑taa waklüülü kʋa' ‑pɩ ‑gälɩ: diili kä 'fɩɔ bäa' 'cɩcasa, ibäa' 'lɩträäräsa, i ‑gäa' 'klɩ, i kä 'fɩɔ 'nyɩa' ‑fre pa, i kä 'fɩɔ 'naa', diili 'wʋa' ‑wawakʋ nyra 'bʋalakʋ 'klɩ, 'ii 'ba bobo.

1 Korɛɛntënyüü 16:9

'be tatu 'sara 'mɩ 'klɩ 'mä Nyɔsʋaa 'jrʋpa ‑fɛ ‑bɛ 'nyüamlɩjraranyüü 'si 'lɩ.

Kolɔɔsënyüü 3:10

'anya dɔrɔ nyɔɔ dëdräa ‑gbi 'wʋ. Nyɔɔdëdrälɔ nɩ, 'ɔ 'cici 'ɔa bobowlia 'doo 'ɔmä 'ɔa Nʋnʋnyɔɔ jajra.

Matiö 25:16

‑Mɔlɔ 'jäa' talaan ‑gböö nya nʋ 'ɔa ni 'ɔnya ‑fɛ 'jrʋpa, 'ɔnya 'järä 'ia ‑gälɩ talaan ‑gböö ‑mölöö.