Filemɔɔ 1:17 - Kuö Dëdrä Jenɛɛsë Rutë

¹⁷ 'Ii känyrɩ, ‑ama 'kpla 'mɩ ‑beere ‑na ‑bei nɩ, 'kpla 'ɔɔn ‑beere 'sɩrɩ 'na 'mʋgbɛ ji ɩa' ‑na ‑nyɛɛ.

Filemɔɔ 1:17 Referans Kwoze

2 Korɛɛntënyüü 8:23

Titëlɔ nɩ, 'ɔ bä 'na 'wʋnyɛrɛnyɔɔ ‑bɛ 'ɔ bä bɩa 'na 'jrʋpa 'wʋ ‑fɛɛɛrɛ nyɔɔ 'ana ‑gʋ. Ana ‑wlajü ‑mülü nɩ, 'üü bä 'cɛcʋa bɔblɔnyüü, ‑bɛ 'jrʋpalä 'ü ‑fɛɛɛa' nɩ, 'Kriisëa 'wliklɩbʋabʋakʋa ‑gʋ 'ü nö 'imɩ.

Matiö 10:40

«Nyɔɔ ma 'kʋɛɛlɩ 'amɩ nɩ, 'mɔɔ 'ɔ 'kʋɛɛlɩ; ‑bɛ nyɔɔ ma 'kʋɛɛlɩ 'mɩ nɩ, nyɔɔlɔ blɔa' 'mɩ, 'ɔɔ 'ɔ 'kʋɛɛlɩ.

Filemɔɔ 1:12

'Ɔɔ 'n 'blöö ‑mɩ bei 'wʋ dɛrɩ. 'Ii känyrɩ, 'kpla 'ɔɔn ‑beere 'na 'mʋgbɛa 'pɛ.

Jaakë 2:5

'Ba ponyakli 'na plɛ ‑gälɩa ‑wlajü 'amɩ: ‑mää nyüülü 'plä 'daraa' 'pʋablanyüü nɩ, ‑mää 'üün Nyɔsʋa 'nyɩ 'lɩba 'kä 'üa 'bɩɔ 'mä nyɔsʋaplɛtorokʋ bä, ‑bɛ 'ɔa 'plälä 'ɔ tɛrɛa' nyüülü ‑waa' 'ɔɔn, 'ümä 'äa ‑jaaa ji?

Ebröönyüü 3:1

'A 'ia ‑gʋ 'na 'nyüna ‑wlajü 'amɩ, 'amɔlɔ Nyɔsʋa werea' cɛlɩ, 'ba tɛ Jesu 'Kriisë 'klɩ 'cɩcasa. 'Ɔɔ Nyɔsʋa blɔ 'ɔnya bä ‑gbɔsapɛrɩnyɔɔ kpakö, 'ii a toroplɛ, 'ii a 'pala ‑pɩɔa 'fɩɔ.

Ɛfɛsënyüü 3:6

‑A ‑jää 'iin 'lee: 'ü nyra Jesu 'Kriisë 'sɔ bäa' 'doo nɩ, 'ia ‑gʋ nyüülü 'nyɩa' juifë bä 'jää ‑jaaa 'döölä amɔ bäa' juifë 'nëmä ɩa' 'jä. A nyra 'üün bä nyüü 'doo. Wiili Nyɔsʋa 'daaa' 'ɔmäa' 'Mʋfagogo 'lɩ ‑srörö 'ɔmäa' nʋ nɩ, 'ünya kälä bɩa 'lɩ 'mlɩ.

Akëtë 16:15

'Ɔɔ ‑bɛ 'ɔa ‑gbööö 'palaa' 'nɩwli nɩ, 'ɔnya bibie amɩ: «'Be 'a jre 'iin 'sɩrɩ 'n ‑trääräa' 'lɩ 'Pläkänyɔɔa wii, 'ba ji 'na ‑nyɛɛ 'amä 'lɩ 'prere.» 'Ɔ kʋ amɩ 'klɩ anya 'nyie.

Matiö 25:40

'Kä 'kɩɩlɔ nya 'üün ‑gbalaa ‑maa: ‹'Cɩcasa 'n ‑gbala 'amɩ, 'asɩ a nöa' 'ia samaa wii 'jüplüjielüa ‑tɔrʋpɩɔa 'doo bäa' 'na ‑wlajü ‑gba nɩ, 'mɔɔ 'a nʋ 'iin ‑gba.›

Matiö 18:5

‑Bɛ nyɔɔ o nyɔɔ 'kʋɛɛa' 'lɩ 'jʋ o 'jʋ ‑beerea' ‑taa 'jʋlɔ 'na 'nyrɩklɩ nɩ, 'mɔɔ 'ɔ 'kʋɛɛlɩ.

1 Jaan 1:3

I a 'jäa' ‑bɛ a 'nua' 'wli nɩ, 'ii a ‑gbala bɩa 'amɩ, 'ana 'mʋgbɛ nyra amɔ 'mä 'doo bä. ‑Mää ana 'kpɔ ‑a, ‑maa a nyra Tʋ ‑bɛ 'ɔa 'Jʋ Jesu 'Kriisë nëmä 'doo bä.

1 Piɛɛrë 5:1

'Mɔɔ bäa' tagbö ‑beere 'cɛcɩtagbülü bäa' 'ana ‑tɔrʋpɩɔ nɩ, 'mɔɔ 'paa 'üün 'klü 'lɩ; 'mɔɔ kä 'nyü 'jäa' bɩa 'Kriisë 'ɔa ‑sʋɩa 'mlɩ, ‑bɛ 'mɔɔ käläa' bɩa 'na nɛ 'pɛ 'wliklɩbʋabʋakʋa 'mlɩ, ɛ nëmäa' 'wʋcrɛrɛ nɩ, ‑jää wiili 'n ‑gbala 'a 'amɩ:

Ebröönyüü 3:14

'Be diili kä 'fɩɔ bäa' 'Kriisëa dii, amɔ kä 'imɩ, ‑maa a kä amä ana plɛgälɩpiepiekʋ 'lɩ kʋ kʋ ‑a ji 'plä 'mä bɩa,

Filemɔɔ 1:10

'N bibie ‑mɩ 'na 'jʋ Onɛsiimëlɔ 'n ‑glooroa' ‑jie 'lɩ, 'ɔa ‑gʋ.

1 Timotee 6:2

‑Bɛ ‑mülü kä 'kamanyüü toroa' nyɔsʋaplɛ nɩ, 'ünyɩ 'daa 'be ‑wlajü 'ü bä nɩ, 'ii känyrɩ 'ü ‑nëmä 'saa 'üün nyɔɔ 'wʋ ‑a 'ba. 'Üü 'ü nëmä ɩ nyɔɔ 'wʋ 'ba ‑gböösa, 'be nyɔsʋaplɛtoronyüü nyra Nyɔsʋaa ‑wawanyüü 'ü bä, ‑bɛ 'ana 'kamanyüülü nɩ, 'ü 'järä ‑gooua 'jrʋpalä 'ü ‑fɛɛɛa' a 'mlɩ. ‑Jää wiili ‑käa' ‑mäa' 'kpɩa ‑bɛ ‑mäa' nyüü ‑gbala ü nʋa':

Filipënyüü 1:7

'I 'nara 'lɩ 'na ‑nyɛɛ 'kä 'mä 'samaa wii bobo 'ana ‑gʋ, 'n ‑gbötö 'amɩ 'na plɛklɩ. 'Jrʋpalä Nyɔsʋa ‑nyɩa' 'mɩ 'ɔa ‑gbinanakʋ 'lɩ nɩ, 'a ji 'mɩ ‑gba. 'A ‑ka nö 'imɩ ‑tɛ ‑jie 'lɩ 'n bäa', 'taɩn 'lɩ 'maa 'saaa' 'Mʋfagogo, 'maa 'paaa' 'äa 'wli 'lɩa wii, 'n ‑gbalaa' nyüü 'sɩrɩ 'ä bäa' 'cɩcasa.

Filemɔɔ 1:18

Ɔma nʋ kä ‑mɩ bʋbɔgbi ‑gba, 'aiɛ ɔma 'klaa ‑na dɛɛ nɩ, 'mɔɔ ‑a be 'iin 'wli.