Filemɔɔ 1:22 - Kuö Dëdrä Jenɛɛsë Rutë

²² Tɛrɛ dotro 'mɩ 'pifa, 'ana nyɔsʋabibiekʋa ‑gʋ 'n jresaa 'nyaa 'sɔɔwʋ 'ana ‑tɔrʋpɩɔ dɛrɩ 'blööa.

Filemɔɔ 1:22 Referans Kwoze

Filipënyüü 2:24

‑bɛ 'n toro bɩa 'Pläkänyɔɔ plɛ 'sɩrɩ 'taɩn ‑ka 'nyɩa' 'lɩtʋŋlɔ 'mäa' ji.

2 Korɛɛntënyüü 1:11

'Ana 'mʋgbɛ 'a jö 'amɩ ‑gba 'ana nyɔsʋabibiekʋa 'mlɩ. 'Asɩ nyüü 'kɔkɔmlɛ 'mä Nyɔsʋa 'trɛɛ ana ‑gʋ, 'sɩrɩ 'ɔ 'nua' 'üa wewewii 'wli ana 'pɛlɩ, 'be 'ɔɔ ‑nyɩ amɩ 'ia ‑gbinanakʋlʋ.

2 Jaan 1:12

Wii 'kɔkɔmlɛ bälɩ 'mä 'amɩ 'iin ‑gbala, ‑maa 'nyɩ 'bata 'ia ‑jɩjrakʋ ‑a. 'N jresaa 'nyaa 'ana ‑nyɛɛ jia, ‑bɛ amä 'mäklɩdɛtrɛ ana dɔrʋ 'mä 'wli ‑sie.

Jaakë 5:16

'Ii känyrɩ ‑moloo ma nʋ ‑balʋ, ɔ ‑gbala 'ɔa ‑moloo, 'kä ‑moloo bibie 'ɔa ‑molooa 'wli 'lɩ 'amä 'pʋ. Nyɔɔ ma ‑gäklɩ, ɔma we Nyɔsʋa, 'ɔa nyɔsʋabibiekʋ kä 'klü.

Filipënyüü 1:19

'Be 'ana nyɔsʋabibiekʋ nyra Jesu 'Kriisëa ‑Susua ‑gbajijikʋ 'lɩ, 'n jre 'iin 'sɩrɩ 'ia 'fɩɔlʋ 'mäa' 'nyrɩkä ‑bɛ 'mäa' 'lɩmlɩwʋ.

Akëtë 28:23

'Ünya ‑tʋ 'lɩ jrüülü kä 'mlɩ 'üü ‑bɛ 'Pɔɔlë 'mäa' trara. 'Ia ‑srɩ jräa' 'lɩ nɩ, nyüü 'kɔkɔmlɛ ji nyukulu kä ‑wälɩ 'Pɔɔlë kʋa'. Sɔ ‑suwla ‑a ‑tɔɔ ‑gbiajrʋ 'lɩ, 'ɔ 'saralɩ 'üün wii 'kɔkɔmlɛ käläa' Nyɔsʋaa 'kamaplä ‑gba. 'Bala Moisëa ‑Dɔ ‑gälɩ, a mi nyɔsʋaamlɩpalanyüüa ‑pɔɔkɩa 'mlɩ, 'ɔnya ‑gbala 'üün 'tasɩrɩwiili bäa' 'ia 'mlɩ, i 'paaa' Jesua ‑gä, 'ümä 'iin plɛtoro.

3 Jaan 1:14

'N jresaa 'nyaa ‑mɩ 'jäa jrüüa 'mlɩ ‑bɛ amä 'mäklɩdɛtrɛ.

Ebröönyüü 13:23

'Amɔ 'n ‑gbala: Ana ‑wlajʋ Timotee 'a ‑jie 'lɩ sɔ. 'Ɔma 'tɔ sɔsɔ nɩ, 'nyraa 'ɔɔn nya 'amɩ 'jäkalɩ jia.

Ebröönyüü 13:19

'Ba bibie bɩa 'na 'wlili Nyɔsʋa 'mä 'mɩ 'casɩ ‑nyɩ 'mä 'ana ‑nyɛɛ dɛrɩ 'blöö sɔsɔ.

Rɔmënyüü 15:24

'nyaa 'lɩ ‑sröröa 'kä 'nyaa Ɛsëpanyë mi. 'N jresaa 'nyaa 'amɩ dɛɛ kälɩ 'järäa 'mä nyɔtugbabre mi. ‑Maa jrüü jielü 'mäa' 'amɩ ‑gbasi, 'ia dɔrʋ 'blaa 'mɩ.

Akëtë 27:24

'Ɔnya ‑gbala 'mɩ: ‹'Pɔɔlë, ŋalɛ 'nyɩ 'bla ‑mɩ, ‑kä ‑mä Sesaa 'klɩ mi. Nyɔsʋa ‑nyɩ ‑mɩ nyüülü kä 'fɩɔ nyra 'üün möa' kälɩ!›