'Nyügälɩjawii 1:1 - Kuö Dëdrä Jenɛɛsë Rutë

¹ ‑Jää wiili ‑sisiea' i Jesu 'Kriisë bea' ‑fälɩ ‑taa ‑pɔɔkʋlʋa 'mlɩ. Nyɔsʋa srara 'ɔmɩ 'iin 'ɔmä 'iin 'ɔa 'jrʋpafɛnyüü srara 'ümä wiili jöa' 'lee jre. Jesu 'Kriisë blɔ 'ɔa 'aanjë ɔ ji ɔ ‑gbala 'mɩ 'iin, 'mɔɔ Jaan 'ɔa 'jrʋpafɛnyɔɔ.

'Nyügälɩjawii 1:1 Referans Kwoze

'Nyügälɩjawii 22:16

«'A 'mɔɔ Jesu, 'mɔɔ blɔ 'na 'aanjë ɔ 'pala ‑taa wiili 'cɛcʋ 'lɩ. 'Mɔɔ bä Daviidëa tugbluulu ‑gaala 'lɩ ‑gba, 'ɔa ‑glügbö 'klɩa nyɔɔ. 'Mɔɔ bä ‑suwlaa pöplö ‑särëeji.»

'Nyügälɩjawii 22:6

'Aanjëlɔ nya ‑gbala 'mɩ: «'Papawiili bä plɛgälɩpiesa, 'inya bä 'cɩcasa. Wiili nëmäa' 'lɩjrä, 'ii 'Pläkänyɔɔ, Nyɔsʋalɔ 'tierea' mlɩpalanyüüa ‑sisi nya ja 'ɔa 'aanjë 'ümä 'iin 'ɔa 'jrʋpafɛnyüü srara.»

Galaatënyüü 1:12

'Be ‑mää nyɔɔ 'nyɩ 'mɩ 'iin ‑gbala, ‑mää 'ɔɔn 'nyɩ 'mɩ 'iin 'kpɩa. ‑Maa Nyɔsʋa 'ɔɔ srara 'mɩ Jesu 'Kriisë.

Ɛfɛsënyüü 3:3

Nyɔsʋa srara 'ɔa nyufa 'ɔnya srara 'mɩ diili ‑sisiea'. 'A 'ia diijie 'n ‑gbala ‑plɩɩ 'amɩ.

'Nyügälɩjawii 1:19

‑Jɩjra wiili ‑jääa': wiili ‑sööa' 'köklesa nyra wiili nëmäa' 'lɩ 'tɔrɔ ‑taa diili ma ‑si.

'Nyügälɩjawii 1:9

'Mɔɔ Jaan, ɔ bäa' bɩa 'ana ‑wlajʋ nɩ, 'nyraa 'amɩ bä ‑sʋɩ 'lɩ 'Kamaplä 'lɩ nyra Jesu 'Kriisë 'lɩa 'mlɩkpʋkplɔkʋ 'lɩ. Nyɔsʋaawiia ‑gʋ nyra 'cɩcasalä 'paaa' Jesu 'Kriisëa ‑gäa ‑gʋ 'ü nrörö 'mɩ ‑jienyɔɔ 'lɩ dugbalä 'ü 'daraa' Patëmɔsë 'äa 'mlɩ.

Jaan 3:32

Wiili 'ɔ 'jäa' ‑bɛ 'ɔ 'nua' 'ii 'ɔ 'saalɩ, ‑maa nyɔɔ 'nyɩ 'dara 'iin wii ‑a.

Jaan 15:15

'N ‑ka ‑nëmä 'amɩ 'jrʋpafɛnyüü ‑a 'dara. 'Jrʋpafɛnyɔɔ 'nyɩ jre wiili kä 'fɩɔ 'ɔa 'kamanyɔɔ nöa' ‑a. Ama 'dara 'amɩ ‑gbötü nɩ, wiili kä 'fɩɔ Tʋ 'kpɩaa' 'mɩ 'n 'kpɩa 'amɩ 'ia 'fɩɔ.

'Nyügälɩjawii 4:1

'Ia ‑sia' nɩ, 'n 'jä dii ‑mɩdoo. 'N 'jä tatua 'saradɛɛ cɛɩɩa 'mlɩ. 'Papawiili 'nyaa käa' 'wli 'nu, i 'paaa' wii ‑gböösa ‑beere dɛglɛ nɩ, 'i ‑gbala 'mɩ ‑maa: «'Jra ‑tɛ 'mä ‑mɩ wiili käa' imäa' 'lɩjrä srara.»

Jaan 12:49

Wiili kä 'fɩɔ 'n 'paa', ‑mää 'na 'dooa plɛklɩa wii ‑a, ‑maa Tʋlɔ blɔa' 'mɩ, 'ɔ ‑gbala 'mɩ wiili 'mäa' 'pa.

Jaan 8:26

'N kä 'kɔkɔmlɛ 'mä 'ii 'pa 'ana ‑gʋ, ‑gä 'kɔkɔmlɛ bä 'amɩ ‑gälɩ 'mä 'ään ‑tʋ. Nyɔɔlɔ blɔa' 'mɩ 'ɔa nä bä 'cɩcasa, ‑bɛ i 'n 'nröröa' 'ɔa mlɩ 'wli, 'ii 'n ‑gbala 'plä.

'Nyügälɩjawii 21:2

'Nyaa 'jä Jerusalɛɛmë dëdrä, 'nyünabätä, ‑bɛ 'ä sɔ cɛlɩ Nyɔsʋaa ‑nyɛɛ ‑bɛ 'ä jö. 'Ä 'na 'mʋfasa, 'sɩrɩ 'ŋlʋʋ ‑glaaa' 'ümäa' 'ɔɔn 'ɔa dʋɔ fa.

Rɔmënyüü 16:25

A 'bʋala Nyɔsʋa! 'Ɔɔ 'mrɛɛ 'ɔ ‑nyɩ 'amɩ 'klü 'sɩrɩ 'Mʋfagogolä 'n 'saraa' 'lɩ 'amɩ; 'ää 'paa Jesu 'Kriisë ‑gä, 'ää srara amɩ wiili Nyɔsʋa 'piea', i 'ɔ ‑sisiea' ‑sɩ a ‑sɩ.

Jaan 17:8

'Be ‑na mlɩa wiili ‑nyɩa' 'mɩ nɩ, 'ii 'n ‑nyɩ 'üün. 'Ünya 'nyiere 'iin 'klɩ, 'ünya jresaa 'kasa ‑na ‑nyɛɛ 'n sɔ, ‑mɔ blɔ 'mɩ.

Titë 1:1

'Mɔɔ 'Pɔɔlë, Nyɔsʋaa ‑geei nyra Jesu 'Kriisëa apotrë, 'mɔɔ ‑jɩjra. Nyɔsʋa ‑gbala 'mɩ ‑a we 'ɔa nyüülü 'ɔ 'baa' 'lɩ 'ümä nyɔsʋaplɛtoro, 'ümä 'cɩcasa jre, 'üa 'nyɛnyɛkʋ nyra 'üa nyɔsʋaplɛ 'mä dɛɛ 'dee bä.

'Nyügälɩjawii 5:7

'Ɔnya jijrö 'lɩ nyɔɔlɔ kʋa' 'kɩɩkpata 'wʋa ‑gba, 'ɔnya 'ba ‑pɔɔkʋlʋ nyɔɔlɔa 'dupa 'darʋ 'lɩ.

'Nyügälɩjawii 17:1

'I ‑sia' nɩ, 'aanjëlü 'klaa ɩa' ‑köwü ‑uunsɔɔlüa ‑tɔrʋpɩɔa 'doo nya ‑gbala 'mɩ: «Ji 'mä ‑mɩ ‑gälä nëmäa' 'tutuŋlʋʋ kpakö ‑gälɩ blö srara. 'Äälä bäa' bätä kpakölä 'palaa' 'nie 'kɔkɔmlɛa ‑gälɩ.

'Nyügälɩjawii 19:9

'Aanjëlɔ nya ‑gbala 'mɩ: «‑Jɩjra wiili kʋa' ‑pɩ: Abɩa dɔrʋ 'bla nyüülü 'ü werea' ‑Bablëëjʋa 'titiöa ‑glɩsɩglɩsɩ 'lɩ.» 'Ɔnya ‑gbala 'sɔɔwʋ 'mɩ: «'Ia waklüülü bä 'tasɩrɩ Nyɔsʋaa wii.»

'Nyügälɩjawii 19:10

'Nyaa ‑gbri 'na 'klʋɩ ‑tʋtʋ 'wʋ 'kä 'nyaa trara 'ɔɔn 'wli, ‑maa 'ɔnya ‑gbala 'mɩ: «‑Nyɩ nʋ 'imɩ! 'Sɩrɩ ‑bäa' Nyɔsʋaa 'jrʋpafɛnyɔɔ, 'na 'mʋgbɛ 'n bä ‑na 'jrʋpafɛnyɔɔ nyra ‑na ‑wlajülü sraraa' nyüü 'cɩcasalä Jesu crɛrɛa' 'wʋ, 'üa 'jrʋpafɛnyɔɔ. Nyɔsʋa ‑kä ‑mä 'wlitrara! 'Cɩcasalä Jesu sraraa', 'ää bä nyɔsʋaamlɩpalanyüüa 'papawiia 'tasɩrɩa kpöö.»

'Nyügälɩjawii 21:9

'Aanjë ‑uunsɔɔlü 'klaa ɩa' ‑köwü ‑uunsɔɔlü 'sia' dɛrɩtäpaa busukʋ ‑uunsɔɔ 'klɩ nɩ, 'üa ‑tɔrʋpɩɔa 'doo nya ji 'na 'pɛlɩ 'ɔ ‑nëma: «Ji 'mä ‑mɩ 'ŋlʋʋlɔ 'tiea' srara, ‑Bablëëjʋa 'ŋlʋʋ.»

'Nyügälɩjawii 22:1

'Pɩrɩgälɩ nɩ, 'aanjëlɔ nya srara 'mɩ 'nielɩ ‑nyɛɛa' 'kläa 'nɩ, 'i 'järälɩkä ‑beere ‑glasɩ; Nyɔsʋaa 'kɩɩkpata nyra ‑Bablëëjʋ 'lɩ 'i sɔrɔ.

'Nyügälɩjawii 22:8

'Mɔɔ Jaan, 'mɔɔ 'nu wiili 'wli 'nyaa 'jä 'iin. 'N 'nua' 'iin 'wli ‑bɛ 'n 'jäa' 'iin nɩ, 'n 'pie 'na nyufa ‑tʋtʋ 'wʋ 'aanjëlɔ sraraa' 'mi 'iin, 'ɔa 'klɩ, 'mä 'ɔɔn 'wlitrara.

'Nyügälɩjawii 22:9

‑Maa 'ɔ ‑gbala 'mɩ: «‑Nyɩ nʋ 'sa! 'Na 'mʋgbɛ 'n ‑beere ‑mɔ, Nyɔsʋaa 'jrʋpafɛnyɔɔ 'n bä bɩa, ‑beere ‑na ‑wlajü nyɔsʋaamlɩpalanyüü, ‑beere nyüülü kä 'fɩɔ ‑trääräa' 'lɩ wiili bäa' ‑taa ‑pɔɔkʋlʋa 'mlɩ. Nyɔsʋa ‑kä ‑mä 'wlitrara!»