'Nyügälɩjawii 1:5 - Kuö Dëdrä Jenɛɛsë Rutë

⁵ nyra bɩa Jesu 'Kriisëa ‑nyɛɛ. 'Ɔɔ bä nyɔɔlɔ 'nyɩ sɔa' nyɔɔ dɛrɩ ɔ 'jäa' 'ia wiili, 'ɔɔ bä ‑kätɩjʋlɔ sɔa' jäjänyüüa ‑tɔrʋpɩɔ, 'ɔɔ bä 'pläa 'kɩɩa 'Kamanyɔɔ. 'Kriisë ‑wa amɩ, 'ɔnya ‑srörö 'ɔa ‑toru kälɩ 'ɔnya ‑futo amɩ ana ‑balʋa ‑gʋ.

'Nyügälɩjawii 1:5 Referans Kwoze

Ebröönyüü 9:14

'iibä 'Kriisëa ‑toru ‑sɔɔrɔ 'wʋ ‑gböösa 'unya ‑si 'iin 'wʋ. ‑Susulu 'nyɩa' blöröfa käa 'klüa 'nyrɩklɩ, 'Kriisëlɔ 'nyɩa' bʋbɔdɛɛ ‑gba kä, 'ɔɔ 'sara 'ɔa nyufa Nyɔsʋa kälɩ. 'Asɩ 'ɔa ‑toru 'mä 'ana bobowii kpëtä. Bʋbɔgbili plaa' nyɔɔ ‑fre 'lɩ kä i fala jäjä mlɩ, 'a 'ii 'u kpëtä. 'I bäa' 'sa nɩ, a 'mrɛɛ a ‑fɛ 'Lɩbä Nyɔsʋaa 'jrʋpa.

1 Jaan 1:7

‑Maa ama 'nyɛrɛ ‑srɩ 'klɩ, 'sɩrɩ 'ɔa 'mʋgbɛ bäa' ‑srɩ nɩ, anya ‑maa, 'kä 'ɔa 'jʋ Jesu 'Kriisëa ‑toru nya amɩ ‑gbafuto, ana ‑balʋa 'fɩɔa ‑gʋ.

'Nyügälɩjawii 17:14

'Ü nyra ‑bablëëjʋ 'mä tou ‑fu, ‑maa ‑Bablëëjʋ nya 'üün dua, 'be 'ɔɔ bä 'pläkänyüüa 'Pläkänyɔɔ, 'ɔɔ bä 'kɩɩɩa 'Kɩɩ. 'Ɔɔ ‑bɛ nyüülü bäa' 'ɔɔn dɛrɩ, ü 'ɔ 'baa' 'lɩ ‑bɛ 'ɔ wea', 'ɔa plɛtoronyüü, 'ünya 'üün dua.»

Kolɔɔsënyüü 1:18

'Ɔa 'mʋgbɛ bä 'ɔa fugbalä bäa' 'Cɛcɩa 'wli. 'Ɔɔ bä Cɛtrɛfa, 'ɔɔ ‑kätɩ 'sɔɔ 'kuaabre, 'ɔmä wiia 'fɩɔa 'wliklɩ bä.

1 Piɛɛrë 1:19

'Kriisëa ‑torulu käa' ‑gböösa ‑gba, 'uu 'ɔ nʋ. Jesu ‑beere kä ‑bablëëjʋ 'nyɩa' bʋbɔdɛɛ ‑gba kä, ɔ kä ‑gba 'nyɩa' 'kpafa bä.

Akëtë 26:23

'ü nɩnɩa 'Kriisë nya ‑sʋɩ 'jäa, 'ɔɔ ‑kätɩ nëmä 'kuaabre sɔ, 'kä 'ɔnya ana nyüü nyra nyüülü 'nyɩa' juifë bä ‑gbala 'sɩrɩ 'napɛ nya 'a ji.»

'Nyügälɩjawii 19:16

'Ɔa 'kotu nyra 'ɔa bʋapuua ‑gälɩ ‑jɩjra ‑taa 'nyrɩlɩ: «'Kɩɩɩa 'Kɩɩ nyra 'pläkänyüüa 'Pläkänyɔɔ.»

1 Jaan 4:10

‑Jää dɛɛlɛ bäa' ‑wawakʋ: ‑mää amɔ 'nyɩ Nyɔsʋa ‑wa, ‑maa 'ɔɔ ‑wa amɩ. Ana ‑wawakʋa ‑gʋ nɩ, 'ɔnya 'sa 'ɔa 'Jʋ ana ‑balʋa ‑gʋ ‑bɛ 'ɔa 'crɛ 'mä 'wʋcie.

Jaan 18:37

Pilatë nya 'bete 'ɔɔn: «‑Yaa! 'Kɩɩ ‑bä 'kasa?» 'Iibäa' Jesu nɩ: «'Ii ‑saalɩ, 'kɩɩ 'n bä. 'N ‑glooro 'nyaa ji 'pläa 'mlɩ 'mä 'cɩcasaa ‑gä 'pa. Nyɔɔ o nyɔɔ ‑waa' 'cɩcasa nɩ, 'ɔ po 'na 'papawii 'nyakli.»

'Nyügälɩjawii 3:14

«‑Jɩjra 'aanjëlɔ bäa' Laodisiia 'cɛcɩa 'wliklɩ 'wʋ, ‑gbala 'ɔɔn ‑maa: «Nyɔɔlɔ känyrɩ bäa' 'Asɩ i bä, nyɔɔlɔ ‑gäa' 'klɩ ‑bɛ ɔ 'saalɩ 'cɩcasa, ɔ bäa' diili kä 'fɩɔ Nyɔsʋa nʋa' a 'wliklɩ, ‑jäsɩ 'ɔ ‑gbaa:

'Nyügälɩjawii 7:14

'Nëma: «'Pläkänyɔɔ, ‑mɔ jre 'iin.» 'Ɔ ‑nëma: «Ü kʋa' ‑pɩ nɩ, 'a ü 'jäa' ‑sʋɛ kpaki. 'Ü pɔtɔ 'üa 'koti, 'ünya ‑srörö 'iin ‑Bablëëjʋa ‑toru 'lɩ 'inya 'pɔlɔ.

Matiö 28:18

Jesu nya jijrö 'üün ‑gba 'ɔ ‑nëma: «Nyɔsʋa ‑nyɩ 'mɩ ‑tʋtʋ nyra cɛlɩa 'kama 'klüa 'fɩɔ.

1 Timotee 6:15

Nyɔsʋa nya 'ɔɔn jaa 'ɔa jrüülü 'ɔ ‑tʋa' 'lɩ ma jrälɩ. 'Ɔɔ bä 'tasɩrɩa dɔrʋ, 'ɔa 'doo 'ɔɔ bä 'Bɩɔ, 'ɔɔ bä 'Kɩɩɩa 'kɩɩ, 'Pläkänyüüa 'Pläkänyɔɔ.

Ɛfɛsënyüü 2:4

‑Maa ana nyatɛrɩ 'si Nyɔsʋa 'klɩ, 'ɔnya ‑wa amɩ ‑gböösa,

Ɛfɛsënyüü 5:2

'Ba 'nyɛrɛ ‑wawlakʋ 'lɩ, 'sɩrɩ 'Kriisë ‑waa' amɩ. 'Ɔ 'sara 'ɔa nyufa Nyɔsʋa kälɩ ‑gbɔa 'sa ana ‑gʋ; 'ɔ bä ‑gbɔlʋ kä 'nɔnʋ käa' Nyɔsʋa 'tʋ.

Akëtë 20:28

'Ii känyrɩ 'ba ‑tre 'ana nyüfë, 'ba ‑gäälä nyüülü kä 'fɩɔ 'Nyüna ‑Susu ‑nyɩa' 'amɩ kälɩ 'nyü ‑gba, 'sɩrɩ nyɔɔ ‑glaara ‑bablëëjü ‑gälɩ. 'Ba bä Nyɔsʋaa 'cɛcɩa 'nyiöligälänyüü; 'ɔa 'Jʋa 'mʋgbɛa ‑toru 'ɔ nʋ 'ɔnya ‑su 'üün.

Galaatënyüü 2:20

'Mɔɔ ‑bɛ 'Kriisë järä 'wʋ krʋa ‑gälɩ. ‑Ama ‑ka bälɩ nɩ, ‑mää 'mɔɔ ‑kanyɩ 'plä 'wʋ bä, ‑maa 'Kriisë 'ɔɔ bä 'mɩ 'lɩ. 'Na 'klälä 'n 'klaaa' ‑plɩɩ ɔ nɩ, Nyɔsʋaa 'Jʋ 'n toroplɛ ‑bɛ 'n 'nyɛɛ. 'Ɔɔ ‑wa 'mɩ, 'ɔnya 'sa 'ɔa nyufa 'na ‑gʋ.

'Nyügälɩjawii 11:15

'Pɩrɩgälɩ nɩ, ‑uunsɔɔa nɔ 'aanjë nya bö 'ɔa dɛglɛ. Mlɩa wii kpakü 'pala cɛlɩ wii, ‑bɛ 'i nö: «‑Tʋtʋ ‑gälɩa nyüüa 'kamaplä bä ‑mlatɩ ana 'Pläkänyɔɔ nyra 'ɔa 'Kriisëa kälɩ, 'kä 'ɔa 'kamakʋ nya 'lɩbä 'plɔʋplɔʋa ‑gʋ!»

1 Timotee 6:13

‑Mɔ 'n ‑gbala Nyɔsʋaa 'klɩ, Nyɔsʋalɔ bäa' diia 'fɩɔa ‑fʋflʋa 'käkolofa, nyra Jesu 'Kriisëa 'klɩ, Jesulɔ 'palaa' Pɔɔsë Pilatëa 'klɩ 'cɩcasa.

1 Korɛɛntënyüü 6:11

‑Bɛ 'asɩ 'ana ‑tɔrʋpɩɔa ‑mölöö ma bä. ‑Maa 'anya 'a ‑gbafuto, 'anya 'a 'klɩbere Nyɔsʋaa ‑gʋ, 'Pläkänyɔɔ Jesu 'Kriisë nyra Nyɔsʋaa ‑Susua 'nyrɩklɩa ‑gʋ, Nyɔsʋa 'daa 'a ‑gäklɩ.

Jaan 15:9

'Sɩrɩ 'na Tʋ ‑waa' 'mɩ, 'asɩ 'n ‑wa 'amɩ. 'Ba kʋ 'na ‑wawakʋ 'lɩ.

Jaan 13:1

'Paakëa ‑srɩ ‑ka bä dɛrɩ, ‑bɛ Jesu jre bɩa 'saa 'ɔa 'taɩn 'a 'lɩjrä 'ɔmä 'plälä kʋa' ‑pɩa 'mlɩ sɔ 'ɔmä Tʋa ‑nyɛɛ mi. 'Ɔ ‑wa 'ɔa nyüülü bäa' 'pläa 'mlɩ, 'ɔ ‑wa 'üün 'ɔnya ‑siewli.

Rɔmënyüü 8:37

‑Maa 'ia 'fɩɔlʋa 'mlɩ nɩ, amɔ ‑siwʋ ‑gböösa nyɔɔlɔ ‑waa' amɩ 'ɔa ‑gʋ.

Jaan 13:34

‑Dɔ dëdrä 'n ‑nyɛɛ 'amɩ: 'Ba ‑wawla; 'sɩrɩ 'n ‑waa' 'amɩ, 'ba nʋ 'saa 'ba ‑wawla.

Jaan 3:32

Wiili 'ɔ 'jäa' ‑bɛ 'ɔ 'nua' 'ii 'ɔ 'saalɩ, ‑maa nyɔɔ 'nyɩ 'dara 'iin wii ‑a.

Jaan 3:11

'Tasɩrɩa 'cɩcasa 'n ‑gbala ‑mɩ, wiili a jrea' 'ii a 'saalɩ, wiili ana 'nyü 'jäa', 'ia ‑gä a 'paa; 'asɩɛ 'anyɩ 'dara 'iin wii ‑a.

Matiö 20:28

'Asɩ Nyɔɔa 'Jʋ 'nyɩ bɩa ji ‑a ji 'ɔmä 'jrʋpafɛnyüü kä, ‑maa 'ɔ ji 'ɔmä 'jrʋpafɛnyɔɔ bä, ‑bɛ 'ɔmä 'ɔa 'klä 'sa 'kɔkɔmlɛ 'mä 'lɩmlɩwʋ.»

Jaan 3:16

'Be Nyɔsʋa ‑wa 'plä ‑gböösa, 'ɔnya 'sa 'ɔa 'jʋ 'doo 'doo, 'ia ‑gʋ nyɔɔ o nyɔɔ toroa' 'ɔɔn plɛ ‑pɩ jä, ‑maa 'ɔmä 'klälä 'nyɩa' blöröfa kä 'jä.

Rɔmënyüü 3:25

'A 'Kriisëlɔ Nyɔsʋa ja 'ɔ nrörö ‑gbɔ 'lɩ, 'ɔa ‑toru 'mä 'kägblɔɔ ‑bɛ 'ɔa 'crɛ 'mä 'wʋcie, nyüülü toroa' 'ɔɔn plɛ, 'üa ‑gʋ. Nyɔsʋa nʋ 'imɩ 'ɔmä nyüü ‑gbala 'sɩrɩ 'ɔ ‑gäa' 'klɩ, 'be ‑kätɩsa nɩ, ‑balʋlʋ nyüü ma nöa' nɩ, 'ɔ ma nö 'sɩrɩ 'ɔnyɩ 'jäa' 'üün 'wʋ, 'be ‑glaaa 'ɔ ma ‑glaaa.

Ebröönyüü 10:29

'Ii känyrɩ, nyɔɔ ma 'pala Nyɔsʋaa 'Jʋ 'crʋ ‑gälɩ nɩ, ɔma bobo ‑maa kuöa ‑torulu kpëtäa' 'ɔɔn ‑gba 'nyɩ ‑gbaa ‑a kä nɩ, ɔma ‑jree ‑Susulu sraraa' amɩ Nyɔsʋaa ‑gbinanakʋ nɩ, 'anyɩ bobo bobo ‑a 'sɩrɩ 'ia nyɔɔlɔ 'wʋa' 'sɔɔwʋ 'pʋnɩkʋ 'klɩ?

'Nyügälɩjawii 2:13

'N jre wiili ‑nöa' nyra ‑plɩɩlɩ ‑kʋa', i Sataan a 'kɩɩkpata bäa'. ‑Kpaasra 'na 'nyrɩ ‑gba. 'Ana ‑tɔrʋpɩɔ, i Sataan kʋa', 'ii 'ü 'blaraa 'na ‑gäpanyɔɔ Antipasë 'nyɩa' 'mɩ dɛrɩ sɔ. ‑Maa ‑mɔlɔ nɩ, ‑jää 'ia 'fɩɔ ‑maa ‑ka toro 'mɩ plɛ.

'Nyügälɩjawii 11:3

'Nyaa 'na nyüü 'sɔɔlë jaa' wiili 'n jaa' 'ümä 'na ‑gä 'pa; 'dügbö 'koti 'ümä 'lɩ pa ‑bɛ 'ümä Nyɔsʋaa mlɩa wii ‑sie jrüüa ‑diitää jrüüa ‑glʋɩtää (1 260).»

'Nyügälɩjawii 19:11

'Pɩrɩgälɩ nɩ, 'n 'jä cɛ 'ɛnya ‑jieroklɩ, 'nyaa 'jä 'pɔlɔ ‑sʋ. Nyɔɔlɔ kʋa' 'ua ‑gälɩ, 'ɔa 'nyrɩ bä Plɛtoronyɔɔ nyra 'Cɩcanyɔɔ. 'Klɩgägäkʋ 'lɩ 'ɔ 'bölö nyüü ‑gä ‑gälɩ ‑bɛ 'ɔ fa 'üün tou.