Filemɔɔ 1:16 - Kuö Dëdrä Jenɛɛsë Rutë

¹⁶ 'Ɔ ‑kanyɩ ‑geei ‑a bä, ‑maa 'ɔ ‑si ‑geei 'wʋ: ‑wawawlajʋ 'ɔ bä. 'Na ‑wawawlajʋ; ‑maa ‑na në ‑gʋ nɩ, 'ɔ bä ‑na ‑wawawlajʋ ‑gböösa 'jajɛ 'lɩ nyra 'Pläkänyɔɔ 'lɩ!

Filemɔɔ 1:16 Referans Kwoze

Kolɔɔsënyüü 3:22

'Amɔ ‑goou 'amɩ, 'ba ‑träärälɩ nyüülü käläa' 'ana wiigba ‑pɩ ‑tʋtʋ ‑gälɩ wiia 'fɩɔa 'mlɩ. 'Anyɩ ‑glaaa 'ümä ‑plɩɩ bä 'fɩɔwʋ ‑bɛ 'amä 'iin nʋ 'kɔlɔkʋa ‑gʋ. 'Ba nʋ 'ana plɛa 'fɩɔ 'ba ‑fɛ 'jrʋpa Nyɔsʋaa 'lɩträäräkʋ 'lɩ.

Matiö 23:8

«‑Maa 'amɔlɔ nɩ, 'kpɩkpɩanyɔɔ 'doo 'a kä, 'ɔɔ bä 'Kriisë, 'ii känyrɩ 'anyɩ 'nyie 'ünyɩ 'dara 'amɩ Rabii. 'Ana 'fɩɔ bä ‑wlajü.

1 Timotee 6:2

‑Bɛ ‑mülü kä 'kamanyüü toroa' nyɔsʋaplɛ nɩ, 'ünyɩ 'daa 'be ‑wlajü 'ü bä nɩ, 'ii känyrɩ 'ü ‑nëmä 'saa 'üün nyɔɔ 'wʋ ‑a 'ba. 'Üü 'ü nëmä ɩ nyɔɔ 'wʋ 'ba ‑gböösa, 'be nyɔsʋaplɛtoronyüü nyra Nyɔsʋaa ‑wawanyüü 'ü bä, ‑bɛ 'ana 'kamanyüülü nɩ, 'ü 'järä ‑gooua 'jrʋpalä 'ü ‑fɛɛɛa' a 'mlɩ. ‑Jää wiili ‑käa' ‑mäa' 'kpɩa ‑bɛ ‑mäa' nyüü ‑gbala ü nʋa':

1 Korɛɛntënyüü 7:22

'Be ‑geeilɛ 'Pläkänyɔɔ wea' nɩ, 'ɔ ‑kanyɩ ‑geei ‑a bä. 'Pläkänyɔɔ kä 'ɛmɩ. 'Asɩ nyɔɔlɔ 'nyɩa' ‑geei bä ‑bɛ Nyɔsʋa wea' bä 'Kriisëa ‑geei.

Ebröönyüü 3:1

'A 'ia ‑gʋ 'na 'nyüna ‑wlajü 'amɩ, 'amɔlɔ Nyɔsʋa werea' cɛlɩ, 'ba tɛ Jesu 'Kriisë 'klɩ 'cɩcasa. 'Ɔɔ Nyɔsʋa blɔ 'ɔnya bä ‑gbɔsapɛrɩnyɔɔ kpakö, 'ii a toroplɛ, 'ii a 'pala ‑pɩɔa 'fɩɔ.

Akëtë 9:17

Ananiasë nya mi. 'Ɔnya pa nyüköli, 'ɔnya 'pie 'ɔa 'dari Sɔɔlë ‑gälɩ, 'ɔnya ‑gbala 'ɔɔn: «‑Wlajʋ Sɔɔlë, 'Pläkänyɔɔ Jesulɔ 'tɔrɔa' ‑mɩ 'klɩ 'nyʋfɔ mlɩ nɩ, 'ɔɔ blɔ 'mɩ ‑mä 'käjä, ‑bɛ 'Nyüna ‑Susu 'mä ‑mɩ 'lɩ 'si.»

1 Jaan 5:1

Nyɔɔ o nyɔɔ jrea' 'saa Jesu bä 'Kriisë nɩ, Nyɔsʋaa 'jʋ 'ɔ bä. Nyɔɔ o nyɔɔ ‑waaa' Tʋ nɩ, 'ɔ ‑waaa' bɩa 'ɔa 'Jʋ.