'Nyügälɩjawii 2:3 - Kuö Dëdrä Jenɛɛsë Rutë

³ ‑Jää ‑sʋɩ ‑nya ‑sɔɔrɔwli 'wʋ 'na 'nyrɩa ‑gʋ, ‑nyɩ ‑sɩa ‑a ‑sɩa ‑nya ‑fɛ 'na 'jrʋpa.

'Nyügälɩjawii 2:3 Referans Kwoze

Ebröönyüü 10:36

'Be 'a kä 'amä plɛmlɩpa 'amä bɩa wiili Nyɔsʋa 'bataa' nʋ, ‑bɛ 'amä dɛɛlɛ Nyɔsʋa 'daaa' 'ɔmäa' 'amɩ ‑nyɩ 'jä.

Ebröönyüü 12:1

‑Bɛ 'ia 'samaa' nyüü 'kɔkɔmlɛlü sraraa' 'üa nyɔsʋaplɛtorokʋ traraa' amɩ 'klɩ ‑beere ‑gbru nɩ, 'a 'ia ‑gʋ ana 'mʋgbɛ a 'ba ana ‑gba diili kä 'fɩɔ 'mrɛɛa' imäa' amɩ 'nyʋfɔ ka, nyra ‑balʋlʋ traraa' amɩ 'klɩ sɔsɔ! A ‑sɔɔrɔwʋ a fɔ fʋfɔlʋlʋ bäa' ana 'klɔɔtrʋ.

Galaatënyüü 6:9

'Ii känyrɩ, anyɩ fio 'cɩcagbia nʋnʋkʋ ‑a ‑gʋ. Ama 'nyɩ 'ia ‑gʋ ‑a fio nɩ, 'ia 'taɩn ma jrä ‑srɩɩ 'lɩ anya 'iin jia.

Kolɔɔsënyüü 1:11

'Sɩrɩ 'ɔa 'wliklɩbʋbʋakʋa 'klü bäa' 'asɩ 'ɔmä 'amɩ 'klülɩpa diia 'fɩɔa 'mlɩ, 'amä wiia 'fɩɔa ‑gbötökʋ mlɩbɩa, 'amä nyɔnyrɔ nyɔnyrɔ 'amä 'blöröfawʋ 'tɔ dɔrʋsa.

Jaan 15:21

'Na 'nyrɩa ‑gʋ 'ünya 'amɩ 'ia 'fɩɔlʋ ‑gba nʋa, 'be nyɔɔlɔ blɔa' 'mɩ, 'ünyɩ 'ɔɔn jre ‑a jre.

1 Korɛɛntënyüü 13:7

‑Wawakʋ cere wiia 'fɩɔ, 'u toro diia 'fɩɔ plɛ, 'u 'pie wiia 'fɩɔ plɛ ‑gälɩ, ‑bɛ 'u ‑gbötö wiia 'fɩɔ.

'Nyügälɩjawii 3:10

'N ‑gbalaa' ‑mɩ ‑a kpʋkplɔmlɩ ‑sʋɩa 'mlɩ ‑beere 'mɔɔ, ‑bɛ ‑nʋa' 'imɩ nɩ, 'ia ‑gʋ 'na 'mʋgbɛ 'nyaa ‑mɩ 'nyiöli ‑gääläa 'taɩn 'lɩ ‑sʋɩ 'mäa' 'pläa 'fɩɔa 'mlɩ ji. ‑Sʋɩlɩ jö 'imä ‑tʋtʋ ‑gälɩa nyüüa 'fɩɔ 'lɩtɛ.

Ebröönyüü 6:15

Abraamë nya kpʋkplɔmlɩ 'ɔnya ‑glaaa. 'Asɩ 'ɔ nʋ 'ɔnya 'jä dɛɛlɛ Nyɔsʋa 'daaa' 'ɔmäa' 'ɔa ‑gʋ nʋ.

Ebröönyüü 6:12

Anyɩ 'bata 'bata ‑a 'amä ‑fɛ. ‑Maa nyüülü Nyɔsʋa 'daaa' 'ɔmäa' ‑jaaa ‑nyɩ 'üa nyɔsʋaplɛtorokʋ nyra 'üa 'mlɩkpʋkplɔkʋa ‑gʋ nɩ, 'ba nʋ 'üa 'sa.

Ebröönyüü 6:10

'Be Nyɔsʋa ‑gäklɩ, 'ɔ ‑nëmä wiili 'a nʋa' ‑a ‑trɔ. 'Ɔ ‑nëmä bɩa 'jrʋpalä 'a nʋa' 'ana ‑wawaplɛ ‑bɛ 'a ‑fɛa' 'ɔa 'nyrɩa ‑gʋ nɩ, 'ɔ ‑nëmä bɩa 'äa ‑gä ‑a ‑trɔ. 'A ji 'cɛcɩnyüü ‑gba, ‑bɛ 'a ‑ka nö 'imɩ.

1 Timotee 4:10

'A 'ia ‑gʋ a ‑fɛɛɛ 'jrʋpa ‑gböösa, ‑bɛ 'ü jejre amɩ, 'be a ‑tʋ ana plɛa 'fɩɔ 'Lɩbä Nyɔsʋalɔ bäa' nyüüa 'fɩɔa 'Lɩmlɩbanyɔɔ 'lɩ, ü ‑tɛɛ toroa' 'ɔɔn plɛ, 'üa ‑gʋ.

2 Tɛsalonikënyüü 3:13

'Amɔlɔ nɩ, ‑wlajü 'amɩ, 'anyɩ fio 'cɩcagbia nʋnʋkʋa ‑gʋ.

2 Korɛɛntënyüü 4:16

‑Jää dɛɛlɛ kä ‑gʋ ana kpati jäa' 'lɩ. ‑Bakää ana fugba ma bʋblɔ ‑takasa nɩ, ana ‑susulu bäa' amɩ 'lɩ nö dëdrä ‑srɩ o ‑srɩ.

2 Korɛɛntënyüü 4:1

'Bala 'lɩ ‑gälɩ, 'be Nyɔsʋa 'jä ana nyatɛrɩ 'ɔnya ‑nyɩ amɩ 'jrʋpalä, 'ii känyrɩ ana kpati 'nyɩ jä 'lɩ ‑a.

Rɔmënyüü 12:12

A dɔrʋ 'bla 'amɩ 'a jre dɛɛlɛ 'naa' Nyɔsʋa tɛrɛa' 'amɩ ‑sraakäpɩa ‑gʋ. 'Ba kpʋkplɔmlɩ ‑sʋɩa 'mlɩ, 'anyɩ ‑sɩa nyɔsʋabibiekʋa ‑gʋ.

Rɔmënyüü 8:25

‑Maa ama jresaa anya 'a dɛɛlɛ anyɩ 'jäa' 'wʋ 'jä nɩ, plɛ a blö ‑bɛ a ‑glaaa.

Lukë 14:27

Nyɔɔlɔ 'nyɩ ‑gbötöa' 'ɔa krʋa 'ɔmä 'mɩ dɛrɩprɛ nɩ, 'ɔnyɩ 'lɩ ‑a bɩa ɔ bä 'na 'wʋnyɛrɛnyɔɔ.

'Nyügälɩjawii 1:9

'Mɔɔ Jaan, ɔ bäa' bɩa 'ana ‑wlajʋ nɩ, 'nyraa 'amɩ bä ‑sʋɩ 'lɩ 'Kamaplä 'lɩ nyra Jesu 'Kriisë 'lɩa 'mlɩkpʋkplɔkʋ 'lɩ. Nyɔsʋaawiia ‑gʋ nyra 'cɩcasalä 'paaa' Jesu 'Kriisëa ‑gäa ‑gʋ 'ü nrörö 'mɩ ‑jienyɔɔ 'lɩ dugbalä 'ü 'daraa' Patëmɔsë 'äa 'mlɩ.

2 Piɛɛrë 1:6

wiijejrekʋa ‑gälɩ nɩ, 'ba 'palɩ 'ana 'mʋgbɛa 'tierekʋa jejrekʋ, 'ana 'mʋgbɛa 'tierekʋa ‑gälɩ nɩ, 'ba 'palɩ plɛblöblökʋ ‑sʋɩa 'mlɩ, plɛböblökʋa ‑gälɩ nɩ, 'ba 'palɩ Nyɔsʋaa ‑gbaa kpasrakʋ,

1 Tɛsalonikënyüü 1:3

'Asɩ a bibiea' ana Tʋ Nyɔsʋa nɩ, a 'paa 'jrʋpalä 'ana nyɔsʋaplɛ ‑fɛɛɛa', 'äa ‑gä plɛ, 'ana ‑wawlakʋlʋ ‑fɛɛɛa' 'jrʋpa nyra 'ana plɛlɛ 'a 'piea' ana 'Pläkänyɔɔ Jesu 'Kriisë ‑gälɩ ɛnyɩ sɩaa'.

2 Korɛɛntënyüü 11:23

'Kriisëa 'jrʋpafɛnyüü 'ü bä? 'Nyaa 'üün wii ‑gba 'palaa ‑beere sakla 'kasa nyɔɔ: 'n bä 'Kriisëa 'jrʋpafɛnyɔɔ 'nyaa ‑si 'ümɩ 'wʋ. Üma ‑fɛjrʋpa nɩ, 'n ‑si 'ümɩ 'wʋ. 'N jre ‑jie 'nyaa ‑si 'ümɩ 'wʋ; diili 'ü 'kaklaa' 'mɩ 'nyɩ 'ia ‑täsäsa ‑a bä. 'N 'ma jäjä ‑gba 'kä 'nya ‑si 'ümɩ 'wʋ.

2 Korɛɛntënyüü 5:9

'A 'ia ‑gʋ ‑bakää anyɩ tɩɔ ‑taa fugbaa 'mlɩ, 'aiɛ ‑bakää anyɩ sɔ 'lɩ, wiili kä 'doo a 'bataa' nɩ, amä 'ɔɔn 'tʋkä.

Rɔmënyüü 2:7

Nyüülü nöa' 'cɩcagbi 'plɔʋplɔʋ, ‑bɛ ü 'bataa' 'bʋalakʋ, 'lɩträäräkʋ nyra dɛɛlɛ 'nyɩa' bɩarafa kä nɩ, 'ɔnya 'üün 'klälä 'nyɩa' blöröfa kä ‑nyɩa.

Lukë 18:1

Jesu nya 'pala 'üün tapönänä 'klɩ ‑bɛ 'ɔ srara 'üün 'sɩrɩ 'ü käa' 'ümäa' nyɔsʋabibie 'plɔʋplɔʋ, 'üa 'klü 'nyɩ jä 'lɩ.

Lukë 8:15

'Mʋfatʋtʋlʋ kä ‑gälɩ 'jaju böblöa' nɩ, 'a ‑mülü nʋa' 'üa plɛ ü 'kplaa' nyɔsʋaawii 'cɩcasa, 'ünyɩ ‑trɔa' 'iin, ‑bɛ 'ü tʋäa' ‑bakää ‑sʋɩ bälɩ.

Ebröönyüü 13:13

'Ii känyrɩ, a 'cie amä tɛrɩ 'ɔ bäa' mi. A 'nyie 'ümä amɩ 'nyüsü 'blara ‑beere 'ɔɔn.

1 Timotee 5:17

'Cɛcɩtagbülü ‑gbaaa' 'cɛcɩ 'mäklɩ 'mʋfasa nɩ, 'ü kä 'ümä 'bʋala 'wʋ 'sɔɔwʋ, 'üülü 'paaa' nyɔsʋaawii ‑bɛ 'ü 'kpɩa nyüü 'üü kälä 'iin ‑gba ‑gböösa.

2 Tɛsalonikënyüü 3:8

Anyɩ nyɔɔa jijrɛ ‑a ji 'flɛɛlɩ. ‑Sʋɩa 'mlɩ a ma ‑fɛɛɛrɛ 'jrʋpa ‑srɩ ‑bɛ ‑gbia, a ‑pɩ ‑gʋ nyɔɔ ‑molooa ‑gblɛ bä.

2 Tɛsalonikënyüü 3:5

Abɩa 'Pläkänyɔɔ 'tiere 'ana polu Nyɔsʋaa ‑wawakʋa 'pɛlɩ, nyra 'Kriisëa 'wʋsɔɔrɔkʋ 'lɩ!

1 Tɛsalonikënyüü 2:9

'Na ‑wlajü 'amɩ, 'jrʋpalä a ‑fɛa', 'sɩrɩ a sɩaa', 'n jresaa 'a ‑kaaŋlʋ 'iin ‑trɔ: ‑srɩ ‑bɛ ‑gbia kɔsɔ, a ‑fɛɛɛ 'jrʋpa a ‑pɩ 'ana nyɔɔ 'doo 'wli kʋ. 'Asɩ a 'sara 'lɩ 'amɩ Nyɔsʋaa 'Mʋfagogo.

Filipënyüü 4:3

‑Na 'mʋgbɛ ‑mɔ 'nyraa 'ɔɔn ‑fɛɛɛa' 'jrʋpa 'döö, 'n bibie ‑mɩ ‑ji 'ŋlëgë 'sɔɔlü ‑gba. 'Üü ‑bɛ Klemaa 'nyraa nyüü ‑mülü nyra 'üü ‑fɛjrʋpa 'kä Nyɔsʋa 'Mʋfagogo 'mä ‑pɩɔa 'fɩɔ 'kägbaala. 'Üa 'nyrɩ ‑jɩjra 'Kläa ‑Pɔɔkʋ 'lɩ.

Filipënyüü 2:16

'Ama nʋ 'saa nɩ, 'papawiili ‑nyɛɛa' 'klä, 'ii 'a srara 'üün. ‑Srɩlɩ kä 'mlɩ 'Kriisë 'mäa' ji nɩ, 'iibä 'na 'lɩgbagbakʋa ‑srɩ; 'be nyüü nya 'saa jrea 'sɩrɩ 'nyɩa' 'fëflɛsa fɔ, 'sɩrɩ 'nyɩa' bɩa 'jrʋpa ‑fɛ 'fëflɛsa.

Galaatënyüü 6:2

'Ba jöjrögba: 'ama nʋ 'saa nɩ, 'Kriisëa ‑dɔ 'a ‑träärälɩ.

2 Korɛɛntënyüü 10:15

Anyɩ ‑gbalɩ nyüü ‑mölööa 'jrʋpaa ‑gʋ ‑a, 'i 'pɩ ana blöröfa ‑gälɩ. ‑Maa a jresaa 'ana nyɔsʋaplɛ ma 'bʋa 'sɔɔwʋ nɩ, ana 'jrʋpalä a ‑fɛɛɛrɛa' 'ana ‑nyɛɛ nya bɩa 'bʋaa ‑gböösa.

2 Korɛɛntënyüü 6:5

bɔtɔdii, ‑jielɩpapakʋ, nyüüa blara amɩ 'crɛ, 'lɩklajrʋpa, anyɩ 'mʋmɔ 'mʋmɔ ‑a, ‑gbëka.

Rɔmënyüü 16:12

'Ba 'trɛɛ Trifɛnë nyra Trifosa 'ŋlëgëlü ‑fɛ 'Pläkänyɔɔa 'jrʋpa. 'Ba 'trɛɛ 'na ‑wawawladia Pɛsidaa, 'ɔ ‑fɛɛɛ 'jrʋpa ‑gböösa 'Pläkänyɔɔa ‑gʋ.

Lukë 21:19

'Ii känyrɩ 'a 'nɩ fɔlɔ 'iin 'klɩ: 'asɩ 'anya 'lɩmlɩwʋ.

Marëkë 15:21

Nyɔɔ 'doo sɔ ɩ 'klʋɛɛ, 'ɔɔ 'ü 'dara Simɔɔ Sirɛɛnëbätäa nyɔɔ, 'ɔɔ ‑gu Alesandrë nyra Rufusë. 'Ɔ jia' ‑sikalɩ nɩ, 'sʋgɩa nya 'kpla 'ɔa 'klüa nɔ, ɔ ‑gbötö Jesua krʋa.

1 Tɛsalonikënyüü 5:12

‑Gbala a ‑gbala 'amɩ ‑wlajü 'amɩ, 'ba ‑träärälɩ nyüülü bäa' 'ana ‑tɔrʋpɩɔ ü ‑fɛa' 'Pläkänyɔɔa 'jrʋpa, ü 'tierea' 'amɩ, ü 'paa' 'amɩ ‑tɔɔlɩ.

1 Korɛɛntënyüü 16:16

'Ba ‑träärälɩ 'ia 'samaa nyüülü, nyra 'üa 'jrʋpawʋfɛɛrɛnyüülüa 'fɩɔ nöa' 'üa plɛ ü ‑fɛɛɛa' 'jrʋpa.

Lukë 5:5

'Iibäa' Simɔɔ nɩ: «'Kamanyɔɔ, anyɩ 'mʋmɔ ‑a 'mʋmɔ ‑gbiara, a fɩafɩa anya sɩa, anyɩ dɛɛ ‑a 'jä. ‑Maa ‑gbaa' 'iin nɩ, 'nyaa ‑tata bea.»